Part-1
BY:BOIMANG HAOKIP
Kumhei ahung kichai tan keijong chapang cha kahi jeh chun loile gol toh juleva banga lenkhom chu nom kasa in ahi..Hinlah kanulepa vang kumbul la natoh kipat ding angaplal honin hinlah keima themjil na ding gelkhoh najal in kichol louhel in thinglhang lei a akon pan hontan ahi.. nilhah laltah a ahungvailhun honteng kanu in bu ahon ji in keivng chu khojin takah in in kajon jipon ahi..in kalhun teng bu amin gei jile kakiphin ji in kanule pa natoh lal lam hepha louvin bu einehsah hon kahsen kakiphin ji e alal pettah hona kakiphin jichu ama ni dingin lal kibecheh na ahiji in hinlah chapa changkhat a einei honjeh chun eivo nomhonpon kapa in eilhem ji in kanu in bu kinotah in ahonji e..
kahet lou kah in school kaipan phat anahi tan insung hahsatah kahi vang uvin ka school kai nading chun imacha avat aumpon ninglhing set in kanulepa in ama sapen ni chun school in eihung thah honin amani akile hontai..sunteng le kagil kel ji in kiphin dingjong kaloilepai tamtah aumjeh chun kajahcha kit in school kikhen kahsen kiel kathoh in ahi..in kalhun in kanulepa natong in ana chi honin in kom a kani in chabi ahinchoi in kavon ho eikhel peh in sun an einehsah in kaki chemkit tai..hiti chun phatleni kumlelha kikhel dungjui in keijong hahsa tah in kanulepa in eihin puikhang honin class-vi kahin simtai.
.ka class nemcha ahivang chun thinglhang a hungseilen kahi jehchun kalim vangchu ana le lheh ahitai ka class uva chun alenpen in kaum in kasanga neo ngan ahijeh chun nom kasa lheh in kanungjui dingjong atam in mi nehthei hihen lang epi hijongle kadei2 le kadu2 chu kakilah ji in ahin it ule kabol kigo ji in ahi..hiti chun kumkim jong ana valtan ahi..hitia hinkho kaman chu keiding in anomin hinlah ka bol genthei hoding cun school kainom jong ana umpon ainkote komuvin kei phat lou jehchun school kai taloudingin ana kiphin gamtauve..
nikhat hi class kalah pet uhin principal pa ahungin class a Pat chun eihung koudoh in office kalhun le minu mipa tampi ana um uvin keijong kalungdong tan chomkhat jouvin oja pu in kathilbol hoilou hochu atah ham tin eihin dongtan kagelleh ka classmate tamtah kasuhgenthei jeh a chu ainkote uvin complain aboldiu chu kahe tan keijong kakilep thei deh pon adih e sir katile nanulenapa kakou ding school a Pat napot ditai eiti tai hichi phat chun keijong kanulepa in a hetding chu kanom pon oja pu komchun avelin bolkit taponge tin ngaidam kathum tan ahile minumipa tekom chun ngaidam eithum sah in keijong class a achate chunga lengpa tabang a kium a anulepa te koma ngaidam thum ding chu hah kasa lheh jengin ahi hinlah kanulepa hetding kada jehchun ngaidam kathum tai..
hichun kahung doh tai kanulepa in ana hekit hontan nilhah in maicham asem honin phatah in eihil hon in kachunga alungngap hondan le eikineppi hondan ho khonung changei a kahinkho man ding danho eihil honin ahi..hiti chun kanulepa in eihil nachu knjong chapang kahi vangchun kagel jingin kahin chipi jing taiβ¦class aban2 in kahin sim in lekha vang themloutah kahijeh chun kanulepa jong alungkham hontan epi abolthei ham tichu lampi dang eigelpeh hontai..class-x kahin chaitan anah2 in second in kahung in ahi..kakho utoh kinai napen mun khat a aban kahin sim tan keidinga jong munchom a lekha kasim na masa pen ahi in hijeh chun milah a chun ka jane joupon kiphatlam na in kadim ji e..
hahsa kasah pen chu loilepai hetkhah lou athah2 hinkisem dchu kagel le hahsa kasah ahi..hiti chun kaloilepai jong athah kahin kisem tan kanulepa in eihil naho chu geldoh pumin hinkho kamang jinge..ka ginchat loule kaht phah lou tah in kumlelha achaljing bangin lunggel jong ana chal hitantin lungset kiti kahin boipi pantan ahi..kasanga senior hokhat chu miho in phatseh leh ahoidan ahodan u atiji uvin amatoh kicheng2 khu avangpha dhe atiji uvin ahi keijong kalim chu kaloiho sanga lenjep dan a kaum jeh chun keitoh eitetha ji uvin aman la hephalou keichula ama kamu ji teng kiphatlam nan kadim ji in ahi..
ol2in miho in keini chu kilom inte tiho in ahin seipan2 taovin ahile amanjong ana kijahdoh tan keini kah chun kijacjatna ahung umpantai..aivng a keini chu kihe tolou kihou khalou kahi honin ahi..hiti chun kaloiho in eiha support jeh uchun keijong ka lunglut thimtan etabang mi ham tijong khol louvin kahung kipan ngaltan ahi..amajong kagel sangin houpi anom in hiti chun keini kah chun kihetto ahoijep2 tan knjong aumna ho kahin hechen jep2 tan ahi..kaht loukah in kalungset nathu kana seidoh chu hitan tin amanjong hiti chun kahin dan le kainchen danho chu ana khol2 in knvng kana kiht pon insung mi lhomcha le kingaiutah kahi uchu ahtjeh chun eihin noppeh tai..ahivang in ekilungset ding ahitah leh keihi nangsanga thepjil nalam hihan kumlelha hijong le sangjo kahijeh in njole nangdin kana le kisih na thei hung hikhale naboi lou dhm tin eidong in knjong kalungset le kadei jeh chun lungset na in let le neo akhenpoi tin kaki ngaipi tai..
lekha sim ding dan le hinkho an ding dan nasatah in eihil jingin ahi hijeh chun keini hinkho manchu koiman avese pon ahi hinlah mite vetset naloudinga hinkho kaman honjeh chun keidin ahahsa jilheh e ajeh chu deibanga kivop a kihou kiti ho chu aumpon ahi..school kachi jiteng amaho inlam chu kajotpa ji in hiti chun kakilhon ji hone..ama chu ucha thumlah a numei changkhat leh aneopen ahijeh chun ainkote in ahomtho ma2 uvin hijeh chun xii achai2 le Shillong a aban simsah ding tia ana gel u ahi..ainkote in akineppi naule ama dinga lampi a gonpeh uchu ahtjeh in ainkote in kakingai hon ahetdiu chu atija tan ahi..Hinlah hitia phatseh a kanga jinga kakivop jinghon chu ainkote in ahin hedoh taovin hijeh chun keima chanchin ho hetoh dingle kholtoh dingchun guhthim in kakho ho u ana mangcha uvin ahi..
insung mi lhomcha hija kingailu tah a kaum uchu pha asah uvin hinlah niseh a nehding an kiholthu te kahijeh uchun a chanu uchu hitabang nehlechah a genthei dingchun aphalkit pouvin ahi hinlah imacha vang aseipouvin hiti chun keijoh chu ainuva eikou jiuvin ngailut na neitah bangin eibol jiuvin ahi..knjong amaho chu kahin ngamsung tan hijeh chun kiphatlam na umlouvin keini kah chun hinkho nomtah in kamang jing hone..kanulepa invang amaho chu ahindan ule ainchen uchu agelthei behseh honpoi ajehchu neilenga kibang lou akihijeh chun njole achapa hon keihinkho set nabep hikhante tichu akichat hon ahi eipho nom honlou jeh chun ol2in chingthei in boi naji ding hi mi incheng vang hilou vin eiho kibahpi hile genthei na hethem sa hintin eiho din kingailut na hijonte tichu eihil nahon ahijingeβ¦
Hinlah numei nu Neneo chu kadei jeh chun kanulepa thusei chu imacha thu umponte tin kadonbut ji e..ajeh chu kakingai masang hona kaloiho in Neneo toh kicheng2 chu avangpha ahe apute in ainchen asemdoh pehthei u ahi ati chu ken kana kimelchih kiu ahi..hiti chun Neneo toh keini kah in ima vang boina aumpon keijong ngam tah in hinkho kahin mang khatan ahiβ¦ama in class-xii achai tan hijeh chun Shillong in lekha aban aim dingin aumtan ahi kangai jehleh kalungset jehchun achidoh dingchu kaphal dehpon hinlah ijat kaseia ka kham vangin ainkote thilgon chu pelthei ahipoi atiji teng kathip jitai..
hiti chun achi nading nikho anai tah jeh chun nikhat hi keini jong lhahna tabang in bazar kaitoh kihou thei sahnan kapotdoh hontan ahi ken kalungset bang2 leh kangai bang2 chun eingai nathu le kei dalha a achidoh nomlou nathu hochu asei in hiti a kihom tho tah a kaum honlaitah chun hetman louvin nilhum kon lam ana hitan ahi..hijeh chun keini jong munchom cheh in umhon jongleng kitahsan to tah leh kisumil loua pangdet jing dingin kakitem honin ahi..keijong ainkote in boina thu imacha aseilou jeh uchun eiphatsah u hinante tichu kakinepna ahi..nilhum konin inlam kahinjon hontan kavet najouse chu lunghel najeng in eibom in hitia lungset hinkho genthei tah a kaman chu kagel le kaki datmo lheh in ahi..pasal kahi vangchun keidinga ka first love ahijeh chun kalungset nale kakineppi na asang in lungset na kaht chasun2 chu ama chunga chu kabuhlhah ahitai..
keijong jing nikho chu suty kahi jeh uchun kanulepa Komin phalna kakilah in Neneo chu parking gei gathah dingin kaki gotaiβ¦janjong ka imu thei pon hiti chun noma kalen khomlaini honchu kagel in ama chidoh joua college a kachanga kauma kalhat le nahon munho kamu ding kagelleh hahsa kasa lheh in ahi..chomkhat Joule ama ahetna sangin tin keisanga chingjo le themjo neinga a bulhing hotoh ahung kivop teng kagenthei pi naho sumil in laidang hungleng jengtale tiho kagel chun kalaidip gil bang avot in kajalna khunchunga chun lonlhi in kana long in ahi..
mite dia noma samang jal naphat jong keidin kalungset Neneo ngaina le lhah lal najeh in selunghel pumin lonlhi long in samang jal thei louvin bu-al jong ana khongtai..Jing kho ahung vahtan keijong kavon lah a ahoipen2 kakivon in Neneo parking a gathah dingin ainlam u kajon tai..genthei jeh in mobile jong kanei joupon hijeh chun keini dia kijahmat na ahahsat ding dan ho chu kalungset nale kangai natoh kagah geltha leh lunhnop na him2 vang aumpoi..hiti chun ainkote toh amaho car in parking lam kahin Jon taovin ahi..
phat jong ana chal dehset abang jengin kahet manlou kah in in kikhen phatchu ana lhingtai..ama fon in lim kakikap uvin keini bouseh jong ki2kap le tichu kei lunggel ahi hinlah insung mite jehchun kajahcha hon in kakikap hon tapoi.. sunkim don ahitan amaho touna gari jong akithing tan amajong akaldoh koncha chun kakhut ahinla in lekha peh neocha khat toh kakhut chu asipbeh in akaldoh tai..lekha chu vetkal kangahlal lheh e hinlah ainkote masang ahijeh chun kakiphatlm kit in inlhun teng vetding tin ka toka sakhao sungin kahenglut taiβ¦
Part-2 jong ana sim jom ute….
