4th Episode (Final)
Written By: Cicy Neihsial
Arrange By: Naocy Haokip
Lungguh a kinep na len tah nei pumin ka ihmu tai………..
Kakinep na jingkho ahung vah tan kipahtah-in ka thoudoh in,,,bu le me kahonin,,,kahon minin bu kaneuvin,,kapan chongboi nang in ngah di von ho ana suthengin atin bu kaneh chai phat’un,,,ei dallha soh tauvin,,,,ka changa ka um pet chun kijen kasa in,,phone ka tham ngal jengin,,,Richard naonu Lily chu ka call ngal’in,
Kei…..Hello…Lily na-u Richard chu ibol’a mi ina um den jeng ham…?aman phone achoi tahlou ham…?
Lily….Umm aman choi tahlou mi phone a eihin call ji ahi e,….
Kei…..Lily ahin call na number chu eihin pe o please
katile eihin petan kakipah ma ma jengin,,call kahbou kangah lelin,kaki hou khah hon talou jeh chun kaki phalamin kajah achathim tan hijongle kangai na chu alhadai thei poi….
Ka jachat thim jeh chun ka call pai ngam pon,,,minute nga(5minute) tobang kaki gel’in……kasei di ho kagel’in,ka call in,,phone ring chu nivei ache vangin,aki pick-up pon,,ka call kit le numei khat’in ahin pick-up in
Kei….Hello….chehi Richard number hilou ham…?ama hoija um ham…?kahoupi nome katile
Ama……U Richard aum poiye, ama garitol a che ahin nilhah langle hung lhung di ahi,aman phone anei tapoi keiya kaki kop’u ahi.
Kei….Oh ahi le nangmin ipi ham…?Richard chu nanga dinga na ipi ham…?
Ama….keimin Choineo ahi in,,Richard hi ka-U ahe atin
Phone line acut tai….ka lunggel chun, Richard dongma nu ham…?aji ham hitei tei tan te ahung kithah louna la lha nga(5month)lam ahi tan,,dongma aneilou le hung ji ji ding ahi katin kalunggel agim lheh jeng tai………
Richard houpi theilou ahi phat chun minlal ka call kit’in,Uminlal in phone ahin pick-up vanglah in,,minlal O kajah chun kalha se val’in kamitlhin ei chup in,kasei di jong kasei doh thei tapoi….
Minlal…..Chongboi ipi nati ham…?na dam lou ham…?ipi dinga na lhiso ham…??
Kei…..Kasei mo sasa chun Uminlal kadam naiye nangla naphat phat hinam…?
Minlal……Henge kadam nai…Chongboi na U richard toh naphat phat lhon hi nam…?khat chan nei hin houpi kha hon hih-in,nom nasah sah u hinam…?
Kei……Uminlal che thu chu ahi e kasei nom,Richard ahung kithah louna lha nga(5months)aval tai……lamka lam gari tol ahi e atiuvin, aumna te phone a ka call le numei khat’in ahin pick-up in,,,,ama aum poi atin phone acut tai.
Uminlal itih le nahung di ham…?hung inlang khatvei Richard komin ga che in o.
Minlal……Henge keijong lhakit le kahung di ahitai ga che nange ipi jeh a hung ji talou ham…?
Kei……Kahe hih-e Uminlal ka-U Richard hin “LUNGSET GILDAN HELOU ” banga hinkho aman jenghi kahe them theipoi kangai val’in,ka genthei pi lheh tai,na hunglhun ding kinemin kangah jinge Uminlal.
Tin phone ka koi lhon tai…..ka lunggel agim ma ma jengin ipi ti mong mong ham ti bou chu kahe nom tan,,sun ahi le jan ahi di ngah lel nan,,,jan ahi le sun ahi di ngah lel nan hinkho kamangin,hi ta ka lunggel boi cheichoi lai chun….
Hetman louvin lhakhat ahung bei pai kit tan,na tonga che Minlal chu ahung lhung tan,,,Richard ga vil dingle ipi chanchin nei ham ti he dingin Lamka lam ajon tai……
Minlal chu Richard kom aga lhung tan,,Minlal in eihin call in,,Chongboi na U Richard toh naki hou lhon di ham…….eihin ti chu kaden…..kamang lam abang jengin,,kipa lhaset nan kadim jengin,,,,Uminlal eihoupi nom di hinam katile nom ma ma inte atin phone chu Richard apeh le kipa awso tah-in
Richard….Hello Chongboi na dam dam na..lunghel umna e.
Kei…..Henge ka dam nai Urichard nangla ipi na tia hita hi na um jeng ham…?lungset tah in nalunggel nei seipeh o
Kati le khoh salou thim tah in
Richard…..Ipi lunggel jong kanei man hih-e Chongboi kaboi ji dan dan hi,,,sun le jan a ki chol manlou kahi.
Kei…..Ipi nabol a na chuti boi ham…?boi lheh jongle chun keibeh nei houpi man jilou ham…?
Richard……Boipi di atam e Chongboi kati banga ka um theile hiche thinglhang ko neo cha a chen chen sanga,,mibangin kihao hih jongle phaigam Townsung a chen na ding beh a kaboi got hija,,,nang chu nan kihou nom jongle Phone jong kineilouva,,tua jong hi,kinkhat a che dinga kaloi hon ei ngah u ahi e
Kei…..Oh….U Richard boilheh jongle chun,,,phat chomcha beh neipe o plz🙏🏻…na lungset lah a alhinglel pen hijong leng,,, kanei lah a manlupen leh ka lungset na gilpen kahin peh nahi lungset na kanei sun hi lhilon na a nei mansah got hitam…?
Tia kap pum puma kasei laitah chun,,Chongboi ki ol hou kit taite kaloihon ei ngahlel uve tin phone a off in ei dallha tai…….minlal chu jinga hung di ahi in,,nilhah le kiki hou kit tei nan te ti kakinemin,,nilhah chu kangah lel ma ma tai…..nilhah pung 7pm chanin jong ei call lhon tapon,,,kidang kasah phat’in ken kagah call in,,,,
Kei….Uminlal bu naneh u hitam URichard umlou ham…?
Minlal…..Henge Chongboi bu kaneh jouvu vin,,ana umo kaloiho kom khat a ga che inge atin apotdoh-e,,ahung teng hin hetsah nange o atin
Phone kakoi lhon tai…..ka lunggim ma ma jengtan,,hi tobanga ei engbol vang chun,,ka lunghan na sangin ka lungset na asang jo nalaiyin,,,aum chan eibol dan ho chu kagel a thangtom di kati jongle,kalungset nan angaidam jing nalaiye…….
Kaki gelgel nalamin kana ihmu lhu tan,,minlal hung lhun chu kangah lel ma ma in,,,Richard hi aboi tah tah hidi ham…?ole eikhen got ahi tadem ti kagel’in,aum na a gache aloipa minlal hin aum chan jong alunggel jong he maithei ahi in ipi hile minlal kingah doh phot hen kati in,,minlal chu kangah tai….
Nilhah pung ni (2pm )don in minlal chu ahung lhung tan….
Kei…..Uminlal richard hunglou ham ibol’a janlhah a chu neihin call kit lou ham…?
Minlal…..Richard ahung poi Chongboi janlhah a avadoh chu jingkah lang kahung kipat doh dikona hunglhung a eihin lap ham ham ahi,,hi o..hiche Letter hi eipoh sah a,,kei jong kahung vah di tai ati in apotdoh pai kit’e
Letter eipeh jong chu kave ngam vah pon,,kavet masang chun ka lunggel’in kaki nel nel jengin,,,Asei ho townsunga chen na ding aboipi jeh a hi boi tahtah a,mi phone ahin man le kiphalam a,dei banga alunggel asei theilo jeh a eihin thot ahi de o…………ahi lou le akamchenga eikhen nom lou jeh ahi jo dem tin,,Letter chu kachoiyin kavet masang chun,keima le keima kaki nel khop set’in ahi.
Ajo jo nan…ih…ipi hile ki sim phot phot hen ase apha hi leh kapel doh theilou ding thou thou tin,,letter chuh ka gah hon le hitin ahung kisun tai.
Ka lungset le kangailut chongboi amasan na ngaidam na kahin thum e
Na lunglou lam hijongle hiche ka Letter hi nei na simpeh dingin na lungset na nunung pen kahin thum e,,Chongboi…..lunghan nan sang hih-in o,,,Lengdang kana sang tai,,,, Phat chomkhat ki lungset sunga seikhel bol khel ho kingaidam to hitin,,,,chung Pathen jang-gop louvin gelmai hite…..lhase lou jenin, na nun lui din kana che tai,,,damsunga din mangpha….
Richard!!!!
Hi che Letter kasim joujouvin,,kaumna lam jong kahe pon ka lupna chun kalum denin kamoh ka jeng tai… kadam mo doh jengin, phat chom khat lam chu lupna chungin hinkho kahin mang tai……kalunggel chun LUNGSET GILDAN HELOU khat kana ngai khah hi iti ka vangset hitam…….?? ti kagel ji in,,,hi tobanga ei engbol a eikhen hel tah vang chun,,,ka lunggel chu Richard a kon in agamlha thei hihlaiyin,,,
Mihem khat chu koima thil bol khel khalou aum pon,,,bolkhel kisan lung kisih-in,ahung kinung hei kit kha dem ti chu kangah ngah jing nalaiyin,,,,,damsung a kimu kit talou dinga kikhen dingdan ho kangai to teng,,,,kei ma le kei ma kitha jeng di pou kagel ji in,,an le twi jong ne nom louvin,genthei tah in hinkho kahin mangin,, Puldou ki ti hi nahet khah nailou le ahahdan hi nahet them lou maithei ahi,,,puldou iti tengle athu a seisangin Itahsa tah in athoh hi hahsa jo nalai ahi…..
phatle ni achal jingin,,kumlhung di lam ahung naikit tan,,chavang ahung hikit tan,,,sun a nung ji chavang huilhi nem hiuheu ho le jan a vah ji lha le ahsi ho chu,midanga dingin,,kipa na hijongle,,,kei dingin vang,lunghel na le
LUNGSET GILDAN HELOU Richard puldou nan kamang jingtai…kahinkho ka khanghoi lai phat chu atamjo puldou na le mitlhi lon nan kamang jingin,,,,,,
RICHARD in eikhen jou kumkhat (1year) jouvin aman eikhen lha alhin phat’in,,kenjong jong,, LUNGSET GILDAN HELOU Richard chu damsunga dinga lhah na last Letter pe dingin,,Lamka lam jonin Uminlal kasol in,,,,Uminlal …..nei ki thopi na ho ken hin le thuh jou hih jongleng Pathenin hinle thuhjo tahen…..chenop tan o tin kakikhen tauve..
Nilhah khat hi Uminlal ahung kholai lengin,,,minlal koma,,,Uminlal Richard in eikhen jou nung kumkhat (1year) lhing di ahi tan,,,kenvang kakhen naipon,,,kumkhat (1year) kanga nahlai ahin,,,,tuchan gei hi,lung kisih in,alung ahin hei kit dem ti kinema kanga nahlai ahin,,,, hinla tuni chanin akamcheng khat cha jong thu akija pon hijeh chun,,,eikhen na lha mama le kenjong kakhen ding ahi kati in,,,Kumle lha phat le nikho ahung kihei kit tan………
Kichai ta……the end
Thusim ngeijou hih jongle abul’a pat achaina chan lunglut’a simchai jouse chungin kipathu kahin seiye.
©️Copyright
Thusim ngai nasah le anoiya “Like” khu meh in chule seinom nanei comments jong nahin bol thei ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
