Home Lahkhom LUNGSETNA GUILHUNG JOULOU CHU IHIMAI TAI, HEO!-III

LUNGSETNA GUILHUNG JOULOU CHU IHIMAI TAI, HEO!-III

222
0
lungsetna guilhung
lungsetna guilhung

(Based on a real Love-story)

(Part-III)

Compiled & Arranged by:
Max @Hegou-Dimngel

Recap: Hijongle keini chu nomtah a chomkhat kihoudia bench a katou khomlhonle mei (light) chu ahung mittan ahile anajing (dimmed) khatan anahi.

Chutahchun Chochong injong thaomei chu detvah ding angaito tan, hijehchun meikhet agalahle kot (door) achun muthimlah ahijeh in adehpang/achalpang (forehead) chu ahinkita khahte; Aluchang chu na (pain) asah vallin kachungsenan ahung kineijin, chuin kinjong “hinjole na unu’n eigelkhel lhondhe galumtan o neo” katile; amanu’n “heu neilungsetlou jeh a neisolpai ahijongle nang lummasan, chutengle keiman thaomei kachoiphei ding ahije ajehchu naosen kaneijeh un” ahintin ahi.

Keijong kakigelle chubanga min eingaija kagelle kait vallin kakoijin katoukit lhonne, amanjong huon (garden) sunga lhavah noija toukhom ding aseijin polanga kachedoh lhontai. Aninglang khatna katoulhonna Chochong kachunga nomtah a kingaichu kavetle, chunijanna amelhoi dong hiuheo chu vetnom aumle lungsetna mel aputchu kalungin kamujinge; kakhutchu ahintuh in ajutle’n ahile ahung vot hioheuvin chule anemchet danchu katha ajadoh jenge, keijong kichenpi dinga kanagel ahijehchun nopsahna chu kaman nomvanga bollouvin kakitimme. Janlanga pungchu 10:17cn lang ahitan keini jong innsunga kachelut lhonnin kalupna munlhoncheh kakijot lhontai, jingkho ahungvah tan keiho jongchu jingkah-bu kaneh jouvun Vahboi jong Koubru mollanga Nachang holdin achetai; chapangho chu Chochong in adon (avesui) nin keijong kakho langa kile (return) kitding katile, Chochong chun eikhammin ajingle joh kachedin aseije. chuphatnin kanichong kittan sunnin naoteho chu kholaija sumkapehle nehthei kichohdin achedoh gamtaove,

Hinla aneopennu chu aimutan keini jong nomsatah in malam hinkho a kimanchah dingdanho chu kaseijing lhonne; alangkhatna kholai jong mithipchet ahijehchun chele nading umloujeh in, Chochong to keichu khohepha louvin shala..la..la..la kabollhon tan ahi. Nilhah langin amain nilhah-bu matah in ahontan aunu (Vahboi) jong inn ahungkile lhungtai, chuin agakisil jouchun keini jong kisildin kachekit lhonne; kahung kichailhonnin Ann kanekhom uvin chujouvin Vahboi jin naotechu asille, hinla keichu khovella kavadoh nomjeh in Chochong toh kihuilha din kachepai lhontai. Khonomjang toh kimatna um Semuol kholanga kachetou lhonle khomite chun eive2 jenguve, kinjong Dukan achun amadingle naote ding chule keima ding kuwa toh win-cigarette chu kachohjou lhonnin kahung kilesuh lhontai; Lampi komlanga chun Chochong deicha khovella chun jukhamma michou jing mi-nga anaumin, Chochong in “Ugou loulampi a peldoh hite hinjole nakinah tei2 diu ahije ong” eitin eikaiphei tai.

Kinjong kahet khahlou mikhoa kinahna gahboldi kadeilou jeh in amanung chu kajuitai, khothim dingkon (dusk) ahitan chomkhat loulaija changkong (terrace) achun katoulhonnin kakingai lhonne. Abeng (cheek) kagah mehpehle ahung nuijin kanah (nose) chu ahachang thahdan ahitan hameh in ahinle meh e, anatvanga anopna umjeh in kakoijin kakichopto lhontai; ahinla innlanga chevahte katin akhou (Muolhoiphai) chu kajuonlut lhontai, chunijanna chun keini jong imuvahta louvin keilupna chunga chun katoukhom lhonne. Kachena ding anaiphatchun kanilhonna kaki itto cheh2 lhonvanga hithei louding ahijehchun, ipinahile jingle Dzuko valley a chekhomte eitin kanomtan ahie; keinile aloi numei Lhingneo, Chiching & Boineng toh matah in Mao lang jondin Bus chunga katoudoh taove, kahung kile langule keichu innlam’a kileding katijeh in kijen kasan ahi. Chuin Boineng chu agilkel jehchun T. Khullen a fast food nehding ahintin, Bus chunga konnin kabonvin Meena Rice Hotel langa chun kachetaove,

Bu kahin nehchai jou uva gari aban hungkit ding kagah nga ule Naga pasal mini hin Lhingneo le Chiching chu “Hao nupi” tin ahinchou lhontai; amani jong chun “nakhoisu chinggi mee natra bara haiju haiju, nakhoi gumba kajana nupi eikhoibu ikaikhumnaba manghallaga loinana lamchat sajat kajana uttabasi jamna tukatchei…phui” atilhonne. Hijongle Naga Pasal teni chu akhosunguva kihatsah ahijehchun adei anopcheng meilheipao vin aseijing lhonne, kinjong “Tummina leijo marup eikhoi masen khatnaba touraga kari kannaba phanggani jare tokpiju” katile; Pasal tenichun “Hey nang nathou jaode kari pambra ha?” eitin eihin khen tai, kalung hangvalla “phare noina khutthaba hanna houbagi touba tare dana” tin aluchangtah kakhetpeh tan ahile; aloipa chun eihinpeh kigon kalho (kachot) lhuhle dukan bangsena’n agakineije, chuin khatpa tochun nasatah in kakidel2 lhonle masanga electric-domestic wiring kanasempeh inneipa (Machinmi) chun eihin mun eihindelle. Chuin kabonvin eisukhen un kakomma “Ichasa noi amata saoba aduga varouba jadeko,

Nakhoina langani haibasi napa eina thajade; phattaba meeoi anise houjikmak youth singda eina sinna gani, noisebu kaduga kadai chatge touba jatla Mr. Max” ahintin ahi. Chuin keiman jong “Ipa karisu thoidokna leijade adubu eikhoina Dzuko valley da outing chatgetouba, ngaihaktang Hotel da chak (bu) chaba loirega hallakpa duda itao anisina karan nupi aningonda toubane; mathang lakpa bus-passenger ngaibani, houjikna Senapati hek jourega Boineng mapa Office chatlubado hallak rega eikhoi pullapse Mao romda chatkani” katitan ahi. Hijongle Machinmi chu mihaole mipha ahijeh in kageidiu chu ahetjeh in, amachun Senapati DC office geichu a car in eihungthah lhungtaove; keiho jong kakitai dan uchu Tangkhul (Naga) hojong miphatah2 anaume atiuvin Lhingneo chun ahinseije, hinla Chochong le Chiching chun vang “hoilah tuni u Gou umdale akichai ihidiute; kipaume nangbeh light na2 semthei jeh a mitoh nakiha hetne” eitilhonne, keijong “hehehe”….katin kanuijin ahinla eikikhet khahna chu anathouve.

Chuin Boineng in eijutpeh in ahivanga nasalou banga imakati tapoije boldato neo katile, Boineng apachu Office akipat ahungdoh toh kitoh in keiho komma Car chu ahintoltan ahi; chuin kakaldoh un Dzuko valley a chun chomkhat joulangin kagalhungun, limtampi kakilah (snapped) jouvun nehdingle donding theitwi hochu kanetaove. Nilhah khothim dingkon lang ahiphatnin innlam (Muolhoiphai) kahinle jottaove, keichu kanggui (kpi) a kumtange katile Boineng pa’n “Gou kalsong dohkhom uva navailhun khomkit diuchu thilpha ahije ipinagella” eitin; keijong Chochong kagah mitsih vetle kaumkit ding adeijehchun, “henge hepa kipaume nangjalla tuni excursion kichethei kumdatange ahile” katin katousuh pai2 taove. Chunijanna Lhingneo in amaho komma bunedin eihatep vallin kagachetai, hinla jinga innlang kachelou akhohjeh in jan’n Chiching te inna changlhah kakikan uve; keijong Chochong toh kagajaovin akichaijin kagena ji achun kageh gotan ahi, Bebem (Marilyn) le aunu-Henei chule Vahnu hothum jongchu Chiching le Chochong in agapuijin ahi.

=Hiche thusim lunglut tahle thanom tah a simjouse Pathen in phatthei naboh tauhen,
-chule aban last_episode jong lungneng tah in anangah jingute…..kakipah e.

Presented by:
LENLAAI-HUILHI WHATSAPP GROUP’S

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Previous articleHAOSATNA HI NAMANTHEM LOULEH VANGAM AKHATHEI AHI
Next articleAMERICAN PRESIDENT DONALD TRUMP CHU ITI DAN A KAI KITLOU AHI TADEM?