Home Crosby Haokip LUNGSET HI HITIA UMJI HAM?(3)

LUNGSET HI HITIA UMJI HAM?(3)

311
0

Based on True Love Story
By: Kelvyn Minlal Haokip


EPISODE-3


Kilungsetna lampi ahi kitahsan to leh kicham tah a ichunga hunglhung thulam lengho hi pal galkai ding got teiding ahi tihi kei chepi jing khatchu anahin, amakoma jong kana seijing khatchu anahi e.
Hitichun D. El. Ed. Exam damsel in kachaiyin kaloiho toh inlang kakile tauve. Kilungsetna chu boina umlouhel in ahung machal jingin November lhachun Phai langah Teacherho le Student ho School Educational Tour kache uve. Kacheniu chun kakhojing un hinla Mawi kamunom jeh in khojinnoiya kalhunnau Mantri Pukhri apat chun Checkon lang kajon tai. Damsel in kakimuto lhonin handshake eibol in amadin Momo nehthei kachoh peh in Tender Care kakilah nomjeh in a inlanga kache phei lhonin thilchu kakilahpan kalhunnau mun kanungjot tai. Kihetkhel jeh in boina neokhat khat kahin neipan lhontan, akahle eilungset lou hitantem? tia kagel phatjong aumdapoi. Inlang kakile uvin School final exam jong kabolun damsel in kachai un, December lha a D. El. Ed. Exam kabol kitdiu ahijeh in Ukhrul phahtei angaitai. Hiche masang chun ken Phai kaga pha in damsel in Mawi toh kakimuto in Ukhrul kajotdi konin Christmas Gift dingin Diary khat kapen ahi. Chuche nilhah chun ajolnu Mawmawi le Mangboi toh keiho Li chun Vohsa me kakihon un annehkhom kabol uve. Keijong Ajingin Ukhrul a exam bolin kachen akichaiyin Inlanga Christmas noptah a mangdin kachetai. Christmas jong gollepai chengtoh nomtah in kamang uvin hinkho chu anomlheh jenge. Christmas kichaijou in keijong Gambih Youth Lamkai kahijeh in kamopohna dungjuiyin Assembly a report pehding hihen Term lhinghoa ding Memento hijongle kaboipin kakiseimo lheh jenge. Alangkhatna Mawi jong hitichun Semester exam anei laitah ahikit e. Hitichun kaboiji lhon vangin janle vang call a kakihou jing lhone. Khatvei hi ka call le waiting ah aumsot keitan kalung analheh tai. Aman sms eihinthot in, “Masanga kagol hokhat Lelen kiti khat in eihin call in la hindeilhenin nasahpeh inge atin, phone akoi mong2 tahih e” tin msg eihin thot e. Iman kagel thupi tapoi hitia aseijeh chun. Hichejou apatchun Mawi in eihoupi nombeh tapon khatveihi ha nah in kakina lhonin adoulal ding the tampi kasei peh leh, “Nadongma kahin nadei eihin neihouvo akhohpoi” atin kakiphatlam jeh in ima kasei be tapoi. Hinla masang bangin eihoupi nombeh jitapon, khatveihi WhatsApp status kavetle Pasal khatle ajolnu toh lim akilahkhomnau ahinkoi in, caption achun, “I miss my exam day… With both of You” Tin emoji naltah khattoh ahinkoi chu kamutan nommo kasa pantai. Langkhat a keila Gambih Assembly a kapan vanga kalung umthei mong2 talouhel. Eidal bol jep2 kahet phat in aloinu Sineo ka call in amachung chang ahindanho kadohle, hitin ahinsei tai. “Lim akilahpi pachun ahel in adongma bol keiji in exam lai jongchun ahung kilhon lhon jengji lhone” Ahintia patchun kei kalungthim akap pantai. Ama ka call a kadohle la ahel ahidan aseiyin adang thududah in eidonbut tapoi. Chujouvin Mawi jong Akholang uva achen a Unu Marriage adin aboitan akho u network aumlou jeh in aki kihou thei tapon lungmong motah in hinkho kamangin, guhthim in aman masang banga eikhohsah tahlouva eidal bolna hochu kagel jiteng kamitlhi alongjin ahi. Nini tobang achejou hin a Unu marriage a galha dingleh kihoucham pi teiding deina jalin Phai ah kachetai. Phone kabol jongle thududah in jong eihoupi jitapon kalai analheh jengji e. Nisim 20-January , 2019 nikho chu a Unu marriage phat ahitan Saikul langa abolding ahijeh chun anikho nin Saikul Bus a katoudoh in kachetai. Mangboi phone kabolin eina ngahdoh in Marriage a kagache lhonle amitsih jengin jong eive tapon ahi. Program akipan tan kei le Mangboi jong polanga katou lhone. Mangboi phone kala in aki text nalhonho kavet le hitia kisun kamutai, “Heu Mangboi, Kau Minlal Koma seiyin langa eihin khensah tan, kanu in jong Chassad langho toh nakingaiye tin ama bouve. Chujongle kalungset tapoi” tia kisun chu kamudoh chun da kakisamama jengin, kamitlhin eidonbut in milah ahijeh in nahnah in kakitim doh e. Hichun Mangboi ka text sah in polama ahungpot a khatvei beh hijongle kimutodia kasei lhon vangin ama anom tapoi. Keijong Saikul apat kakile nomtan, Bus Parking Mangboi in eihung thah in katoudoh tai. Bus jong temin akipatdoh pon, chuphat in Mawi chu whatsApp msg kathot Phai nahung teng Naloinu Sineo ina achaina din kimuto hite tin katemin ahile anomtai. Keijong bus Chunga eibolna ho kagel gelle itih kah a kamitlhi pot ham kahetapon, min eimukhante katijeh chun kamai kakisel e. Chuin Bus akipatdoh tan nilhah lang thimin Phai kagalhunge. Mawi koma kanasei jing khat chu ahile Na-U marriage tengle kahungding Nanu leh Napa toh jong nei kimuto sah ding ahi, kanati jehchun kaseima bangin amaho Phai ahung lhun uchun eihin call in eikimuto sah e. Anule apa jong kihoupi anomlheh jenge. Anu chun, “Min, Namin kija ja jenga nangla nakimu khalou” tin me seuvin eihoupi in chibai kakibol lhone. Chomkhat jouvin amahon Pallel lang ajontauvin, Mawi le a ute numei khat le anaopa vang chu Phaiya aumden tauve. Keijong nilhahle amatoh kimuto ding plan kanei jehchun kagol ho koma advice kala in amahon jong hoitah a Mawi kajol a kakithah ngai thei nalhon dinga kapanding dan eisei peh uve. Katepna bangin Aloinu Sineo te ina kakimuto lhonin amanjong kikhen tate tin ahinsei jangkei tai. Hinla kei kanom naipon kajol nalaiye. Ahinla anop louhel phatchun kenjong ama toh kakikhen khahle ponsil khatbeh kipe hen tin kapon pohchu kala in atouna koma kadilsu in, “Hiche ponhi kei limin ana kichin jingo” katile ada in, amai kavetle amitlhi ahungsoh in, Kenjong “Ipidia lhisoh nahim? Tuapat kadongma nahilou ditahila na nao” Katin keijong kamitlhi ahungsoh e. Chuphat in aman jong”Nabol danhi eikhen mong2 a hung nahidan ahe na” Atin ken ahiloudan kaseipeh tohlhonin kihoucham dingle kingaina sudet dinga akoma kache ahidan joh kaseipeh e. Hiche jouchun kaki kaato lhonin aman jong eilungset nalai dan kamuphat in aloinu ina pat inlang jonin kache lhontai. Hinla akikhen kahilhon ham, akingai kahilhon ham? Kahechen dehpoi. Kache phei lhonin ama umna a chomkhat katouvin chujouvin kagolpa koma kage ahijeh chun kache pheitan, Whatsapp msg kathot in “Ikingai lhon hinalouham?” Tia kadohle “Henge” Ahintin akithah ngai danin kaum kitlhon tai. Pon jong chu inlanga kakinung pohtan ahi. In kalhun in SEKYO adin kakigongin SEKYO SPORTS MEET ah nomtah in kaloi, kapai hotoh kaga lhauvin ahi. Sports kichai in inlang kanungjot un amato kakihou jivangin phatmasa a bangin alung alut thei him2 kit tapoi. Nisim 8-February, 2019 nikho hin jingkah in ka call in alunggel seidin phat kapen ahile Kikhen tate atikit tan ahi. Keiding chun puldouna jeng ahikit tan hiche nikho chun an jong kanepon sun nilhumin ina kaum poi. Kamonmo valjeh chu kagolnu khat Helend koma chun “Noilanga nomin gavahle hite” Katin kagava suh suh lhonin Mawi toh noma kalenlai nikhoho kageldoh tohlhonin Amathu chu kaloinu koma chu kasei seileh kapona valin kitimjou talouvin ama masanga chun kakap lhatai. Aman jong seidi ahepon eijol in hinla kei kakidoi poi. Chubanga eina ngaiya ipidia tua hitia umjeng hitam? Tin kalaina valin kakalai chu kabang thei him2 tapoi. Kakile lhonin kaloinu ina katou lhonin kamongmo lheh e. Mawi in jong eikhen vangin apojou dehpon, alhiso leh ahinkho nopmo danho WhatsApp msg ah ahinsei in hitichun akikhen kahilhon vangin kaki text lhonne. Nilhah ahung hitan, kaki text nalhon atangpon, Mimin Haokip in chuche nilhah chun “Koiham alungsetpen toh kikhenna kap louding? Kap louthei kahipoi” Tia asah laa chu ki release ding ahikit e. Kagol, kapai keini kikhen hesun sun chun eipohnat peh lheh jengun tilkhouna thu le lhamonna thu eihin thot tampi aume. Ahinla kei kamongjou dehpoi. Khatle nichun Mimin lasah aki release chai2 chun eihinthot uvin kangai peiyin ahile kalung ahel lheh jenge. Pungko donin network abeitan BSNL bou aume. Kaloiho khat kagathah nauva Mangboi in ka BSNL number ah eihin call in kakihou lhonin Mawi toh conference call a kihouthei nadin hin call aw katile ahin call in kakihou uvin chomkhat jouvin aman akoiyin Mawi toh keini kakihou hou lhonle amajong apum monjou tahlou jehchun kithah ngaidin kaum lhonin lhonin kipah tah in kakithah ngai kit lhontai……

Previous articleDALHAH A UM GENTHEI HINKHO HI NAMANSA HILOUHAM?
Next articleLUNGSET KAHET PAT NA NANG NAHI E, GOL