Home Lahkhom LUNGSET GILDAN HELOU-III

LUNGSET GILDAN HELOU-III

300
0

3rd Episode

Written By: Cicy Neihsial
Arrange By: Naocy Haokip

Kapa kaki chat jeh chun Richard te ni jong don talouvin lupna lam kajon tai…….

Ka room langa ka lupsan phat chun, Minlal in kiphalam tah in Hepa jan jong asot tan keini jong che lhon tange atin apot lhon tai…..jan a chun kapan ima asei pon,,,kapa hin ahetdoh lou ham ole pha eisah ham ti kagel in,eipho lou kakipa vang chun,ka lunggimin, ipi hijongle ahelou bang bangin ki um phot hen tin kei jong ka ihmu tai…….

Phatle ni achaljing in mitin kinep na Christmas jong ahung lhung tan kipatah le thanom tah a man di kanomin,,Christmas le newyear sung chun,,,Richard to kaki mu to kha beh pou vin,,ajeh chu mitin kinep na ahi jeh in,kikhop lenkhom hoa kajao jingin phone in kaki he to jingun,,ama ho dehdeh chu nungah gollhang tam beh lou Richard ho loi lamkai na ahi jeh chun,kakipha lamin,ka suboi nom pon,,,kitah tah a ium poule,,,Christian te dinga golnop thupi pen ahi jeh in,kani lhona jalen tah a man ding chu kadei dan jong ahi in,,hiche phat sungin vang kasuboi poi………

Ima boi na um louvin Christmas le newyear chu lolhing tah in kahin mang chai tauvin,kumbul kipan kit chu ahitai…..

Nikhat’in vengsung le kho kinai cha cha hon toh lampi kichot to na suh theng di Job tha kon ding ahin tiuvin,,in tina mikhat cheh kon ding atiuvin,,keiho chu kapan chongboi nangho school kai kit vah di nahiu vin,,von ho suh theng thei thei kisuh thengun lang,akisa chai sa a na um diu,tuni kei thakona ka che di ati in vaikon ding chun apot doh tai…langkhat a Richard jong ana konin,,keiho in chu lentol(field) kom chet ahin,,,na tong ho chu lentol(field) achun ahung kichol’un,,,Richard chu twidon in ahungin chomkhat atoupa in,,kipat kit ding phat’a aga pot doh le ana dai sao sao uvin,,,kaloi ka gol houvin adai nao chu kapan ana ja thei tenin,,eihin hedoh ta ngeiye….

Nilhah ahung lhunin eidongin ima kasei tapoi,,kaki ngaipouve ti dingla Kapa lom lom chu jouvin kalhem nom pon,,kaki ngaiyuve ti jeng di la kaki cha kit’in,,,kadon but nom lou phat’in kapa chun ei gingmo cheh cheh-in pho kitin eiphoh-in,eilup san tai.

Kapa thusei le alunghan thu ho chu Richard koma seiya,ei lungset a genthei kathoh di eiphal louva kicheng tahite ahin ti jongle,kichenpi jeng di tin Richard chu msg kathot in kapa lunghan thu chu kasei peh tan…..ahinla kaki nep na bangin ei donbut pon,..

Richard….Chongboi kilungset hinkhoa dinga cheho chu alou theilou ahi e,thoh ham hamin,,keijong phatseh a nakom kahung thei tahlou ding ahi.

Kei….Ibol’a ong…?ipi jeh a em…?Urichard

Richard…..Chongboi ajeh sei di pen jong aum poi ,ikum atam cheh cheh le boipi di tam deu deu hi o

Kei…..Urichard thildang to kei nei te hamo na lunggel kahe them poi nasei dan chu,naboi na jong seilouva kakom nahung khah beh tahlou dichu ipi jeh ham neisei peh o

Richard….Chongboi ajeh ima umpoi lungneo hih-in phat ong kanei teng hung ji ji nange…ipi hile mangpha phot hite ka ihmut asoh tai….

Atin aphone a off tai……ka lunggel chu aboi ma ma jengin kapa in ei ha pho chanin Richard kangai na chu asang cheh cheh jengin,Richard a konin la kaki nepna bangin donbut na kamu pon,,ka lunggel a chun ipi kati ding hitam tin,lunggel genthei nan eihin bom pan tai……..

February lha ahung hi tan School lut kit phat ahung hitai school kalut kit tauvin,,Ka lekha lam sangin Richard chun ka lungsung alo dim jo ma ma in,,sun le janin kagel gel jengin,,ahah sat na kit khat chu school ka lut phat uvin,,dei bangin phone ka tham thei tapon,,Richard chu ahunglou le ahoupi na di jong ahah sa lheh tai,,,kapa hin ka dongma nei ding phasa lou,strick thim tah hijong le Mi ching tah ahin,,,kaloi kagol te ina ahung phat’u le eiphoh jipon,,,kaloi kagol ho hetdoh thei dingle nom mo asah na diu vin ima aseijipon,hi jeh chun,,,akhonunga eipho di hijongle Richard hung kholai len ding chu kanom ma ma jenge…..

Jingkah khat hi bu kaneuvin,kapa’n um chanpha ho lekha simna lama ka ha pan dingu pha asah ho aseiyin ei tilkhou uvin,,hita asei lai tah chun ka nu phone ahungin,,,,agah pick-up le Richard ana hi in,,henu Chongboi khatvei kahoupi nom e ati le,,kanu in phone eihin pen,,kapot doh in inmai langa kaga houpi le,

Richard….Chongboi tuni kahung kholai len ding ahi e,school a ana che hih-in eitin,,ken jong ole ole katin insung kalut kit tai………

Kapa chun koiham tia eihin dong tei di katin kaki cha thimin,ahinla vangphat um tah in eina dong pon,,ka lunggel a chun,kapa koma ipi kisei le school absent ding eiphal de-o tin kalung kagel in,,ka naote chu aki gong un,,kei chu lupna chunga ka touvin kaki ngaito to le kapa ahung vah lut’in…
Itih a jong kapa joulhep khalou jou lhep nomlou nu chun,,Richard ka lungset val jeh chun,kapa chu ka jou lhep teitei angai tan.
Lungset na agil jeh-in,itih a jong kabol khah lou chu kabol pan tai

Kapa….He kate chongboi nang naki gong hah na e ipi nati ham…??

Kei….Hepa janlhah ka ihmut soh val’a le ka homework khat kabol lou aumin,,homework bol louvin school kache nom poi kajah chai tuni Absent jeng inge kati le..

Kinep phah lou hel pi chun,kapa’n Ole boi naloi ho lah a na jum sangin,cheda inlang tukal le na homework u hoitah in ki vet tup ji tao atin,,ei dalha tai….kalungsung chu akipa ma ma in kaguh nui nui jeng tai.

Ka in ko ten ei dalha soh kei tauvin ka changin ka umin,,phone choi talou kahi jeh in gah houpi di jong ahi thei tapon,,kinem tah in kangah tan,,chomkhat jou vin ahungin….hinla nidanga ahung to aum chan chu kibang kasa beh pon,,aum chan chu kave ve jengin,,ei ngaina ei lungset na thu jong sei di ago tapon…..phone ho pou athamin aum mai maiyin,ihoupi le ihou na bouvin eidon but’in,ama chun eihou beh poi……

Phone atham pum chun Chongboi twi hinsoh o atin kaga soh in,ka thanom val ham twi chu kaki suhboh khumin ka sangkhol kaki suhkot in,,,twi chu kape in,,,sangkhol ga khel inge tin Ka room lam a ka lut le,,ipi ahungbol got ham…?Chongboi hitih chan kiki ngaita a na room jong kamu khah lou ahin tin ahung lut dol dol in,,,ken jong kangai val jeh chun, ipi se lom lom iseiya ibol sam loule katin,lunghang louvin ka umin ka sangkhol chu kakhel in,,kakhel chai chet’in kapa le kanu ahung lhungun,,,,Kanu in,…Chongboi Chongboi…kahung lhung lhon tai….Hoija na um ham cha hin omo atin,Richard chu seldoh tei kagot jeh chun aphat chan ka donbut theipon…..
Kapa chun a ihmu hivehta o ahin tin ka room ah ahunglut le Richard kasel pet tah chu eihung mudoh tai………….kaden………….sei di vang aum tahih beh jenge….kapa chu lunghang tah in apot doh in,,,kanu koma chun hungo gaki sil doh hite ahin ti vanglah in,,,Richard jong lunghang thim tah in che tange atin,,,ipi alunghan pi ham…?kiphalam le jahcha di ham kiti chu lunghan melpu tah in eiven apotdoh tai…..

Kanu le kapa kisil ahung lhun hon phat’in,,kapan,, Nengneichong school nakai tahlou di na lekha ho le na uniform ho chu hin chomkhomin abon a kahal lhah ding ahi atin,ei sen sen jengin,,ka paopoh lou hel phat’in,ka uniform ho chu achomkhom vut vut’in,,inmaiya chun ahal go tai,, ahal lhah got tah tah phat’in,,Hepa nei ngaidam o katin akeng katuh a kaka lhah jengle kanu in,,,,kapa koma nang tahjong angol banga koicha koi nao thil bol khel lou um ham…?khatvei thil bolkhel mana nacha na chuti bol jeng nalunghan le phoh inlang vo tang em…?khatvei thilbol khel jeh a hita na um chu mipa um dan hilou chu, tin kapa chu aphotoh athou akop le,kapa chun alunggel themkhat ahin khel jep hiding ahin,,insung ah alut tai.

Ka hinkho chun anom lam sangin genthei hahsat nalam ama no cheh cheh tan,,Kapa koma kaki phatlam di to,Richard kangai to hoilam joh hijongle kineo sah jinga um ding chu kei din munin alhung tai…..Richard jong masang toh abang tapon…..ka lung agim lheh jeng tai……

Phat jousea phone ki thamthei talou ahi jeh in,khatvei tou phone itham kom koma,,msg igah thot jongle aphat achangin ei rply ji pon,,icall jongle swtoff toh a inko ten ahin pick-up diu to,noma kihou lim na phat aum beh tapon,,ka lungsetna la agil cheh cheh jengin,Richard haimi ding lung kagel thei him him poi

Nilhah khat hi ka inkom teuvin, woofer a la ahin lha uvin,,ala chu Janglal in asah Lungset ka lungset neina ti in,kangai kangaipen nei lungmon ji hilou ham tila khu ahin play uvin kalunghel ma ma jengin,lekha sim ding jong kalunga aum tapon,,,kanu koma phone ka thumin,,henu tuni lhah kei phone ei pe o….lekha sim di jong kanei beh pon ken phone choiyinge kati le kanun phone chu ei hin pen,,,ka lupna lam kajon in,,lupna chunga chun,Richard message di ka type tai

Kei…….. Hello URichard na dam dam hina tulah nahung kha tapon,,nikhat nia kapa um chan chu naki phatlam hamo,kiphalam hih-in ima asei tapoi.

After 5 minute…minute nga jouvin jong Reply kamu tapon ka thot kit’in

Kei…… URichard ipi na ti mong mong ham…?naboi jongle naboi na ho beh neisei peh a pha hilou ham…?ole….ngaidang naneiya nei haimil hitam…?ken vang iki hou na le ilel thimthu kagel doh jingin nanglou mon na ding kanei poi,,,kalunggel ho nei hetthem peh in kati hilou ham…?hi tobanga hinkho mang dingin naki lom poi,,,na chanchin beh nei hin hetsah di kinemin kangah jinge…my love

Tin ka thot kit’in a deliver deh pon,,kangah lel ma ma jengin,,,whatsapp jong out ngam louvin,,Richard message nga nan….Whatsapp group a S.Lien kitipa Love story jih ho khu kasim in,,, “LUNGSET MITLHI” kiti thusim ajih khu kasim chaiyin,ka lunglut ma ma jengin,,,,ka thusim sim chu Back doh louva,kana sim kal chun,,,Richard whatsapp number a chun,,,Ka u Richard aum poi kei anaonu Lily kahi e,kiti message khat ahunglut in,,,

Kei……. Oh Lily na u Richard hoija um ham…?

Ti ka le thot kit le ei rply tapon….jan pung 11:00pm lang ahitan ka ihmu thei deh pon,,,Richard thu chu kahet nom val jeh in,,aloipa minlal chu ka call in,,zan sotnung ahi tahjeh chun kipha lam pum pumin kagah call in,,,,Not reacable akiti ti jengin,, thumvei/livei ka try jouvin,,aring ahung che in,,

Kei…..Hello uminlal naloi pa Richard hoija um ham ipi nati lhon hitam kati le

Minlal…..Chongboi kei minlal loipa kahi in,natonga kacheu gam geh kahiuvin,Minlal a ihmu tai ahin ti kit’in,

Ti na di kahetlou man chun kaki gelgel jeng tan,,che jan a chun ihmu theilouvin,kahah khovah in,,Richard le minlal in eihin don but diu chu kangah lel ma ma jengin,,,Lungset dihtah hi hichan geiya hi gil ham…?ti chu kahe doh deu deuvin,,,Lungset nan ei suh genthei dan ho kagelin,kaki gel khovah hel tai…..

Jingkho ahung vah tan,,nidang bangin jingniso chu ahoiyin,a em-silsel jengin,,,hinla genthei kei din lungsung kipana ahi tapon…..lungthim kichatna le dipchah nan ka dim jing tai…………….

Ni thum (3days) jouvin Richard nao nu Lily chun ka message chu eina reply in,,Uchongboi ka u Richard in hiche number hi achoi tapoi,,ama lamka lama um ahin,,ipi angaito ham…?ka inu jong ahung pha kha beh tapon,,khatvei vei mi phone a ei call ji in,,Gari katol jie ati e….

Richard naonu Lily msg kamu vang chun,,,Phat lem chang khat a,houpia Richard in ahin call ji na phone no chu thum din kakoi tai.

Richard chanchin kahet lou na le kaki mu to lou nau chu lha nga (5Month) lang ahung hitai..School kailou lai banga phat seh a phone kitham theilou ahi jeh chun,,phat lem chang chance hol hol jeng angaiyin,,aphat achangin kahou pi thei poi……..nikhat hi school a class kalah lai tah-un,ka chowkider pau chapa ahung thi in,,school suty ding thu ahin phong uvin,,koi mithi tilouvin kana kipahgu thim tenin,,,jingle school suty ding ahi le,kanu koma phone kithum intin,,,Richard naonu leh minlal kihou pi hen tin,,,kinem tah le thanom tah in,inlam kajon tai……

Jingleh nilhum a free tah a kauma,Minlal le Lily ka houpi thei na dingin tin,,nilhah a chun ka homework jouse kabol chaiyin,kipahtah in ka lumin,jingkho hungvah a,phone bol di bou kagel in lungguh a kinep na len tah neipumin ka ihmu tai….

End of part-3
Waiting for part-4

Nasimchai jeh-in kakipah-e, aban jingle simkhom kit taute………..

©️Copyright

Please support nan anoiya Like ana meh cheh ute chule commments bolnom ho jong welcome ahi.

Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.

Previous articleEINI LUNGSET HINKHO AHAH NGEI E-I
Next articleINSUNG NOM SEMDOH NA DINGA MINU, MIPA MOPOH NA