Part-1
Luncyno HK
6909559560(only whatsApp)
Kahung kigollhan sah tillai kum 17 dung kahi akon kahin lungset Boithem toh nitin phattin in hinkho kahin mang khom ji lhon in, guhthim a ka lungset lheh vangin aman eihet them peh pon kahin kho chu akipah thei tapoi ( nungah khat guhthim a ilungset aman la eihet them peh mong mong lou ahah dan chu asei ji aumpoi) jengkah khat jalkhun chunga kana imut lai in mikhat in eihung thou khangin koi hija tutah’a katile guhthim a ka lungset Boithem anahin, nidang phat danga pung 8: am a kithou ji pachu Boithem in eihung tho jehchun kaki thou doh le in pung ka gah vet le 5: 30am bep ana hi e,
Lungdong thim tah in Boithem kaven ahile aman heu kiphatlam aum e hitichun nei ve hih o atin kin jong ipi jeh a nei hung tho ham katileh heu class-x exam ka pass chula ibola kihet mosah nahim kithou doh in lang kisutheng in taona mol’a iche di Pathen komma kipa thu isei dihe atin, ka ngap lel dan dan chu saturday niseh a ka loipan eihung kou a bon kiche jilou chinikho a che ding chu kahi mo sesu e, kaki gel kit leh nup ka sah thei pon che dingin kahung ki gellha tai, taona mol che dingin kahung phei lhon leh mi dang jong tampi taona mangdingin ahung uvin kavet lhon leh a dongma toh hung ngan ahiuvin, lamtou kahin phah uteng pasal ho chun numei ho akai jiuvin akhut u aki tuh tu uvin kei ni chula social distancing jui kabang lhon e 😂
Taona mol kahin pha lhon tan taona mangdingin kaum lhon tan, kin jong nao taona items ho khatvei nin sei pih o katile nui heu chan eihin ven heu sei sei ngai ham kakhut tuh in lang Pathen komma thum o atin kei chula ipi asei na ham jong ka hepon, taona kahin mang chai lhon tan kin jong nao ipi dea hichan gam a taona manga iche lhon ham katile heu hitobanga hinkho iman khom thei lou na ding phat hung lhung di hija le tua phat ong inei sung lhon’a hi iche ahe atin, kin jong khatvei che kit te na katile aman jong nang na nup pou leh ipi dea kei ka da ding ham atin, inn lam jon in kahung kihou lim lim lhon tai,
Lampi a kahung kihou lim lim lhon leh Boithem in heu kalel valle kichol te atin ka kichol lhon tan, kin jong nao thilkhat kan sei ding ham katin aman jong henge heu atin kingai pi na nei ham katile thip bet in aum tan, kaki phatlam jeh chun thudang pou kasei in anui na ding akipa pa nading kasei in, inn lang kahin jon lhon tai, ka lunggel vang anom mo lheh e ipi jeh a kathudoh eidonbut nom lou ham katin kei le kei kaki dong jin guhthim in kahinkho man dan koima het lou in ahah lheh e,
Phat le nikho aki hei in kum nga lang golcha tobang in kahung ki vop lhon tan ama jong anungah mong mong tan, amelhoi jeh chun ama hella hung gollhang tampi a inn uva aum jin, ni dang phat danga a inn u iche jongle hoitah in eina liem jin, phat chom khat jou a kon eihin chom bol thim tai, nikhat a inn uva kache leh car khat ana kingan koi hija katin a insung uva ka lut leh guhthim a ka lungsetpen Boithem gollhang khat toh ana tou khom kamun hiche phat in inn lang kahung kile tan, kahinkho a lungset jeh a genthei kahin thoh nikho chu ahi tai,
Hiche ni akon bu jong kaneh num tapon, thanop na ima jong kanei thei tapon, sun le jan in kholai pot doh lou in ka room sunga guitar ka peh jin koi ma het lou in mitlhi long pum in laa kasa jin ahi, khosung dunga kalim kamel aki lah tah lou phat in, Boithem nikhat ka inn uva ahung in, kanu toh aki hou lim lhon in kanun boi ipi nangai to a room um chah kheh nahi ham hung doh o nanao Boithem in nangah e atin, kin jong lupna a kon koi kanao Boithem ham kin Boithem kahe khapoi katile, kanun hung doh phot o atin, kin jong room sunga kon hung doh ponge thilkhat kabolle e katin ahile kanu alungdong in, aki houlim lhon kathim ngaile kanun Boithem tulah na upa khu ipi ti hitam room adalha tapoi ahinkho man dan aki khel mong mong te atin Boithem in vang iman adonbut poi,
Kum nga sung hung kiki vop a ama jeh a nungah dang kihel lou a tua aman kei eidal bola mi dang joh lungset achen katin bol thei la ima um lou kalung ahangin, abang kom le kei joh mo kaki sah jin, kum hitih chan hung kiki vop a idea lungset na thu kana sei khah lou ham, khatvei beh kalungset na ana sei leng tunin room a um chah kheh ponge katin, kahinkho phatchesa’a Boithem toh hinkho kaman khom lai lhon kagel doh leh lunghel nan kadim in, ka phone a Lilim Mate in asah phatchesa ho hi koukit thei hileng kou kit ding kanom ngaiye hiche laa kahin lha doh chu nidang a ima a kana gel lou ahin, hiche nia vang chu mitlhi long pum in ka ngai in phatchesa ho eigel doh sah in mitlhi twi bang in along e,
Nungah khat jeh pou a hitia hinkho kaman man ding chu kaki gel thei tapon, khosung dalhah a gampam’a company natonga che din kaki gel lha tai ajeh chu khosung kaum chan’a ka genthei na sang ding ahi, hitia kaki gel lhah phat in achaina din Boithem kaki mupi nom in hinlah kalunggel nop lou jeh chun letter khat kajeh in;
Nao(Boithem)
Kum nga sung loile pai ule nao in ina kivop lhon in, kin jong iki vop tilla kon kahin lungset in kahin kho adea chenkhom pidea kadeilhen pen nahi, hinlah genthei kammol jeh leh kison lel jeh in kalungset na kana sei ngam pon, phat chomcha sunga nang toh ka um khom nom kasah in kahinkhon nang toh um khom le iti kipah tan katem, nang dea lhing jou lou himei tange, ka mit mu a angdang na koi ding kave ngam poi hijeh chun mit a mu phah lou na gam a lungmon na kihol in chetange, na phung chan na a chungpathen in phatthei nahin boh hen,
Hiche letter pe din koi ka sol tadem tia lunggim tah a kaum lai in kaloipa Paokai kakom ahung toh akituh in kin jong kaloipa komma bai hiche lekha hi Boithem nei ga peh pih o katile aman jong henge bai lunggim hih in keiman kakhut tah in penange ati phat in kalunggel jong aki chol do tai,
Hichan hin part-1 ana chai utin aban teng Boithem in ahin reply naho ina ngai deu ahe
Kaki pah e lunglut tah a hin sim jou se chunga 🙏
