PART-4
-Lalpu Lotjem (6009048006)
Thangboi hin ahin hetdoh phat chun; Thethem kimu pi ding agong tai. Akhosung uva mikhat komma aga seisah a ahile, alunghang in; alung kipah kit jin, ahinlah; kilungset pi kit dinga vang chu ana gel lou ahitaie. Aseipih jou hin thethem injong , Ngamlen komin aseiyin;
Thethem÷Heo, Thangboi yin kimu pi ding ahin seiye ; ipi kasei ding ham, kachi ding ham.
Ngamlen÷ Them, ipi thu asei nom hitadem.
Thethem÷ Kahe hih ae ken jong.
Ngamlen÷ ale nalungset nalai ham, kei komma namon jou lou ham, kalungset na lhing jou lou nasah ham.
Thethem÷Heo, hiti chun gelhih o, kalungset jeh a, nakomma kahung sei hichula; ipi da hitia chu nagel ham.
Ngamlen÷Them, kei komma namon jou lou dinga ahile; nachi thei ahe, kei itiba kalhin jou ding ham.
Thethem÷ama jong ahung kap doh tan, angong koiyin; kap pumin, nang teilou lungset dang neita ponge.
Chijou chun ama ni jong akikhen lhon tai. Thethem jong Thangboiyin kimupi dinga ana sei chu acui tapoi. Ajeh chu achia ahile ahithei tah loudi jeh chun thangboi angai lheh vang chun kihetmosah in ; aumtai.
Thangboi hi masanga kichen nia ( marriage) nia ana jui jui nu hin, ahin khen ahitan; hijeh a hi aman jong, lungnop nading atia!; kihoupia thah jolla kingai pi ding tihi ana lunggel ahie.
Agel jouse ahethei tah lou phat chun thangboi hin, ahinkho hi anop na thei chan din ahin mang in; masanga amit tam, dongma akop ho sang chun; ahung khoh cheh cheh jengtan, asuh sah umlou tah a hinkho ahin mann phat chun; koima munom ahung chang tapoi.
Hitia hinkho ahin man phat chun; Jemhoi yin aloinu Ngainu kom in asei pihtai. Thangboi ahinkho man ahung kikhel mong mong taie. Masanga ana kidei pi nu chu ama tabang mi mittam ahijehin akikhen lhon tan, chijoua hi; thethem dongma nei jong he nasa sa a chu kimupia thah jol la kingaipi kit ding hi; agel ahin hinlah thethem vang adongmapan ; aphal lou jeh chun achi tapon, ahile tuhin masanga sang chun khoh cheh in hinkho ahin mang tan ahile koima munom in aum ta hih ae.
Iti dan na chutia chu um jenga ham, kei kahung doh na ding jong lha ni (2) bou kivat ahitan!; kahung kah ading chun lungsettah in boui lheh jongle chun nei na vet sui pih kitno. Kahung phat le ema jouse ken akom in sei pih ing kating; helang pha jong hung pha maithei nan te, ajeh chu kaki ngai lai lhonna eina lungset dan kahethemme.
Thangboi hin dongma tampi anei vang hin; amon pi aum thei mong mong pon, ahol be be jenga ahijongle; chomkhat joule adlhah lou kah ule asuh sah umlou tah a akikhen kit jiuvin ahile, lungset dih tah a ana lunset aum lou jeh chun kipa na jong ana neithei jipoie.
Nikhat hi ama jong akigel gel jeng in; iti danna hitia hi eilungset tah tah kamu jou lou ham, mi hijat toh kahung kingaiyin, koiman jong eilungset sot pon, kamon pi jong aum thei mong mong poi. Koihi ham eikipasah ding, eilung mon sah ding, lungset dihtah, eichan dinga, kahol be nalai ding ham, ale kachunga mi alhase khat tou um ham, ipi jong hi kati di tam , atin achangin akigel lin amoh nilhum jenge.
Phat sotthim pi jou hin aman jong, athah beh in akigelin achaina dingin khat kijol be hen lang, kahinkho man dan jouse kisei hen lang , hichia eilungset pen chu eilungset mong mong hitan te atin, kingai pi thei ding ahol tai.
Aman jong amel hoitah khat, atah sa jong lhingsel , khat amutai. Hichi nu kom hin kidong ingtin, kingaipi anei loule kisei tante atin akigel lha tai. Alunggel ho aseitan; ahile khat nu injong kingaipi kaneipoi, ipi tiham atin ahin donbut tai. Chiphat chun aman jong ikiheto thei ding ham, tia adoh chun khat nu injong ima gellou tah in henge akhoh poiye ati pih tai.
Hapta khat ho ahung kivop jou lhon chun, aman jong nikhat alunggel aseitai. Chiphat chun numei nu hin ajah in, nalungset na napih mikhat umma ahitaie, chijeh a chu namon pi thei lou ahe , adangho chu atipih tai.
Kei neijol jong hi, nom in kating hijongleng, neimon pi deh pon nate, ilungset najouse ipih khat bou chu kimonpi a ahie, mijouse hin lungset khat akinei cheh ae. Nang in jong nanei e ama chu kihol doh inlang, kithah jollin lang hile chun mong tan nate; ati pih in adalhatai. Chithu asei jou chun, ama jong akigel gel tan ahile; thethem hi hinte atin, thethem agellin, kimupi tei ding; atitai.
Thethem hin khatvei hi kisong lel sasa in , ngamlen kom in asei kittai. Apet chun ngamlen alung hang jah in; hinlah anung gel gella ahile, achai na dingin, aman jong kimupi le ; alunghel le angaina jong phajep tante tin agellin, kimuto pi in tin asoltai. Chujongle aloipa mama ahijeh achu nopmo asah ahie.
Thethem hin thangboi amu mu chun, amitlhi soh in; akoiyin amun chun akap dentai.
Kilungset hinkho , aman khom lhonlai, nikho ho agella ahile, alunga sungin apo jou pon, chom khat setpi pao louvin, thangboi chu aven amitlhi akitheh in, aka nom lheh vang chun akitim in; akihou lim lhon tai.
Thethem÷Ipi thu nasei nomma kimupi dia nin kou ham.
Thangboi÷Nalunghang nalai ham them.
Thethem÷Kalung ahang in , ahinlah namel kamu chun kalunghan na jouse, kipai lha bang in kalunga kon in amang gamte.
Thangboi÷Them, masanga kana umchan ho, kaki man chah ho ngaidam joudi hihi jongle, ngaidam kathum nom jeh a , kimu pi dia kahin kou nahie.
Thethem÷ nachunga kalung han na jouse , jong kapai lha gamtaie. Iman kagel tapoie, tun vang.
Thangboi÷Them, kasei dingho hi, nanop lou ding jong kahenai ahinlah kamon thei lojeh a kahin sei ahie tin nei na gello.
Thethem÷Kahenaie, nasei ding ho jong, tun vang phat akiletaie, masanga itih le nahung kile ding ham, tia kana nga lai nikhoa , nana kihet mo sah, kalungset najouse kapih nunga, helou bang kisa a neina dalhah, mi genthei ding gellou, lungset helou, nahi boue, nakhouva kahunga, neibol na vang itih hijongle mil ponge, mihem khat kihi ngalla , mi ding kigel theilou, chi nikhoa kagenthei, thoh ding chu gel tango, nang jong hita chu nabolle, kap lou vin naumdem, nang jeh a ; kalhiso najouse, kajum thoh naho jouse, hoilaia kapai lha dem tia, lungnomna tah a kaum laiya, kalung genthei naho, kamit lhi loun nikhoa khat vei hijongle, them kapta hih in; tia neihung lhep khah em, mitlhia hinkho kahin man laiya, kalhi louna jouse theh hul dinga, hunga chu iti kanun sun ding ham, ama ho khu ahe, igenthei nikhoa eigenthei khom pi ding, ikipa nikhoa eikipa pi ding, hichi khu ahe lungset dihtah kiti chu, ahinlah kalungset najouse, lungset helou khat kana pih khah jeh in vang kana mong joupon, hinlah tun vang, namil tannge, kamon pi ding kaneitai. Tun vang keijong chitange, iki ngailaiya kana bol khel aum jongle nei ngaidammo.hichi asei jou chun, thangboi jong pasal ahivang chun, akitim joupon, amitlhi in ahin donbut’in , Them, imajouse keithepmo ahe, tun vang lungset khat aumme ti kahe chenne, nang jong chi jengtan, kei jong chi tange, kaathepmo jeh a kachan ahe, tin lunglhai sellin sang mai tange.
Hichi jou chun ama ni jong akikhen lhon in thethem in ahung kile chun alupna chung in lungna chim set in akap in tunia pat thangboi kamil ding ahitai, atin; lhep bi hoi hilouin akap den tai. Chini jan chun ngamlen thethem kom in achi in, aga lhem bi in aga lungmon ne.
Ngainu hung doh phat ahung lhing tai. Ahung doh masang se chun jemhoi in jong ima asei pih tapoi. Thangboi vang phat sotpi ahinkho chesa cheng ho chu agellin, akisih jeh chun; dongma vel nei lou din akigel tai. Ngainu vang agel doh poi.
Ngainu ahung doh ni in ama jong koima toh jong kihou man lou vin aloinu kom in achi in; Thangboi koma chi ding in aga kou tan ahile; aloinun jong phatsot tah pi ahin nga ahijeh chun anom peiyin achi lhon tai.
Thangboi te in aga lhun hon chun; thangboi hi insunga ana tou ahi in, agah lut lhon chun aman jong koi ham atin agah kiheia: avetna ahile ” Ngainu ana din chu amutan” kidang asah val jeh chun pao poh louviin, aumthim tan ahile, Ngainu ahung in angong koiyin, akap tan ahile; Thangboi chun kidang asah jeh chun ana moh um den jenge.
Chom khat jouvin vang ; ama jong ahung khang doh tan, hichun akihou lim tauve.
Ngainu; Heo, thangboi nei lungset lou hitam.
Thangboi÷Ngainu kamang ham , atah ham tunia kamasanga nadin chu kamang abang jenge.
Ngainu÷Phat sotpi tuni nikho hi kahin nga ahe.
Thangboi÷Ngainu idinga hita hi umma nahim, nain koten heleu napho dingu ahie.
Ngainu÷Tun vang koima kaging tapoi, U thangboi , Nei lungset lou hitam.
Thangboi÷Ngainu, ken nalungset jong leng nang nei lungset loule ipi kan ding ham.
Ngainu÷ Kalungset jeh a tunia nakom a kahung hichula em, U thangboi nang in nahet them lou ding kahe ae, kalungset na hi tuni channa nang a ahijing nalaie.
Thangboi÷Ipi nasei na dan ham, kahethem thei poi.
Ngainu÷Heo , Masanga kanu le kapan eina khen sah hon jeh a kahin khen nahie, mit mu dinga kakhen vang in kalung in kana kol chah jing nahie. Kanu le kapan kei hi cha chang khat seh a einei ahin, ama ni kinep nalhon ; kamol so khah lou ding ham, ti agel lhon jeh a ahin sei lhon ahin , ken jong alungtup lhon kamolso a ahile; kadei kachan thei ding jeh a mitmu dinga kahin khenn nahie, ahinlah sunglam in vang kahin kol chah jinge, kalungset na kahet sah a ahile, hung boui kha ding ham tia kahet sah lou nahie; gampam a kapot doh masanga chu ahile, khosung khat a umkhom ihi lhon jeh chun; naki man chah ho kaki vetsui thei yin ahinlah, gampam kahung um doh chun, kaloinu kanganse in aman jong nakiman chah dan ho jouse, abona eiseipih aji ahie, imajouse hepuma tuni nikho hi genthei tah a kahin nga ahie.
Thangboi÷Ngainu, ati chun amit lhi ahing lou doh in; hichun aman jong nei lungset lam ana heleng, chutia chu hinkho kana man lou ding ahie; idia neina seipihlou ham, kei chun nei lungset lou jeh a nei khen ahe, tia kana gel jeh a lungnop na ding hol na a hitia chu hinkho kahin man ahie; lungset tampi kahin neiyin ahinlah koima kahin mon pi deh poiye. (Mijouse hin Lungset khat anei cheh dan ahe).
Tun kichen tah a kahe tai, Ngainu nang lungset navang lungset dihtah ahie, nang tobang hi milunglen, mipontho, miching nahie. Nang banga hin midang jong um theile; Lungset khat toh kikhen loua um thei dingu ahin, hinlah mijouse chu achuti thei kit pon, akikhen jong um intin, alhung jong um inte, ngai nang kahinkhoa kana lungset khah hi iti vanga kavang phat hitam.
Ngainu÷Heo , phat chesa chengho millin, tun lungset hinkho thah man tai hite.
Hichun ama ni injong lungset hinkho ahin mang thah lhontan; akingai lu lheh hon, nin khoung in Ngainu in anu le apa lungtup amol so jouin akicheng lhon tan, insung nom , ahin sem khom lhon tai.
Alang khat in aloiteni Ngamlen le Thethem vang ana kichen masat lhon jeh chun cha jong anei masa lhon in, Thangboi in Ngainu toh insung khat ahin sem khom lhon phat chun; aloipa komma masanga ana lunggel khel ho ngaidam thum dinga, aloinu Ngainu toh achi lhon chun cha le nao ana neilhon tan, ama ho jong akimu to uvin, akingaidam un masanga neolai bang chun akingailut nalhon athah jop kit lhon tai.
The End.
Lungset khat hichan hi akichaitai.part 1 apat 4 chan eihin simpih ho jouse chungin kakipa na kahin phonge. Hichi story nasim sunga hi nalunggel a hoi dinga nagel, phachom dinga nagel aum khah a ahile, kiphalam lou hella achunga kipe contact number akhu call ahiloule whatapps a ikijah matto theiyu ahe 😊😊😊😊.
KAKIPAH AE
Thusimbu ahoi jing le aum jing thei nading pan analah cheh ute. Patron member hina ding hilai meh in
