Home N Lhungdim MANIPUR MAP THINGLHANG LEHPHAICHAM HET THEINA

MANIPUR MAP THINGLHANG LEHPHAICHAM HET THEINA

38
0

MANIPUR GOVT. SLOGAN GO TO THE HILL KITINA HI IPI TINA HAM?

ATUP LEH ADOI IPI MONG MONG HAM?

Asun
N.Lhungdim
Thangting House
Molnom-West

n lhungdim
N-Lhungdim

8th September, 2021.

I hetsa bang uvin Manipur aletdan 8,621 Sq.miles and 22,237 km2 ahin gam alenjo 20,540 sqkms 90% tobang hi thinglhang ahi in phaicham hi neo chakhat 690 Sq miles leh 1787 square kms chu Valley bou ahi.

Meilhei ho geldan a masang a Khwairakpam Chaoba in poem khat ana sem na ah
CHING NA KOINA PANSABA HAONA K0INA PANNGAKPA MANIPUR SANA LEIBAK
atiuvin ama ho lungput ahi.

Manipur gam kiti chu phaicham sung hi ahi avel a thinglhang miho hi Sentri a ding tina tobang ahi e.

Hiche phatlai chun kikom tona umlou beh lai tobang ahi in Manipur gam chu leiset a gamdang ho toh tekah in neo jongleh eiho Manipur a cheng ho dinga chu gam lentah ahi.

Ajehchu kikom tona umlou keng lampi ngen a chena ana hin ahi.

Japan gal masang in gal to kimat in sepai ho che le na dingin British ten lampi phabep khatl ana sem sah in ahi.

Singngat to Songtal
Road 1955 lai a ka u Tongvom toh keng a ka jui nau lampi chu Britist te in Sepoy ho pot poh lampi ding a ana sem u ahi.

Singngat to Songtal ni 2 lam chu tun Car a iche leh 5 hrs kilhung ahitan ahi.

Manipur gamsunga aning koipen jong gari keng 4 nei ahilou leh keng 2 leh 3 nei a phahjou lou nading aum tapon ahi.

Leiset pumpi hi lentah ahivangin tulai in Bus in chuleh Aeroplane leh Train in akiche in Delhi a kipat a London jong chu tillai a kongShip a ana kitol a lha khat lha ni ana lut chu tun nidan 6 sungin Delhi to London akilhung thei tan ahi.

Gamla English a Distance kiti chu aumlou tobang ahi tan ahi.

India sung jeng jong Train a che jong tillai bang ahi tapon Guwahati to Delhi hi 1970 a kache laichun ni 3/4 thum ni li alut in tun ni 1/2 khat ni kah in akilhung tan ahi.

1973 laichun Imphal toDelhi direct flight aum pon via Calcutta hitei tei ahi.

Tuni a iseinom pen uchu Meilhei hohi tillai in phaitol ahin nom tah in ana cheng uvin thinglhang mi Imphal a cheho jong joulhep in nehdoh ding ana gel un ahi.

1957 lai jeng jong chun Imphal a Johnstone High School kakai lai in Meilhei ho dukan a thil khat cheng 5 man ding jong chu 15 in ana joh un thinglhang mihon anel uleh khulang kham atiuvin 12 in achoh sah uvin thilkhat a cheng 8 ana tong ahi.

Hitia ama hohin kiveina a ana nei uva incheng doh uh ahi.

Hijong leh hichu mihem ngaina in gel ute ajehchu achingin angol ho kivah na a anei leiset ahi.

Tuhin Manipur thinglhang miho hi chihna thepna hihen lang hileh Meilhei ho toh kikhehna alhom lheh tan mun tamtah a Meilhei ho sanga boltheina akinei in adeh in Govt. natoh langa officer len tuni chan in Meilhei ho sangin thinglhang mi atam jo nalai in ahi.

Manipur thinglhang mi IAS direct a lut chuPu Kaikhokam Kipgen chu 1965 batch ahi in amaho R K Phalguni Singh chu 1971 a chu direct a lut hung umpan ahi.
Kum 6a Meilhei thinglhang min ana khel ahi.

Tuhin Meilhei gam hi aneo a akichi leh Pukhri sung a Nga kivah Pukhri in ket tolou tobang mi atam tah jeh hin kaching jep e tiho adeh a Politician holeh Civil Society leader ho hin
thinglhang gam ilo a loding ham ti aboipi uvin jat chom chom a kiphinna anei chung uva
Schedule Tribe Demand Committee
STDC kiti khat asemdoh uvin
dihlou beh hitheilou beh dingjong asei le le uvin ahinla Union Ministry a kon a lekhathot kimu dungjui in Registrar General of India leh State Govt. Recomendation aumlou leh hiche thu hi aban seithei ahipoi ti ana mu taovin ahi.

1972 January 21a kipat in Manipur Statehood masanga Union Territory chu January 21, 1972 in state pilhing ahung hi in hiche State Act achun Hill Area Committee khat thinglhang gam Constituency 20 a Member ho Hill Area Committee a member ding ahi tia Presidential Order phatah a um
a India
Constitution Article 371 (C)
dungjui a Manipur hi State khat ahivanga asunga kipohna 2 aum hi India Govt. in ina gonpeh uh ahi. ,m

Hiche Anglo-Kuki War jou a British Govt. in thinglhang gam a
SDO 3
Tamenglong,
Ukhrul
leh
Songpi a 1919 a ana sem chu thinglhang gam hi achom jep a pohding angai e ti ana hetjeh uva ana gon masat uh ahi.

Hiche Constitutional Protection leh Safeguard
um jeng jongleh Manipur
Hill Area Commitee Manipur Govt. thunei theilou leh thuneilou a ana koipeh hijongleh tuthah in Ukhrul Dist. a Kamjong Constituency a hung kaidoh
K. Leishyo kitipa hi Chairman ahung kaidoh leh Constitution a kijih dungjui a na ahintoh leh Manipur Govt. CM Biren Singh
lamkai nahin atil kimeh
bang a ahinlah uva tulai thusoh dei umlou jouse hungsoh doh ahi.

Anukhah pen in September 1 in CM N.Biren Singh leh Assemby Speaker
Y. Khemchand kitho in Assembly Secy. in phaicham a MLA 8
Hill Area Committee Member hiding in Order September 1 nia Order ahinso lhon in hiche hi tutua Manipur Govt. in English a
Hornet Nest
kiti Kuki pao a hetthei dinga
khoibu kisujah tobang hung hi a thinglhang mi jouse Kuki Inpi,
United Naga Council Student langa
All Tribal Student UNION Manipur ATSUM
Kuki Students Organisation KSOGhq
leh
All Naga Students Association Manipur ANSAM
kitho a deimona pomlouna thuso hung sohdoh ahi.

HAC IN DISTRICT COUNCIL BILL THAH ASEMCHU ASSEMBLY A POH LUT A AHUNG KIPASS DINGCHU TINLEH HA KITHOA ADAL NADING NAKITONG AHI MILHAM HON NAHET DING U AHI.
CHANDEL LANG NAGA HON JONG ADELOU NAO APHONGDOH UN AHI.
Thinglhang mi te KITONA
khat ahin semdoh ahitan ahi
Chuche keo hilou
Hill Area Committee Emergency
meeting ahin member hon kadeipouve hitheiponte tin kinoptona resolution ana nei uvin ahi.

Hoitah khat kit chu Outer Manipur MP Lorho S. Pfoze
in jong Article 371 C toh kitoh lou Order ahi tin demna lentah nei in President Ram Nath Kovind kom talekha khaot ahathot in
ahi.

Moreh a Kuki te powerful body Hill Tribal Council HTC leh KukiChief AssociationKCA Moreh in jong demna sangtah anei un ahi.

Kipa umtah in Member 8 holah a 3 chu Congress MLA ahijeh uvin Congress Party in pangthei pouvin te tin anung lahdoh uvin ahi.

Tuni a isei nompen uchu achung
Go to The Hills kiti Slogan
hi Manipur Govt. CM Biren Singh lamkaina hin asem ham?
Go To The Hills
kiti chu thinglhanga chelou a ‐
PEACE GROUND a kiche ham?

Henglep a cheding chu alampi umlou a Henglep langa kon a damlou mi 4 in ahin jon tobanga cheding ham?

Manipur phaicham a
4 -lane HIGHWAYS asem uva thinglhanga PATHWAYS jong semding kidon lou loileh bong lam a kikom tona um a chu ipi bola THINGLHANG
a cheding atiu ham?

GO TO THE HILLS
kiti hi thinglhang a che vinlang khantouna sem uvin tihilou a thinglhanga iticheding leh ipi bolding ham ahilou leh che uvinlang agam uh galah peh uvin tia lahthei ahi.

Ipi hijong leh tulai a TRAINS leh AEROPLANES a kikom tona umlou nagam a chu Gari alhainading
Roadway Communication lampi aum louleh ipi khantouna kisei henlang sum ija ki sum ki sanction jongleh phachomlou ahi.

Lathahbu 53 na a Chorus a

IMMANUEL NALUNGSET KULSUNGA,

GIMNAGAL ALEN E HUNGNAI KIT ‘IN ”;
HUNGKILE KIT IN KAHINNAO NAHI,
NALUNGSET KULSUNG A AW

GIMNA GAL ALEN ‘E .

Congress Party in2002-2017 kum 15 ana poh a
KUKI ten DISTRICT thah 3 inei doh u nahet mil u hitam ?

Manipur gamsunga hi gam nomtah hui le go kitho tohna natural calamity Earthquake kitiho umlou nagam ahi tuahi
MEILHEI TEN THINGLHANGGAM aduchat uva jatchom chom a gal abol uhi thinglhang miho a dinga labu a
GIMNA GAL ALEN E kiti hi hunglhung ahitai.

Thinglhang mihon BJP bel a MLA kai a thunei vaihom a panding atiu hi BJP te khut ahi THINGLHANGGAM hi SAFE hinam ?

A SAFE leh a SAFE louding anatoh uleh akisah uvin namu soh kei un ahi.

Gam le Nam ngailut najeh a thunei vaihom ding atup uham ahilou leh amaho
POSITION leh STATUS
delna MLA ding kigo uham MIPI kom a asei chen ding uh angai in ahi.

AKHOHTAH KHAT CHU
THINGLHANG MI KUKI NAGA KIGOM IN IMPHAL KHOPI SUNG AH KHOLE VENG 10 VAL ISEMDOH TAOVIN AHI.
IPIDING A MEILHEI KHOPI A NASUM NAMAN A IN LOUPI TAH NASAH HAM?
KHONEILOU GAMNEI LOU NAHI HAM?

Achaina keiya seiding chu CM in Go to the Hills slogan ahin sem a khokplhang sap chu a tup le a doi ana kihe lou chu CM ahisung a thinglhang mi ho chung chang a alunggel leh anatoh ho hii vet vet leh MOTIVE hi ginmo umtah in ahung kilang tan ahi.

NANGMA CHEH IN KIHET TAOVIN .

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleNILHUM KON NEIKOU NA AW
Next articleHINKHO LAMLHAH THUCHIN PHABEP-XI

LEAVE A REPLY

Please enter your comment!
Please enter your name here