LUNGNEO HIH O
Part-2
…. heart-touching-story…..
Luncyno HK
6909559560(only whatsApp)
Anasim pan taote;
Nilhah imut dikon a letter 💌 chu khatvei ka thah sim kit in, Neilou genthei kahi jeh in kei akon ima um doh lou ding ahi jeh in Pathen henga panpina ka thum e, jengnikho a school kaiding chu nidang sangin kathanop na achom beh e, hinlah inn langa kon sum le pai eihung kithot lou phat in anchang nehding kanei tapon, sum lo nading la kahekit pon, kaki ngaito tonan ka imu thei ta poi, ka lunggel achun jengkho hung vah da tale kanom e, ajeh chu kei dinga genthei thoh nabep hiding ahi, kanu le kapan ipi dea kiman chah nading kisan eihin thot hin lou ham katin abangle tahsa dammona anei u hinte kati kit in, kei le kaki dong jin imu thei lou in khovah ken kaki gel e, ohe idea hibang genthei thoh dinga hilai a school hung kai nah nah kahim katin kaki gel silheh ji e,
Jengkah kho avah ding kon in ahcha ahung khongtan, kaki thou doh in sum kanei sun sun somkhat 10 kalan maicham a katuh in Pathen komma ka lunggim naho jouse kasei in mitlhi long pum in taona kamange, Pathen in achate taona vang angai lha jinge ti kinep na lentah kanei jeh in, nehding ima nei hih jongle ima jouse bol thei ka Pathen aum jeh in ka lungneo poi, kho ahung vah tan anchang hon dingla kanei tapon insungmi la kanei kit pon ipi kabol ditam katin kaki gel leh kalunga mi inna latrine ho kisutheng le min sum eipe intin chutengle anchang kiki choh le school kakei thei ditai katin, ka lunggel toh molso dingin mi inn tin’a kahung tai,
Mi inn tin kahin chot vangin koiman a latrine u sutheng dingcha in jong eidei pon, mihem khat hinan athoh dan ahah lheh e, hinlah natoh nading dang kanei lou jeh in inn khat a kachen ahileh inn neinun ipi dea nahung ham boi eihin tin, ka hahsat dan ho seiding chula kajah achan kin jong henu lungsettah in na latrine u nei suhtheng sah in lang anchang choh nading sum neipin tia katao tho jengle, a-insung uva eipui lut in achanu komma Boinu cha hin om inlang na u hi hin dop peh o ahin tin, kahinkho thusim ho eihin dongin kin jong Thinglhang khoneo cha akon hilanga school kai a kahung dan ho kasei in, kanule kapan lhakhat lang sum eihin thot hin louphat a anchang nehding kanei lou jeh a mi inna natoh hol dinga ka hung le koiman eidei poi katile lunga kagel phah lou beh in sum 5000 eipen hitin asei e janlhah ka imuthei poi nang nahung ding jeh a Pathen in eiki hetsah hin te atin ahi,
Hiche asei chai chun Pathen in kataona eisan peh e ti kahe chen mong mong tai, chomkhat kaki hou lim lhon leh achanu in cha ahin dom tan kavet leh kalungset Lhingneo anahin kajachat dan chu aseiji aum poi, lungdong tah in Lhingneo in eiven keivang kahah doh ngam tapoi, Lhingneo nun boipu namin ipi ham eihin tin kin jong henu kamin Lalboi ahe kati leh Lhingneo pa jong chu Lalboi ahe, tun vang aman eidalha hin tan, kei le Lhingneo bou hinkho kahin mang jilhon in na gel theile keini komma hung um o, gina ding hija tam tah aum e kiphat lam angai poi, nanao Lhingneo toh hin niseh le school kai a na kilhon hin ji dihe eitin kei vang kanom pon hitin kasei e;
Henu neilungset a nasei hijongle kei migenthei nang ho kom a um din kaki songlel e katin aphat phat nan kahoulim in ahe,
Lhingneo te inn a kon ka um namun kahin jon tai, anun sum 5000 eipeh a chun anchang kaki choh in lungmong sellin hinkho kamang tai, (ilunggim ihahsat pet a eiki thopi ho vang ihinkhon aki mil jou jipoi) pung kavet le 8: am lang ahiphat in an nelou in school kajon tai, Lhingneo komma kalungset nathu sei ding jong kaki songlel tan golle pai a kivop pi ding bou in kagel tai ajeh chu amaho toh keiho hinkho mandan sun le jan abange, school a recess ahung hiphat in Lhingneo komma kachen kipathu kasei in, nang le nanu ana um lou hile tunia hi school jong hung kai jou lou ding kahe kati leh, eihin ven tuni chu u Lalboi nahung ngam nah e nidanga bon hung lut ngam jilou a eitin ahung tot e, kin jong tunia kon kivop ji tate katile school kikhen teng nei ngah o atin kin jong henge katin ka class room u kahung tai,
School kahung kikhen taovin an nelou a hung kai kahi jeh in ka gil akel lheh e, gilkel lheh jongle Lhingneo in nei na ngah o ati jeh chun kanga le pasal khat toh ahung kilhon in kavet leh ipi asei lhon tam aha nui ke lhon e, guhthim in ka engsilheh jin ahi, (ilungsetpen mikhat toh ahung kilhon imu jongle kihi thei jilou ahe) lungnom mo thimtah a kana um jeh chun Lhingneo in eihou pin heu ipi nati ham eitin kin jong kajou kasei in tuni an nelou a school kihung kai chu katha chao a le hitia chu kaum ahe katin, Lhingneo in hotel a eipui in eivah va set e, kakipa dan chu mihem kam a seijou hi ponte, inn lang cheding kahi phat lhon in kin jong Lhingneo a incheng u kaga thah e,
Hichan hin part-2 ana chai ute abang teng Lalboi leh Lhingneo kilungset hinkho ina ngai deu ahe,
Kakipah e lungluttah’a hinsim jouse chunga 🙏💞
