✍️✍️✍️Lalpu lotjem
6009048006
PART-1
CHAPANG PA HUNG KIMU DAN
Masang laiyin khosung khat na hin Goverment natoh na nei Water supply a natong mi khat achanga cheng khat ana umme.
Hichi mipa hin Ji ana nei le cha nei man loua ajinu hin athisan na hichia konna hi ji vel nei lou dinga kitemma anei peipei lou ahite.
Hichi mipa hi ana toh namun hi phaicham lang ahin ama ho kho vang chu thinglhang jep ahin hijeh a hi akhosung uva um man beh seh lou ahie.Hapta khat le hin Sunday ni seh le off aneiji ahin hijeh a hi Sunday mang dinga akhosung uva hung jiji ahie.
Nikhat hi akhosung uva chding le chilou ding agel laitah hin alungin chinom na khat ahin neitan ahile akigo tai. Nilhah lam pung Ni (2)velllah a aumna mun akon na kipat doh ahin akhou alhun na ding phat hi pung Nga (5) ty vellah hung hidi dan he.
Gari chunga ahung kum lhan akho u ajon tai.
Akhou ajot na ahin lampi sah lam in Naosen ka awgin ajapa in hichun aman jong Ajah chen beh lou jeh chun adonda tan ahile,Them khat agah chidoh jou chun aka awgin chu phaten ading in angai pha kittan ahile Naosen ka Awgin ahi ding chu aging mo cheh,cheh tan hichun aman jong alung athi thei lou jeh chun aga ve mong,mong tan ahile Naosen pon na kijella tolla kikoi chu aga mu doh tai.
Hichun aman jong Gammang a chapang kida lha kity chu agelleh hithei asah lou jeh chun akicha thim in ahinlah alungmon theilou jeh chule ama jong achanga hing ahijeh chun alang khat in avagphan akigel kit ae.Hichun aman jong hichi naosen chu ahin kipom in ainlam ahin jon tai.Hichi Naosen hi apeng lha pan til,til hidi dan ahe.Anu angsunga chom khat jong um man lou,adang chah le Noi twi chep di neilou,Heno ti di jong neilou,Hepa tydi jong neilou,Khan kho neilou tah a, hichi naosen kho helou gamlah a ada lha uhi igelle pohnat aum lheh jenge.
Chom khat jouin hichi mipa chu akhosung u aga lhung tai.akho u aga lhun jou chun Naosen toh ahung tha amu uchun khosung mihon ana datmo lheh jeng uve.ahinlah aman vang acha bang banga agel jih chun ima in jong ana gelpoi.
Hichi alhun ni jan mama chun aman jong Khosunga haosa lamkai ho chule Houbung (Church) Lamkai ho akhom in Cha(Tea) aom in
Hichi naosen chung changa hin suh chet na chule hichi naosen hi khosung mi houbung mikhat a simtha thei na din asei tan ahile ama ho jong anom uve.Ajih chu eiho pathen houte Christian te dinga chu ibol diu dol khat jong ahie.Chuseh chu hilouin kasei ma banga chun achanga cheng ahijeh achu ama hon jong alungmon dom le tya anop pih u ahie.
Hichi nijan mama chun aman jong ainsung mite akhom in chapang pa hi amin sah di angaito tauvin ahile amanhon jong ama min lo sah ding atiuvin hichun aman jong Lunminlal @ min ngai a Minlal tyn amin sah tai.
Ajing nikho sunday in hichi chapang chu Houin nin lah lut na anei tauve.
*Minlal hung khan let dan*
Chujou chun chapang cha ahinalai jeh chun Noi twi joa loua ahung khan let di chu ahah sat thim jeh chun hichi mipa hin atute khat kom in hichi naosen hi chomkhat neihoin vet pi in aty le khat nu jong anom tai.
Lha Thum , Li (3-4 months ) tobang ahin vet pih in aman jong acha bang tah in ngailut na neitah in ahin vah va jinge.
Lha Nga (5) chan nan vang an ne thei ahung hiphat chun hichi minu avah nu chun mipa komma chun alepih tai.
Chini joua kipat chun hichi mipa avah pa chun ahin boipi pantai.Cha neilou ana hijeh chun hichi chapang hi angailu lheh jenge.
*Minlal lekha sim kipat*
Phat ahung chal challin Minlal jong kum Ni (2) ahung lhingtan ahile school lai thei ahung hitan, hichi phat chun hichi mipa ama dinga apa ahitan apa in jong scholl ahin kaisah tai.
Aneo apat hin lekha lam hin ahin bolthei lheh jenge.Class jong aban nei chan ahung chal toupeh in class Ten (X) Hslc exam ahin pitan ahile exam results out achun a scholl uva dinga chun topper in ahunge.
Aban sim na ding in apa in jong scholl hoitah khat avet pihtan scholl admission ahung kihon hon le bolpei ding ty in kigo sa dem in aum lhonne.scholl admission ahung kihon jou in abol pih pei jengin hichilai chun scholl ahung kaiye.Mi Melhoitah ahilou vang chun alekha thep jeh chun Class Eleven (XI) ahung kaiya chun nungah tampi in ahin dei cha uvin ahinnjol uvin ahinlah ama vang ana kidoi sapoi.Lekha sim lam ma lunglut ana hijeh chun lungset lam in ana lunglut pon phat ana pipoi.
Class Twelve (XII) ahin sim pan tai.kasei bang chun lekha them ana hijeh chun lungset na thu sei an chu ana tamlheh jeng in ahin lah aman ana don dehpoi.
Kum ahung lhungtan scholl jong suty ahung kilha tai.December vellah hin apa ahung dammo tan ahile lekha hi adei bang in ana kisim thei tapoi.Anat dna hi tehse nat hidi dan ahite.hospital la aumpi in ahile a exam ding lha Khat (1) bou akivat phat chun apa in lekha kisim in lang twi ho chu nang in ana vejingtan atyn inlang in asoltai.
Exam jong ahin bollin ahile masanga bang in lunggel nomtah le thanom tah a abollou jeh chun Result out chun sang tah in masanga bang chun ahung jou tapoi.
Result out jou Hapta Ni (2) jouin apa chu tahsa dammo najeh chunn damdoh jou talouin Hospital mun chun aleiset hinkho ana beitai.
*Minlal apa thijoua ahinkho man*
Minlal apa ahung thijou chun khosunga um ainkte chun koi nahim tya aseilou ubou kivat ahite.ainsung mite umchan hi aumdan hi apa hin sunga hi ngailu bang kisa a ana phat bol u hidi dan ahe.
Chuseh chu hilouin apa thimasang ahin Akhosunga um ainkote hin minlal pa natoh nahi Minlal hetsah loua amaho in ana kikhel udan ahie.
Akhosunga um inkote in athet bolphat uchun Minlal in jong ama tah in ahin nathei di lampi ahin kihol tan abang le nikho tha in minung ajui ji in chule thil dang,dang ana tong jie.
Insaho nung a natonga achina ahin hichi in asah uhi ama holanga dinga MLA pa in ahie.
Hichi in asah sung uva hin Minlal natoh dan le apottho dn le agunchu naho chule alungthen dan chu ainneipa lhangsunga MLA pa hin ahin ngai lu in nikhat akihoupia ahile Minlal in jong ahinkho man dn ho aseiya ahile ama (MLA) in jong ainmunna Home guard a ding in atem tan ahile Minlal jong anomtai.
MLA pa hin keikom in umin lang na collage kai aban jom in lang lekha sim in aty peh ahie.
*MLA pa inna Minlal Home guard apan le ahinkho man*
Hichi in asah jou uchun Minlal jong anopna ma bang chun Home guard ading in aumtai.
Collage lang in admission hojong akibol chaitai.
Collage kaitoh security akop pan tai.Mi inna um ahijeh chun deibangin lekha chu ana kisim joupon ahinlah phat ong anei sunle lekha chu ana boipi jinge.
Salary apih na achun ama in lekha ho le ama dinga ngai cha ho ana kichoh jie.
*Lha Thum (3) months joua Minlal in lungset ahin nei*
Hichi aumna munna MLA pa chanu changkhat ahin ama hi Gampam a Shillong a lekha simma umma ahie.lha ni (2) months tabang suty anei hijeh a chu hung doh a ahie.
Chi numei nu hi amin Hoinu akity e.akum hi som ni (20) vellah ahin Minlal hi Som ni le ni (22) kum ni (2) a len jo ahie.
Hoinu hi minomsa cha chule aneo apat gampam a hung um peh ahijeh chun atahsa, avouso, amelput ana lhingset jengin vet nom,nom ana umme.
Aneo apat lungset lam ma lunglut na neilou pa chun Hoinu ahin munia pat chun ahinkho man ahung jat chom pantai.
Hoinu ahungdoh a in aumsung chun Minlal umchan chu ana ging mo thim thimme.
Ahinlah ama in jong Minlal kiman chah dan ho chu ana dei jeh a chu ima cha ana seilou ahie.
Phat che dung jui in Hoinu jong aum na lam jon na chi ding ahitai.
Achi ding kon chun Minlal chu aguh thim in alunggel ana genthei lheh jenge.Guhthimma alungset ahinlah seidoh di atyle ahinkho man lhon dan agelle hithei asah loujeh achu ana im ahie.Guhthim lungset ahah kity chu kipan dan ahite.Hoinu achitai.
*Kum Ni (2) years joua Hoinu hungdoh le Minlal in alungset na thu asei*
Minlal in lekha sim aban jom in B.A ahin joutai.
B.A ajo kumma hin Hoinu jong ahung doh ae.
Chikumma hin Hoinu in Suty hi (4) months val anei in Minlal ding in lungnop ana umlheh jenge.
Ahung doh jou chun Hoinu in Minlal kom in nikhat gavah doh ding in atem tan ahile Minlal in kapu le kapi nom pon te atyn ahinlah Hoinu in ken sei nange atyn akigotsah tai.
Chujouin Minlal jong akigong tai.Tuni hiba chance hichu atyn alunggel jouse seidin akigellha tai.achi lhon in mun khat in atou lhon in akihou lim lhonne.
Minlal in Hoinu jah in …
Hoinu thu khat kasei di ahe gelkhel hih in atyle Hoinu in jong Heo minlal gelkhel ponge ipi thu ham atyle..
Hoinu kaneo apat lungset ipi ham tyhi hin he khalou kahin ahinlah nang kamu nia pat chun kalungsung hin nang jeng bou atyin nachungin lungset na kahin channe, nang dinmun toh te ding in vang lungset na chang jou di kahipoi ahinlah kalungsetna hi kaphon doh lou jih in kalungsung hi kichol thei poi,ipi ty nagel em.
Hoinu ….heo minlal kei jong kaneo apat lungset hin he khalou ma kahe, tunia nahin seihi kei ding in jong ama sa pen ahe .
Kanu le kapa in hele eipho ding chule nang jong nahin nodoh khah ding ahe atyle,,
(Hoinu thusei chu minlal gel khel lam ahie ajeh chu hoinu te minomsa ahijeh uva chu asei nah nah vanga kisong lel lah ahie.)
Minlal…..
Hoinu kalungset na thu kahin sei ahiboue, tua kilungset hite tya jong kasei ahideh poie.eini jong lekha sim cheh ihi lhon in lekha ban sim jing hityn ilo lhin nikho le lungset hinkho mang na hite katy ahiboue.
Hoinu injong ipi hile inlang kile tai hite nilhah lam ahitaie aty in akile lhon tai.
*Hoinu Nu le Pa in ahin Ginmo pan*
Minlal le Hoinu hi kilungset hinkho aman chet lhon lou vang chun ama ni kikah chun kilungset nakhat aum jeh chun aumchan lhon ahung kikhe cheh,cheh jengtai.
Hoinu nule pa in aginmo jeh chun akou khom lhon in adong in ahile Hoinu in adon but in kaki ngai lhon poi keini kikah imacha aumpoi aty in ahile minlal in jong henge ucha tabang a uma kahi lhon ne.
Minlal nu in atum in Minlal kom in nahin kidei pi kahet doh pou,poua ahile inna pat na hi nakino doh ding ahi aty pih ae.
Hoinu aum na lang kileta…….
*END OF PART 1*
*Hichan hin part 1 akichaitai*
Jih khel ahilou le sut khel aum ding kaging cha in hijeh chun sut khel ahiloule sei ngaimo,sei lhinglel aumkhah le achung langa kipe Contact number a khun kiphalam louhella iki hetto thei u ahe.Call or Whatsapp.🥰🥰🥰
Lungluttah a hin sim jouse chunga kipa thu kahin phonge.🤗🤗🤗
