Part-2
Luncyno HK
6909559560(WhatsApp only)
Boithem in letter📩 ahin sim doh chun kidang asah in phatchesa lung in alangin, kei din lekha khat kaloipa Paokai ahung peh sah kit e,
Paokai in gal akon bai naum nam mo ahin tin kin jong room sunga kaum e bai hung lut in katin, kaloipa room ahung lut lut chun thudang ima seilou in lekha khat eihin pe in kin jong kaki lah le in asunga ipi kisun ahidem tin kahon doh a kasim le hitin aki sun e;
Heu
idea hibanga selung mol nahim, kum 5 sung iki vop khom nom kasah in nang toh phat jousen um khom thei leng iti kipah tang katem hinlah nang akon lungset na aw kana ja kha pon, numei lunglhom lungneo kahi jeh in nei lungset lou banga kana gel jeh in angdang koi din lungset na kana petai, khatvei beh nei lungset leh kalungset e tia nahin sei mo ham, heu kalha ase valle, idea genthei na nei peh be ham, chungpathen phatsah ihi lou jeh ahi tin gel mei tate, heu kei jeh in hinkho setna hin mang hih o na,,,,!
kahin ve jou jipoi kei jeh a genthei nahin thoh ding, heu kahin lungset lou nahipoi lungset dang kana pehsa ahi tah jeh in kei din lunggel ahah e nei hetthem peh in, heu nei lungset leh gamdanga pot doh hih beh o na.
Hiche kasim doh jou chun kaki gel leh kalha asen kei mitmo jeh a kalungset pen kachan dingin aum tan, khatvei beh hijongle lungsetna ana sei leng tunin hibang lom in genthei ponge, idea hibang lom a lungmol kahim katin, mitlhi longpum in kakap e, kalung sungin gellou ding tincheng kagel doh in, kahinkho chu setna ding bou bolnom na lungthim kanei tai, eitih’a ju don kha loupan ju kahin don pan tan, kakham ji teng khosung a kavah lele jin koi ham ahat tin ka pengjin, kaum chan chu khosungmi ahe jouse alungdong lou aum pon ajeh chu nidang phatdanga gollhang phatah kitup tah a hinkho mang kana hijih ahi,
Nikhat kaju don namun akon inn lang kahung le gari khat in eitang khan kaum namun a kho helou in kaki jam in koima eive ding jong aum pon, khola jengta inn kaum lou jeh in ka insungmite alungdong taovin, khosung dung ahol vang uvin eimu povin, vangphat um tah in kaju don khom piho khosung ahung naovin lampia kho helou a kana kijam chu eimu phat uvin, kham u jongle kei chu hospital a din eipui taovin khosung a ka inkote hetsah din mini ache uvin ahileh athu chu khosung aki thangntan, kalungsetpen Boithem in jong kathu chu ana ja tan guhthim in keidin taona ana mange,
Hospital kaum sung chun khosung miten eihung ve jiu vin hinlah kalungset somai kamu lou jeh in kipa natah tah aum thei poi, hospital akon inn lam pot ding kahi tah jeh uvin doctor pan eiki mupi nom jeh in eihin kou in kache leh louthempan ( doctor pan) nahinkho thusim na inkoten eisei peh uve, ibola nungah khat jeh pou a hinkho hitia chu naman hm, nanu le napan kei komma lhisoh liua thu asei lhon ahi, tuchung hospital a nasum suhlut u jong kehkhat kavet u nahi, tukal ju don tahih in natahsan athoh joupoi hiche asei chai chun kanu le kapa chule ka insung miten kei jeh a genthei athoh naho kahin gel doh in kaki sihlheh e, kin jong doctor pa komma tukal khamna thei a kisa ngol taponge katin kahung pot doh tai,
Khosung kahung lhun u nikhat jou in Boithem jinei ding Thu kahin jakit tan, kahinkho man ahah dan chu, lhaset set aum in, golle pai alungset toh hinkho nom’a aman kamu jiteng kei hinkho toh sun le jan abang jin, hibang genthei thoh dinga idea leiset a hung peng kahim katin kaki lhaset ham ji e, Boithem hung jinei pou pou leh iti hinkho amang tadem tin mijousen eina lunggim pilheh uve, khosung mijousen Boithem toh kum nga lang kahung kivop sung lhonna kaki lungset hin dan hejousen ei lainat pe uvin, kei selung mol jeh in ima bol khel nei lou kalungset Boithem seise loi mi tam pi aum uve, kei jeh in Boithem jong khosung avah doh ngam tapon, kahin kho man lhon dan hetthem ahah lheh e,
Jengnikho hung vah leh kalungset Boithem phundang jon’a lhah na kingon um ding ahitan, hijeh in khatvei kaki mupi nom in kaloipa Paokai kaga kou sah in kaki mu to lhon achai na ahiding jeh in kaki vet to lhon leh alhisoh lou kaum lhon pon, chomkhat pi ima sei lou in kaum lhon in, pasal lheh tidan in ka mitlhi katuh tangin Boithem kahin hou petai ;
Kei: nao eini hinkho thusim hi lungset aum e na
Boithem: henge heu lungset aum e iba kaloding hitam mitlhi tei lou donbut nading kanei jou tapoi
Kei: idea lhisoh a kap kap nahim nao, kei jeh a hichan gei a genthei ithoh lhon ahi, lungset in nei ngaidam in o
Boithem: heu ibola ngaidam nathum ham kei joh kahi ngaidam thum ding kei lungmol jeh a genthei nathoh ahi, nei ngaidam in heu
Kei: nao jengnikho hung vah da jengtale kanomme, nang jaolou a iti hinkho kahin man ding hitam, kaki gel jiteng lunglai adap e
Boithem: heu kahin lungset lou jeh a angdang kasan in nei gel peh hih o, kum 5 sung iki lungset na kana hetthem lou jeh joh ahi
Kei: nao phatchesa sei da tate ima jouse kei thep mo jeh ahi, na phung channan hung vang phan lang, na lhunna insungmite a din vah hoitah in hung pang tan,
Boithem: kakipah valle heu nei phatthei boh, nang jong keisanga ching le them nungah melhoi tah khat hin kimun lang, nu le pan na kineppi nabang uvin insungnom hin sem doh in o,
Kei: nao kaki pah e, hitia iki hou khom lhon anom in jenga kin nei ding nahi jeh uvin jan hah sot lehen naboi dihe hung in chetate
Boithem: mitlhi long pum in heu kahin lha joupoi, khatvei namit sing tadi o
Kei: ole,
kilhah na din kabeng khatvei kiss ahin bol in inn lang kahung lhon tai,
Jengnikho ahung vah tan moupui ding te khosung ahung lhung taovin, program jong akichai ding ahitan, Boithem lhah na thusei kangai chun kaki tim jou pon kaum nan ka mitlhi along doh e, kingon akichai tan Boithem jong khosung dalha a kengnei ding ahitan, lhah na ding mong mong in akom kachen chibai kabol in mangphato nao katile mitlhi long pum in heu hiche songkhol hi kei mel a nachin dingin ana kikoi o atin kin jong peh ding kanei lou jeh in kasakhao kaso leh cheng som note khat kamei doh in hiche sum hi nao cha nahin nei teng nacha pa/nu nehthei kei gel doh nan ana choh peh o katin kahung ki vai lhah hin tai,
Genthei kithoh cheh hijongle lungset jeh a genthei kithoh vang alam dange, Boithem in sangkhol eipeh chu ka room sunga kalah doh le asunga lekha neo khat kamun asunga kisun chu kasim le hitin akijih e,
LUNGSET HI ALAM DANGE
tun vang pathen lungset na jal in cha le nao jong kanei tan hinlah tunichan gei in Boithem kamil deh poi (lungset masa koi in amil jou dem)
Moral: nungah khat na lungset leh loile pai in kivop pi masat in ahin kivop pi sot behset hih in ajole genthei thoh khan nate, lungset hi thinathei ahi hijeh chun nungah khat jeh pou in khamna thei bola kisah ngol lou ding ahi, tua naki lungset pinu/pipa jong chu Pathen in aphat sah lou le khenna kolni soh thei ahe, hiche ho jouse nahinkho a nato nom lou le naji ding Pathen komma thum jing in, tua jong nungah gollhang hon naji ding nathum nai loule hiche nasim doh akon nahin thum ding kaging cha e, Pathen dei chu nanu le napan adei ahi ti mill hih in.
……the end…….
Kakipah e lunglut tah’a hin sim jouse chunga
🙏❤
