Home Lahkhom Lalpu Lotjem LUNGSET MASAPEN (First Love)

LUNGSET MASAPEN (First Love)

521
0

PART-5

✍️✍️✍️LALPU LOTJEM.
6009048006.

BANJOM…………
Chachan’in aloiho thusei ajah joua chun koi ahi ahetnom jeh chun agah kiheija ahile, Satneo le Papao ana din amutan ahile; kidang asa vallin, chom khat set pao louvin aumin; Satneo jong chun seidi ahetlou jeh chun Papao komin, chita hite atia agah kinung hei honna, akile lhonna ahile,” Chachan chun kaloiho ahe, gachi inge atin, anung lhon chu adeltai.
Aumpet lhonna chu kaloiho ahe tidi atia ahile, adongmapa nahnah chu kaloiho ahe tidi chu aseinom lou jeh achu achilhonna chu amani jah lou dinga chu kaloiho ahe tia asei ahe.

Akom lhon aga lhun chun Satneo chu alungnop mo jeh chun pao jong apao poh pon ,”Chachanin ahoua ahijongle , donlouvin akoiyin” aloipa Papao vang chun masanga aumchan ho Chongpi in ana seipih jeh chun, ahina ahen ale lamin khoh ana sapoi,hinlah aloipa ding chu agelle nommo ana san alungthim anom thei poi.
Achainan Satneo apao mong mong tahlou jeh chun Chachn chu ahung kiphalamin , Satneo khut chu atuhin; Heo , Kei thepmo ahe, milungneo , ahoi lheng, lungset lhenglou kana hijeh a tunia hitia hi umma kahe.
Kathepmo naho kakihetnin, nei ngaidam lou di jong kaki hetnaiye, hijongle kathepmo nahojeh in vang ngaidam kahin thumme, atin amun chun akap den tan ahile , papao chun alhemin ahile,,

Satneo chun alungset val jeh chun, ahung kap doh tan ahung kinung heiyin, Chachan chu angong koijin, phat sottahpi akap den lhontai.lungset ahetpatna, akipasah masapen, alungmonpi masapen, akinepnapen, lungtup molso pidia; alungset najouse ana pih sa ahijeh chun ana lungsen athepmo na aumchan, akiman chah ahet chet vang chun, alunga konin amang thei deh poi.ama dinga alungset masapen ahijeh a ana ngailut deh set ahe.

Mithlhi loung pum pumin; Nao, iti ken nang kangaidam da ding ham.kei dinga kakinep napen nahi chula , kalungset najouse kapih nahitai. Lungtup imolso takah a kalungset na daiponte, lungset hinkho adia kadei lhen nahi tia kana sei chu namil hitam.
Hichun, Chachan injong Heo, lungset dang eikipasah ding, eilungset ding, sum choi, minomsa a vea lungset kana hol hi kaki sih ae, nang banga eilungset ding umponte.suma kipana umlou, lungsunga kon bou kipana aumdan kahe chenne.

Chijou chun amani jong agei lhon ding phat chun, kile pai ding atilhonna ahile; chachan chu anompon, khatvei chakhat hung honna cha( Tea ) beh kain uvin don hon inlang kile hon in ati in ahile, amani jong da ding chu nopmo asah lhon jeh chun; anom lhonin Chachan te inlam jon in achi tauve.
Ain uvin, nehthei le cha ho adon chai uchun ageithim tah jeh chun akino lhonin akile pai lhon tai.

LAMPI AJOT LHON PETNA AKIHOULIM LHONNA÷
Papao÷ Satneo, Chachan khu nalungset mong mong dan ahe ong, masanga aumchan kana seitho laiya chu ahile, athua kisei tho ahin natahsan lou jong le thukhat ahin; tua namittah a namu kisanna nalungel kikhel lou chu kidang kasah ahe.
Satneo÷Pao bhai, Kei dinga kalungset masapen,lungsetna kapih sa ahin, khen ding kagel ji vangin kalungin ajou jipoie.
Papao÷Sat, tulai numei hohi sum jenga kipa na umdanna agel utam kahe hih ae.
Satneo÷Pao, amaho dinga chu Gari nei, sumhao anop nop, adei dei, nei jouho toh akingai diu chu thanop aumma um di ahe.
Papao÷Henge, ahinaie hijongle; Summa kipana acham kim loudan hethem leu kanop ahe.
Satneo÷ Bhai, tulai lungset dihtah neihohi genthei mong mong diu dan ahe na.
Papao÷Sat, nang jong ban hel chop chop jeng tango ahiloule.
Satneo÷Pao, Chachan tailou lungset dang neiponge kati ahin, hinlah Pathenin thu thu hitante.
Papao÷nan khen le nang dinga nungah tamtah ijol di ahe, olmo hih o.
Satneo÷Pao, numei tamtah lah a chu kitah tah a eina lungset khah ana umle, ama genthei ding ahin kanompoie.
Papao÷, adih ae.

Chujou chun amani jong khosung alhung hon tan ahile, ain cheh lhonin achi lhon tai.
Janin Hou-in kaina injong apang tapon, alel jeh chun aimu pai paitai.
Phat jong ahung chal chaltan, Exam phat ahung lhing tai.
Satneo le Papao hi lekha them behlou , ahilhon jeh chun ana kisong lel lheh hon jenge.
Ama ni dongma tenni vang chu lekha lamin athem lhonin.exam in kison lel na imacha ana nei ji lhon poie.

Exam sunga chun kimu to di atilhon jongle , Chachan aupan athah tho ahijeh chun imacha ana hithei jipoi.
Exam chai ati lhon jongle,alunggel bang uchun imacha ana hithei jipon, kimu to na mong momg ana umthei poi.
Exam nopmo thim toh , chachan toh kimuto loujeh chun, satneo lunghel le , kisonlel nan adim tai.

Exam achai jou u jankhat hin;aloitenni kimuto ding ati lhon tan ahile, papao jong chun achanga chi ding anoplou jeh chun, Satneo akitem tan ahile, satneo injong Papao in masanga ana kithopi naho chu agelle da ding anompon, aumchan lhon ve dingle , lhavah noiya phatchesa lungmitna kilang nga lunghella aum kit ding chu ahen akikhoto lheh jenge. Ahinlah chilou thei ahilou jeh chun achitai.

masanga Satneo le Chachan ana tou ji lhon namunna chu kimuto lhonna ahin,Satneo dingin lunghel aum deh set ae.
Adeh in tuchunga hin masanga chachan te khoa achichunga athilto hole, phat sotpi akimuto kit lhon lou phat chun, masanga aumchan bang chun ana um kit dem tia agelle , lunghel le kisonlel na jeng adimma ahe.
Lhavah aven ahile , lhavah noiya Chachan kitepna ahin geldoh in, aloi teni aven ahile, amani danin agellin, akihei najouse chu lunghel nan adimin achangin agenthei lheh e.

Result out jou ahin Alolhin vang chun kipanan vang alolhing deh poi.ama le aloipa hi anah nah a 2nd na hung ahikit lhonne.
Aban kai thei ding ahitah jeh uchun aloioa le Chongpi chu akipa lheh lhonin Collage achi lhonna akilhon hon ding agah sei lhona ahile satneo chun aja in, amasanga ama le chachan umchan chu ageldoh in alungin nopna kiti anei thei tapoi.

Collage ahung kai jou uhin, Satneo aloi teni umchan ven ahung pang pantai.
Collage achi jongle aloi teni akihoulim lhon, anop sah lhondan, ama ni dinga collage kai anop dan ho chu agelle, Chachan angai lheh jin ila alo theijipon, achangin aguh in mitlhi kitheh in ana mathah ji ae.
Chachan hin nikhat satneo toh kimuto thei na din lampi ahin gong in akimuto lhon tai.
Phat sotpi nunga kimuto ahilhon jeh chun akingai na lhon chu asang deh set ae.
AKIHOULIM NALHON÷
Chachan÷Heo, nadam dam hinam, na exam result chu ito bang nam.
Satneo÷Henge, kadamme class 10 natoh akibang kitne. Nang ala itobang nam.
Chachan÷1st in kahunge;keiya jong masnga toh akibng ae.
Satneo÷chan, Chunga chollha ahung so jiteng, lunghel na jeng in kadim jin hinkho man ahah lheh ji ae.
Chachan÷,Heu keijong kahe;masanga khosunga kaum laiya itou khom ji lhon namun ho kagel doh jin,mit lhin eidon but ji ae.
Satneo÷Nao, ilen khom lai phat ho chu kinung kou thei hen lang kinung koule kanomme.
Chachan÷Heo, phat chesa seh seh iseijie ngadoh taite, malam thu ding joh sei hite.
Satneo÷Ipi ngah ding nasei ham, kana deichat lai thu kisei le bon kiti in😂.
Chachan÷Kana kiletsah lai chu ong😂.
Satneo÷Aguh a neina dei numei nahi jeh a nasei doh ngamlou jong kahe naiye.
Chachan÷Nang dei di vang chu kadei hih beh ae, kalungset tho nahe.
Satneo÷Neo, tuni phat tabang hi itih le hung kimu kit di ham kagelle, kikhen ding ahah lheh ji ae.
Chachan÷Heo, Phat in eiphal lhonle ikimuto pai kit lhon nah hih de ham.
Satneo÷Nao, ahijongle chitai hite, nagei ding taiye, kingai lheh jongle hen kikhen lou thei ihi tapoi.
Chachan÷ahile, chitai hite.

Chuti chun akikhen lhon in Chachan aupan ahung puiyin, Satneo jong ainlam ajontai.
Mite dinga Chollha aso le kipana somai kikim na ahijin, satneo ding’in vang, lunghel le mitlhi lounna chollha so ahiji in ana genthei jilheh ae.
Phat seh a lunghel le ka jong ahithei lou jeh chun ama le ama akitim ji in achang in akilhem ji in alupna lam ajon jitai.

Lha nga (5) alhingtai,satneo le chachan kimu to louna.Collage ahung kaiphat ahi Regular tah a akai lou phat ahi aupan ahung thah tho ji ahitaie.
Numei vang hi numei ahi jenge ajeh:
Lha nga (5) lam kimuto lou ahilhon tah jeh chun Satneo in angai lheh jengtan, ahile aloipa komma chi ding atia atem le aloipa jong anom in chiding in akigong tai.
Akigot lhonna chi ding ati lhonna ahile, akhosung uva tehse khat ahung thiphat chun achi thei lhon tapon, chilouvin aum pei pei lhon tai.

Numei lungneo,lunglhom kiti naban in Chachan hin Satneo in alungset akihet jeh chun, kiletsah nalam joh a hinkho ahinman khah ahitaie.
Kimuto louna asot tah jeh chule akhosung uva masanga ana kidei pipa hin ahin jol jol kit,(Masanga Christmas joua chu akikhen pia chomkhat joua pasal pa hin ahin thah jol ahe) a ahile, ama jong ahung nom khatan ahile, Satneo chu koi ahi hephatalouin aumtai.

Phat khat ahin Chachan tekho ahin, Picnic chi ding hin gong uvin ahile;Chachan jong akigong tai.ajeh chu hiche picnic chu Adongmapa holoi gon ahijeh a chu alouthei loua kigonga ahe.achiuvin, akhosung pang uva vadung khat um ahin , chilai mun chu adeh a akidei ,akingaiho dinga mun nom tah ahe.
Chinia achia chu, mi 10 ahiuvin,Pasal nga(5) numei nga(5) ma ahi uve.abon uva akidei ,akingai ahiuvin nom asa lheh uve.

Chini achi uva hin, Nop asah val jeh uchun, akidai dai uvin ahile, ahung kidai doh tauvin,
Ama ni kikah ahin , kijachat louna ahin nei phat lhon chun, ahung chonse lhon tan ahile, Chachan chu atahsa mia ahitai.
Chini chun ima ana gelpon ahinlah hapta khat jouin vang akinung gel gelle ahung kisih tai.

AMA LE AMA KIHOULIM NA÷
Kap pum pum in kakisih valle, eilugset eingailu , dalha a sum jeh a ngaidang kanei, ngaidam kithum leng eingaidam nadem.
Eingaidam di hijongle thum ponge,hichia hi iti ngaidam kathum ding ham.mi a kahitai.
Kihin lo um em, thileng pha jo ding kahitai.
Thi ponge, kachanga kahitapoi, hichi kho helou chapang hi iti kasuh mang thei ding ham.leiset nopna munailou , ahoina munailou, suh khel bol khel nei lou chapang hi iti kasuh mang thei ding ham.kacha dinga hing ding kahi.

Lha khat jou ahin, Satneo le Papao ahungtai.
Chachan te kho aga lhun hon chun , Masanga ahung lhonna ain ahet hon jeh chun koima jong dong louvin, Chachan te in ajon hun tai.
Aga lhun hon chun Chachan jong ana um in hinlah a roomin kisellin ahung pot doh ngam tapoi.iti akou vang uchun ahung pot doh tapoi.
Ahile ama ni jong lhase tah in ahung kile lhontai.
Masanga bon chubanga lunghella kappa chu, tua hin ipi atitadem.
Jankho sot nungle achangin, pamlam in atou ji in masanga ahinkho man lhon, school chia akilhon hon,akitepna lhon ho agellin jankho vah in achangin atou khovah vah jeng jitai.

Lha thum (3) jou ahin, Chachan ahina ahin hetdoh jou achun, Satneo hin alungellin idia kalungset nalai diham ama mi a ahitai,atile alungin alungset val je chun ajou jipon, thah jol dila , ahithei louna aum kit jeh chun phat sim seh in kigellin ama thah den ji ae.

Ama jong aloipa papao toh hin achilhon tan ahile, papao hi akikhoto lheh jenge, ahinlah aloipa di gelna jal chun apang ham hamme.
Ahina jouse ahet chule , Chachan le khatpa kikah a jong kiboui lhonna ahe.
Pasal pahin,ahina jouse alah pih phat chun adei tapon, apam paiyin, ada lha lele in, hou jong ahoutapon ahile, ama ho kikah ahin thu ana sang lheh jeng uve.

Satneo hin a lungset masapen,(First love) ahijeh chun anunsun theipon,hijeh chun acha chu aman acha banga kivah ding, chachan thilbol ho jouse jong nunsun in aseitai.
Satneo÷Chan, ima jouse kahe them nai, kei nang dinga lhing kahilou jong kakihetnai, hijongle kei dinga kalungset masapen , lungset kahet patna nahijeh in, ima jouse kahet nungin jong kalungset na adai naipoi, nagel theiya ahile, chapang pa/nu dingin apa in pang tange.

Chachan÷Heo, satneo tuni channa nei lungset nailai kakipah ae, hijongle kei mi a kahitai. Hiti lom lomma neilungset ding jong kagel pha poi.
Neilungset lheh in lang hijongle chun, Pathen phatsah lou ihi maitai tin gel jengo.

Chujou chun ama ni jong inlam jon in ahung kile lhon tai.aloipa umchan chule ahah ding dan chu agella ahile papao jong amitlhi loun lam jong kihet louin ana umme.
Hinlah alhemin; Sat, ahah ding dan , nahinkho man ding dn ho kagelle manga (dream) a mat ding in jong kadeipoie.hijongle, iba ilo ding ham Pathen phatsah lou ahimaitai tin gel jengo.mil ding hahlheh jong le mil jengo, ama sanga hoijo , phajo , chingjo le themjo Pathenin hin gong nante, kitah tah in hinkho hin mang jingo.

Satneo hi puldou na a athipei ding ahitai. An ne nom lou, achanga touva angol banga ahitaie. Papao hin alhemin ahilah chomkhat joule angai ngai ahi kit ji thou thoue.
Jan le lhavah noiyin, masanga atou ji namun hon nachun achin , achangin atouvin, akihou lim ji in, akitep nalho ho agel doh in, mitlhi pum pum in aloipan aga pui doh tho jie.

Phatsottah jouin jong Satneo hin athah sei kit na ahile, Chachan vang chun, angai alungset lheh vang in, ahithei lou ahitah jeh chun ngailou bang kisan ana nom deh poi.ama ni (Chachan le adongmapa) jong kinop to lhonin akicheng lhon tai.

Kum nga (5,6) gup jou in jong amildehpon,alungin akilang jing naliyin, lungset dang anei jong le amon pipon, alunghel apha joudehpoi…………………..

The End……..
Abulla pat lunglut tah a hin sim jouse chungin seijou lou kipa na kahin phonge.
Akijih sunga lunggel, hinsei idea eihin piho chungin jong kipa thu kahin phonge.
Seinom ahiloule ahoidinga nageldoh, ahoilou namudoh, semphatdia nadei aum khah le kiphalam louhel la achunga kipe contact number akhu call ahiloule whatapps a iki jah matto thiyu ahe😊😊😊.

Previous articleTHUSIM BANGA JIHDOH THEI IHINKHO-1
Next articleTHUSIM BANGA JIHDOH THEI IHINKHO-2