_______________________
By; Haokholen.
PART 4,
Message sao tah hung kisun a hung kithot kasim chai2 achun kei chan dinga kagah kingai to in ahile ka po na lheh jenge. Hinlah sennu joh kale lha mon in “sen lungneo hih o deikip lel na leiced ahi e, Pathen in nang dinga agon lou jong hintin chule ama sanga nahin kipa sah joh ding na gon pih joh got hin te, sen lungneo hih o” katin ka thot tai chomkhat jou in ahin reply kit in “heo ka e mut asoh lheh jeng te, jing leh kholai a hungo” atin a e mu pai tai. Chuin keijong ka e mu thei deh pon sennu lungthim keh sa chula kahe tan kijol le anom dem anom hih dem bou kagel in kalung aboi Cheng jenge.
Ajing in sennu in kholai leng dinga ei kou jeh chun sunin kaga che tan amel kamu2 achun ahinkhi man dan hochu ka lungmit in ahung lang in nidang to bang lou in ka lungced chom lheh jenge. Ama koma ka um ji teng le kipa nan kadim ji in ka lungced na sei ding kati kit a ahile agel khel khah di ham kati kit in kisonlel nan kana dim e.
Niseh in hiti chun ka on kah leh kholai in kache jin sennu jong a on kah lah le keiho ina ahung kho lai leng ji e.
Hiti chun lhakhat val chu guhthim in lungced kana chane. Nikhat hi kanu in ahin sei kit tan
Kanu: thangboi sennu to naki ngai hitam
Kei: ash henu jachat a um ji e loi le gol a kikivop chu etih a kajol di ham
Kanu: boi nakho ngai2 sangin jol jeng tan aum chan akhan chan khu kalung alhai lheh e kamou a pang lou dingin pamai kasa lheh e
Kei: henu ana ve tai hi te, katin kanu chu kanui sat in ka room sung a kalut tai.
Keijong kaki gel ji teng le pasal kaki sa ji pon hibang a kalungced a kalungced na kasei ngam lou chu kalung adong kit in sennu chu kei a lou dingin ka eit lheh jeng nge. Kathi le kathi tuni lhah vang sei tange tin kaki gel lha tai.
Nilhah in ong tan te kati phat in kagah text tan
Kei: sen na on hitam
Sennu: henge tupet in ka ong nai e
Kei: sen lunghan nale jachat nan vang sang hih in lang nakom a sei nom khat kanei hichu o
Sennu: heo sei o lunghang ponge kangai nom valle epi ham nasei got chu
Keijong kisonglel pumin kalungced na ho kasei tai “sen kahin mu nia pat achun kalungsunga konin lungced thengsel kahin chanin hinlah jachat kisonlel jeh in kahin sei doh ngam poi e, sen kahin lungced na asang lheh jenge nang lou in mon na ding dang kanei poi e nei hethem in lang lungced in kalungced na neihin san pih jeng tan” katin dip chah pumin send chu kameh tai message ahung lut ding chu kamu ngam tapon message khat ahung lut tan
Sennu: Hethangboi ka chunga lunghang hih o kei lhathah lang le jinei dinga kahi tai chun le jo phatsah jeh in kani ten eihung thum uvin ana kinop to tao ve heo neingaidamo, ahin titan keijong kalungel bang ahi lou phat achun katah san thei mong2 pon message ahin thot chu avel2 in kasim jeng tai keijong kalungel anom thei tapon akoma lungced kana sei doh khah chu kaki sih lheh jenge
Kei: sen kana het them lou jeh a ahi e neingaidamo hinlah kalungced nan nahin jui jinge nei gel them pih le chun kati ngei e, sen ahipoi e lungced tah in kalungced nahi nei hin san pih jeng to nang lou in mong jou ponge kalungced pen jong nang nahi e kagel jong kagel thei him2 poi e, katin katao tho jeng tai sennu injong aw nem heu chan eihin donbut in
Sennu: heo hiti chun sei hih o neilungced a ahi le ka keng nei na ding joh in ham le vang nei hin thum pih jo o neilungced najong kahe soh kei nai e hinlah kalungced nahi nang chan ding a ana um tapoi heo gel khel hih beh o, ahintin kei chu sennu phung changa ache ding chu kagel thei mong2 pon ka eit val jeh chun kakap doh jeng tai. Sennu message chu donbut ding dan jong kahe mo leu jengin apet2 a che a ina kikai lut ding bou kagel tan kalungchang ana lheh jenge hinlah miphung chang ding khat Pathen thilgon sa suh keh ding chu kanom kit pon message kathot in “sen kahinlungced na he na sasa a he lou banga na um hi kathoh jou poi e, kalungced e nati jong leng na lungced na chang jou ding him2 chu kahi ta poi Pathen thilgon himai hen, nakeng nei na a ham jang hung pha in lang cha le nao jong tampi him phung vun peh inlang teh ho lungced hung chang jing tan, genthei kei vang nang ngai a hinkho mang ding kahi tai hung vang pha mai in” katin kathot tan kathot jou2 in kaphone Swift-off in kakoi tai.
Kalungel bang ahilou phat a chun sennu ngai nan hinkho kamang in an le tui jong kadon nom tapoi. Ni ni nithum an kaneh lou phat achun kanu alungdong lheh tan kanu in ei dongin “thangboi tulah nadam lou ham bu jong nane hih beh in na hoi lai damo aham” atin keijong “kadam mo poi e kaneh nom lou mong2 ahi e” katin kanu chu alungnom thei lou phat in ei dong2 tan ahile thil um dan chu mitlhi pumin kasei tan ahile kanu jong chun nom mo asa lheh jengin ei lhem lungmong in bu neh sah ding ei got vang achun kaneh nom mong2 pon ahi.
An ne lou a kaum phat a chun kahung damo tan kadam mo sennu in ahin he tan nikhat kain uva ahung in
Sennu: henu kau thangboi eti dam lou aham, atin
Kanu: kahe poi e boi eti hitam hitam, tin lungkham tah in asei in sennu jong ka room ma ahung lut pai in keichu vet thei jong kana hilou dan ahitai
Sennu: heo epi da hita hi um nahi ham henu ding jong nagel lou ham heo ema jouse kasei pih hilou ham kalungced mo nahi poi e kalungced e nati jong leng nahinkho genthei nabep kahi ding ahi e heo pida selung mol lom2 nahi ham pasal nahi lou ham, atin kakoma chun atou in mitlhi tai lou in donbut ding dan jong kanei poi e. Kamit lhi ho chu ei theh ngim peh in “heo edia kap nahi ham kap hih o na mitlhi lon kave jou poi e” atin alhai doh gang chelin chomkhat jouin bu ahin domin “heo bu ne o bu ne lou in um kit ta hih o” atin bu chu akhut tah in ei neh sah in kava tai kati jong le anom mong2 pon abu hin dop chu ei neh chai sah kei e. Chomkhat set pi kakomin aumin kei jong kalung ahung mong domin hinlah kahinkho a kakom a aum lou ding kagel kit ji teng leh lhased nan ei bom kit in lonlhi ahung long doh kit ji e.
Niseh in sennu in eihung ve jingin akhut tah in bu ei neh sah ji in kei jong ol2 in kahung kido jep tan ahi. Nikhat hi sennu kakoma ahungin
Sennu: heu jing nikho le che ding kahi tai kache nung teng le ei hin ngai ta hih ta o bu jong phate chan ana ne jingin bu naneh kit lou a ahile nahung dam mo kit ding ahi e, ati chun kalungsunga chun hinkho a kimu to lou ding bang akhun kahung kap doh kitan sennu in eti eilhep vang achun kabi thei mong2 pon achaina in “heo hitia neika pi hi kakeng nei na a ka vang phat na himong di hinam nei lungced lou ham” atin ama jong ahung kap doh tan sennu amit a kona mitlhi hung pot chu kave jou mong2 pon hah lheh jong le kalhem in “sen kahin lungced val jeh a ahi e neingaidamo kap ta ponge nang naka le kahin ve jou poi e kap ta hih in” katin akhut chu katuh in kalhem tai. Chomkhat jou in ahung bi in
Sennu: heo kapot doh nung teng jong le ana kap hih ta o
Kei: henge kap taponge
Sennu: heo kaki ji phat teng leh nahung lou ding ham, atin keijong alungmon na dingin
Kei: henge sen kadam nah a ahile kahung ding ahi e, sen kamel a namu dinga epi kahin peh ding ham
Sennu: heo ema dang nakom in kangai cha poi e kaji nei nikho le kipah tah a nei hung lhat pih a kaji ding pa to phat thei ei boh hon ding bou kangai cha e
Kei: henge kahung ding ahi e sen che ding mong2 a nahi jong le khat vei seh hijong le nakam cheng in kahin lungced e nei ti o chuteng leh kalung thim kipah mong2 tan te
Sennu: heo tah2 a naki pa mong2 ding hinam
Kei: henge kaki pa na cham kim sel ding ahi e, kati le jahcha pumin “heo kahin lungced e” atin kabeng chu olchan ahin kiss in alhai doh pai2 jeng tai.
Nilhah in jong nom tah in kaki hou honin ha tah in eilha mon in kei jong kaki pah lheh jenge.
Ajing a ache ding kon in jong kakoma ahung lut pa kit in kaneh ding neh thei eihin choh pih in ahi. Sennu chu kaga thah nom lheh jengin hinlah katha aum lou lai jeh a chun kaga thah thei tapoi.
A kho u alhun in jong ei hin het sah kit in hiti chun nilhah seh bangin kaki hou ji honne. Kei jong kahung ol dom2 tan kadei2 nan kahung vah le thei tai.
Nilhah khat hi an kaneh pet uvin kanu in jinei dingin eihin tem tan
Kanu: boi ahi poi nang jong ji nei jeng tan nahinkho man kahin ve jou poi e, nanu le napa kei ni jong kateh cheh2 hon tan mou nei thei kahi hon tai, ahinti chun athah beh in sennu chung a kahung lhase kit in ema jong sei lou in kakhut kaki sop in ka room kaki jot kitai kaphone a sennu lim ho chu kave in kangai na ahung ki be cheh2 kittai chuin message kathot in
Kei: kamu nia pat a kana lungced pen tuni chan a jong kangai pen nang nahi hinkho lamsao jot khom pidia thangvan sanga ahsi tam jong le jalah a kadei lhen nahi, lungced dang nanei jong kahai deh poi ken kalungced jong nang in jong na he nai chung Pathen koma kathum nang bou nami lungced na chu kum kho in genthei ken ana ngah jing ding, kangai pen nang nahi e jingkho hung vah le selung ana hei tan te tin kagel jin hinlah jingkho vah in ngainun selung ana hei chom deh lou lengdang asang tai tia mil jeng thei hileng lungced mitcho hilou in LUNGCED MIT HAH hitan te, katin kathot tai chomkhat jou in ahindon but in
Sennu: heo nei ngai ta hih in kati lou ham epi da kalung nop mo nadinga naum ji ham, ahin tin kei jong kahung kipha lam in sennu joh chu kale lha mon kitai. Hinlah lungthim in vang apo jou mong2 poi sennu koma lungced na thu jeng bou sei ding kanom lheh ji e.
Lhani jou in invitation card khat ei hung kipe in kave tan ahi le Lamneilhing weds Lenkholal tia kisun kamu chun kalai ana beh set in card chu ka op a kasip beh hakan kakap tai “sen tunia na card kahin mu hi kahinkho a dinga kaki pa nani kho chu hita le eti kaki pa ding hitam hinlah tuni nikhon lhased nan eibomin mitlhi thongo bangin aju lha jenge hin ve in boi nang lou in kamong jou mong2 poi e” katin ajah lou ding vang achun kaki hou lim pitai. Sennu koma kalhased naho kangai naho sei ding kati jin ahile nom thei kasa kit ji pon kachang in kaki lhem ji tai.
Chomkhat jouin aji nei nikho ahung lhung tan kei jong che lou ding katin ahile ei hin ha tep lheh jengin injou le lungnom mo get in te katin kapa gari kathumin akeng nei nading mun kajon tai. Amun kalhun a chun lhased nan eibom jengin kei jong munthip khat a kaga chen ha kan kaga kap in kaka khop phat in kin a kajao tai.
Kin thempun ahin gop achun ka lungsung a chun kakap jeng tan “sen tuni nikho hi kei dinga thi mama kanom jo e” katin kamit a kona mitlhi ahung long doh tan kei jong milah ahi jeh chu kaki tim nah2 in hinlah kajo lou phat in kagari kapark na chun hakan kaga kap kitai “sem kalou ding kati vangin lungced nan ajo val jeh in kahin ve jou poo e, sen nakin a kajao lhung thei tapoi e ana lungnom mo hih o” katin kagari kahin kitol in kahung kile tai.
Nilhah lam in kalhun in call ahungin kagah ven ahi le sennu ahi in kapick pih pon ahin call2 jeng phat in kalah pih in ahile ahung kap in “heo edia tunia hung lou nahi ham nahung lou jeh in kaki pa na achamkim poi” atin akap tan keijong kalung adong in kana jao lhung lou chu kaki sih lheh jenge “sen nakin in kahung jao nai e edia kap nahi ham tuni nikho hi nang a ding a nani kho lou pi tah ahi e boi kap hih in, sunin kahung nai e inlang a thuboi tah khat aum phat a kana che vah ahi tai e lungnom mo hih ta o nikhat le kahung vil thou2 hon ding nahi hone” katin keijong kaka doh lou vang achun kamit a kona mitlhi ahung doh kitai. Nah2 in sennu chu kajol lungdam in lungmong tah a aum na dingin katil khou jo tai.
Keijong kalekha sim ban kaki sim jom in phat le ni jong ahung chal jingin akum kit in chanu khat jong anei hon tai tithu kaja in kaki pa pi lheh e. Aki chen ni nikho toh kitoh in kache in ahi thei kham2 in kaga til khou in ama ni jong aki pah lheh hon jenge. Jan khat kahung geh in ajing in inlang kahung kile tan ahile lampi kah in ka gari ahung boi tan kagari chu workshop in kahin koi den in saikul parking lang kahin jon tai. Parking kalhun in sennu to kaki mu to masat pen hon ni a bus chu ana hikit in lunghel akai thou e kei jong bus sunga kalut in kana tou na achun katou in kalungel a chu sennu hung kit dingin bou kagel in achesa phat ho ei gel doh sah lheh e. Bus jong che ding ahitan kalung a kagel nu la ahung mong2 ta pon katou na bus jong ajot na ding mun aki jot tai. Aki chai tai.
LUNGCED MIT HAH thusim hi hichan hin aki chai tai muntin a sopi u le nao part1 apat a part4 chan lunglut tah a eihin sim soh pih hou chung cheh a kipa thu kahin sei e. Pathen in phatthei naboh cheh uhen, hiche sanga ngai jo le phajo kahin sut doh thei kit nadin nalungthim cheh uva natao nao kahin ngai cha e 🙏.
*_______________________*
Koitabang feedback bol nom aum a ahile anoi a contact kipe ahin kipha lam lou a nhin bol thei u ahi.
Keima: Haokholen Kilong.
WhatsApp no: 6909103718
KAKI PAH E 🙏💐💐.
