✍️✍️✍️Lalpu lotjem
6009048006.
PART- 2
Chachan akho lang uva achi jouin Satneo achang in lhavah noiyin atou ji in Chachan umlaiya ahinkho man hon dan agel ji in lunghel tah in hinkho ahin mange.
Lungset masapen ahijeh chun saneo hin ana ngai deh set ji in, ama ding hin hinkho man hah ana sa lheh jenge.
Alang khat in Chachan jong akho lang uva achi jou chun Satneo ahin ngai lheh jeng ji in, ama jong satneo bang in lhavah ni jan le apolang in apot doh ji in achang in Satneo toh atou khom ji lhon lai chu agellin ; ahin ngai lheh jeng ji ae.
Kingai lheh jeng lhon jong le phat in aphal lhon lou jeh chun aimu thei deh lhonpoi.
Phat jong ahung chal chaltan ahile , Chachan aum nalang a ahung ding phat ahung lhingtan, ahile;Satneo chu ana kipah lheh jeng ae.
Phat sotpi ahin mulou alungset nu mel amu ding jeh chun ana munom lheh jenge.
Febuary lha ahung lhingtan , Chachan jong ahung thah phat u ahitai.
Ahinlah vangset umtah in ; aphat lhin nin Chachan hin tahsa dammo na ana neijeh chun ahung thah thei tapouve.
Chachan jong phat sotpi alungset melmuloua hinkho ahinman , kinem tah ana nga jing alungset pa mel amu ding konna :Dammo na ahin nei chule exam jong hapta khat , le ni joua nei ta ding u. Ana lunggim lheh jenge.
Satneo jong ana lunggim lheh jenge. Ajeh chu exam jong chomkhat joule anei pai diu ahitah jeh chun , ipi ty ham.Ahung lou di hitam, ale lungset dang anei hitam, aty ji in achang in ama le ama ana kihou jie.
Aumnate gadoh ding atyle injole ity ham khat na ahin gelkhah diu ham , aty jeh chun adong nom kit pon amoh nga tho ae.
Hapta khat achitan , ahung mongmong tapoi.
Hichun Satneo in jong ipi ty mongmong ahidem atyn , aloipa khat kom chun , aga doh sah tan ahile.aumna te chun tahsa dammo na aneijeh a hung thei loua ahie, jing ahiloule thainile hung tante ahin ty pih ae.
Aloipa in jong Satneo kom in asei pih tan ahile thu umdan ahetthem phat chun alung ol dom me.ahinlah lekha akisim man ding hinam ty agel kit jin alung anom thei deh kit poi.
Aing in Chachan jong adammo na ahung ol doh dom tah jeh chun ahung thah tauve.
Dam vang dam chen nailou ahie.
Ni li hobou kivat ahitai, exam abol nadiu.
Satneo in jong amunom chule Chachan in jong amunom akimu to nom lheh hon vang chun phat ahithei loujeh chun ana kimu to thei deh lhon poi.
Alung lhon vang a ol-dommtai. Khosung khat na aum khom lhon phat chun akimu to lhon lou vang in, lunghel aphatai.
Exam ding phat chomkhat bou avat ta jeh chun Satneo jong apot doh sah tapouvin, Chachan jong chutobang ma chu ahe.
Kimuto nading phat aumthei tahlou jeh chun ama ding in exam chai tilou chu upai aum tapoi.Exam sung sen jong aching tup chet un kimu to ding kity chu ahithei tapoi.
Exam jong ahin chai tauve.
Ahile, Chachan hi ainsung uva dinga jong numei ama bou um ahitai.U numei ni chule pasal khat anei ahin auteni hi jinei hon ahitai.
Ainsung uva dinga aneo pen ahie.
Chijeh chun anu le apa in jong angai lhon in chuban in jong insunga numei changkhat ahitah jeh chun insung chaloh , nadinghoa amabou um ahitai.
Aumna ahi exam joa ni som ho bep um ding ahichu satneo in ahin hedoh tan ahile , angai lheh jenge.
Exam ajo niu nilhah chun exam jo ahijeh chun ama hon jong neh le chah kisem khom ding atiule, Go(Rain) ajuh jeh chun ahithei tapon anga tauve. Ajing sun in Satneo le aloipa chu Chachan te in lang in achi lhon in ahile, Chachan jong ana umin aga vah doh un akihoulim un amoh nilhum tauve.
Anilhah hin janlhah a nehthei nehkhom ding atiu chu ana bol thei lou phat uchun, tunilhah lehin bol ute tia asei u ahie.Jan in Amaho khoa exam pi chu mi nga (5) ham ahiuvin, nehthei nehkhom ding aty jeh uchun Chachan aga kou tauve.ama jong ahung pot in akihon na ding mun chun achi tauve.
Amun alhun uchun aloihon jong ahetthem jeh uchun ama ni chu nom in akihou sah uvin ama hon neh ding asem uve.
Satneo le Chachan kihou na ;
Satneo÷Nao , Chollha khu vetyh,masnga itou lhom lai nageldoh lou ong.
Chachan÷ Heu, ity kahai ding ham, ityh hijongle mil jou ponge.
Satneo÷ Nachi jou nunga kachanga, itou ji lhonna mun hoa kachi jin chollha kavet le namel ahung kilang jin kahin ngai jidan.
Chachan÷Heu, ken jong ngai ponte , lunghel ponte neity ham. Ikimu ding bou ngah lel la hinkho hin manga kahie.
Satneo÷Sen, amasa exam ding konna chu ityba nadammo dan ham.
Chachan÷Heusat, ,khosih in eiphah ahe.
Satneo÷Kei chun nahung lou ding tam katy , abang le lungset dang nei hitan tae tya kagel ji ahitaie.
Chachan÷Heo, idia nachuty lungneo ham, ikitep na ho nahai hitam. Nang tailou lungset dang nei ponge katy chula idia neison lel jiham.
Satneo÷Neo, sonlel jeh jong ahipoi, kitepna mil jeh jong ahipoi. Kan Ngaival jeh joh ahe.
Chujou chun neh ding ho jong amin tah jeh chun aloihon ahinkou uvin achi lhon in nomtah in aneuvin, kipah tah in ana kihoulim khom tauve. Akihou lim lim uva ahile , lom kon ding thu ahin sei poh tauvin ahile, ama ho jong mi tamlou nga(5) bep bou ahijeh uchun gang chella kichai thei ding ahijeh uchun anom soh kei tauve.
Ajing in Lom akon pan tauve. Lom akon doh uchun nom anasa lheh jeng uve.
Ajeh chu ama ho hi ainkote jong pang lou ama ho sehseh in anop tah a atoh u ahie.
Adeh in Satneo le Chachan din vang alom kon jiu chu ana mantam lheh jeng jie.
Toh phat sung jong le ama ni hi abung khom lhon ji in, Chachan chu numei ahijeh chun loukal ho teng le hin thingbul umho chu Satneo in ana kal doh pih jin ahile , ana romantic lheh hon jeng jie.
Kile ding nom lou, vaikon ding ngah lel in ana um lhon ne.
Lom aban neichan ahung kon tauvin ahile , achainan;Chachan telou ahitai.
Hichi ni vang hin Satneo in ana bol hoi lheh jenge😂.
Ana toh uhi loukal mama ahin , masanga bang chun , abung khom lhon in nom tah in atong lhonne. Chachan telou ahijeh chun satneo hi aguh hi ahung kiha bol lin, chachan in akal na ding chan gei chu agah kal pha ji in ahile, chachan in jong ;Ol ol in tong o nalel di ahe.atyjongle , Hatoh in kity abang jengin akikhe chom dehpoi😂.
Ahile nilhah lam ahung hi tan chi ding kon in abul langa Arnold( satneo)hi ahung lel tan ahile , achi phat u alhin chun loulai in alhu den in phat sottah pi abui pi den tauve.
(Idongmanu telou ahiman a jong , idongmanu te thil ahi manna jong Kihatsah angaipoi😉).
Lom aki chai phat uchun in nin amoh umji tauve.Ajing in chachan chi na ding jong hi ni (3) bep bou vat ahitan, phat chu agelle satneo in asit val jeh chun aloipa apui inChachan te in nin achi ji lhon in atou nilhum jiuve.
Lha ni , lha thum ho hung kimu to lhon kit lou ding ahitah jeh chun Chachan in jong angai in ahung akimu to lhon le akimoh khen nom ji lhon tapoi.
Anithum chan ni achaini ahitai ama ni dinga.
Sun hin chachan aumnate jong aum uvin hijeh chun akimu to thei lhon tapoi.
Jan in achai na dinga kimuto ding in chchan kholai leng din aga pui sah kittai.
Satneo le Chachan achaina ding a akihou hon:
Satneo÷Chan, Jingle chidi chu nahitan kaglle kahin ngai valle.
Chachan÷Heo, ken jong kahin ngai ae, jingle chi jong leng kalungset navang nang komma kada lhah di ahe.
Satneo÷ Phat hi chal da jeng le katy ae, jing kho ahung vah ding kagelle, hah kasai.
Chachan÷Heo, idia kalung nop na ding seiloua hitya chu naum ham, mitlhi pumma kikhen ding naty ham.
Satneo÷Chan, kahin ngai val ji jeh ahe. Idia mitlhi pumma iki khen ding ham. Kipah tah a iki khen ding hichu.
Chachan÷Heo, lungleno, idia numei banga nahity lungneo ji ham. Hibang kison pi tah a naki nei a.
Satneo÷ Chan , nang pasal in pang inlang kei numei in pang tange kikhel ngap tate.
Chachan÷hengebah ikilop ngap hun di hae.
Chomkhat setpi chu akidai lhon in lungnopmo naho sumillin kipah tah in atou lhonne.
Satneo÷Nao, ikikhen na ding phat lhing vah di tae, phat hi idia hity chal ham.
Chachan÷Heo, phat sottah kikhen di jong ihipoie, idia nachuty ji ham.
Satneo÷ Nang nachi nungle kachanga um dan in kaum jin hinkho man ahah lheh ji ae.
Chachan÷Ale kachi da ding tam.
Satneo÷Idia em nachilou.
Chachan÷ Nei ngai ji val chula.
Satneo÷Nangai lheh jong le chilou thei nahipoi. Inlanga heno le hepa in nangai lhon val ding ahitai. Nachi teitei di ahi.
Chachan÷ale kachi dile, kana lunghel jilou ding, nang ngaijeh a kaka loudi ahe tita.
Satneo÷Henge, kap ponge;chi lhakhat lha ni sung poupoua, nahung kah a ding khat kiki hol ta hih de😂.
Chachan÷Nangpa hi ngai jong nei ngai ji hih vehta chun , najou nasei ji hibou chu.
Satneo÷ kangai nge hih de ham , katot ahiboue.
Chachan÷Natot loupi chu , kei hetloua dongma nanei chu.
Satneo÷kanei poi, nang teilou lungset dang kanei poi.
Chachan÷Ken jong kakile langle khat kiki hol tante, lunghel lou na din.
Satneo÷Hin hol poupou ta , alu len navet di ahe.
Chachan÷Nang jong nakihol gut chula.
Satneo÷Ityh a kasei ong.
Chachan÷injoa nasei chula.
Satneo÷Katot ahe katy chula.
Chachan÷Nalung hang ham.
Satneo÷hang nge hih de.
Chachan÷Nang bon nalunghan le kei numei ity kalungneo da ding , kalunghang da ding.
Satneo÷Neo,Ngaidam kasei khel.
Chachan÷Akhoh hih ae Heu.
Jingkah pung 2 lang alhing tan hiphat chun chiding aty lhonna ahile, aloipa chu ana imu lhu tan, thoukang (mosquito) te chu kiphal theng tah in neh le chah ana hop amu lhon chun , athou doh lhon in inlang in achi tauve.
Ajing in Chachan ainkoten ahung pui uvin nilhah lam in ainlang in achi tai.
End of part -2
Hichan lungluttah a hin sim chai jouse chunga kipa thu kahin phonge, sei ngaimo , sei lhinglel, ahiloule hichi hi hity hin kisei le hoi inte tya igel u aum khah ahiloule imudoh u aumkhah le kipha lam lou hellin achunga kipe contact number a khu call or whatsapps a iki hetto thei u ahe🤗🤗🤗.
