Home Shonkhogin Haokip MARY SLESSOR (1848-1915) HINKHO THUSIM

MARY SLESSOR (1848-1915) HINKHO THUSIM

559
0
mary slessor
mary slessor

MISSIONARY HINKHO THUSIM

(AFRICA MIKANG LENGNU)

~Lien Vaiphei

Chuti chun gole dai meibol kaiya lamlen a street light vah noiya chun kum 16 vel khang dong nungah khat in lam ahinjot in ahi. Anunga chun miphalou gollhang chapang Gang group khat in a nung hin juiyun ahi. Ahin umkimvel soh masang
seu chun amanun imacha ahephapon ahi. Akhut uva thih khao achoi uvin asuh a tung in a veikolleuvin, akidinte pi jeng tauvin ahi. Amaho jong ahung nai tul tul jeng tauvin;Mary masang a chun tunia hi na maikhah ding ahi. Hey! Keihon Sunday School class suhmil danding nahil uving kating, chuteng damsel in neidalhaovin atitauvin ahi. Mary khang dong mi gong tahsa kikhat hiu- heunu chun akidinte pi jeng in, aman hangsan tah in aseiyin-“nabol nom nom bol un ‘tia asei toh kilhon chun amaho chun ahin -nai tul tul jeng tauvin ahi. Ahivang chun Mary chun Hangsan tah in akidintepi jengtan ahi. Ama chu Pathen natonga ana kimang cha ahijehin; Pathen in aumpin ahi. Ama chun khopi pama (slum area) numei ho leh pasal chapangho Bible class aneipiji ahi, Sunday school class a chu hiche chapangho a um hel jeh uva anapho jia lung hang ahiuvin, class a jong jaotah lou ding ti chu ahi. Chutia Mary chu hang san taha nung chon louva aum jeh chun ajojonan mun khat ah, a pui khom kittauvin, Pathen thu ahilun alamkai pao jong kidang tah in ahinkho akikhel lotan ahi.

Numei khat hina dol in Mary Slessor chu December 2,1848 kum in Scotland ah anapeng in ahi. Anuleh apa chu mivaicha tah ahiuvin ahi. Mary chu kum 11 vel e hung hi chun factory khat na atongin anuleh apa kithopi theina chan in akithopin ahi. Aman jing kah pung 6 apat nilhah pung 6 chan atong jin, chuleh nilhah school akai kitjin ahi. Aman Factory a che tengleh lekhabu khat akichoiyin natoh leh lekha sim akopjin ahi. Bible jong asimin hijeh chun Pathen in a houpin amakom anai lheh in ahi. Numei tehse khat in Pathen thu anahil jehin Jesu Christa a huhhingpun ana
kisan tan, hijeh chun amanu chu angailu lheh in ahi. Aman lekhabu dei pen chu Gospel of John chu ahi. Mary chu Bible le lekha sim a thanop dan le agunchu dan chujan ihmut ding jong haimil leo khop in jansot nung in lekha a Simjin ahi.

Mary apa chu judon mi ahijeh in a Innsung uvang a nom pon ahi. Apa chu aphat seh in jukham pum in ahungjin anu avo-iin ahi. Abang komle Mary chu anu avoh kom leh anu huhna dingin hatah in pan alajin ahi.Abang komleh jan muthim noiya genthei tah a jan-ge khovah kom Ihon jong aumdapon ahi. Hitobanga gentheina le Ihepna jat chom chom ahin to jing jeh chun Mary ding in khuo nunga ding in thahatna kitil khouna phatah asodohsah in ahi. Mary nu chu Christian sakho ngailu hou guttah ahi. Aphat seh in Mary nu chun achate chu akimvel a atousah jin Jesu Thusimho aseipeh jin, chuleh Africa gama mivom chapang Jesu Christa thusim him jakha louva adim adoh a umho thusim ho chu aseipeh jin ahileh Mary chun a lungthimin hiche gama chu che a Kipana Thupha; Jesu thusim seipeh ding chu a thanom Iheh jengtan ahi. Hiche thusimho a nu a kona ajah jeh chun Mary in jong, Henu kei jong hiche gama chun Jesu koi ahi hepha louho seipeh a Missionary in kache nome “tin aseitan ahi.

Hiche gama numei leh pasal chapang naseiho kom, a chu Jesu thusim, huhhing na thu kaseipeh ding ahi tin tha nomtah in a nukoma asei jing jengtan ahi. Hiche phatlaiya Mary le a loiho kitol chema nilhum khovah helouvin, nom tah in a kichem jiuvin;amaho chun Pathen thu “sermon” bolin mikhat khat chun thu aseijiuvin ahi. Mary chun a lunggelmi in hiche Africa gama chapangho chu Jesu thusim Gospel (kipana Thupha) ho aseipeh ji a thanom mama jeng ahi. Hitia Mary in Africa gama chapang ho thusim aseiyu chu ahetthem mama jengun, angai nom iheh jengun ahi. Hijehchun Mary sopipa, Robert in jong Africa gama mivomho lah a Missionary khat a eijong kache ding ahi tin tha nom tah in ahinsei tan ahi. Hijeh chun Robert anu chun achapa chu nikhat le Missionary khat in hung vaikon doh nante tin kinepna lentah neipumin achapa ding in ataopeh jing jengtan ahi. Chutia aumlaiyin vang setna Innsung a hung Ihung in Mary chu kum 14 vel a hung lhing pan bepin; apa ngaitah le asopiteni Robert jaonan athi gam tauvin ahi.

Chuti ahitah.jeh chun Innsunga mopohna chu Nungah Mary chunga kipum ngap jeng tan ahi. Hitobang tah chun Mary ding chun lunggel ahahsa Iheh jeng tan a mopohna jouse joteina ding chun ama nujong akiham bol mama jeng in ahi. Hitobang a Innsunga hahsat gentheina leh Ihepna tampi a hung Ihun toh kilhon in Mary ding chun lunglhah a kingaiset tah sang in masang sang in thilho thoh danho a hung them cheh cheh in; chuleh harng jong a hung hangsan cheh cheh jotan ahiye. Africa Gama dinga kouna: Mary Slessor chun Africa gama Missionary a che masang peh a pat in a chennao khopi ah thei kham khamin lung giltah le kipah tah inPathenna ana tong jingtan ahi. Mary chun aseiyin, eiho Christian tahsan chateho hi hoilai hijongleh Pathen a dinga kitah tah le gunchu tah a I um diu ahi atijin ahi. Mary chun Factory a nikhat in nidan som (10) sung gunchutah in na atongjin; chuleh phat ong aneisun Pathenni (Sunday) leh phat lemchang dangho chu Pathen loupi na jengle akin bolnan phat ana mangjin ahi. Hitobang chun aman jong kum 14 sung jen gunchu tah inPathen a ding in ana kimang chan ahiye. Chutia aum jinglaiyin, Pathen in amanu ding in lunggel thah “vision” khat ahin pen hiche chu ahileh Africa gam a Gammangho Ihaambuh (huts) neo cha cha ho a lung mitin agaldot jing in , atah bang bangin a muchen Iheh jeng jin ahi.

Nikhat chu thusoh dei umlou tah khat Scotland a hung Ihung tan; hiche a chun Africa gama Missionary minthang tah “David Living Stone” Africa gama athitai ti thuthang ahung Ihung tan ahi. Chuphat chun koiman jong ija a gelphah lou; Mary chun a lung thimin ama thalheng a koi hiche gama chu Missionary a vaikon dohding hitam ti chu a lung dohna khoh tah chu a gingjing tan ahi. Hiche jeh chun Mary ding chun Chouna thupi tah khat ahung hidoh tan ahi. Mary chun Africa gama Missionary a cheding in kitepna aneitan, Pathen hengah atauvin, ama jong cheding inakigel Ihutan ahi. Hitoh kilhon chun Mary in jong thil umdan le a lunggelho a deh a Africa gama dinga kouna achan thu anu aseipeh tan ahi.Hiche jeh chun anunJong Patnen hatna Songin achanu Mary a vaikon ding chu aphatsan peh tan ahiye Hiche toh kilhon chun, Mary in jong Mission Board ho kom a kithumna lekha athot pai ngaltan ahileh aphat sahna0 toh kilhon chun amà jong “Calabar, Africa mun a che ding in aumtan ahi umdan le a lunggelho a deh a Africa gama dinga koun achan Jingkah khat chu England apatin kum 1876 min Mary Slessoor chu Africa gama Missionary ding in a hung vaikon doh tan; aloi a gol ngaitah tah ho toh kilha lal tah in Ihahna chibai hung kibo in, a hung kikhen tauvin, kong sung chung nung dan a touvin Africa a ding in a hung kipan doh tan ahi.

Mary jong chutia kong a hung kitol jinglaiyin, ama dinga dei umlou tah chu Kong sunga chuAfrica gama ding ju Whiskey, tampi kipo chu amittah in ahin mutan;aman Pathen hengah atauvin: iti keima ‘Missionary khat’ bouseh in iti Pathen thu kahil a athu kahet sah jou ding hinam ! tin akingaise lheh jeng in ahi. Kong sunga atou khompi khat chun Africa gam um chan jouse aseipeh soh keiyin, ahileh Mary ding chun poh gih akibe cheh cheh jeng tan ahi. Chutia asei toh kilhon chun aloipa chun Africa gam hi gammang thupitah tah mang kiet kuot jing; thing phung song phung gimneitah tah aum in; Luidungho (rivers) ho chu mol sang tah tah a kon hung kikho Iha ahijeh uvin twi long ho chu ahatthei mama jengin; gamsa hang jat chom chom tampi aum in, hiche ho chu mikang ten a itih a amukhah ngai lou beh ahin; phat khat kom kom le het man lou kah a huile go kitho (hurricanes) jia Inn leh lou gam le go asuh set jia,thingphung songphung abul abala mutdoh ji ahi tin aseipeh in ahi. Aman jong aseibe na chun gamsa hang-len tah tahho adeh a Hipopotamus le Ole (crocodiles) ho Luidung jouse a dimset ahiuvin,chuleh saiho, Humpi Lutnu (leopard) leh gulleh tang gammang laha dimset jeng ahiuve tin aseipeh in ahi. Hiche ho jouse chu lungga gelpumin Africa Gam, atupna gam chu ajon jingtan ahi.

Africa gam a Ihun: Hiti chun Mary jong Africa gam a
khopi” Duke Town’ kiti twikhanglen panga um khopi a chuna Ihungin kumli a cham den in; agam pao le ama ho chonle khanho jil in; agamipi hotoh kipol in phat ahin mang pan tan ahiye. Chutia a hung um sung chun aloi agol numei, pasal hotoh kingailu Iheh jeng tauvin ahi. Mary chun loileh gol pol dan themtah ahina toh kilhon chun gol tampi anei tan ahi. Chutia aum jinglai chun amannun jong Africa gamlai lung (interior) a lutna koiman Christa kipana Thupha a sei khah louna leh ajah khah louna mun a che kitding a tupipen tah jong chu ahi kit e.

Muthim gam (The Dark continent):

Mary chun Africa gam aga lhun chun “Africa gam hi ipi jeh a ” Dark continent “kiti ham ti chu ahe cheh Iheh jeng tan ahi. Ajeh khatna chun, agamsung muntin a hin chonset git louna apung in, Ilungset khotona him him umlou mihem kah a jong kikhotona um lou kitha kimat, kigalna jeng adimset kit in ahi. Soh le kol akivul in ahi. Numei le pasal chapang, mipi Ihing hita jong leh a jeh a pol umlouva kiman jia soh le kol dinga kikaijia, soh a kivul, a saho sanga melse jo a engse tah in a abol gentheijun ahi. Agammiho chun aphattin in thilha lhagao phalou (evil spirits) ho chu thingphung song phung twi dunga cheng in angaito un tijat lungdonnan hinkho amang gunset un ahi. Hiche gama namho (tribes) hokah chun kinah ki douna aum jingin; abang komle junom sanom nen lamtol abol jiuvin ahi. Mi bang khat chu mihem sane (cannibals) jong aum un ahi, A Pathen nu lung Ihaisahna dingin gamsa thisan asojiuvin ahi. Africa mi lamkai len (chief) khat chun thina manna atoteng leh aji le achate lol chang asattan jiuva, athipa chutoh avuitha Jiuva,alhagao u chu “lhagao gam ( spirit land) a chu kilhon khomdiu ahi atiuva atahsanu ahi.

Mi koitobang khat chun numeileh pasal hijongleh mona nei leh dan sukeh akimatdoh leh achunga thutanna chu “poison “gu don sah ding, ahilouleha khut chu thao twi kisongsou lei lah a delut sah ding ahi. Chuleh naosen apengkop (twines) aumleh amaho geldan chun thilha (demon) Ihagaovin ahin sol ahin, tha a Lutnu gilkel umna kulsung a selut ding ahi. Chuteng tah le anu chu gammang lah a nomang a a chang seh a umsah ding ehi. Hiche tobang miho chun Pathen mingailutna thu, Jesu Christa a kon huhhingna Thupha him him ajah khah louhel u ahiye. Chuleh amaho chun a-itih laiya jong Pakai Jesu Christa in ahuhhing thei uva chuleh chonset gitlouna akona a chamlhat sah-Uva kipah tah leh hinkho theng tah akimang theiye ti thu mong mong ana pum jah khahlou hellaiyu ahiye. Amaho lah a Gospel lhangsap dingchu iti hahsat ding hitam?

“Ma Slessor” Minu Slessor akiti lona jeh: Nikhat chu Mary in African numei khat in naosen pengkop aneiye ti
thu ajahphat in aman nun; thil um danho a het chet Jen chun ajo khatleh ana that man uvintetin adeljel tan ahi. Alhun chun amanun jong tehsepi khat a dongin ahile hitin aseipeh in ahi.Hijeh chun tehsepi chun hiche naosentehihi atinggu heboh a chutengle hampa lah a pai mang jeng ding ahi, atipeh e. Hijeh chun Mary chun ahin kithum in naosenteni chu akivah tan ahi. Chuti chun guhthim chan pasal naosen chu ahung gudoh un, anathat tauvin ahi. Ahinlah Mary chun numei naosen nu chu akiven doh nah nah in, hiche naosen chu ama ding in Africa mi akivahdoh masapen a hung hitan ahi. Mary chu agammiho chenna Inn, Tumna (palm leaf) a kisa lhaam buh khat, a chun acheng in;agammiho neh neh anen, hiche ho chu nga (fish), bal (yams)leh nalong (plantains) le adang dang jong aneuvin ahi. Amanu chu agammiho ding a mihil (teacher) in a pangin ahi. Hijeh chun tohle tham ding ijalkai ahiljin, akivona diu akivona diu asempeh jin, a vah khang un, akithopiujiuvin, akina a chung thu boiho chu a chung thu atanpeh jin chamna asem peh jiuvin ahi. Hitobang ngailutna loupitah a chunguva anei jehin, minu minu khat in achate akhotona toh kikotten in agelun, hijeh a chu amaho chun minu hina Title bulhingset apeh uva, “Mary Slessor tia akoulou hel u ahitai. Hiche a patna chu “Ma’tia ahin kou pan u ahitai.

Africa Gamgil lailung lam jon a che:

Mary chun Africa gam a che ding a thanopna asei chu ihetauvin ahi. Hiche gam adeh a twi khanglen (Coastal areas) panga chengho chu khat le khat kimelma a kidou jing jeng a hinkho aman jiu ahi. Hiche jeh a chu Mission Board hon Mary chu a che ding chu aphatsah lou u anahiye. Ahinlah nilhah khat chu aman akivah African chapang nitoh, naosen khat akipuiyin hiche gamlai lung chu ajon tauvin ahi. Jan thimnoiya Molleh Lhangsang tah tahho a, palgalkaiyin, gammang gimneitah tah ahin jotpa tauvin ahi Khokhat a hung Ihun phat u chun koima chan lemna leh a umna diu a gon peh lou jeh uvin amaho chun apansah na diu lhaambuh’ khat gangtah in akison doh tauvin ahi. Hiche jeh chun amaho chun gopum in Inn asaovin, leibel adeng un, (clay pot) khangbel (pans) buhon na ding akisuh tup tauvin ahi. A umna diu Ihaambuh chu aneo jeh in, Inn polama kongle belho akoiyun ahi. Pathen houbuh (Church)ding khat jong akisah tauvin ahi. Mary chun nih chen ponsil ijat ham khat agammi ho ahoppeh in ahi. Amanu chun miho adeh a numeiho chu Buhon dan, ponkhui danhoa hilin, chuleh chapangho chu lekha simdan leh ih ding danho ahilin ahi. Chuleh Jesu Christa hinkho thusim leh Huhhingpu ahidanho a aseipeh in ahi.

Mikang Lengu (white queen) tia kou ahi:

Mary chun hiche gam sung a chun thinglhang miho akina akisou akitoh lou aum jitengleh a chung thu atanpeh jia chamna asemji ahi. Nikhat chu agammiho kah a galleh tol soh doh dinga thu um ajah phat chun , ama jong asun ajan ngailouvin ama chang seh in jan muthim noiya chun gammang gimneitah tah ahin jot pan aman gamsa hang ho a kon a hoidohna ding chun Pathen hengah atauvin ahi. Hibanga hansanna aneihi akidang Iheh e. Amahi ahang san ding monga hung peng khat tou ahidem ? Chuti tah sang chun Scotland a umlai chun bongpi khat tou amujong le tija a jam lele jeng anahi. Ahansanna jeh chu a sunga Pathen lhagao theng cheng chun hansanna apeh ahijon ahi. Chuti chun Mary chu thutan thiem tah le vaihom thiemtah, mijouse het khat in ahung umdoh tan; hijeh chun agam uva lamkai (chief) hon jong ama thupeh ngaichan ahung tiem jingun ahi.

Thuboi hahsa aum komle nilhum Ihumin a chung thu u aboipiyin ahi. Mary chun ipi hijongleh asei taphot le ahi ati jouse chu adih ahi tia agel jeng u ahi. Ajeh chu ama chu kitah tahleh dih tah a thutan jong ahin ahi. Hiche laiya British Government in thaneina ahin tuh phat uvin; amanu chu palaiyin, paole leh, dohleh kaiyin aneiyun ahi. Hiche ho jouse jehchun Mary chu” Mikang Lengnu” (white Queen) tia kouleh het ahung hitan ahi. Mary vang chu Africa miho bang bang in a hing theitan; alo (salary) them cha chu Scotland a aum; anuleh asopinu athot jin ahi Chutia a um jing laiyin thusoh khat ahung Ihung in, Scotland a um anu leh asopinu chu kijom thellin athilhon tai tithu ahung Ihung tan ahileh Mary vang chu lung kham tah in hinkho amangin ahi. Hiche phat laitah hin aman jong mi avahho African Innsung khat Ihingsetin acheng khom tauvin ahi. Amaho chu alhangpin naosen pengkop, naochagaho leh sohle kol a kiman a kijoh ahuhdohho jouse chu akivah ahi. Mary chu anatoh le thilboltoh atoh atham jehin aboi mama jeng jin, nikho jeng jong ana Sumilleu jin ahi. Agol apaiho taona jalin anatoh tampi alolhinglheh jengtan ahi.

Africa gam angaichatna: Mary chu dammo veiset jeh in khatvei chu Scotland a ahung kijen in, Africa gam lam angaichat jeh chun ama jong kinungle kal angah lal lheh jeng tan ahi. Amajong adamdoh akinungle kit ding kal angah lal lheh jeng in ahi. Ajeh chu Africa gam a atoh ban bang khaiho leh Jesu Christa thusim jalouho thidinga dimset aum ahiuve. Amajong ahung damdoh phatin akinungle jelin, atoh banho tong jom jingin;aimaa jong tijat kichatna beihelin soh.a kiveiho ieh (slave traders) mihem sane-a golnop achetan ahi. Akum atam jeng vang chun Mary chu Cycle mang chan gamla tahtah a um kho le kho kikah ho, a a kholjin jin, thahattah in anatoh ajom jingin, abang komie thahatta lou ahijeh chun mihon angaichat tengu leh Chair chunga atousah un apujiu (ajong) jiuvin ahi. British Government Official hon ama chu gamkai khat a thutan vaihom in apansah uvin ani. Hijen a chu amanu chu British lenggama dinga numei hutan (magistrate) masapen ahitan ahi Hiche thaneina atuh chu am ding in Sapte hihen lang agamiho hijongleh Pathen thu sei Phuong na ding in alemchang lheh tan ahi. mitampin jong Christa akisan lo uvin ahi.Mary anatoh chu mitampin khonungin ahin hetauvin vannoiyah mi minthnag tah ahung hidoh tan hijeh chun British Government jengin jong anatoh phat jeh chun, Kipaman sangtan “SILVER CROSS” ana peuvin ahi. Chuti chun Pathen in asoh Ama jabol a gingte chu ajabolin phattheina bulhingset apejin ahi.

Mary Loupina gam alut:

Mary chun apienna gam a kinungle ding anom tapon ahi. Aman athichana Africa gama toh ding in ageltai. Dammo veiset pumin, teh nung voi nung, a tha hat jou talou ahi jeng in jong, aman atoh ding dol ho toh louvin a koi chom deh pon ahi. Ama chu aha dammo cheh cheh jeng tan, a chale ngaplou tengleh alupna chunga taona amang jin ahi. Phat a hung che jingin ahileh ama jong atha a hung lhasam cheh cheh jeng tan, chuleh akum jong ahung tamcheh cheh toh kilhon chun dammo tahsa dammona jat chom chomin ahin phatan, chuti chun aman jong vanlam ngaina anei cheh cheh jeng tan ahi. Hiti ahijeh chun January 31, 1915 kum in leng jouse lah a leng chungnung a Pathen a ding a kitah tah a atohna jouse chaiyin, kipaman loupi tah sang ding in ana chetan ahi.

Lupna kom achun satan gal asatna leh athahatna galvon, ama Bible.chu aum in; a sung a chun aman adeina mun jouse asimji teng leh a khuttah a ajih a, amelchihna (marking) a dimset jeng in; a anei leh agou dinga sei thei chu imacha dang a umpon, akivonna nih chen ponsil them khat bou aneiyin, lekhabu ho leh letter lom khat aum in ahi. Dih tah a sei ding in ama chu vaicha tah bang in umjong leh, mijouse adeh in Africa mite chu Christa a din haosatna bulhingset apetan ahi. Chubanga mimeisan (timid), mi gong Scotland gam a ana khanglen chun ahinkho Ihumkeiyin kitah tah in Pathen na atongin hijeh chun, mitampi adeh a Africa nammite a ding in tahsa leh Lhagaova ga tampi asodoh tan ahi. Ajeh chu aman a Pakaipa thusah banga hinkho aman a thu’a anun jeh in ama jong alam Ihahna jouse a lolhinna le pachatna jeng achang tan ahi. Eihon jong Christa thupeh bang a hinkho imanuva, Jesu nung kitah tah a ijui-uleh Ihagaoleh tahsa a Pathen vangbohna ichan teidiu ahi.

Kakipah e

ASIM JOUSE PATHENNIN PHATTHEI NABOH TAOHEN

MISSIONARY HINKHO THUSIM akit tengle kahinsut ding ahi lunglut tah in ana simin.

Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.

Previous articleKIHIL NATHEI THUSIM CHOMCHA
Next articleHUNG KILE THEI KAHI TAPOI-VI