Love Story
Writer: S.Lien.
Arrange: Naocy Haokip
(Part – II)
Recap:
Kadel lut’in akam leh kakam ka suto in kahu nei jouse kasemlut peh a a op ha sot’a kasot leh ahung phu dot’in ol-ol’in ahung hai doh tai
Helmate akhuh jeh chun bon aluchang asukha pon a oplah atakhah jeh a ahaidoh theilou thu ahin, vangphat umtah in ahung haidoh leh kho jong ahin hepai tan ahi,
Nungah chapang nu chu kipah val’in kaa leh nui kop in, umding danjong helouvin eihin kol’in He U, nang vanga Ka Unu athisa hingdoh kit ahitai atin, keiman, Boinu namin ipham, hoilaiya na um uham? kati leh kamin Ekizabeth Lalthienghlim ahi Saikot a um kahiuvin, Hmar venga kanuneo te inna kache got nauva, Bolero khat’in ei het khah uva kalhuh u ahi, ka accident’u jong mutei di ahiuvin ei dalhah thou thouvu hichula, atin lhase tah in ahin seiyin, a Unu chu apau ngap nailou vang chun kho ahe tan eihin ven, kisonlel melpu tah-in kipah tah-in ahung nui thim hiu heuvin, keiman, kichol tadin Gari kakou di ahi katin ka lup phat sah in, ka loipa Ecco van ka kouvin ahung lhun kah chun, chapang nu jah ah, Na inko te gah hil’o Boi Hospital lang hin jon’un gah tin lang, kati leh, Oo hingut chu o ka lungkham val’a cheho lang jong chu ka gel phah lou atin, a Unu bag a phone chu ala doh in agah call tai,
Eipao thengset’in atho theiyin, a inkote toh akihou phat uvin Hmar paova ahung kihouvu leh, kahet leh kahet lou kikim hel jeng😅
Akihou nau chu ka het danin, Henu, Ka u Nunthar toh Garineo’ah ka accident uvin, atil’a chu kho jong hetalou hai jong haidoh talou, ken athi kaa a ka ka jeng hita miho chun athin thin vang uva phachom lou, ngoideh jeng ta, chelai tah chun Gollhang feltah a meljong hoi, ei paotho khat garineova hung khat’in eihung tokhah a, akam a ahu a semlut peh a a oplah asot leh ol’a hung haidoh in tin kakipa dan dan chu, Pathenin eihin sol peh ahi, tua jong hi gari, Van khat akouva Hospital langa poh di ati ahi, Chelang joh chu hin del tauvin, ama um hih levang haidoh talouva umpai di ahin, tunvang kho jong ahetan, lungkham nadi aum tapoi, agah ti leh, A pan phone anuu akon chun ahin lan, Thienghlim, kahung lhun kah uvin, Gollhang pa chu ana che sah hihbeh in aw, ati hileh akilom e🤣
Chapang cha dinga achih theidan kamu doh in, gollhang khat amel jong hoi ahin ti chu kipah val’a melhoi tah a eimu jeng dan ahe 🤣
He U na phone number ahin tin, kapeh leh, iti kasave di ham U u Hmeltha, kati jeng ding ham, atin eihin daiyin, Lalboi ka hi e ka tin a save jou leh, ka gari kou jong ahung lhung chet’in, District Hospital lang ka jon tauvin ahi.
I sopi hou Paite golhang mi ni’n jong ahin juiyuvin Hospital Emargency a ima jouse ka chai jou uvin Female Surgical ward bed no 8 ah ei admit uvin, pon jong umlouva ward a lut ding chu lungdong thima ka um laitah uchun, A inkote ho Bolero thahset khat ah ahung kitol lut uvin, lungnop a um dom tan ahi, ahung lhun lhun’un a kisukha nu jong don masa louvin, keijoh chu eihol thethu jeng uvin, anaonu leh gollhang mi ni chun, amakhu ahi, atiu leh eihung chibai uvin aNu chu ahung kap hel jengin, seiding la kihe talou kajah a le chat ngap in ahi,, a Pan, a ipi chu hileh ward lang jon phot ute atin ka ki tol lut tauve, Alah uva mikhat Gari neipa ahi atiuvin, Gollhang len thim tah khat chalnol thim leulou khat jong ahung jaovin, adang hochun kipa thu asei chim thei pouvin, ama pa chun lungnop lou nakhat nei hileh kilom tah in eive lhi thim geh guh in, kineisah deuvin Nunthar chu a boipi the thu in ahileh Nunthar chun nommo sa thimin eihin ve diu deu ji in, ima aseilou vang chun seinom khat vang anei ahi ti chu amit heiya konin akilangin.
Aumdan chu het thei thim khat a umtan ahi, Chephat chun keiman, Henu, Hepa, na hung lhun tah uleh apha e, kei ana pot phot ingting, hung vil jiji nang e o, kati leh, a Nu leh Pa chun Gari neipa mulou kah chun amit in akihou jot uvin, Ole ole inmai chan hungthah unge, Khuma nangin Nunthar ana umpin o atiuvin kaki jot doh uleh Thienghlim injong kanung u ahin delin, Gollhang ni chutoh kapot doh uvin, inmai a canteen ah cheu te atiuvin, jun kaga than kathah jouva ka lut leh Golhang te ni leh a naonu chun, Ama chu um hih leh hingdoh louding ahi atiu kagah jan, kisonlel lel a le um e,,
Jatdang ho hi chingjep abang uve eiho sangin, eiho chu, keijeh a, kei umhih leng chuti lou ding tiho kisei nom ji ahi,
Chakadon jou uvin a Pa’uvin Boi na number ati leh, Thenghlim in ka save tai, ka u Lalboi ahi ati leh, apan Oo, apha e leh che phot inlang phone ah ki ol hou taute ati’n ka loi teni number chu akilah in, kahung kikhen tauvin, ka Loi te ni chu ka thah pan inlang ka jon tai,
Ka lung thim ah thudang a um tapon, amel’a kon leh amit ha akon chun Lungset na tah khat ka nei doh tan, hijong leh Khuma ati pau chutoh akah lhon he masa louva Lungset na peh jeng chu, nung leh kisih nading bep ahidem tin jong kagelin ahi,
Jan langa ka Pute ho toh TV kavet jing laiyu chun call khat ahungin, kagah vet leh unknown ahi phat in pick lou ding kati leh Kapi chun gah la pou pou tang em MLA ho dan dan a 😂🤭 ahin tileh nom kasa pon kagah lah leh,
Upa o khat in Lalboi chu nahi nah chuna? Kei Nunthar Pa chu kahi ahin tin, Oo, Hepa Nunthar chu oljom nam ka tileh, Henge, Pathen jal leh nangma jalin a dam ta e, Inn lang kalhung taove, min eihung vet sao sao uva, apot doh phat uva kahin call ahi, Jingleh Inn a nahung lou thei lou di ahi o, ahin tin, keiman, OK, keijal hilouvin Pathen lungset jal joh ahi, kipa aumval’e, hung mama inge kati leh, Nunthar in jong ahin houpi nom in, phone ka peh got leh jahcha thim ham, kei phone ah call nange ati e kihou pi o, atin a phone line a tan tai.
Call ahung kit paiyin, He U, atin aseijom pon, kei chun signal hoilou ham katin, Helo helo katin kagah ngai phat leh aki nuh det det gin kagah jan, Nunthar ipi na tiham na dammo kit ham leh kati leh, ka dam mo tapoi, nei panpi dan ka naovin asei leh kakipah val’a ka lhase ahi bouve, He U, A thisa nang vanga ka hindoh kit ahin, ken ipi a kahin dit di hitam…? atin akap kit tai, che phat chun keiman, Cheho chu seingai lou, ka bol didol ka bol hichu la em, kati leh, hiti hin ahin sei tai……….😜
To be Continue Next Episode
Lunglut tah-a simchai jouse chungin kakipah e, aban ol’in anasim kit taute.
