Lalpu lotjem.
6009048006.
Part – Khat (2)
Phat chom khat nga di kati bang chun, ima sei louvin, phat sottah pi chuta chun, kamoh umtaiye. Ama keiho sanga class khat na tamjo ahibang chun, ama class 12 ahitaiye.
Phat le Nikho ho jong ahung chal dung jui jin ; School lang injong admission ho kaga kibol doh taiye. Ken kaga kibol doh lang chun , Nenem vang phai lang in aum taiye. Phai lang aga chi ding nimasang jan akipat chun, lunghel akipan taiye. Ahinlah, aki dam nah leh, ei jong phai langa ga kikai ding ahijeh chun, ale lam khat in khoh kasa kit poiye.
Achi doh ding ahi phat chun, keiho jong kholai kaga chi uvin, anop na thei chan in; kaki sukhom in, kaki dai un, nom tah in chi nilhah chu kamang khom uve. Kaseiji bang chun, eiman phat kamang khop poi, kachim naipoi, kakhop naipoi tia tuh tang thei ahilou jeh chun, phat ahunggei tan, kaki khen taovin, ajing’in ama jong matah in, aum na ding in ho suhtup ding ahi nalai jeh chun, matah in achi taiye.
Ama apot doh jouva pat chun, kakho sung uchu;ahong deh duh dan in aum’in, hinkho man chu lughel najeng in adimme. School kai ding kal bou kanga lel ahitaiye. Keiho kaina ding chu, avat lheh thou nalaiye. Hijeh chun, nop le da kibang’in aphat chu kangah taiye. Kei dinga amasapen ahijeh chun, kangai deh setne. Kaloiho khat khat in ; thu ahilou lang lang beh khun ahin sei jiuvin ahile, keihokikah lah injong kinopmo nathei ding thil ahung soh doh jong atam jie.
Phat ahung chal dung juijin, aphat ahung lhing tai. Amaho vang chu matah a ana kai masau ahitaiye. School kai pat nikho in kaga chi in; school vang kaga pha poiye. Nenem umnan kaga chi in, ahinlah amavang ana umpoiye. Chuphat chun, loi le goul koima jong akinei nailou jeh chun, in lang kile ding tilou chu china ding mun dang aumlou jeh chun, kahung kile tan, ama umna komma chun dukan khat in nehthei kagah nen ahile, chom khat jouvin, ama jong ahung lhung taiye. Ahung lhun kamu mu chun, kadel paiyin, ahile aman jong eimu mu chun, ahung nuiseu vin; eina ngah in, akom kalhun phat chun, kaki houlim lhon in, ama room in kachi lhon taiye.
Ahung kile vah na ajeh chu kadong’in ahile, hiti hin ahin seiye;
Kei – Ipi dinga, nahung kima le ta ong?
Nenem – Kathase deh duh ale, kahung kima le ta.
Kei – Kateish, kahung di nahet ngap ham?
Nenem – Hitei tei dihe..
Kei – Umkhop umji thou vinte ong.
Nenem – Ump, kakhop mong mong jihe.
Kei – Mi khat toh beh ium khom hih de ong.
Nenem – Kaloiho ahung jiji thou uve.
Kei – Oh…. In lang itih nahung di..
Nenem – Kahe thei nai hih ae, Ipida, school nalut lou ong.?
Kei – School lut ding’a kihung ngap louva.
Nenem – Ale, pida nahung ong? Bahara leosah a nahung.
Kei – Bahara leo jongle, kahung na ajeh kalolhin le iman kagelpoi.
Nenem – Ipi kin nalolhin ta?
Kei – Kaseipih di ham?
Nenem – Sei tati..
Kei – Nang kamu hi kalolhin na ahitaiye.
Nenem – Ako jie. ..
Kei – Atah kiseiya, ipin ako pi ding ong.
Nenem – Tot deh duh ji hih o… Sa kihon te nah nah a hunga…
Kei – Ump…. Khoh hih ae….
Chijou chun, kei nin jong kaga kilah hon nin kaki hon lhon’in nilhah lam ahung hitan, agei thim phat chun, keijong inlam in kahung kile taiye….
School kachi dung teng leh , kah lah lah a kaga phajin, ama vang 12th piding ahijeh chun, School hoitah in akaiyin, kaki muto lhon louna atamjo ana hijie. Kum jong ahung lhung tan, school lam a jong suty aum phat chun, ama jong, in lam in hung doh ding’in aum taiye. Phai langa aumma hi, kalungset nathu hi avella sei ding kana ti ahin, hinlah ; sei ding kati jileh, inlang ahung phat le nom in kisei tante, tia kana gella inlanga ahung ding hi kana nga jing ahe….
Inlang ahung doh tan, ken jong kagellin ahile, Tua ahung doh hi lhaso lou ding ahitaiye, het chet ding ahe, tia hi kaki gellhah a sei dinga kaum ahitaiye. Chi bang chun, jan le pot doh ding jong, chu ainkoten aha jah nom beh seh kit lou phat uchun, sun le sei ding ahitaiye. Kati kit in sunna ding in kangah kit taiye. Sun na hin , sei ding ahe tia hi ; asei dinga ain uva kaloipa toh kholai leng’in kaga chi lhon tan ahile, ain u kaga lhun hon chun, anu jong ana umkit in ahile, lunggel leh thil kigong ho khat cha ahithei tapoie. Kihetmo sah tah in, kamoh umlhon taiye….
Sunna dinga kigong ahithei kitlou phat chun, jan na ding in kale umkit lhon taiye. Jan le vang ahitei tei ding kati lhon’in jan in akou doh ding’in mithem khat kaga chi taove.. Kachi vang uchun, keini vang kalut lhon pon, kaloi ho seh seh kasol lut lhon’in keinin apam lam in kangah lhonne. Ahung doh phat uchun, keini jong kachi lhon’in kaga kihoulim pi lhon taiye. Chom khat jouvin kaloipa jong kigamlha deovin aumin keini seh seh kaum khom lhon taiye. Chiphat chun, ken jong kalungsunga um kalungset naho jouse kasei taiye.
Aman jong chi nilhah a kasei chun sei ding ahe vah pon, chuti chun thip beh in aum’in kathu seiho chu amoh ngaiye. Chutia kasei sei jeng phat chun, aman jong achainan, kanom taiye atin, eidalha taiye… Kanom taiye, ati vang chun ; kakipana ana lhasam lheh ae. Ajeh chu, lunglhai selleh kipahtah a aseilou ahi kahet jeh chun, kei ding’in anop vang chun, kana kipah beh poiye. Ahinlah, alang khatna kagel kitna ahile, ajahcha a hinte kati kit’in, achi doh jou chun, kakipa jeh chun: kaki chom leovin, kapeng in ahile, kaloipa ahungin; chijou chun, in langin kakile lhon taiye…
Chi nilhah kipat chun, lungset hinkho kiti chu kahin mang pan taiye. Kei dinga apatna ahijeh chun, ka lungset na asang’in kipanan kadimme.. Hapta ni tobang chu, keini jong kakimuto jilhon’in ahinlah chijoua kipat vang chun, ama jong kakou doh kigot na ahile, ana seiji in 12 piding kahijeh in, neihe them’ij ana ti jin chijeh achun kakou doh nom lheh kaki houpi nom lheh vang chun, kakou doh ji tapoie. Achaina din vang achi doh ding kon’in kaki muto lhonne. Chi nilhah kakimuto lhon chu , kei ni dinga exam chai kah adinga ahi phat chun, chi nilhah chu nilhah dang toh bang louvin, jat chom in kamange. Masang lai chu hile, eijong school kichi jing ding hija, khoh kisa lou ding ahin, tua vang, school jong chi khalou ding akihi phat na, Chomdeh kasah ahe.. . . . .
Ajing’in ama jong aumna langin akile taiye. Chijou apat chun , Nenem ngainan phat jouse kahin mang pan taiye. Anopna jong nai cha hinalai, tua eidalhah pai ahijeh chun, ale lamkhat na geldau najong aumkit jin, lang khat’in ngai amoh um umm’e.
Lha li, lha nga (4, 5 month’s) ahung val tai. Ahile kimu na ding phat jong ahung nai cheh cheh tan ahile, aphat kangah lel mong mong taiye. Nikho leh phat simma mah thah a kahi jeh chun, kain koten, Calendar neipa tipouvin eitot jiuve…. Ken jong kadonbut jin nasei nom nom kisei uvo….
Exam ahin jo jouva ahung ding ngah a, kipatah a kaum jing lai chun, jan mang dinga jong dei umlou, thil kahin ja tai….
END OF PART 2……
Lungset vang neilou, Part ni nachu, chichan chun aki chai taiye. Lunglutah hin sim jouse nabon chau chung in kakipana kahin phonge. Chule isim naban uva dohnom seinom neiya ium ule , achunga kipe contact number akhu call ahiloule whatapp a iki jah mat diuvin temna kahin neiye….
KAKIPAH AE….
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
