Love Story
(Part -2)
Writer: S.Lien
Arranged: Naocy Haokip
Paolunmang Lamneo te ina chu ipi na ga sei ham??
Anun, Lamneo chu,Thadi, matdi bol’in abol’e atiu chula, Nang min chu, a Chorus a bang jenge a tiu chu
ahin tin
Kei : lpi jong ka gasei hih-e Henu, che vang ka gache nai,
Kanu: Tukal chekit hih-in, Anu khu Thilhapi ahi khu nahetlou ham, Achanu nomem tijong donlou, Paocha toh kichensah tei a got’a, a mihing nu la kiroisa lou,
Tua kasei hi kavel sei kit loudi ahitai, Nache kit’a thu khat ahung umleh, Nangin naki suhcham ding Keileh Napa vang neihin kahphah loudiu hichu o, Nungah nadei ahitah jongle kholaiya jong ahoi, apha, chubang atama, Che Ngailhing chilhah mong mong khu, ka ti aja-e, Thilha lah a jong Koubru a hon jong angaina he pouvinte Khobon a ho chu hinte, ahin tileh,
Kapan: He katecho!! Thilha jongchu nahet tam toh na e, a Gamin nagah khen nalaiyin, oleh naki vop jiu khat hai
Kanu: Thipmo Nangjong hi min thutah a sei lai leh hung tot sesu hih-o,
Kanu a chuti sei kajah phat’in kathang atom thimin, Ei jahda uleh kingai cheh cheh kit nalai, donbut louva um sangin katin
Oh!! Henu, a Inuva vang che ta hih inge, katin lupna lang ka jon tai,
Lupna chunga chun kalung kahin gel tan,
Lamneo hi iti kijol leh kanom e ati di ham, eingai ahi atiu chu mi kama konin vang kahen hijongleh ama kamtah a kahet ahilou jeh-in, kinepna lhing ahipon, Ipi chu hileh jingleh kholaiya ahungpot kichang lhin tin ki houpi mong mong hen ti ngaidan khat kahin neiyin, hiti dingchun lungmong tah-in ka ihmu tan ahi,
Ajing jingkah-in bupon ka che in sunin Lamneo munomin kholaiya kavah lele in, nilhah langtah-in Belkhat achoiyin twikhai dinga ache kamu mu in kadel pheiyin ahileh Twikhuh a ama changin anaum vanglah-in, eihin mu mu in kisonglel hileh kilom thimin kamun,
Mi umlou pet’in katin,
Lamneo Jannilhah a chu Henun ipi nahin seipeh hamo, asei sao sao uvin, kati jeng leh aman jong im neilouvin ahin sei tai
Lamneo: Ina…..Kanun Nang chutoh na kingai lhon hamo ei tia
Ken jong, adih tah, tichu akingai ihi loudan seiding katileh,
Paocha leh Lungin kitung keh kuh uva, kavet da val a,
Umm, akingai kahiuve, Henu, kagah ti chu,
Kamit kamai khotlha a kisa, ipi pi aseiham, Kanu vang anasa val’e,
Eidei khat um henlang kidalha leh kalunga aume ahin tin
Kei: Na hindei tamval’a leh che chu na jah hichume,
Lamneo, chethu jeh a chu kasei got hilouvin, phatsot tah akona asei nadi chance kamu lou jeh leh kiphatlam kithoa kana seimanlou, thu khat ka seinom e, nakom’ah, kasei thei di hamo? katileh
Lamneo: Kamthem kit tai, kei koma thusei ding kithum masat hel ngai hamo?
Kei: Kipa aume leh..
Lamneo, Kum ni masang lama kon chun, Guhthim Lungset na kiti chu anat dan leh ahahsat dan atah-in nachunga hin kana he pantan, Phat tin in Kalung laiyahin ROSE pah bangin na pah jingin ahi,
Na het pi louvin “LUNGLAI ROSE” tin kahin kouvin, hijongleh nangin na umna mun jong helouva tuni geiya na um chu Ka Lungin a thoh jou tapon, Na umna mun beh kihet’in tia ka hin hil ahi o, Ken Lunsetna dihtah kahin peh hi, Nangin ipi nei peh ding hamo?Lungsetna, ahilou leh Lungkham na?
Kati leh, Imacha jong seilouvin, seinom khat vang nei danin kamun, hijongleh, Ipi hamo, naseinom? ti hel ding chula anom pon, seidoh leh kanom lheh-in ahi,
Hiti khoiva behlhah kabah jeng laitah lhon chun, aw sang (loud) thim tah-in
Ash!! Chechu Nang lunggel mai mai ahi bouve, Ka Loinu chutia gin mo thei mi chu ahi naisai poi, Ken nilhah pung 3:00pm leh Groud sah a hung thah nange, ana ngah-in ahin tin
Ipi seiya kinei……ka gah tigot chet leh,
Ka nung langa konin
“Akicheng sa ti, aki cheng loulai ti, Kimonmo na ngenchang ahitai na?” a hung kitin. Ka gah ki nunghei leh,
Paocha Nu belkhat choiyin ana nui tet tut’in,
Ken jong, Ohh!!! pung 3 leh na? kati leh
Lamneo : Umm atin, Paochanu twisoh chu anung langa kon chun. A lei a lhah khumin, kei chu, like eihin bol’in me tit tet’in, ana um tei teiyin o??ahin tin,
Chechuba thu hiveh ta, katin, ka hung kile kit vut vut jeng tan ahi
Lamneo chalak chu nal kasa val’in, Kei chula ka lung hangman dehchet
Chenu hivang kei sangin a chingjoi tichu kahedoh jengin,
Ka tup hi ka lolhin leh, Thainelou atihou chu ka masang ding ahi jenge tiho pou ka gel leh, mi mulou kah chun, ka nui thim tet tut’in ahi.
Nilhah lang Pung 3:00pm ding ngah-in, kaumin pung 1 a konin kati kalu athah jeng tai.
Pung 2:30 ahi phat’in ka ki gojou tan, ka hung pot doh got leh
Kanu: Mangboi hoilaiya che kigo nahi hamo, tu laitah a, ahin tin
Kei: Henu, Ground langa kichem a chedi kati ahe
Kanu: Kichep na vonin jong kivon tangem, kichem di nahileh.
Kei: Akhoh hih-e Henu, kichem di tichu, ball peh khel khel hilou pia,
Ati toh ahung pot ka tho tai.
Ka lhunin pung 2:50 ahitan, Ground sah a thingphung noiya chun ka touvin, ka ngah tai.
Pung 3 injong koima ahung tapon, ka jah jong acha thim tan,16 minutes jouva jong koima ahunglou phat’in, ka jachat toh ka lung jong ahangdoh tan, kahung kipat doh chet leh, Ground lhanga Numei khat hungtou voh voh khat kamun, ka gahvet phat leh Lamneo chu Smart tah-in ahung kivonin ahung tou jot jot chu kamu phat’in, kintah in katou kit’in ahileh, ei hin mu chet’in, akhut ahin tungin, kino tah in ahungin, ahunglhung tan ahi.
Ka kom tah a chun ahung touvin, thip beh a ka um leh,
Lamneo: UMang na lunghang khat hamo?
Kei: Ipi ka lunghan pi diham, kana ngalel val’a leh….
Lamneo: Oo, kipa aume leh,Tunia nasei chu ka lunga umval a leh….
A tin ahung nui thimin,
Kei: Ipi pentah chu hamo Neo
Lamneo: ka “LUNGLAI ROSE” nahi neti chu ….atin akhut nem ngih ngeh in, ka khut ahin tuh-in, Lungset natah khat ei nei hileh kilomin, ei hin ven, hiti hin ahin seiyin ahi……
To be continue episode III
Nasim chai jeh-in kakipah-e, aban jingle simkhom kit taute…….
Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
