Home Lahkhom LUNGLAI ROSE-IV

LUNGLAI ROSE-IV

396
0

Love Story

(Part -4)

Writer: S.Lien
Arranged: Naocy Haokip

Kapan, adang nasei vang chu pha kasan, Bible jil chu hida thei leh na??
Ahin tileh

Kanun: Phachula Bible jil chu, Insung maichama jong lamkai theiyintin,

Kapa: Henge, Ima lam jousea chun lamkai thei na veh ta, Bible jil ahileh…
Among monga, en idei dei seijeng pichu, ama jong nom mong nantem, chu kit leh anei ding pa jong chun pha asah hinam geltoh jep ngai veh ta o,

Kanu: Anop louva, isei leh, aneiding pa jong nom leh hijenga chu,

Kapa: Kahe hih-e, nangho loi mehol ding banga kimoh tep jeng thei ahi leh pha jenga chu.

Hiti chun akihou hou lhonin ka lungthim chula kholai mong lang peh gei ta, buneh jouvin ka potdoh-in, a inuva cheding chula lut na ngam ding hilou, ka toukhom pet’u Anun eihung tohkhah hina lai, kholai dunga chun ka moh vah lele in, a in lhanguva lampia kon chun, koi koi um diuham tia thom ka gah ngai leh Paocha loi nui hul hul gin ka gah ja nalaiyin, kati kalu athah leuvin ahi,

Hitia ka din pet tah chun Royal Enfield khat a in maiyuvah ahung kingan mi khat avah lut thut thut kit’in, Aseipa chu hidin ka mongmo kit tan, ka hin lhep ahi ati vanga chu, akingaipi pa chu hitei din ka ging cha lheh tai.

Ka lungthim chun, hung nom nom ding hina hi katin, inlang ka jon tai.

Ajingin Lamneo mu na tei di chu ka ngaito in, ka chan lele jong leh kamudoh pon, Jannilhah a Pachun a jampi hitam, tidi chula, athu beh kija ding ahin, ka lung himo thim lheh tai.

Anun Paocha adeisah, aman deilou,
Akhatpa chu, a Nule Pan helou, aman ana ngai,
Keichu, Anun eihet’a, keiya dinga achanu phallou, Achanu a nom dana kisei kit,

Cheho chu ka lungthim suhto ahin, atah pa chu ipi ahiding ka hepon, Anu thu ahi ding leh Paocha, chang ding, Ama thu ahi joh leh Paocha chu lunglel aumpon, Akhat pa leh Kei koijoh……ti dan ngenchang chu kalungin aumin ahi.

Oh!! Mi khat koudoh sah a dohchen di ahi katin, Kani nu Chanu khat akou din ka sol’in, dip phu tut tut chun ka ngah tai

A hung kile pai vanglah-in, ka kom jong hunglhung loulai chun, kagah galdoh voh voh jeng leh

Hepu, aman na…atin seijeng lou khun nommo sathim tobang khun ahung umin

Aman… Ipi onk? kati jeng leh
Hepu, ULamneovin, ipi bol na a anei ahidem hiti khu eihin bol khumintin, Lunghang thim tah khun, Kahung lou di ahi aumpoi gati jengo eitia,
Anun jong, Pharapbeh ati, ka ja chat dan chu, ahin tin,,
Ka lunghang val’intin inlang ka jot a nisa jong lhum nailouva chu, Lupnachung sena a kaki nei ngal jeng.

Nang nu cha hin na nei chuti bol anom dan danin, kahin dalhah got leh na kap dot dot’in, tua ki hiti bol di na?? Ka tin ka jachat toh ka thangtom kitho chun, ka nakol mong asa pet put jengin ahi,

Chomkhat chutia ka um lai chun, ka misol nu Lhingcha chu ahung kit’in,

Hepu, hepu ahin tin,
Ipi hamo Lhingcha kati leh, ULamneovin nahin hol’a nahin mulou phat’a ka in uva hunga, Napu chula em? Atia, Keiman, a ina che tachu, katileh, Kintah in ga kouvin atia cheng som (Rs.10) ei peh a eisol ahe, ahung tin, Kintah-a kahung kisah a ka che phei vut vut jeng leh, Twikhuh Lampia ding chu kagah mun, amun kalhun kon chet’in Paocha kisil dinga che chun agah mun adinpi ten tunin, achepai ding ngah chun akimu na thei munkhat’a kading thip’in, ka vet leh, ahung kihei lap lap ji in, Ading pa chun la dalha lou, nivei thum vei eihin vet’a eimulou phat chun Paocha toh Luikhuh langa chun akijot phei tauvin ahi.

A chuti phat’in aguh-in, ipi mong mong asei diuvem tin a che na langu chu guh thimin ka jon tai.

Lampi langa che louvin,asah jep a thing phung lah a kon chun Sepai training bangin ka bohvah suh in, iham ati leh lensuh a Paocha chu khet jeng ding lunggel nei puma, Luikhuh sah jep a kona chu, akihou nau chu ka gah ngai leh…..

Lamneo: U Paoboi, Lungset kiti leh Ngai kiti hi akibah lou na kei sangin jong he nan nate,
Ngai chu nang khel’a ka ngai um ponte, keiya dinga naphat na ho jouse hi ka hai poi, ka Nun jong pha eihin sah pen hi nang nahi,
Kahin ngaiyin, mong jong ka hin monpi in ka damsung injong ka hin kineppi na hi bei din ka gingcha poi,

Hijong leh LUNGSET na kiti hi midang khat chunga kana nei ahijeh-in Lungset na lang nasei levang ilung gel kibang thei jep louding abange,
Ahithei ding leh tunia konin Lungset nei na chan khah ahi tah jong leh midang joh a din ka hin deisah jon ahi, ajeh chu ka chunga na lung nop louding kanom poi ahin tin adalha tai,

Keichu, kipah ding ham jong kahe deh pon,Paocha chu adeilou ka hetsa ahin,

Ka lungsetna midang ka na pe tai ati chu, Kei kahi ham, oleh Midang ham kahet lou jeh in kalung aboi thou thouvin, del pheiya doh chen ka nomin, lampi lang’ah kana khel tanin ahung phat’in, Gah moh seipat dingdan jong kahe kit dehpon ahi.

Eimu phat’in, hou jong eihou kit pon, kenjong seiding kahe mo jep jep nalaiyin ahi, ka nervous toh seipat ding jong helouvin

Kei: Neo janni lhah a Bike a na inn uva hung chu koi hamo? kagah moh tidoh phut in, ahileh

Lamneo: Nuideh chet khun, Mi hilou ding hamo? Bike a hung chu, ahin tin,

Kei Michu hidi hija. Na dongma pa chu ham, kati na hibouva chu, kati leh,

Lamneo: Lunghang tah hileh kilomin,
Na ginchat dan dan chu hitahta, ati toh ei dalhah, a tho tan ahi….

Ka del loiyin, Neo please lunghang hihbeh-o.

Kahin ngai val’a leh, kamon joulou joh ahi, Na Lungset nachu nei peh tah tah hinam??

Lamneo: Na kilah man lou khat hamo, oleh nana mansah hitam,?

Ti bouvin ei donbut’in hei jong hung kihei louvin ache vut vut’in

Akhel kidoh be lela lunghang lei ding abangin, alungthim chu ka datmo thim tan ahi, donda kagot lela ka ngaina asang cheh cheh kit’in,

Janni nilhah a hungpa chutoh ipi aseiyu ham, kinepna chomkhat vang anei hidin ka gincha tan ahi,

Lunngel khat ka hin neiyin,
A hungkit phat leh aguh a ipi aseiyuvem het ngai ahitai tichu, ka lunggel’ah ahung umtai.

Amaiso ka mulou vang chun aumdan alamjot dana kon chun a lunghang hitei din ka gingchan hou jong ka hou kit tapon, a inu lampia chun apet tou vut vut’in thip beh-in ka in lang gel’u chu kajon tauve.

Ka kikhen khen uchun, lamchunga inkhat khang pheiya lum hochun eihin daiyun

Iti dan ha, nang chula lungkham toh tah-in khip bih beh-in na hungin Na masanga nu chula ahung nui tou peh-in, ahin ti kit taget uvin, ka boi cheh cheh jeng tai….

To be continue next episode V.

Nasim chai jeh-in kakipah-e, lunglut tah a eisimpeh ho chungin kipathu kaseiye.
Aban jingle simkhom kit taute……….

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.

Previous articleMUMBAI TOH PUNE highway KATHILTO-II
Next articleTHINGLHANG NUNGAH NU-III