LUNGNEO HIH O
Part-3
.. Heart-touching-story….
Luncyno HK
6909559560(only whatsApp)
Ana sim pan taote;
Hiche nia kon phat ong kanei sehle Lhingneo toh kaki vop in ama toh kaum khom teng kahinkho man dan anom chom e, ka genthei naho kisan mil liu in eikipa sah jin, nidang phatdang sangin kalungset na asang mong mong tan, hinlah kammol kahi jeh in lunga kagel ji vangin katahsa tah in kapo doh jou jipon, amasa langa letter💌 khatvei kana pih sa ahi jeh in, kamchenga phong doh hih jongle Lhingneo in kalungset na eihetthem peh jeh chun kaki pah lheh jin ahi, mivaicha migenthei ho din ihinkho a ibol nom itoh nom jouse kisonlel nan aki dim jin, kei jong genthei kahi jeh in kalungset lheh vangin ahah lheh e,
Hapta khat lang achetan kanu le kapan sum eihin thot hin mong mong tapon, ipi ti ahilhon dem ahilou le tahsa dammo na anei lhon hinte katin abang kom le sum alo thei hin lou jeh a eihin thot vah thei lou hin te katin keima le keima kaki lhamon in hinkho kamange, kalungthim vang anom poi, insungmi koima umlou namun a themjil kahi jeh in lungneo nan kadim e, dammo na neileng koikom kabel a iti hinkho kaman ding ham, sum la kiman chah nading cha jong kanei joupon, idea hibanga genthei kahim katin kaki gel silheh jin, naosen kihi nalai henlang kanu anglum a hinkho kimang nalai le kalungin aum e, gol le pai ivet jiteng keidea lhiso nabep ahe,
Nikhat school kai a kache leh Principal pan aroom a eikou in tuni akon school in naki sponsor ding ahitai, midang bangin kingol sah hih in, lekha phaten kisim in lang Pathen ging pum’a hinkho theng naman dihe eitin, kaki gel leh kalung adong lheh e, principal pa komma ipi dea school in kei pentah ei sponsor ham katile, lekha khat eipen hiche hi inn lang nalhun teng nasim ding school sunga nasim thei lou dihe, eitin kin jong henge sir katin aroom akon kahung pot doh tai, hiche nikho vang nidang ka school kai toh aki bang poi, thil um dan kagel leh kalungthim anom pon, lekha eipeh chu sim ding kal bou kangah lel in, sirpan school sunga nasim lou ding ati jeh chun kasim nom lheh vangin kasim tapoi,
Hicheni ka school kai uchu nidang sangin sot kasah chom dan in kahen ahi, school kahung kikhen phat uvin Lhingneo jong kilhon pi talou in lekha kasim nom val jeh in, kaum nalang kahin del tho tai, inn kalhun in kaform kisan kisut lhah man lou in kabag a kapoh sirpan eipeh lekha chu kalan kasim le, kaden kahinkho a kachan dea jong kagin chat phah lou manga jong matdea jong kadei lou kachunnu toh thinan eikhen lhon tai, kathu jah kathil sim doh hi atah dingin kaging cha theipon, lungleng vai tah’a kaum le, Lhingneo kakom ahungin heu ibola tunia nei kilhon pilou ham eitin kachunga alhase kit e, ima sei lou a kamitlhi alon chu amun, heu ipi nati ham eitin Lhingneo ima kati poi kati le ima tilou ibola na kaa ham atin, ipi ti kagel ham athusei chu kalai ahung nan kaha kaa cheh e,
Hitia Naosen banga kakaa phat in Lhingneo alung dong tan kakhut a kachoi lekha chu alan asim le thil um dan ahetthem tan, kaki gel set nalou din eilha mon in hinlah aman jong eilainat pin ahung kap doh e, Lhingneo kisan ahung kaa phat in Pasal katin Lhingneo komma kakaa lou dite nao nang jong kap tahih in katin kalhem lung mong e, hiche nilhah chun Lhingneo in bu eihon peh in, insung asu thengin kavon nen ho jouse jong eisop theng sel peh e, jengnikho a exam kipan ding ahitan, inn lang la kache nom mama tan, kalung aboi lheh e, exam bol da in katin inn lang chetaleng kahinkho career nikhat kah a kichai ding ahi phat in, hah lheh jongle exam bol din kaum tai,
Kin kahet lou vangin kanun eida lhah nahi sot thim ahitan, exam bol ding kahi jeh a ka lekhasim boi khan te ati jeh uva eihin hetsah vah lou dan u ahi, kanu aum lou phat in kapa houpi thei talou in mingol bangin hinkho amang tai ti kajah chun kalai nat dan hinlah bol thei kanei tapoi, kachunga hung lhung genthei nahohi thoh dan kathem pon, kalunggel ka hahsat naho eihetthem peh ding koima dang aum pon, van le leiset hinsem asunga cheng ahing thei jouse hinsem Pathen kagel doh in hijeh chun ama komma kachan chunga lungoi na kanei thei nadin taona mitlhi long pum in kamange, kei khanga hitin genthei thoh jongleng kajinei a cha kahin nei teng kei banga genthei athoh ding u kadei pon, hijeh chun lekha phaten kasim in exam jong achai chan hoitah in kabol e,
Kahinkho hi kipana sangin genthei na atam in, mihem khat chunga lhung dingin jong kadei poi, kei chunga alhun hi achaina hitahen katin Pathen komma katao e, kimel mulou a kanun eida lhah a kapa HEPA tia kouthei dea hinkho aman jou tah lou hi kagel leh mitlhi twi katuh tang jouji pon ahi, kahinkho kipa nading ahipou le katin Lhingneo toh kilungset hinkho kahin mangpan lhon tan, Mivaicha migenthei tah khat mihou sate chanu toh kaki ngai hi eikipa piding sangin eiengset chule eisei se ding mi akichu tho joi, hinlah Lhingneo in kei u koingoh theila hilou ichunga thil hung lhung ji hohi thoh dan them in lang lhepna kijo sah pou te tia eilha mon jeh chun min ijat in eiseise jongle iman kakoi ta poi,
Phat le nikho akikhel tan Lhingneo toh kaki lungset nahin kum 2 lang alhing tan, aman jong nile lha Akihei bangin eilungset najong asang mong mong tai, hinlah kei migenthei neilou kahi jeh in, Lhingneo toh kiki chengle ka genthei sah bep dihe katin kaki gel leh kaki phatlam in hijeh chun hapta khat tobang houpi lou a kaum le kachunga alhasen hitin lekha eihin thot e;
Kalungset pen (kei u)
Kum 2 lang iki lungset nahi lonlhia lon nabep hiditam, kei u ipi kabol khella hibang naki lungset a nei houpi lou hitam, hitia naum ji teng kalung aneo ji valle, numei lunglhom kahi jeh in athoh dan ahah lheh e, nang in neilungset lou a khen ding lung nagel leh ven hinkho a kimuto talou ding ihi tai, kei u kabol khel aum le lungsettah in nei ngaidam o
Hiche kasim chaichun Lhingneo in eilungset mong mong e ti kahe chen tan kipana mitlhi twi bangin alonge, jengnikhon Lhingneo toh kaki muton kin jong nao keitoh kilungset hinkho naman hi nalungdei thil neokhat jong ka bol pih joupon, kaki sonlel val a hitia chu um kahe, tukal nagenthei sah taponge, hiti chun hinkho mang taponge, lonlhia na lon teng na u kei jong kahinkho anom ji poi, keinao kahin kumkho a nang bou kalungset ding nahe LUNGNEO HIH O katile Kalungset pen Lhingneo in kei u nang jong tukal LUNGNEO HIH O eitin kabeng ahin kiss e 🙈.
PATHEN lungset najal in tuchan in Lhingneo toh kilungset hinkho kamang hin nalai e, igam sung u lock down jeh in kaki mel mukhah hin tapon, kihou mat nathei jong kanei lhon pon Lhingneo jong dam dam hinam ti jong kahe poi, ajeh chu keiho
chennan network aum pon lungleng vai aum lheh e, itih tahle khang Aki khel in network ahung um tadem katin kagal dot jinge
kalungset kangai lheh jin suntin jantin ama ngainan kamao mao jeng in ahi,
LUNGNEO HIH O
Asa: Luncyno HK
1.Mite kilungset na kavet jiteng sum le pai housat nale kipanan ajem hoiye..
Eini kilungset navang genthei nan ajem hoijoi
Lungneo hih in eini din iki nep na chungpathen aum nai….
Lungneo hih o na u keidin ahah e ..sum le pai neile gou idea kei akon gamlha nahim……keinao dei thilkhat kachoh peh nomme…
2.koingoh thei hilou ichunga lhung hi…..golle pai nupsah nale kipanan dim u jongle….eini genthei ihi bouve …..kigel se hih in eini din iki nepna chung pathen aum nai…
3.aw genthei na nei dalha to lungset jeh a kipah kahi e..aw genthei na umlou hile kalungset pen jong lungset ana chang lou ding…..lung oimei tange kin nang kanei tai
Hiche laa kahin sah na akon hiche thusim hi kahin sem ahe, koitobang hiche laa ngainom aum le achung langa writer pa no. Kipe a khu nahin text thei u ahe
……….. BEITA…….
Moral: ichan chunga lung oina nei ding hichu pathen thutoh kitoh ahi, mikhat nasei set theile nangchu miphan kigel hih in,Bible in eihil bang uvin ibol itoh ding jouse Pathen khut a lhandoh masat ding chutengle kilungset hinkho kiman nasunga jong lungneo lou a kitah tah a hinkho apui thei ahe,
Kakipah e lunglut tah a hinsim jouse chunga
💖🙏
Hiche thusim hi mihem khat lunggella um semthu Thusim ahin, mimin, khomin nang a toh ana kibah khah le nang kisei na ahipon kei kahi poi tin kigel le chun asim dan num jep inte.
Thusim chungchang Dohnom nei aum le writer pa no. Kipe a chu kiphatlam lou hella nahin text jing thei ahe.
