2nd Episode
Written By: Cicy Neihsial
Arrange By: Naocy Haokip
Kei jong lungthim nom lou tah-in lupna lang ka jonin, ka lupna chunga chun ihmu mo hel’in, Richard toh kapa thusei chu ka gel gel jeng tai.
Hitobanga kalung kagel lai chun, ka lunggel chu aboi cheh cheh jeng tan,,, Richard thusei ka lungnop lou nakah chun,, Ka dongma nei kapan ahin hetdoh di kakicha kit’in, ka lunggel agim ma ma jengin, ahinla Richard to kikhen ding chu kalunggel a kangai to mai mai jongle ka dip achah in, kagel thei mong mong poi,,,
ka lunggel’a ase le apha ka santo jinglai chun, kana ihmu lha tan, chom chakhat ka gah ihmut le jingkho ahung vah pai kit tai.
Jing ninou hungso chu anom ma ma jengin, keiho kho achun phalbi lai jongle meijing cheichoi ti hi aum beh pon, anom chom lheh jengin ahi…..kaki suhtheng jou phat’in ka Phone kagah vet le Richard message mu di aum pon….ken message kagah thot masa in
Kei…..Hii Good morning na kitho nailou hamo…?
Ti kagah thot le adeliver pon,,,a whatsapp alast seen chu kavet le Pung 1:00Am chan ana online in,, ka lunggel achun Youtube a video hopou avet hinte tin kaki lhem lungmong in, ka message chu amu phat leh ei hin reply nan te tin kinem tah in kangah-in, ka phone chu kakoiyin, thildang kabol san tan…..Bu kaneuvin kaneh chaiyuvin kapan kana toh diu aban banin ahin sei in,,, Chongboi tuni nang van sop di ati in,,,ka inko te dang ho chu abol ding cheh-u bol dingin apot doh gam taovin,,,
kei jong vansop dinga kisah to kop’in ka phone chu ka ve ji ji in Richard message le call mu ding aum lou hel phat’in,, aloipa Minlal chu ka call in,
Kei….Uminlal na loipa Richard ipi ti ham…? Message ka thot jong delivar lou kati le,,,
Minlal…..zanlhah a kaki khen lhona kon ken jong kamu tahlou chu o, kei kaki tho nailou
Kei….Oh ama jong chu thou nailou himai thei hi chu o na…? na ki man tengle ain uva ga che inlang hung vah lhono kati le ole ole ati….phone ka koi hon tan ahi.
Ken jong von ho kasop loi loiyin,, in ho ka suthengin, ahung diu chu kinemtah-in kangah-in, la ho pou kangai mai maiyin,, nilhah pung 1:00Pm lang ahung hitan koima la ahung pon kidang kasan..Minlal chu call bol kit di kaki phatlam thim jeh chun,message ka thot’in
“Kei …….Uminlal ipi nati lhon hita na thip chet lhonin” katile
Minlal in jong eihin Reply tapon nilhah le hung lhon tan te kati in kaki nem thou thouvin, kangai na jeh chun ka lunghan na neo cha cha jong chu ka sel mang ji in,,,, chule ama kam chenga ima aki jah lou jeh chun moh lunghan je jong aum kit pon,, apha lam lamin kaki lah ji in,, keima le keima chu kaki lhem lungmong jin ahi,,,
Richard melmu di bou kagel ji in lungsung kipa na le kinep nan ka dim ji e,,, Nilhah ahung hitan,,,Minlal a kon a don but na la kamu pon,,, Richard O la kajadeh pon, hijong le Richard sei banga chu akingai kihi lhon jongle phat seh a ki um khom thei di ham…?akingai jong hi sun le jana iha um khom jongle aki ki nel nomin ki chim kha ji ahi e, Kapa ten ei jahdoh diu kaki chat toh katin aphalam lamin kagelin kaki lhem lungmongin, Richard chu ahung kholai len lou vangin ama thu bou gelin lungsung kipahtah-in, samang kajal kit tai……
kangai behseh jeh in apha pha’n ki lhem lungmong jongleng kalungthim khat ahing kehkuh jengin,,, ipi hijongle kimu to kit kit le bolchah ding tin kimu to kit ding kinemin kangah tai
Nilhah ahung hi kit tan,, bu kaneh-u kaneh jouvu vin, kong kasop pet tah-in phone call ahungin ka naopan aga pick-up in loudspeaker a ahin koiya aki hou gin’u chu kajan,, kanaopa koma Richard in
Richard: Naomin na u Chongboi um lou ham…?
Naomin….Aume kongsop ahi atile
Richard in minlal kom a,, bhai chongboi te ina ga che hite o ati gin chu kajan. Kathanop dan chu kaden….kangalel dan dan chu……kasei masat kasei nunung jong kahai mil leu jenge🤣🤣
Ka lunggela chu tunilhah ka+u Richard ahung pou pou le,,,Chance hol ing katin,,numei jo hi jongleng jachat na jouse pailha a,kangai dan le ka lungset dan jouse kasei peh di ahi,,tin kaki go bem tengin,,,ahung lhun masangun iti um leng ipi sei leng chance kamu thei dem ti chu kangaito in,,,ahungdi kakipa toh kaki pei thethu in,, Chance mu na ding chu hitin kahin gel tai.
Phone call hunglou pi chu phone ringtone ginsah ing katin,,kani te to kihou danin thu sei ing katin,,,kani le ka gang in kanu le kapa angailut u la kahet sa ahi in,,Ka gang (uncle) in kanu le kapa hung kholai leng uhen ati dan khun gah donbut leng,,,kanun Chongboi ipi thu ham…?koi ham hintin tin,,chuphat leh ka Gangin na nu le napa hung kholai leng lhon hen, ati e ti leng kanu le kapa bailam tah a kijot doh jel ding ahiu chu kahin gel doh in…
phone chu ka tham tham in Phone call hunglo hel pi chu,,phone ringtone ka gin sah in
Kei….hello epi thu ham He Gang,,,bu naneh u hitam…?? tuni Marup a na phao hilou ham?ijat ham he Gang na sum mu chu ipi nei chohpeh di ham? ka Gang ei houpi lou helpi chu kanop nop kagah seiyin,,kasei jom nalaiyin.
He Gang nasum mu u chu atam val’e Ochat sah uva……………….Ole Ole hinsei nange kei vang kabol di khat aumin hung theipong e kanu le kapa koma hinsei nange o He Gang kakoi tai katin Phone hunglou pi chu ka cut tai.
Kasei banga kanun ei hindong ta ngeiye,,Chongboi na Gang in ipi ahin sei ham,,,Henu ka Gang in na nu le napa hung kholai leng lhon hen,,tuni marup a kaphao chu ahet nailouvu ham…?hung lhon hen kasei nom jong ume ati e, kagah ti chu…….kanu kipa dan dan chu,,,moh a Kani le ka Gang to aki ngailut na kah uva, sum thu kagah sei chu kinem thou chu hiding ahin,aki gong loi loiyin,,,Delhi che ding flight…. lap lou di bang jeng,,kapa chu ano thethu in aki jotdoh lhon tan, Ka-U Richard hung ding chu kinem tah in ka ngah in,,,ka gah call le…
Richard…..Hello Chongboi kahung lhone nei ngah lel hitam kaloipa hi nop var a hi o tin ahung tot’in
Kei…..Oh chuti ham Uminlal ahile ngaidam jengo nahung lhon tah le ka koi phot e tin phone kakoi in,,,dressing table maiya chun kaga dingin,,kalim kaki mu chu o ahung di pa to kalunglhai val ham ka changin kame tettut jengin,,,,kahung pot doh le Richard le Minlal jong ahung lhung chet lhonin…………bench chunga ka touvuvin……..lungguh a um jouse sei doh dingin kaki gong tai………..
Minlal in jong ahetsa ahi tah jeh chun,jahcha lou tah in, inmai lang joh a lhavah noiya itou diu ham, lightvah noi sanga Lhavah noi anom jo e katile Richard in henge che chuba kinoma kasei masangin nahin seiyin ahin tin inmaiya lhavah noija chun katou lhonin, Minlal vang insunga pubg akap in keini chu ei ngaisah pon kijen kasa sel’e.
Kei….U Richard khatvei nia chu hoija na che ham…?hungla nahung kithah pon,,na phone jong switch off in aum kit’in hoija na che a ipi nabol ham…?
Richard……Oh chenia chu lamka langa kache le kaki sah chai man hih-a le kahung kile thei talou ka phone jong chong charging kabol man lou khojing keiya kaboi le kaloipa te in ka lhun lhuna bu kaneh uva ka ihmut pai jengu ahi e.
Kei…..Na che di jong nei sei peh lou Bettary nanei lou jongle na loipa phone beh a. Na chanchin nei hin hetsah theilou ham…?kaloipa na ti vanga chu nungah ho jong himai thei ahi e na…?
Richard…….Seezs… ahilou lou sei hih-o Chongboi na lunggel mai mai hibou chu,kei neisei vanga chu kahet louva dongma dang nanei jong kahe poi!
Kei…..Dongma dang kanei kanei lou tu chana nahet nailou ham,…?kei ngai bangin ei ngaile chun kalunggel jong nei het them peh di hija
Richard…..Chongboi ipi ham na lunggel kiphalam lou hel’in seiyo,kahin ngai na le kahin lungset na hi itih a jong mangthei talou ding lungset na kahin chan nahi tai,,keikomin kiphalam hih-in.
Kei…..U Richard kei mikhat kahi bangin lungset na jong khatbou kaneiyin nang kahin peh nahitai…lungset na hi ka na a mangjong mi aumin,eini in vang kipa na le lungtup molso na a iman ding kinem puma kahinkho hi kaman jing ahi.
Richard…..Chongboi na lunggel chu kakipah-e,, ken jong lungset na kanei jouse kahin peh nahin,nei song lel hih-o.
Kei…..U Richard keisanga chingle them melhoi hijat lah a,,kiphat lam nan kadim ji in,hinla kahin ngaina hi kama sei dingin jong kasei doh them poi,ka lunggel ding jouse nei het them peh ding kakinem’e.
Richard…..Chongboi aching athem ahoi jouse hi lungset kimoh chan theilou ahi e lungneo ji hih-in,kahin hetheme…
Hita nom tah le lungmong tah a lhavah noiya kaki houlim lhon lai chun ka nu te ahung lhung phut uvin,,,kaden kajachat to kaki phatlam to vet na di jong kahe tapoi,……ka thusei lhon chu jaman hih jongleu kana tou khom mai maiyu jong chu,kajah achan,,,kapan dongma nei dinga eiphal nailou toh. Minlal beh chu to ka thum uva kana tou khomu hile kilep thei di hija,,ti kagel’in,Insung kalut’a kapa chu kagah vet le kaden…..Amit changchu ahtui te hijeng kapa chu avom na kah a alunghan dehdeh le kichat um dehset’in
Kapa kaki chat val jeh chun Richard teni jong don talouvin lupna lam kajon tai……….
End of part-2
Nasim chai jeh-in kakipah-e, aban jingle simkhom kit taute.
©️Copyright
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
