By Simon Miphapa (FB)
Pasal khat hin chapa khat anei, akhoh dan chu anneh koun chan leh ajieh-apawl beiya kiphin a kap ji ahi. Nilhah khat bu agahneh kiguot uleh achapa chun abol ngai-ngai ahinbol phat chun amapa’n jong vaal asah behseh hita’n tin alung ahang ta’n, adahjaang in aman in, adomdoh in polang ah agakoi in “anakilah tauvo!” ati’n agatungdoh tan ahi. Agatundoh leh chapang chu atahbeh chun athipchet ta’n ahi. Apa chun alunggel chun “phadapveh achu!” ati’n noptah in buoi lou vin bu akineh vaset tai. Ahi’n lah abuneh jouva agadoplut kiguot leh achapa chu ana-um tapuoi! Kisih ngei in te ong! Ha3…
Kho mite jouse’n meisal akidet uvin ajaan hol tau vin ahi. Khosung khopaam ahol uva amu lou phat uvin khosung thiempu pa adoh uleh “nachapa naga tundoh tah chun na-innmai lampi ah chun Koubru te (thilha) guollhang eltoltah ni ahung tou lhon in akipom pai-pai lhon taiye;” ati’n ahi. Chu-in thiempu pa jong chun phui asam ta’n ahung nungthahna diu vin angeh ta’n ahi leh amang in ahung kiseipih ta’n ahi.
Hichie gollhang teni chun naosen akipom lhon a achie lhon a akhuosung u agalhun lhon chun alengpau vin “Ipi kingaituo a micha minao chu hin kikidopdoh mong-mong ham! Nang ni hi eltol val lhon hihta!” ati leh amani’n jong “amin kilah uvo tia eihinpiedoh lhon chula;” atilhon in ahi leh Lengpa’n jong “Seitam lhon hihta! Gangchel in gathahpih lhon tang, aholmo uva kei kom a ahungthum thum uva hi!” atidan ahitai. A-umdan chu Thiempu pa phuisam chu Koubru Leengpa kom a athu alhut hiding dan ahi.
Ajing nilhah aman phat don tah chu chapang chu abuneh pettah uvin ahung vahlut kit in ahung kiphin kit thou-thouve
