PART-1
✍️✍️✍️Lalpu lotjem
6009048006.
Masang laiyin khosung khat ahin gollhang phatah chule feltah khat ana umme.ama hi amin satneo akity ae.
Satneo te kho hi phaicham toh jong kigam lha behlou ahin ,hinlah khosung akhang tou navang akivat lheh ae.
Hijeh chun a khosung uva hin, Goverment scholl ana um in chia chun class Two (2) chan bou ana umme.Nursery apat chun class (2) chan chu khosung school lin ahin sim me.
Choujou class aban ahung chal ding phat chun khosung school ahithei tah lou jeh chun ama ho lhangsung (area) sunga chun private scholl ni (2) ana um in chia chun catholic scholl in aban ahin jom tai.
Ama hi aneo apat lekha hethei lou mi khat ahin khosung school la jong chun, khosung nahnah ahijeh a chu , ahithei thei na a aban hung chal tou peh a hichan ahin phah ahie.
Class three (3) ahin simma mun chom ma ahin sim doh nia kipat chun class Ten (10) chan chu chilai a chun ahin chai ae.
Class three(3) akipat chun khatvei cha jong ahung pass dehpoie.
Akai na asot phat chun scholl headmaster pa chun ahin hetthem ma 10 jo na thei theia chu ahin jo sah ahie.
Class 9 akai kum ma hin akhosung uva hin numei khat akum jong ama ho bep hiding ahin akhouva hi lekha simma pan sa dinga hung ahin,hichi nu hi ahin deicha pan tai.
Hichi nu hi ama dinga adeichat , hoi asah ama sa pen ana hie.
Amin hi (Chachan) ahe.
Ahile aman jong phat sotthim pihi lhakhat (2 months) nailam hi ahin deicha tai.
Adei vang chun hel ding atyle ,mijol khalou chule mijah cha se ahijeh chun asei ding dan jong ana hepon,ana moh vettho jinge.
Ahinlah chutya alunga ama bou aum phat chun , aloi ho kom in hoitah in adei dan thu ho asei tan ahile aloihon jong,chutya nadei mong le atiuvin, ‘jol pih dingin akihou lha tauve’.
Chiphat lai chun class (9) high school sim nalai ahijeh uchun ,phone koiman ana choi nai pouve..
Letter hoa bou mi ana jol jiu chule atamjo letter hoa bou lungset na thu ana sei jiu ahie ,hijeh chun letter jih ding in akihou lha tauve.ahile ama hon jong ajih chai tauve.
Ajingin scholl achiuvin , kikhen nin pih ding atiuvin ‘School ahung kile angah tauve’.
Ahile kikhen nin chachan jong aloi mi them khat toh ahung kilhon uvin ahile pih chop di ahe atiuvin anung in ajui tauve.
Chom khat jouin aloiho chu kho chom keuseh ahijeh uchun akikhen tauve.
Achanga ahi phat chun adellut pei uvin a letter jih uchun api tauve.Ahinlah chachan in ana kilah deh poi.
Akilah lou phat chun ama hon jong jingle thah pih ute atiuvin ajinga ding in kihou lha kit tauve.ajing in jong angai bang in angah kittauve.athah pih kit uva ahile akilah deh kit poi.hichun ama hon jong Satneo nang sei jing to atiuvin ama sei ding in angan se tauve.
Chi hapta chun imacha asei tapouve.chom khat jouin vang, nikhat school kikhen angah doh uvin satneo asei sah tauve.
Satneo in jong adei dan le alungset dan ho chu asei tan, ahile “chachan in jong ana dei thou in hinlah mi in na um kahin chule kain kote injong lekha sim dinga eihin sol u ahie lungset na lam in vang kalung lut poi aty pih ae”.
Chujou akipat sa chun satneo jong jahcha kisan avel sei tapoi.
Chachan toh chun loicha bang in ahung kivop jo lhon tai.ahinlah satneo in vang aphat anga ahie.phat seh in school chi dung jongle akilhon ji lhon in, ahung kivop thei lheh jeng lhonne.
Class 9 kum sung chun loi cha bang in ahung kivop kum lhung lhonne.
Class 10 ahin sim lhon chun satneo in jong athah beh in alungset dan thu asei kittan ahile, ‘Chachan injong chutya nei lungset le kanomme , ahinlah kaum nate nahetsah thei lou di ahe ati pih ae”.
Chinia kipat chun satneo le chachan in lungset hinkho chu ahin mang pan lhon tai.
Satneo dinga hi ahinkhoa dinga lungset anei masat pen na ahie.
Lungset masa pen ahijeh chun , ajah cha sesu in kihou ding dan jong ana heji poie.
Lungset thu gah seidi atile ity pat na ity chai di ham ana heji poie.ajol laiya chu ahile ,ajol pet ahijeh chun ana moh kam tam jia le sei di ana hao ji ahie.
Alang khat na ama jachat set nakah a , mi inna um ahijeh a chu ahin hetdoh khah diu ham ty kichat na jeh a deibanga jong ana kimuto kha lhon lou ahie.satneo dinga lungset masapen ahijeh chun ana lungse lheh jenge.
Phat khat,khat le akimu to ji lhon in ahinlah akimu to ji lhon jong le ainkote in ahin hetdoh khah ding ham ty akichat lhon jeh chun dei bang in jong akihou kha ji lhon poie.
Chikum a hin class 10 exam pi ding ahilhon jeh chun, lekha sim lang in ahung lut lhon tan ahile akimu to kha ji lhon tapoie.
Aki muto lhon louna ahung sothim ji teng le satneo chun ana ngai lheh jeng jin,muding go in chachan um na lang in ana chi jinge.
Achi ji jong le ain u alut ngam kit ji pon ,sottah tah pi angah ji in’ ahung doh lou teng moh seh in ana kile kt ji ae.
Chachan chun amu nom lou ham ahilou le aum nate akichat jeh ham , satneo toh kimu to ding in ahung pot doh khapoie.
Satneo in jong exam amasang uva um ahijeh chun , lekha asim hin te aty ji in ama le ama ana kilhem kit ji ae.
Ahinlah kum lhun ding kon lang in vang nikhat kimu to ding in lhavah noiyin kimu to ding in Ground lang in achi tou lhonne
Satneo hi aloi khatoh hung ahin ,chachan vang chu achanga hung ahie.
Ama ni akihou lhon in lhavah nouiya chun atou lhon in kho hepha louin akihou lim lhonne….
Satneo ÷Chan , Kalungset banga hi nei lungset ding hinam ty kagel jile kisonlel nan kadim ji e.
Chachan ÷ Heo,kalungset nahi nei tahsan lou dan ham.
Satneo ÷ Nao, mi banga nei le gou a lhing jou lou ,chih na thep na nei lou kahi jeh a kaki son lel khah ji ahie.
Chachan÷Heo,mitam tah a lungset nei le gou, chih le thep in ve jong le ken vang hichi ho chu imacha ding katypoie.
Satneo ÷ Nao, nang lungset hinkoa dia kana nei khah hi mivang pha kahie,
Ven , chunga vah chollha bang khun kei ding in hung pang jingo , kei jong nang ding a pang jing ding kahie.
Chachan ÷ Heo,nei tahsan in thi chan na dinga kalungset na kapih nahi taiye.
Satneo ÷ Nao, ithim thu cheng chollhanun hejing nante.
Chujou chun jan pung 10 lang alhin phat chun ama ho jong in lang in akile tauve.
Kum lhun kon december lha ahitan,hichun christmass mang ding in Chachan ainkoten ahung pui tauve.
Christmass a dinga ahung pui uchun ainkoten jong exan kahsea um ding in asei tauve.
Ainkote ahung uchu Dt.22 ni ahin, ama ho jong hung khah lou chakhat na hung ahijeh uchun jankhat geh ding in aum tauve.
Chini 22 ni jan chun satneo in hinkhoa kikhen ding dan in agel tan ahile chachan chu angai vallin ,jan na kimuto ding bou agell tai..
Satneo in jong aloi pa asol in chingnu te in chun achi in kholai gapotdoh u hite ; pot lou na jong asottai, nang jong jing le chita dinga aty in ahile ,aman jong ahet jeh chun anu te ho kom chun asei in ; jingle kichi ta ding a tuni lhah bou phat um ta a kaloiho komma ga potdoh inge aty le anu teho jong anom un apot doh lhon tai.
Hichun satneo le chachan adin chini jan chu lha ni lha thum (2,3 months) adinga akimu to lhon na achai na ding ahitan, akingai lheh jeng lhonne.kikhen ding chu agel lhonna ahile, janmang abang jeng in, hahsa ana sa lheh jeng honne.
Satneo÷Nao, nangla jinga chita ding; ilen na lhang nalep teng, nalung hin khel hi o. Chachan÷Heu, jinga chi jong leng, kalungset na vang nang kom in aum jinge ti haimil hih o.
Satneo÷Nao, nachi ding kagelle, hinkhoa kikhen ding dan in kagellin, kahin ngai lheh jenge..chilou thei le nahipon.
Chachan÷Heusat, Idia chubanga nalungneo ham, keijoh nei lhep a nei lungmon sah ding ham kitya nang nachuty jeng vang chu nakilom poi.
Satneo÷Chan, kei dia lungset masa pen nahi jeh a kahin it, valle nga val jeh a ahie.
Chachan÷Heu, chunga chollha aso lai sea nang le kei kilungset na jong dai ponte.
Satneo÷Henge ,chollha in jong he jing nante.
Chachan÷Heu, khonung le ipi nahung hinom ai ipi natup ham.
Satneo÷Chan,lungtup jong tutadin kanei nei nai hih ae.nang ipi nahung hinom ham.
Chachan:Heu, doctor katha anumme, kakho sung uva jong koima aum nai hih ae.
Satneo÷Chan, lekha hoitah in him simmo, khonung le nalungtup chu nahin molso jou nadin.
Chachan÷Henge, Heu. Nakinep na bang phat khat le kahung hitei ding ahe.
Chujou chun jan agei tah jeh chun satneo loipa chun, chitaute atyn ahile, satneo in jong Chachan atoupi nom lheh vang chun phat agei tah jeh chun;agei tah jeh chun chilou thei ahi tapouve.
Hichun ama ho jong achi tah di jeh uchun, achaina dingin Chachan in Satneo chu abeng achoppih in (Last kiss) lha ni lha thum takah adinga.
Hity chun inlam in akile tauve.Satneo lunghel pan ta.
Ajing in Chachan jon lg ainkote toh akilhon in akho lang uvin achi tauve.
End of part -1.
Hichan chun part khat akichai tai.
Lunglutah a hin sim chaijouse chungin kipa thu kahin phonge.
Ihetthei lou u ahiloule seikhel, seingaimo,aban le hity hin kisei le, hoijin te tya lunggel inei khah ule kiphalam louhella achunga kipe contact Number a khu call or watapp khat penpen na nei hin houthei u ahie 😊😊😊.
