Anchor : Chochon Singson
Guest : Maya Kuki
NT: Amasa pen in hitobanga lolhin na nahin neina chunga NT Family in kahin kipa pi uvin Chule na phatman lu tah nahin pehdoh na chunga jong kipa thu seipum in kahin liem uve.
Maya: Keijong kakipah e, ka pachan na hi naho pan hat jal ahi bou e.
NT: Kihoulimna masa pen dinga na Bio Data kahin hetnom uve.
- Full Name : Maya Kuki/ Maya Veitinchan Mate
- Fathers Name : Kuki
- Mother Name : (L) Hoikholam Lupheng
- Husband Name : Ch. Jamkhokai Mate.
- DOB : 10/01/1990 (academic).
- Permanent Address : Tengnoupal, Manipur.
- Present Address : Ranchi, Jharkhand.
- Height : 5’3.
- Edn. Qualification : M.A in political science.
- No. Of Children : 3
MAYA : Kapa hi Kolkata ho ahin, kanun eidahlhah jou a Eimi langa ka associate dan leh kangailut dan ho avetleh kakhonung khankho ding gelna a kapu Lupheng te eina pehdoh ahitai. Kapu ten jong sa thupi tah atha uva Lupheng a eilah lut u ahitai. Lupheng chanu kahitai.
NT : Hiche Quarantine Queen na jao hi amasa pen ham ahi loule Fashion lamma Mrs India hi henlang adang dang hi jongle nana jaokhah em? Chule ichan chan nana lhun em?
MAYA : Amasapen ahi.
NT : Hiche IAWA QUARANTINE QUEEN Mrs INDIA hi tukum hi Online voting a abonna kichai dan ham? Ahi loule Stage performance ti vel nana bol uvem? Chule Final Round hi Online voting bou ki count ham??
MAYA : Contest hi ni (2) ahin.
Quarantine Queen Mrs. India 2020 chu Voting bou a ki judge ahin. Contest anina pen chu Online platform live a round 3 akibol ahi. National costume round, Casual round, question answer round.
Kumdang leh Mumbai or Foreign mun chom² a kibol ji ahi. Tuchung Pandemic jeh in online platform a kibol ahi.
NT : Hichea na jaona dinga hi na Family lamma konna ichan Support namu em?
MAYA : Full support kamu e, Kei sangin amaho thanom joh e.
NT: Hiche Mrs INDIA QUARANTINE QUEEN Winner nahi na toh kitoh a Nanga dinga itobang Opportunity/Benefit umdoh thei dem?
MAYA : Kuki min hi a itiha katahlang nom ahin tuchung hiche contest jal a kalungtup kamol sotai.
NT : Hiche a na jaona ding hi itobang kigot na nanei em?
MAYA : Nam khat represent bolding kahi jeh chun ken jong kigotna chingthei tah a kana nei e. Von lang hihen lang, speech, talent, creativity personality grooming hijongle phat phate chan kape thou e.
NT : Hiche na jao sunga Na Genthei pi pen toh na kipana pen khat neihin seipeh thei dem?
MAYA : Naosen 3 sin toh kop a task ho timing chet a submit ding pen hi ka genthei pi pen e, mostly 2 hours bou imut nading phat kamu e.
Kakipana pen chu ahileh
mipihon kilung toh tah ei support u chu ahi.
NT : QUARANTINE Queen WINNER 2020 Nahina toh kilhon na itobang kipaman na mu em?
Maya: ahunglhung nailou jeh in ima kasei thei nai poi, hin update nange.
NT : Tule tua hi ipi na natoha na Inneipu in ipi na atoh ham??
MAYA : Keima homemaker kahin, kaloipa chu ahileh Agricultural Scientist under ICAR, Govt.of India ahi.
NT : Video chomcha nahin sei na’a chu kilung khattah a ipan khomdiu apoimo dan themkhat nana seina ban jomin, keiya konna Question khat ka dong nome.
Nam dinmun ahatmo dan, alhahsam dan ikilungtoh lou dannu akihetai. Nangma lunggela ipi bolleu hen iki lungkhat thei diuvem?
MAYA : Min chom² in kikimin vo jongleh ihung kondoh nao thakhat ahi, sopi ihiu vin thisan khat ihiuve tihi ihet uleh kitona um pen inte. Ibol jouse Kuki nam dop sang nading bol leu hen Unity umpen di ahi.
NT : Nampia dinga nu manlu khat nahina a, tulaiya Nungahho jouse dinga poimo mama dinga nagel, um em? Aumle neihin seipeh uvo. Chule KUKI Chanu khat chun ito bangin hinkho mangle nati em?
Maya: Nam khangtou nading hi pasal keu hilou in numei in jong pan nasatah a la thei ahi. Ibol jouse personal benefit ding hilou in nam khangtou nading lungtup khat nei sohkei dingu, kei jal a ipiti kanam hi min anhet chom diu ham ti agel dingu kadeisah e. Nam suhminset natheiding ima bol lou ding ahi.
NT : Na Nam mipi te Hiche ki tet na a nahung jaona a nahin ki thopi ho jouse komma ipi seinom na nei em??
MAYA : Naha pan dan² u lunglhai um e, kakipah e, hiti in pangkhom jingute.
NT : Kipa umme Ma’am na phat manlu tah dalha a hichan neihin kihou pi nao chunga kipa Thu kahin seiyin maban na jong hung lolhing jing peh tan.
© Nitin Thusoh (DailyNews)
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
