By; Haokholen.
****************
PART 1
Nikhat hi lekha them khat kilah to gom in bazar a kaga che in ahi. Nilhah lam ahin ka thil lah di jong kaki lah jou tan kakho lang jon dingin saikul bus a kahung tou tai seat nom tah khat in katou in gari che lou lai jeh chun ka earpiece kala doh in la kangai in, kalungthim a chun tu ni beh hi seat ong thet in kitou hen lang ekom a jong koi ma hung tou da le katin ka lungel a chun kana sum sel lheh jenge. Leiced chunga hah kasah pen chu gari nga le mi nga hi hah kasah pen ahi. Hitia gari che vah lou jeh a kaphun2 lai ahin nungah melhoi tah khat ngou thim, asam sao jen juna, khamtang hin kive kit nalai bus chunga chun ahung kal doh tan abag hin poh chu alet thim jeh chun seat ho chunga bag ho kikoi na ji akhun abag chu akoi doh go tan ahile atha lel jep in akoi doh dinga mi angai chat ahi chu kahe them pai in kei jong katou na a konin ka ding doh in “sister can i help you” kati le “yes brother thankyou” ahin ti chun akam dam aw nem chun ei nervous sah tan abag chu kakoi doh pih in katou na kahin ki jot tan ahile nungah nu kamu jeh chun kaki pah valin ka lung amang jen junin ka seat a ka tou ding kon a chun kahung kipal kit nalai e. Keijong kaja chat man chun kaki het mosah in ka tou bang2 in ka tou kit tai. Nungah nu chu kakoma ahungin “Heo nang koma hi mi atou um ma hitam a um lou lai le ka tou thei di” atin ken jong kaja man pon “henge kachanga ka tou nalai ahi e kiphat lam angai poi hung tou jengin” kati le ama jong ahung tou tan ahi ahung tou achun abag neo sunga del khat ahin la doh in, aki kop in, akun in taona aki man tai. Aum chan chu nungah ching tah hiding in kamu doh pai in ahi. Manipur sunga eimi nungah ejat kahin mu nalah a chun ama banga eimi nungah kamu nai poi aki von dan jong chu inam u achoi sang lheh jenge. Kitup tah in aki vonin mit vet a konin jong aki ve se thei lou leu in aki vone. Amel a ahoi dan chula lunglhai2 aumin kakoma ahung tou jong chu vang pha kaki sa lheh jenge.
Gah hou pi ding chu kalungin kagel nan kiphat lam nakhat kanei in injou le kakom a tou nom da get in te katin kahou pi pon ahile aman ei hin hou pi in.
Nungah nu: heo hoi lai pha ding nahi ham?
Kei: ka ina kaki le got ahi tai.
Nungah nu: hoi lai a na um ham?
Kei: saikul bazar a ahi e.
Nungah nu: ohh ale eki bang hone na.
Kei: nang hoi lai na phah di ong?
Nungah nu: heo kei saikul bazar mama a ka nuneo in nao a lhakhat lha ni um pi dinga in kou ahi e.
Kei: koi te khu ham?
Nungah nu: chongpi te khu ahe.
Kei: ohh kei ho in toh ki nai cha ahi e eki lhon lhung kei thei hon ahe.
Nungah nu: kaki pah e heo ken jong a in u kahe nai poi nang in nei hung thah di he
Kei: henge na po lut tho nange, kati le ha nui in ahung nui in, anui chu kavet le kavet nom cheh jengin kalung a chun “melmu ni a pat dei chim lou sahchung nung le ngai sang pen nang na so mai mel ngui heu2 vin ei lhim ngol tai khat vei bou kimai tua a bon kipa nan kadim chung Pathen jang gop dia lai tan hileh hen vang” katin ka lungel a chu vanthamjol so phah na kham kana gel doh tai.
Kei: nao namin epi ham?
Nungah nu: heo kamin lhing chu Lamneilhing ahi e kanu kapan ei kou na a vang sennu tin ei kou ji uve. Heo nang min jong kahet thei di?
Kei: kei min chu Thangtinlen Thangboi ahi e.
Sennu: ohh ale Hethangboi ka ti di chula.
Kei: ken jong sen kati di chula, kati le ahung nui kit in anui kamu ji teng leh kipa nan ei lon khum ji tai.
Nom tah a kihou lim lai honin bus jong ache phat ahung hitan aki pat doh tai. Numei kon khat khu gari chung tou thei lou aum jeh chun
Kei: sen window langa natou nom a, kati le aki pah lheh jengin.
Sennu: heo nahe them na e kiphat lam jong aum ngap e, atin
Kei: cho kiphat lam ngai poi kahe them nai, katin window langa katou sah tai.
Window langa atou phat chun alung mong chom danin kamu in ki pa mel apu in hui in asam ahin mut ji teng le jasmine nam tui abang jeng nge. Sennu koma katou chu ka mang kahi sah jin ka lungel achun “kamang ana hile vango” kati jin “atah2 hina hi” kati kit jin kalungel chu kipa nan adim jenge.
Lam them khat kahin jot doh tao vin ahile sennu chu akho lang uva pat ahung na alel jeh chun ahung emut soh in amit ahung ngui in a e mut soh vang chun a e mu ngam kit pon ahi.
A e mut so kahet phatin kenjong “sen nalel a le ki chol tango” katin
Sennu: heo akhoh poi e. Ati kit in
Kei: na e mut soh chula.
Sennu: heo ale kalel valle na chunga ka hung kingai nome, atin ken jong ka lungthim a chun “hiche ho ba chu kingai nom hichu” katin
Kei: umm nalel ale ki chol in, katin del aki khu khum in kachunga ahung kingai in a e mu tai.
Kalung thim a chun sennu chu lungced na khat kahin nei doh tan etih a jong kihet pi khah lou beh chu katin kei jong ka lung adong lheh jenge, aum chan le amel put chun eiki pa sah mama jeng ahi. Khat vei le kanui ahung ja jin “ash injou langa kakoma koi ma hung tou da le kati chu atah2 a hile vang kamang mong2 e” katin kei le kei chu kaki dai kit ji e.
Dolai thabi dam kahin phah uva hin speed breaker jeh in sennu chu ahung khang in “heo elhun lou lai uham atin” kenjong “henge avat nalai e kichol in akhoh poi” katin a e mut ngai bangin a e mu kit tai.
Chomkhat jou in parking kahung lhung tao vin sennu vang a e mu nom sel nalai e.
Kei: sen elhung tao ve kithou komo, kati le ahung ki khangin mit ngui deh duh in taona aki man kit in ahi.
Abag ka lah lhah pih in kakum tan ahi le ka nung achun ahung kumin
Sennu: heo hoi lang hi a ham in chu
Kei: che lai khu ahi e kanung hin jui in, kati le kanung a chun ahungin ahung khang doh in “ehh heo bahara adon lou uham” atin kenjong kanui sat in “nang na e mut nom sel jeh a kahin suh khah lou nahi tai e na bahara chu ken ka pih tha hi tai e” kati le aki pha lam lheh jengin a pulse a sum ahin la doh in “hio heo kipa ume” atin sum ei pe gon ky jong kanom pon kale kikoi lut sah kit tai.
Anuneo te in a kaga thah lut in sennu chu aki pah lheh jenge.
Anuneo: thang kipa ume nanao in gei a na hung thah lhung, atin kipa thu asei in
Sennu: henuneo ka u thangboi aphat dan lam lhung kei a ei hung emut sah ka e mut kah a bahara jong ei na peh tha ka u thangboi chunga kaki pah mong2 e kei eiki tho pi nahi nikhat le ama jong kaki tho pi tei2 ding ahe, Hethangboi ana tou o von kahin ki khel a cha kahin om ding ahe na don tei2 di he, atin
Kei: akhoh poi e
Sennu: hithei pon te nlel val di he, atin insunga alut in cha aga om tai.
Kei jong ka um in anuneo teni to kaki hou lim uvin chomkhat jouin cha ahin om min tan “heo hin tui hih jong le don mai o kahin suh chol man ahe” atin cha ei pi in cha chu kadon tai che nia ka cha don chu nidang to abang pon atui dan ajat chom jenge. Konba kavei ui e ti di ham he3.
Cha kadon jou phat in “sen ahile kei inlang a che phei tange o ka on phat2 le kho lai a kahung ji di he”
Sennu: ahi jong le o heo hung ji2 o koi ma jong kaki het pi poi e, ei ni hou kigop hite
Kei: henge kahung ji2 ding ahe, katin mangpha kahung kithot to honin ka inlam kahin jon tai, lampi kah a chun sennu bou ka lungmit lhan alang2 jengin ka moh me2 jeng tai. In kalhun in kanun kajah a
Kanu: thangboi injou a parking lang a pat nahin kilhon pi nu chu koi hija ham.
Kei: henu Ccpur lang ho ahe epi ti aham.
Kanu: ahipoi boi amanu chu kamou dingin kadei e injou a nahung kilhon phei hon chu kamu in naki lom lheh hon jenge, amel jong hoi kasan aki von dan jong chu tulai numei dang bangin aki von poi, kamou ding a kadei e.
Kei: heno chedoh ji o koi ahi jong kihe lou a epi ti hinkho aman a epi ti chon ham jong kihe lou lai moh ka nu chongpi te ina ahung di jeh a kahin kilhon pi ahi bou e.
Kanu: aphat2 in po sah tai hite boi kei mou lou ding in ka eit lheh jenge, atin kei jong ka room ka lut tai.
Kanu in sennu amou dinga adei chu kanu koma dei lou bang kaki sah vanga chun ka lungthim in kaki pah lheh jenge kanu sanga kei joh in ka ji dinga kana dei masat ahi tai.
Nilhah in bu kanen kneh jou phatin kalel val jeh chun jal khun chung kaki jot in ka e mu go tan ahi le kamit in sennu so mai bou alangin kakol in sennu awgin bou aja in kalungthim in sennu bou agel2 jeng tai. Emu mo jenin kagel in chomkhat jou in kana e mu lhu tai.
Banjom kitding…….
Part 1 kahin sut na a sut khel aum ma ahi le nei ngaidam deu vin kahung tao ve. Part 1 eihin sim doh pih hou chung cheh a kipa thu kahin sei e 🙏💐.
*_____________________*
