~Story by
Nick Hangshing~
Chapang khat hi ana um in ahi, ama hi a window pam ahin gamlah gimnei tah leh kidang tah khat hi aum in ahi, hichi gamlah achun mai kidang tah khat hi aum in ahi. Hichu anule apa kom a asei in ahileh, anule apan ana ngai pih ji lhon pon ahi. Hichi mai chun chapang pachu ave2 jeng ji in ahi. Hichi thu hi anao pan ama kichat nadinga asei ji ahisah in ana ngai num jipon ahi. Chapang pan amu ji chu ahileh gamlah a amai umlou mikhat in asun ajan in ama chu ave jing in ahi.
Hichi thu hi aunu in jou2 ahi atin ahi, chuleh anu leh apa kom a Doctor ho kou a vetsah angai e. Ngol jong ngol thim a hitan te ana tijin ahi.
Muthim lah a kon a hungdoh jipa, mai umlou pa thu chu ijat vei asei vang in koiman ema in ana gel p jipon, ngai jong ana ngai pih jipon chuleh nahsah in ana neipih po vin ahi. Chuleh chapang pa anu in kichem dinga pam a asol ji chu chapang pan ana dei jipon ahi, ajeh chu pam a akichem jiphat leh, hichi migong, asan a san, maineilou pa toh hin aum nalhon aki nai chom jilheh in ahi.
Hichi maineilou pachun chapang pa avet phat peh chat lou in ave jin ahi, hichi chun chapang pa chu ana tijat sah lheh jin ahi. Hichi pa chu chapang pan amu pou2 leh ahinkho num asa ji pon chuleh atam jong a compound sunga jong kichem num talou in, inn sunga bou aum jitan ahi. Nikhat hi hichi maineilou misang pa hin chapang pachu a fencing uva kon in ahin ve in ahi, hichi nichu chapang pan jong vet lou d ati wang in abol a um bang khun chat lou in ave tan ahi. Hichi pet tah chun chapang pa anu chun chapang pa chu bune ding a akou in ahileh, chapang pa chu achi num wang in achi thei tapon ahi. Hichi pet tah chun anu in ahung kaidoh tho tan ahi, ahin vang anu chun hichi mainei lou misang pachu amu deh kit pon ahi. Anu in ahung kai doh d kon achun hichi misang pachu a fencing pam a ding talou in, a compound sunga joh ading tan ahi.
Hichun nilhah buneh jou2 in, anu chun chapang pa chu akou pet a ahung lou jeh chun punishment bang in TV vet sah lou in a room sunga chun atou sah tan ahi. Hichun amajong a room a table chunga chun atou in apa in homework abol abollou ahung check masang in aman jong bol chai ding agon ahi. Hichun chapang pan jong alekha sim nakom a window chu ave in ahileh, hichi maineilou misang pa chu a compound sung jong hita lou in, chapang pa lekha sim nakom a window achun ana ding in chapang pa chu chat lou in ana ve in ahi. Hichi aum na akon chun ama jong pot ding aki gopon ahi. Hichun anule apa akou in window polanga ding maineilou misang pa chu akhut chat a akoh in anule apa chu avet sah wang in anule apa chun amu thei deh hon pon ahi.
Chapang pa chun jong amang seh leh hichi maineilou misang pa bou chu amu ji in ahi. Chuleh amang a aloiho toh aki chep pet u hijong leh amang kisan achun chat lou in chapang pabou chu ave ji in ahi. Chapang pan jong amang seh leh hichi maineilou pa kom chun kanung nei jui2 tahyh in, neida lhan tin jong asei jing in ahi.
Nikhat hi anu hin chapang pa kom chun nadam mo wal e atin, doctor pa akou tan ahi. Ajeh chu chapang pahin akhut seh leh thisan bou akhudoh ji in chuleh emu jong a emu thei jipon ahi. Hichun anu chun doctor pa kom a achapan bu phata aneh lou thu toh, maineilou misang khat amu jing thu jong chu asei pih tan ahi. Ahiwang in chapang pan hichi asei wang a ema aphat chom lou ding in agel tan ahi. Hichun doctor pan anu kom chun chapang pahi alhoh lang e p ham khat ti hinte, hospital a scans bol ngai inte ati pih tan ahi. Chapang pa akhut chu akhoh se cheh2 in chuleh akhut lai chan in aman jong naa asa cheh2 in, hitia aum sung a jong hin Maineilou misang pahin chapang pahi ada lha deh pon, ave jing in ahi.
Hichun chapang pa anu chun chapang pa chu epi ham khat ati leh ahet pai nadin jaan seh leh atou pi jin ahi. Hichun chapang pajong amuh phun dot2 in thu asei in ahi. Hichun anu in e p asei ahi adoh phat in chapang pan jong athu sei chu aseidoh thei pon ahi. Chuleh athucheng jong chu chapang pan ahepon ahi. Hichun anu chu pon phata apha pih in alup sah tan ahi, maineilou misang pavang chu window achun aum tapon ahi. Hichi ni nilhum kei in chapang pan maineilou misang pachu amu pon ahi. Ahiwang in amang in amu jing in chuleh, amang phat leh hichi maineilou pachun akhut sao deh duh chun chapang pa chu aman go jin ahi.
Hichun chapang pan thil gin ahin jaan ahung khah leh anu chun ama kom a thu asei chu anu amuh chaloh akon a ahe in ahi. Ahin e p asei ham vang chu ahethei tapon ahi.. ajeh chu akol a thil gin chu ahal wal jeh in ema aja thei tapon ahi. Hichun chapang pachu akhu in aha khut cheh2 tan ahi, hichi phat wang chun akam a kon a jong thisan aha hung doh lheh tan ahi. Hichun anuchu alupna ning langa chun atou in, bol ding upai dang heta lou in, achapa um chan chu avet leh athoh joulou phat chun angol bang in lup na achun atou in, achapa akhut aphat ding leh adam doh ding chu amoh nga tho tan ahi. Ahi wang in chapang pa akhut chu apha chom tapon ahi. Chuleh chapang pan chu akhut chu phadom leh atin ahi… ajeh chu anu kom a seinum tah khat anei in ahi.
Chapang pan anukom a asei num pen chu ahileh, “maineilou misang pachu window ajong aum tapoi, a inn compound sunga jong aum tapoi, ainn kom uva gamlah ajong aum tapoi…” t hi asei num ahi. Chuleh akhut chu akhoh cheh2 leh aval beh set phat chun ema jong asei thei tapon ahi, chuleh thisan aha khut doh wal jeh chun tha jong nei talou in amit jong aha but tapon, a emut soh bang khun aum tan ahi…. hichan gei a genthei tah a aum a, anat athoh lel wang chun chapang pahin anu kom a thik khat sei doh tei2 d atin ahi….ajeh chu anu chu ahet sah num wal ahi….
Chapang pan anu kom a asei num pen chu ahileh, “hichi maineilou misang pahi kakom a alum te” ti hi ahe.
Chapang pan jong akhut toh athisan akhut doh atam wal jeh chun ama jong atha um talou in aemut ahung soh in, amit asing in ahileh, hichi amit asin chu ama dinga tonsot a amit asin ni chu ahitai.
~BEITA~
