Love Story
Writer: S.Lien.
Arrange: Naocy Haokip
(Part – III)
cheho chu sei ngailou, ka bol didol ka bol hichula-em kati leh, hiti hin ahin seitai.
Nunthar: He U, kam khat cha ajong na koma kipa nathu seiman louva nei dalhah jeng chu nom mo kasa lheh e.
Keima: Ipi sei khel khel ngai hamo, Sei hih jong lechun kahenai Nunthar, na seinom mong monga ahileh inn a kahung phat leh sei nan nate😂
Nunthar: Tua kasei thei lou di na.
Kei: Seitheiye na seinom mong leh kati phat’in,
Nunthar: Onem heuvin, U Lalboi,… Nangin kahinkho nei huhdoh peh ahin, keiman hin lethuh na ding nang kipa nading nei leng kanom val in….
atin ipi ham khat chu seinom ahi chu kahen seidoh nomjep lou hiding a kamon mo phat’in hiti hin kagah daijin,
Kei: Neipeh nom leh na nei ngei hih ding ham hijongleh… Na Doctor pachu 🤣 vang, kagah ti leh,
Nunthar: Koi ham ka doctor chu,, Oo ,kahetai 😅 imacha ahipoi chepa chu, Ipi ham nadei kanei chu, It naisai ponge nanga din, kanei aum leh, ahin tin,
Kei: O kipa aume leh kadei chu NUNTHAR ahi 😅 Nunthar: Tot louvin sei ji tango LALBOI, Nang jal’a Nunthar (eipaova Hinna thah) kahitai, ka hin na hi nanga ahin nang thu thu ahi, totna a kasei ahipoi onk, nang tot tit tet jong lechuh, eihin ti phat in,
Kei: Imacha hilou nati na Body Gourd pa chun ahin phal ding hinam? 🤭 Nunthar: Jocker e chepa hi, adih tah seiyinge o, ama pa chun kum2 masanga kon a ei khuti jol’in tin kei la nom naisailou, iti kahou set vang ahai deh lou, ka nu inkote ahin, gah moh bol val ding chula kapu te ahikit leh nom jep lou intin, ka nu leh kapan ei deisah kit nalaiyu, alhaset lou nadinga kahou phat mai mai ahi,
Na lunggel dih tah nei seipeh thei ding hamo ULalboi, na tot mai mai, ken thutah a kana lah sangin, ahin ti tai
Keiman: 👏 Ka kinep phahlou, hijong leh kalung laija chamjing, keiya dinga kipa um tah kamcheng nei seipeh jeh-in na koma kipathu seitho ajong seijou hoi hilou kaneiye ti chu ana he masan o Nunthar, Kahin mu til’a pat chun kahin pehsa hileh kilom jengin Lunset mel’in kahin mu’n, naki suhkhah jeh a lungset na chu thuchom hitaleh, “Lungset kachan sunggil’a seidoh theilou” kiti chun ei hin jel soh hel tan, hinla tua nadam lou laiya sei di kanop lou ahin, hijongleh nangin seidoh thei na dinga kot lentah nei honpeh jeh a kaki got na phat lhing nai hih jong leh kahin sei jeng ahi tai,
Nunthar: Na tah tah hinam heu Lalboi, ka hin ngaival e he U “Muah’
Ke’n ka accident chu vangset na ham kana ti leh,
Pathenin, melmukhah lou Lungset sangpen toh ka kimuto na dinga eigon peh ana hijoi 👏
Keijong, Eingai tah tah ahinai, ti kahet phat’in, ki lungmon sah deuvin ka gah daiyin,
Ash!! Nunthar thusei vang na them thouve o,
A jan janin kihung jeng leh kanom bouve, oleh kinem tah a ihung leh….. Ikhat pa chu anaumin houmo keiyin na um khadem😂😂
Nunthar: Kakidah e sei sei hih in 😡
Kahin ngaidan hi kam a sei mai mai in tahsan pon nate, atah a ikimu lemchang phat leh hena veh tachun😂😂
Kei: Ole kipa aume, jan jong asot tan kicholdo tan o, lel kit khan nate jing leh Hepa chun eikou hija na inn uva kahung ding ahi
Bye🖐 goodnight 💗💗
Nunthar: Ok 👄👩❤👨 same to You Bye
Insunga kaga lut leh Kapinu’n ei na nuisat heu houvin, Koiho hija hunglhung pan pan’a mijong chu nahet vah toh na e, nungah hilou hamo, atin, Kapi chu mipha milungtheng ahin ama kom a chu jou jong kisei nom lou, Umm, hidehta, nungah ahilou leh che chan chan chu koi kihou ngap diham, Hmar nungah melhoi tah Tunu nahin nei maithei ahe😂 ka gah ti leh, Phachu, phachu eimi cheh cheh hijong leh jatdang jep hohi lahlut di hichu, I sum neilouvu toh🤭 ahin tileh Ka pu’n alu ahin sudot’in, Dih achui 👍
Eiho pi hi loikhat deh deh, achanu ilah leh kihou pat na dinga vohchal tuh nga, aman toh ipi pi ham toh agom a Lakh khat’in thoh jilou,
Isopi hou, Paite, Hmar, Zou, Simte, Gangte Vaiphei leh adang dang ho achih na khat’u chu, a chanu chen nading chu Inn gap leuva a lha nom louvu hi ahi ching kasahna ahin tileh, Kapi in, Chechu hichula, kenjong kasei chu Nang seipi chu a detail val’e, angainom lou jong umthei hichu, ahin tileh, Kapu’n, Angaimah ding ho kom ah apha phan kisei naveh ta o😂 ahin tin chomkhat kahou lim jouvun. Jan pung som le ni (12) lang ahi phat’in kalum tauvin ahi.
Ajingkah pung 6 lah in Kapu len, tua ka umna Kapu Upa’n eihung kou kouvin, Hepu, ka ihmut soh nalaiye, kati leh, ahipoi Lalboi hung thouvo Lou cho a iga chedi ahe ati phat’in, ihmut thei hideh talou kahung thouvin ka kisuh theng jouva, Cha kadon nauvah, hoilaiya em..?Hepu loucho a ichedi kati leh, (Kapu chu thinglhang’a um mol thet khat ahin, ama jong ipi piham ho leh louchoh tokop’a chu hung jin ahi) hitihin a hin sei tai Daitui farmacy a kivet sah tokop’a, ahin tin, gah nuisat ding chula nom jeplou 🤭
Hoilai ong Daitui pharmacy chu, kati leh, Kate kate che nasan khu nahet loulai hamo, Bus sitason sah a Rongzakai cinema hall maiya lamlen’a khu iche tou tou leh Tipaimuk dot lhanga khu, ahin ti leh ka bon uva kahung nuiyun ahi😂😂
Kaga choh jou vun ann ka neuvun ka neh jouvin Saikot langa chedin kahung kisan, Gari kahin sop thengset’in, chejou chun kei kahung kivon in, Jean toka khat toh T-shirt vom khat ka hin thoa kengkoh snicker khat kahin bua dressing table maiya kahung din chu, Bolero neipa koma din chu kisonlel aumsam poi😂
Gari ka start in, chomkhat kaginsah in Saikot lang ka gah call tai…
To be Continue Next Episode
Note:
Lunglut tah a simchai jouse chunga kipathu kaseiye, Pathenin phatthei naboh cheh-u hen, aban ol’in anasim kit taute.
