(Love Story)
Writer: Cicy Neihsial
Arrange: Naocy Haokip
Part-III (Final Episode)
Ana mangpha lhon tan ahin tin, kilha lel tah-in, kahung kikhen tauve……………..
Lunghel tah-in kahung kile tauvin ka lunggel chu aboi pan kit tan, langkhat’a kagel le kinepna jong kaneiyin,, langkhat’a kagel kit le,,Victor hi mi khalah mi kamtam ahi mana, anop na mai mai dinga ei moh daiya, ei kinep sah hinte katin, kalunggel chu asuh asah um theilouvin kaboi lha jeng tan ahi.
Ka loinu Kikimin vang ka ngai chu ahe thim thimin, ahinla aman jong ima asei thei deh poi, Victor in eijol chet ahilou jeh-in.
Hiti chun lunggel boi jing pumin kahung um tou peh-in, lhathum(3) jouvin kahung dam mo tan, ka khosih (fever) san jeh-in doctor kivet sah dingin ka che taovin, tuibonga Doctor khat kaki vet sahle,,Doctor pa chun Hapta ni (2week) tobang jen ngai ding ahin, Na inu agamlhat leh na kile joulou diu ahin tuibong mama a na um den jengu ngai ding ahi ahin ti tan,,,, Tuibong dunga ihet khah la umlou Kadam mo toh ka lungkham cheh cheh jengtan,,, Kani te khat chu acheng aum uvin, kani koma um jeng di tin kanu to ki thulhuh na kanei lhon tan,,,, Kanu chu Kenga na che ngap lou ding ahin,, Ana uminlang nani te ga-het sah ing katin Auto jong hinhol inge tin, hotel khat’a ei dalhan kanu chu ache tai……..
Ache le lampia Victor to ahung kimu to in,, ka um chanu chu kanun asei peh le Victor in, midang in hol angaipoi ati in, ama ho ina um dingin eihung puiyun,…….
Kadam mo na kalel lheh vang chun, ka lungthimin kaki pah ma ma jengin,,, Victor te ina ka umun,, kaki jen pan tan,,, Kei jong Pathen lungset jal’in kahung ol dom dom tan, ama ho um na veng chu twi ahah ma ma jengin, don di cha jong jingkah khovah masanga idel lou leh, kichang joy beh jilou ahim.
Keijong ka dam deu deu tan nikhat hi Victor naote to ponsop’in kache in, twi hah dan dan chu kaden……von themkhat sop nan kani lhum hel jengin,,,,, nilhah lang buhon phat ahitan,, Victor kholai leng chu in ahunglhung tan,,, tuni koiham…? vansop ka toka chu na sop’u hinam? nasop ule hin choiyuvo kaki chen ding ahi ahin tin,,,, ken ka donbut in na toka chu go man lou ahi katile nilhuma go man lou ham…? ahin tin Kenjong na vengu twi hah lam nahet lou ham…? nilhuma twi kahol’u le achai na keiya bonlhoh twi kamua chi a chu kahin sop mai mai ahe kati le, Victor chun Ruthy..nang sop ahi poule akhoh poi tin eihin daiyin, anao te ho chun anui sat sau sauvuleh ajahcha thim ham…??apot doh paiyin,,, nilhah bu kaneh jouvin,,, Victor chu apot doh kit’in keiho vang kana ihmu gam tauve…..
Jingkho avah kit tan…ama ho ucha chu school kaiyin acheuvin keile kanu bou a in uva chun ka um lhonin,, kanu jong bazaar a me cho dingin apot doh-in keibou ka um tan,,, nisa ahung kiheiyin buhon phat jong alhingkit tan, von kisop ho kala lut’in, ka lhep tup’in Victor von ho chu ama rooma kaga koilut laitah in, school kikhen ho chu in ahung lhung chet’uvin,, Victor chun ama naonu Mery ei hi sah a Mery…Mery eihin tin kaki phatlam thim jeh chun ka donbut pon,,, Mery kahin kou chu najah lou ham tin ahunglut to athon,,, eihin mu chet in,,, Oh Oh….nang nahi ham Ruthy nafel na e,,, henu bou inungsol uva nang naum den jeng di ham… atin,….
Ken….Henge…..eh sory….kagah tin,,,common room langa kajon tai.
Hi ti chun hapta ni (2week) tobang ka um tauvin,,, Pathen lungset jalin keijong kanat na a kon chun, kahung dam ma ma tan Inlang che phat jong alhingtan,,, kanun jong inlam che di aseiyin inlam che din kaki gong kit tauvin Victor in um tadi in eiti ti jengin ahithei lou beh di khat seisei hih-in kati peh in,, Ama jong school che din aki gongin kaki lhonsuh lhonin ahi.
Victor….Ruthy ka thom hao val’e nilhah le nang umlouva in lhun di chu,kahin ngai tave atin,
Ken jong kanu jahlou cha khat chun,, ken jong kahin ngaiye katin,, Parking chan eihung thah-in,, “ana damsel inlang eihin geldoh jingo…ahinti le Bus ahung chet’in kahung kipan doh tauvin ahi.
Kaki mu to lhon achaina ding ahilam kana het lou vanga chu,,,, che ni chu kaki mu to lhon achaina ana hitai.
Lunghel tah-in, inlam kahin jonin,,, lhani (2months) school absent kahi tah jeh-in,, kanu le kapan School a eihung thah-un, kadam mo dan ho aseiyun, school chu kakai pan kit tai,,,,
Che phat laiyahin mijousen mobile achoi pon, khatle ni chu achoi aumin mi a gahman di jong chu kiphat lam um ma ma jeng ahi….
Phat a chal bangin, kum jong ahung kihei kit tan,, mi jousen Final exam akichai soh tan,,, Ka lunggela chun,, Victor te jong hung kit vah tadiu katin kakinem ma ma jengin,, kakinepna bang chu ahi tapon,,, Anao te bou ahung tauvin ken jong kidang kasah val jeh-in, anaonu Mery chu kagah doh jengle….
Mery……Heo Ruthy nang ho na potdoh, jouvu lhani (2month) jouva chu ka-u Victor in school kakai ngap tapoi, atin kanu te kom jong pha lou va, gampama potdoh ahi tai, tuhin Delhi a aume aum na te Telephone no kahin peh di ham…??
Kei…..Henge Mery neipe o…. Katile number chu eipen kenjong kakipah-e katin kahin dallha tai.
Ka lunggel chu agim lheh jeng tan guhthima apul kadou jong hibang kigima tua gampam a potdoh kit nalai itih a kiki mu to kit di ham jong kihe talou ka lunggel chu agim chehcheh jengin, Guhthim lungset puldou hinkho hi anom hih beh jenge katin kei le kei chu kaki lungset lheh jengin ahi.
Hibbanga kikinema ki-ngaiya kahet sahlou chu themmo kaki chanin,, ahoupi na ding lampi kaboi pi pan tai..
Ka hinkho chu guhthimin hahsa lheh jongle school moh ngah thei ding kahipon school chu kakai jom jingin,,,, school che di tengle kapan nehthei man dinga eipeh ho chu nehthei neh nan kamang tapon,,, PCO (Public calling Office) a Victor phone bolna dingin kakoi jin sunday ni le phone kaga bol jin hahsa tah le jahcha pum pumin phone kaga bol ji vang chun kangaina ho chu kasei doh ngam jipon sum tampi kinei joulou ahi ji jeh chun sot tah jong kihou pi man jilou,, ahahsa ma ma jengin ahahsat to guhthima phone ga kibol ji ahi nakah chun, Victor in jong amasanga eihoupi dan chun eihou pi beh tapon sum neilousa sa minute nga (5) chan ho ihoupi jongle abangkah le kaboiye tin phone eihin off khum jin….. hijongle kakinepna chu abei deh pon ka lunglha dai deh naipoi,,
Kum khat (1year) lang ache kit tan, kahai mil deh pon,,,sum kanei kom kom le ama phone bol di bou kagel jing nalaiyin,,, phat le nikho achal bangin Victor ka-ngaina achal cheh cheh nalaiyin,,, vangphat um tah-in, ka inkom teuvin mobile khat ahin chodoh un,, kakipa dan chu keiya dingin kagel leuvin ahi
Ahinla chilai phat’a chun tulai bangin Balence free ti jong aumpon tam tah tah jong recharge kibol joulou ahin, mi mobile man jong ahah ma ma jengin,,, som-ni/som thum a, recharge ibol jongle chom cha cha bou kiki hou thei, somni/somthum jong chu inu ipa koma kithuma mi mobile a guhthima recharge kithuna guhthima ma a phone kibol ji nalai ahi.
Niseh a kihoupi nom kit ji..hitia kaboi lenglung lai chun kumni (2years) lang ana che man kit tan,,
Victor chu akamtama amailhai sel vangin, alhoh kisem lou khat moh khalah hiding dan ana hin, ka um chan le ka thusei hoa kona ka-ngaina le ka lungsetna ahetdoh lou jongle,, mun choma apotdoh chan geiya jong jahcha pum puma hahsa tah a phone kabol ji hoa konin hichan ei boipi theile ei lungset khat tou ahi dem ti chu ageldoh mong mong pon.
Selungmol tangpa kiti dih tah chu ahi jenge….
Ka-ngaina la abei thei deh lou jeh chun,, nikhat hi ken jong phone bol di kago kit tan,,, kisong lel pum pumin ka inkom teu mobile kathumin kagah houpi le….
Victor……O nem heuvin wow… Ruthy nadam dam hi nam…? ji nanei tam…?
Kei…..kanei hih-e nangla nanei tam…??
Victor…Ji hoitah le pha tah hin kimu o keila ei ngah doh jou pon natin,, ahin tin fon a off tai.
Ipi lung agela hitia hi ahinsei ahi de o ipi abol kigot’a ei ngahdoh jou pon nate ahin ti ham, ti chu kahe nom ma ma in, nung call kit dingla kaki phalamin,, kipah lou tah-in mobile chu kaga thah tai.
Nilhah pung gup (6pm) vel in, ahin call in ka inkomnu mobile nei nu chun eihin kouvin kaga chele na phone di ahunge tin eihin pen,,, kagah vet le Victor ahi phat’in houpi talouvin kahin dallha tai…….
Selungmol tangpa Victor puldounan kum phabep kana mang tan, mi moh phat le kamthem mailhai ahi jeh a chu,,, kana moh ngai khah mai mai dan ahin,,,Victor in vang ei lungset hilou loi le gol khat hi na a,,eina ngailut mai mai joh dan ahi
LUNGSETNA LEN KINEPNA THON koi dingin jong nom ponte.
Kum tampi ache jou tan, Leiset khantou dungjuiyin tulai khanga mi jousen smartphone kichoi soh keita…….. hoilai muna ki um jongle kimutona phatah Facebook a kahung kimu to kit’un….. kaki hou ji vang un,,, tuchan geiyin,, ka-ngaina le kalungset na chu,,Victor in ahedoh pon ken jong kasei peh deh tapoi.
Nungah gollhang ho lungmol val hih-uvin, nang jeh-a min genthei athoh thei ahi ti chu he jinginlang, naumchan na kampao mai maiyin, mi kinep sah kihope sah hih-in…..
Beita Beita
Thusim abul’a pat achaina chan lunglut tah-a einasim chaipeh jouse chungin kakipana thu kahin seiye, asim jouse Pathenin phatthei naboh cheh-u hen.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
