PART- 3
✍️✍️✍️LALPU LOTJEM.
6009048006.
Jemhoi in thu aimme tichu; Ngainu in ahet jeh chun, adong dong in ipi ti nahim;seiyin tia asei sei jeng phat chun, Jemhoi injong chutia nahet nom mong monga ahile atin, aseipih tai.
Thangboi adongma nu chu lha ijat ham khat akimupi lou ahitan, tunia chu akingaipi nu Thethem hin ahin ngaival, amulou na asot phat chun melmu nom jeh in kichenna(Marriage) kinna hi phat kijenpet ahe atia , ahunga ahile;ikhou ahung lhung chun thangboi amu tapon ahile, alungnomo thim tan;ahinlah kinem pumma lungdei melmu dinga ahung jeh chun, kinemin amun langa ahol in ana mudeh pon, ahile alungnom mo lheh jenge.
Chujou phat chomkhat jou achun, ama jong asunga amu lou phat chun, apamlam ma apot doh in ahin kilhonpi pa kom chun,chiding aseitan ahile achilhon tai.
Phat chom khat pihi achi doh jou lhonna hi Thethem in Thangboi numei nung ahin juia aum chan ho chu amutan ahile; ana lhase lheh jenge, ahinlah aman jong mitlhi pumma chun, eihin hou nan te tia kinem tah a anga a ahile; thangboi invang kihetmosah in, adalha paipai tan ahile, akinepna jouse abeitan, akipa na jouse jong amang in, mitlhi pumin inlanga akile chun, kalungthim anopmo sah ahe.
Chujou chun athusim chu Ngainu hin angaiyin ahile, aman jong ama to dinga agella ahile; hahsa asan, apojoupon; akap doh tan ahile, jemhoi in hitia naum di kahetna kasei nom lou ahe.Ngainu injong adonbut’in koi lungin iti athoh jou mong ding ham.keima to ding, keima chan dinga kagelle ; kapoh joulou ahe.
Heu thangboi vang ; akichem valle, min alungset, agenthei pi hepha louva , anop tah a hinkho aman jeng hi; akioi monge na, ipi kasei sei hih ae, ama akigela abol chu, ipi jong kisei di ham , atin akihou chai lhon tai.
Thethem ainlang akile ahin, alungthim aha gel val jeh chun; lampi chun alhupa tan ahile, Ngamlen in jong alonaji ahepon, aman jong agelle, aloipa chungin alunghang in, min nalungset , nagenthei pi petna; nakiletsah, nakibol theisah naho hin khonung le nahin, genthei sah tei tei di ahe, atin ; thethem chu apo in ainlam adelpitho tai.
Ain agalhung hon’in aumpi thei di aumlou jeh chun; Ngamlen in jong atoupi in, apolam in ahung tho kah sea chun angah tai.
Nilhah lam hin ama jong ahung khang doh tan , alupna akipat chu apam langa ahung pot doh a ahile, Ngamlen ana tou chu amu’in akom in achipai paiyin akihoulim lhonne.
Heu, Ngamlen; in chan neihin poh lhung ham.
Ngamlen injong adonbut’in Henge, in hung lhunna jong koima ana umlou jeh a nachanga dalhah ding; anop theilou jeh a kana nga nahe.
Chijou chun Thethem injong; Heo , kakipah ae; boui sasa a nahung nabanna , kei chunga nabui kit , ken jong nikhatle kakithopi natheiya kahin kithopi ding nahe. Ngamlen injong; chiho poua aw; ikitho thei chan uva ikitho diu ahe; nei ngaichat na ahung umkit jongle; neihin kouvin kabolthei ; kakithopi nathei ahile, kahung pan jing ding ahe.
Ngamlen jong, thethem ahung oldom phat chun; ainlang in akile pai tai. Thethem vang achang’in apolang chun atouvin, phatchesa chengho agellin; nomma alenkhom laini lhonho, agellin, abang leh idia khol chen loua ; lungset kana chan ham, abang le kaki mu pi ding ama akona achai khat kajah nomme, ati kit ji in, akigel gellin ahile, anu le apa ahung phat chun ama jong insung lam in alut’in, alungthim noplou jeh chun, alupa in akichol pai pai jeng tai.
Ajingin akho chapang ho khat asollin, Ngamlen aga kou sah tai.Ngamlen jong hin, janhia thisoh ho chu agella ahile, kiphatlam nale lungset nakhat aneijeh chun ama jong thethem te in ajon pai pai tai. Amun aga lhun chun thethem achanga ana tou chu amu in akiphatlam jeh chun; ading dennin ahile, thethem in amuphat chun, akou vin atou khom lhon tai. Thethem hin Thangboi khatvei achaina ding’in kakimu pi nomme ati chun; Ngamlen injong henge akhohpoiye,ken hinve
inge alampi aumthei dile kahin hetsah di nahe.
Hapta khat langpi hi Ngamlen hin aloipa thangboi hi iti le Thethem toh hin akimuto thei lhon dem tia hi , lampi ana gon ahin ; hinlah ama lunggel bang chun imacha ahithei tapon ahile, Thethem koma chun asei didan ; ahetapon seilou di atijongle, ahithei kit lou jeh chun; alungkham lheh jenge. Kaseipih kit na ahile, apuldou nakah a , chihi ajah kitle; atahsa lam hung lhasam cheh cheh kit in tin, hung dammo kit inte, atijeh chun aseipih vah tapoi.
Ahinlah phat chomkhat joua hi ahung sotthim phat chun, Thethem hin adong dong jeng tan ahile, ngamlen injong aseipihtai.
Aseipih jouhin; Thethem hi kipana kiti mong mong toh hin umkhom khalou ahitai.lounlhi jenga hinkho aman,aka ka na a ; amel , atahsa, avouso jong kikhel ahitai.ivet le vet jou hoi jong hilou ahitaie.hitia min hichan hi lungsetna Thangboi kihetmo sah a aum hi; Ngamlen in agelle, thethem dinga hi hah asah jeh chun; akivop pi jingin, alhem bi in , aphat sim in akopi in alha mon in; akipa pa ding seiyin, Ngamlen hin aphat ! Atamjo ‘ Thethem ding’in ahin mang tai’.
Aphat atamjo thethem dinga apih doh a , ahung kivop vop lhon phat hin; Ngamlen hin Thethem hi aguh in lungset nakhat ahin neitai.
Alungset vang chun, tua aumdan hohi agelle, aseinompon; ahung phat lang le kisei tante atin ahung dam masang se chun, imacha seilou vin ahung phat ding amoh nga thotai.
Phat khat khat le hin , Thethem hin Thangboi thu ahin phapoh ji in ahile; aloipa hin, ipi phat chesa nasei sei ham, nagenthei nabep hichu , sei sei ta hih in atipih ji ae.
Phat jong ahung chal chal tan ahile; Thethem tahsa jong masanga bangin , ahung kile doh tai. Ngamlen hin tuvang aphat ahitai, atin alungset dan thu ho sei dingin akigong tai.
Alang khat’in Thethem jong hin ahin bouipi dan ho chu agelleh; aman jong lungset nakhat ahin nei ahitai. Ngamlen in nilhah khat hi, Thethem koma alungset na thuho ; sei ding atin, achi tai. Thethem kom agalhung tan, ainkote jong ana umlou jeh chun; Ngamlen hin phat kijen pet ahe, atin sei ding atitai.
Touna chung atou jou chun; Chomkhat atou thim beh in, akison lel kit ji in; alangkhat na thethem jong hin aguh a aumchan chu ana vet lhih kei ahe. Pasal nah nah atin; thethem kom in akikhin phei tai.
Ngamlen÷Them, Tunilhah hi seinom khat neiya kahung hichuo.
Thethem÷Heo, ngamlen ipi thu hita; sei tango.
Ngamlen÷ Sei ding tia kana kigel nahi sot ahitan, ahinlah nadam lou jeh a kana sei thei lou ahe.
Thethem÷ seijengo, ipi thu lom lom tam, eini kikah , kihetmo sah tah a umma ahe.
Ngamlen÷Them , ken nang,,, hichi aseijou hin, aban sei man louvin, thethem in ahinlah ten pih tai..
Thethem÷ hichi, thu nasei ding, kahetsa ahitaiye, kakihet mo sah ahiboue, ken jong nei ngailut dan le, nei khoh sah dan hohi, kagelle, asah le na ding kaneipoie; kalungseet na ahi , kasah le tilouvin, ima dang asah le na ding ; kanei joupoi, ahinlah tu pet nin vang kilungset hinkho man kit di kagel thei nai hih ae.
Ngamlen÷Them, ipi jong seibe ding ham kahe hih ae, nahung kigellhah ni ana ngah mai tange.
Hichi jou chun Ngamlen jong kipah tabang, jahcha tabng in aumin ; akile tai.
Lha khat jouhin Thethem ahung kigellhatai. Jankhat hi alupna chunga hi Thangboi toh ahikho man lhon dan ho agellin ahile, anei nom pon ahinlah akhouva achi a aum chan ho chu agellin ahile, alungin aumchan hochu hitobang mi kanga nga sangin , phat jouse a eiboipi, kagenthei nia eigenthei khompi, kanopnia einop khompi, eilungset aumle idia ama ho tabang kanga nga ding ham, kahinkho genthei na ding bep, eisu genthei, eika sah, ama kanga nga sangin , eilungset khat , kalungset na kapih le kei dingin jong lungmonna hitante , atia hung kigellha a ahie.
Ajingin aman jong Ngamlen kimu pi ding agongtai. Akimuto lhon hin thethem in nei lungset nalai em, tia aga doh a ahile; Ngamlen in adonbut’in kalungset na tua bei dinga nagel ham, hinkho lhung kei a dinga kalhen nahitaie, l, chomkhat lungset na hidingin gel hih nahung kigellha hitam. Tia agah doh chun , Thethem injong akoiyin: Heo, nang banga eilungst ding umponte , setlei chunga hin, hinkho lhungin neilungset jingo, kei numei lunglhom, lungneo , neika sah ta hih o na. Hitia aseijou chun; ngamlen in jong adonbutin , them masanga naka na mitlhi ho, le nagenthei naho jouse kile doh sa ding a kalungset na kapih nahitaie.
Tua pat tehnung, thi chan geiya dinga kalungset ding, nahitai. Naka sah taponge, sonlel na ima neilouvin; nei lungset in.
Ngamlen le Thethem in kilungset hinkho ahin mang pan lhontai. Thethem vang alungmong jou deh jipon, ahinlah; eilungset auma ahile atin alunga konin Thangboi mil na dingin; akigellin ahinlah ana jou deh jipoi.
Thangboi in ahin hetdoh phat hin ahung lungnom mo in thethem akimupi kigo kitai.
Athu jouse hi Jemhoi hin Ngainu koma abon a aseipih tai.
End of part-3.
Part 3 hi bouina neo neo kanei jeh in; kahin jih man pon chule kahin jih jong hi; kino thimtah a kahin jih ahin, chom jong hung chom maithei ahin,,ana kihethem ute. Lunglut tah a eihin simpih nanho jouse chungin kakipa nathu kahin phong ae. Chule hichi chunga hi nalunggel sei nom nanei aum khah le achunga kipe contact number akhu call ahiloule whatapps a iki jah matto theiyu ahe😊😊😊.
