PART-1
✍️✍️✍️LALPU LOTJEM.
6009048006.
Thangboi aneo jeplai hin, akhosung uva hin Ngainu kiti khat toh hin ana kideiyin,akingai lu lheh jeng lhonne.chiphat lai hin class jong 9,10 vellah bep sim nalai ahilhonne.
Akum lhon jong som le gup, som le sagi (16,17) ti vellah alhilhon bepme chapang cha cha ahilhon vang chun, mipilhing ho kingai, bang bang in ahung kingai lhonin; akhosung uva hin chapang lang tilouvin, ahelou behseh ana um tapouve.
Chutia mijousen ahin het phat chun, Ngainu inkote hin khen ding ahin gong tauve. Ajeh chu chapang cha cha ahilhon nabanna, Ngainu hi anu le apan chanu chang khat seh a anei lhon jeh hin, lekha sangtah sim doh sah ding ti hi alungtup lhon ahe. Nikhat insung ahin Ngainu apa hin akoulut in, Thangboi toh nakidei hi khosung mi ahelou aumtapoi, chapang cha cha hilhon nalaiya tua nakidei lhon le ipi nati lhon ding ham, kikhen pi tan;nakikhen pi loua ahile, pha lou ding ahe atin, adalhatai.
Anu hin Ngainu lunggel ding chu ana hetthem pih mama in, ahinlah imacha bolthei na aneilou jeh chun, apa thu nung din ajoltai.
Boi, ken jong kahetthem me, kahin to sa ahe; hijong le, nang ni phat na ding joh a asei ahe, napa thusei hi ngaiyin lang, Kikhenpi jengtan.
Hichi aseijou chun,Ngainu hin anu jah in, Heno, kikhen pi ponge, nalungtup lhon kamolso tengle, kaki chen lhon thou thou ding ahe, atin;anu jah in aseitai.
Ajingin, Thangboi toh kimuto din,Ngainu hin aloiho aga kou doh sahtai.Thangboi hin imacha hephalou, tah in Ngainu kom chun achi in aga toutai.Ngainu hin hou jong houlouvin, lungnommo tah in atouthim beh jengin ahile, Thangboi ahung kiphalam in kahung gei jeh a nalunghang ham atin, ahile; adonbut’in, ahangpoi, tin adang seilouvin atou thim beh e. Hichi phat chun, Thangboi ahung lunghang in, mi kimupi dia nakouva thip beh a natou ipi nabol naham;tia agah seile Ngainu, in Thangboi aven, Kikhen taite ati tai.
Hichi phat chun, Thangboi hin atot dan in agel nalaiyin, sei di nahetlouta; tin anuisat in ahile, Ngainu ahung ding doh in, ikikhen ahitaie , nei hin nung kou kit ta hih in; kimuto di hin nung seikit ta hih in,nei mil jengtan atin ahile; Thangboi hin, lungnommo tah chun, ipi jeh a ham, ipi kalhin lel na um ham, ipi kabol khel ham, sei loua neikhen jeng chu naki oinam.
Ngainu in adonbut’in Nalhinlel najong aumpoi, nabol khel jong aumpoi, kachim ahitaie, kachanga kaum nom taie, nei da lha jeng tan.
Hiti asei jou chun, adalha tai.Thangboi, jong alungin imacha aumtapon, adinmun chun;amit lhi soh in atoulha dentai. Ngainu jong akhen nah nah vang chun, alungin apo joupon, anung ngat jou chun;amit lhi aguh in akitheh in,them khat achi jou chun, Thangboi, iti nam tin akinung heiyin aven ahile amunna atou den chu amun, kile ding ati jongle ahithei lou jeh chun adinmun chun , chom khat set pi aven, ainlang in akiletai.Thangboi vang chu , amuna chun aum den in nilhah lam in aloiho khat in amudoh in inlam in ahin puiye.
Thangboi vang puldou mitlhi hul thei lou vin, sun nilhum jan khovah in aum jingtan ahile, atahsa ahung kem suh tul tul jeng tai.
An aneh jong le imacha nedoh louvin anga ji in, thil dang ima jong nenom kitlou, tha hat na ding kiti him him aneh lou jeh chun athah ahung bei cheh cheh jengtai.
Alang khat in Ngainu jong chuti ma chu ahe, kamchenga khen na thu seiya akhen vang chun, lungsung in vang akhen pon, akikol chah jing e.
Thangboi umchan dan ho jouse chu athu in ajan, nommo asan;alungthima umho le agelho hi seidoh ding ati jongle, ahin hetna ahile;hung boui boui khan tin, kainkote injong hin hedoh kit intin, boui na joh hung hinte tia hi asei doh nom kit jlou ahe.ama jong hi akhen jou nia pat chu an ane nom jipon ahinlah , apa kichat na jeh chun, nenom lou sa san ana ne jie.
Athoh hah loi khat hiding ahe, Ngainu thoh jong hi.
Thangboi jong phat ahung sot phat chun, apuldou naho ahung pha jep jep tai. Ahinlah mite umchan ho amu ji teng le vang alungin ajou jipon, ana lhisoh jing ae. Phat che dung juijin, Ngainu hi gamchomma lekha sim sah dingin anu le apan ahin gong lhon tai.
Ngainu jong nop lou theilou ahijeh chun, anomin chi dingin aumtai.achi ding phat ahung lhin hin, aloinu komin; Thangboi ana vet sui pih dingin anganse in ama jong aumna ding munlam jon in achitai.
Thangboi aloi khat komma chom khat ga um dingin, aloipa te kho in achitai.aloipa min hi ahile Ngamlen. Ama ni hi golcha kivop thei tah ahilhon’in anu le apa ho jong kiheto u ahijeh uchun, imacha khoh salou tah in akivop lhonne.aloipa te khoa hin achitai.
Achi jou ni 2 joua hin nilhah khat kholai leng ding’in achilhon tai. Achi lhon nahin lampi in numei khat dukan na thilchoa chi khat to akisu to lhon’in ahile, seithei lou chun Thangboi hin hoi ahin sa tan, aloipa kom chun;koi ham tin adong in ahile, Ngamlen in jong Thethem ahe, hoi nasah ham atin;ahile Thangboi in jong ahideh hih e, kan mohdoh doh ahe ati pih tai.
Janna in akile lhon na hin alungin ahin geldoh kit in ahile, aloipa kom chun, Bai injoa kadoh nu chu ain u hoilang ham, tia adoh le aloipan jong ahin le dai jin, nang pahio, nadei le seitango, kin nasei pih nange atile, Thangboi yin kavet nom boue kadei hh e atin akidai den lhon ne.
Ajing in ama ni jong janhia amunu Thethem te ina chun kholai leng din achilhon tai. Aga lhun honna chun thethem jong achangin ana umin, insung ana kisuh theng pet aga toh khalhonin,
Amani jong alut pei pei lhon’in tounan atou lhon tai. Thethem hin insung asuh theng pet tah ahijeh chun, Heu ngamlen, ana tou lhonno hung kichai ngal inge atin, Ngamlen injong henge, hin kibol chai yo kihou ute;atin atou lhon in angah lhonne.
Ahung lhun hon chun Thangboi hin aumchan dan hole, akampao dan chun ana ngolpi den kit in, ama lang bou chu achuti vet vet jengtan ahile, aloipan jong;yong nang pa hi nakilep lep vanga kahai lou nahe o, injole ve nan nate mi natoh petah chu nachuti vet ham atile, Thangboi ahung nui jah in, Bhai ahoitoh, afeltoh, akamphat dan hi miphatah hinte na atile, aloipan jong henge, miphatah ahe.
Chomkhat jouhin, Thethem injong atoh ahin chaitan, Heu Ngamlen,;hung lhonno asa e apamlang in tou ute atin ama ni jong ahung doh lhon in apolang in atou un akihoulim tauve
…………………
Thethem÷He mangboi kilommo sannna nahung hon in, ipi thu umta.
Ngamlen÷Imathu jong aumdeh hih ae, bol di jong um hih a le kahung lhon ahe.
Thethem÷Oh…. Naloipa hi janhi apa chu hilou hammo.
Ngamlen÷Henge, ahie chomkhat um dinga hunga ahe.
Thethem÷Oh… Amin ipi ham.
Ngamlen÷Aloipa kom chun kiseitang ipi apao thei lou dan chun atile.
Thangboi÷Thangboi kahe Them.
Thethem÷Oh…. Ipi kinna nahung dan ham.
Thangboi÷Ima kin jong um deh hih ae. Inlang a kaum khop phat na kahung he.
Thethem÷Itih chan naum ding ham.
Thangboi÷Kahethei nai hih ae.. Chivang chu.
Thethem÷Oh… Kakhou hi nop nasah nammo.
Thangboi÷Ump anomme lungnop nop aume.
Chijou chun amani jong inlang in akile lhontai.
In alhun hon chun Thangboi lupna chung in akijam pai paiyin, alungin Thethem jeng bou alang in amoh nui nui jengtai. Aloipan jong aven anuisat in imaseilovin adalhatai.
Thethem te inlang a kholai len ding bou chu alungin aumtai. Akah lah lah le achi ji lhon in, akihou lim jiuvin ahile nikhat hi athu ahin sei pan tai.
Chomkhat jouhin akho lang uva, Ngainu in aloinu komma eina vetsui pih o tia adalhah jeh chun, ngainu hin apha pha hinam ti ahet nom jeh hin;aloinu ahin dongtan ahile, aloinu injong aloiho kho khat na achi in ahung kile nai hh e, ati chun ngainu injong, aloinu komma chun; akho hou nakihet pi umlou ham tia adoh le aloinun, mikhat vang kakihet pi aumme;atin hichun aman jong ipi ti kiman chah em, hin dong chenno kahet nomme atin, aloinun jong henge, hin dong inge tin akihou chai lhon tai.
Ajingin aloinun jong, Ngainu acall in athu umdan ho jouse abon in asei pihtai.
Akho uva hin Thethem kiti numei khat aumin hoi asah a ahella numei nu vang hi nom loulai hile akilomme ati chun, Thethem ahung kap lha in, imajouse keijeh ahe, kahungdoh phat teng le ken hoitah in seichen tange, hoitah in ajinei lou nadin vang neina vetsui pih o.
Thangboi hin alunggel asei jou chun, thethem in vang phat jong sottah pi kivop nailou ahijeh chun, anompoi. Heo iki het nau jong sot nailou a tu tadin vang kagelthei nai hih e, ati pih ae.
Chujou chun aman jong achuti jong le akhoh deh hih ae, hung kigel lin nangah nange atin, akikhen tauve.
Thangboi jong ainlang in akiletai. Lhakhat tabang hi ainlang uvin aumin, chijou hin vang aloipa Ngamlen te kho adin achikittai.
Tuchung vang kajol doh tei tei di ahe atin, aloipa kom chun, kholai leng in chite atin atem in ama ni jong achi lhon tai. Aga chi lhon in ama ni jong akihoulim lhonin, Thangboi hin hoitah in alunggel ho, jouse aseipih tan ahile, thethem ahung nom in kilungset hinkho ahin mangpan lhon tai.
Ngamlen vang hi dongma lang lunglut mi ahilou jeh nei di jong alunggel in ana um khapoi. Aloiho di gah jol ding ti ho hi athanop na ahin ama ding aloihon jol pih ding atiu jong le ana nom jipoi. Thangboi le Thethem kilungset hinkho ahin man pan lhon na kipat hin ,Thangboi din aloipa te khoa chu Insung le Toilet kikah abang jeng tan, hinkho man jong nom asa lheh hon jenge.
Thethem anop ahet jou hin aloinu in jong Ngainu a call in akihou lhon in, Ngainu injong kahung vah ding ahitaie, kahung phat le ken abon in hil chen tange atin, ka lou di ati vang chun ahet man louvin amit lhi ahung loung lhan akap lha kit thou thouve.
End of part 1…………….
Lungluttah a hin sim jouse chungin kakipa na kahin phong ae. Hichi nasim na ahi nalunggel, hichi kiseile phatan te hoijinte tia nagel, namudoh aumkhah le kiphalam lou hella achunga kipe contact number a khu call ahiloule watapp a ikijah mat theiyu ahe😊😊.
