(Love Story)
Writer: Cicy Neihsial
Arrange: Naocy Haokip
Part-I
Kum pha bep anache tajongle kamil theilou Lungsetna len kinepna thon chu kana hi tai.
Akum chet ho vang sei datang katin, kum somlenga (15) ho kahi laiyin, mi ngaije/dongma nei je kihe go thim thim ta,, mikhat hoi isah/i star khat koma ium teng jachatna je aki he ma ma tan,, insunga inu ipa koma iumle chapang thet thet’a aki um ji vangin,,, iloi igol lah kholai dunga chu kiki nungah sah nom thim ahi tan,,, kum somlenga (15) ho bep chu ikhalah laitah ti di hitan tin, min nungah a eisim beh nailou guhthima kiki nungah sah mama jeng phat chu ahi🤣 mi eidai lou jong, kile dai ngap leuva ki khalah ahi in, kei bou kahi ding katahsan pon kamu dan le kahet dan in,, mi kum somlenga/somlegup (15/16) chan hung khangdoh til lai jouse ahi diu katahsane.
Kei jong 15 Yrs running kahi lai chu nom jong kasa mama in, Christmas le newyear ho phatlai dehdeh le nom akisa ma ma jengin,, koima englouvin hinkho aki mangin, insunga sum le pai neh le chah um lam um lou lam lam jong kihe phalou, Niseh school kai bou chu inatoh hijeng ahi in, ilekhasim na a result ahung hoi thim vangvang le insunga lengnu banga kiki gel jeng ema cha dang kiboipi pha lou ahi.
Ka chen na khou chu in somni le sagi (27) vel kahiuvin, nungah gollhang pilhing sangin, keiho loi gol ho chu katam jouvin, nom dehset’in akilange, kei hi chapang cha kahi vangin ponkhon kana them thim tenin🤣 School kai kahi vangin, school kikhen teng, summer vacation le winter vacation sung ho hin pon ka khong ji in, kapon khon chu kanu le kapa chuleh ka-u ten amah ji jeh-un Pumangte inkhat’a kaga khongji in, sumlo a mipon ka khon ji ahi jeh chun, guhthim tobang a kholaiya kakhon theiji ahi.
Pumang te kati vanga chu kapu te kanu nungsang tah tah te ahi pou ve, hitia Ama ho ina kaum um ji phat chun ama hon jong ei ngailu chehcheh taovin nom kasa ma ma jenge,,, Pumang upa chate jong Lamka a school kai ahiuvin, school kaiphat school ngah phat ho le Pumang te ina chun ahung lhung jiu vin, nini nithum tobang ho aum pa jiuvin, Pumang upa chate lah a atahpen pa chu ana khalah tenin keiho loi tobanga khalah ana hi in, nini nithum ho bep um jiu ahi vang chun, kaki he man ma ma uvin, kakivop jiuve, Pumang upa chapa min chu Victor ahin, amel ahoi beh lou vangin akamtamin amailhaiyin, kivoppi anom ma ma jengin, khalah jong akhalah lheh jenge. Keiho kho chu thinglhang behseh hilou townsung jong hikit lou mainroad a kona Kilometre sagi ho ahi.
Victor te chu thinglhanga cheng ahiuvin, ccpur tuibonga anao te to school kaiya, insaan a um ahiuvin Che suh che touvin kei ho kho chu ahin jot pa jiuvin, Pumang te ina chun alhungjiuve.
Kei hin kana hetdoh vah lou vanga hi, kumseh le keiho khoa hi hunglhung jiuva, Pumang te in mama a hi hunglhung ji dan ahiuvin, kahung ki-nungah sah thei phat’a kahin hetdoh bep dan ana hi e🤣
Kahin hetdoh kum a hin ni thum aumuvin sun le janin kaki vop uvin Victor chu akamtamin anom mama jengin ni thum jouva nili ni jingkah matah in, school kai na dinglam jonin ana che tauvin, kei ho jong school lut vah ta ding kahi jeh-un kaloi ho toh vonsop’in kache uvin, nilhah ahung hitan kaloinu Kikim toh kei chu ka thomhao dehset lhonin Victor umlou chu anopmo na e kati lhonin kaki houlim lim lhonle jan pung 9.00 lang ana hi tan, emu dingin kaki khen lhontai.
Jingkah a ka loinu toh twi khaiya ka che lhon le, Pu mang chanu Bebem in He-U Ruthy chehi ka-U Victor in anapen eitie atin, letter khat eipen kaloinu Kikim to koiya di joh ahi jong helouvin ve jong ve louvin, inlhuna sim dingin kipahtah-in kachoi lhonin, twi bel ngap lhah lhah a sim din kakoi lhon tai……………………….
Kaloinu Kikim te in chu lui langa kona ki lhung masa ahi jeh-in, atwibel ngap lhah chu kangah-in keiho inlangin ka che lhonin, kei ho in ka lhun lhun lhonin, kinem tah le kipatah-in Letter chu kahong lhontan ahile hiti hin ana kijih mai maiye…………
“Ka gol ngaitah Miss Ruthy…….nangle naloi ho jose ana mangpha taovo,” ti mai mai ana kijih-in.
Kakinep toh abahlou phat chun kajachat manchun ka loinu chu ha sih-in kasih-in, kalei kalhah khumin ahileh, ama jong chu aginchat bang jeplou chu hiveh ta eihin ven, a ehche nui tet tut’in ahi.
Kaloinu Kikim chutoh nui di la hilou, lunghan dingla hikit lou, sei di helouvin, kaki moh vet to lhonin,,, hachang thah tah-in, Hi che mai mai Letter a kijih katiu lhonin, kaki khen lhon tan ahi.
Tulai banga mi jousen mobile kichoi lou ahin, tulai banga mobile kichoi hi le kagah pho nom dan dan chu epi vetsah na a, mangpha mai mai Letter a nei hin thot ham…? tia message beh gah thot thei hile kanom ma ma jengin, phone umlou ahi jeh chun ema akisei thei tapon,,,, itih a hung kit di ham…? itih a kiki mu to kit di ham…? ti jong kihe lou, Victor chu akivoppi nop dan le amailhai dan kagel leh koima koma kasei doh nomlou vangin kana guh ngai deu chu hidi ahin che a kon chun ama gelnan Hinkho kahin mang pan tai………………
To be Continue
Part-II
Nasimchai jeh-in kakipah-e, aban jingle simkhom kit taute……..
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
