_________________________
By; Haokholen
PART 3,
Pung makhai jou lang peh ahin message khat ahung lutin kagah ven ahi le sennu a ana hin. Sao tah in hiti hin ahin sei e
Sennu: Heo thangboi kahinkho thusim hi phate kagel toh chet ji ale lhased nan ei bom ji e hijong le kasei doh lou a ahile kalung mong thei pon te tin kagel e
Kaneo apat in kei ho lang lanva a um Rayburn High school a themjil na kahin nei tou peh e. Class jong aban2 in kahung chal tou peh in class 8 kasim kum ahin keiho class a dinga topper hi2 jeng pa chun ei hin jol tan kei jong kanop pih pon ahi ajeh chu kanu le kapa in phatseh a maicham a eina hil jing hon chu “numei nahi in na dei a nangai a pasal hung tam nan te hijong le koi ma nahin nop pih lou hel beh ding ahi naphat avat nalai in na lekha sim jong asuh boi ding ahi hoi tah a lekha nasim ding na nu le napa naki pa sah jing ding ahin na suh lhased lou beh ding ahi” ti ana sei jing hon jeh chun ka class uva minlun in eina jol jong chu kana nop lou ahi.
Niseh tabang in ei lungced nathu jeng bou asei in alang khat a kanu le kapan ei hil nahon chu kana pal keh lou ahi.
Nikhat hi ahin ha sei val jeng tan kyjong kalung ahung hang doh in “minlun lekha sim ehi uvin kisu boi pou hite nalung jong nalungced jou ponge tunia apat hin vel sei tahih in nahin sei be a ahi le principal pa kom kalhut ding ahi tai this is your last warning” katin kada lha tai hiche nia pat chun ahin sei khata pon kalung ana nom lheh jenge.
Hichea pat chun minlun chu aki sah set najeng bou kahin ja tan school jong ahung kai kha ta pon exam in jong ahung lo lhing jou ta poi. Minlun keijeh a hitia a aki sah set chu nom mo chula kasa kit in alangkhat a kanu le kapa kaki chat kit ahi. Kum khat lhung pi chu kihou lou beh in kahung kum lhung hon e aban kum in class 9 kahin sim tao vin ahi. Hiche kum ahin minlun chu school chapang um chan in jong aum tapon thilse jeng in bou aki chem tan school injong mito kina hat pen in apang in ahi. Lekha kiti mong2 asim nom tapon class injong mol thoh hat penin apang jing tai. Minlun um chan ho chu oija(jilkung) hon jong adat mo lheh jeng uve. Kei jong kaki gel ji in minlun hinkho sem phat ding kanom lheh jenge ahin kanu le kapan eihil nahon kasu pel nom kit poi.
Nikhat hi keijong angai bangin school kache in ahile kanung a chun a mel kahet khah lou pasal ni in eihin jui honin jum mo tah2 in ahung pao ji honin kei jong kalim sah pon school lam chu kahin jon jinge lamkim khat ahin koi ma aki mu pon hiche achun pasal khat pa chu ei hin nai lut jel in kakhut atuh in kai mang ding ei go tai aloi khat pa chun aloi pa chu akham in “bhai chuti lom2 a bol hih o min ahin mu ding ahi” ati vang chun eituh pa chun eilha deh pon eikai jin ahi hiche pet tah achun minlun le aloi pa cycle a school jonin ahung chet honin ama ni jong mi gunda ahi hon jeh chun minlun in doh2 ngai lou in eituh pa chu avo jeng tan aloi pan eituh pa loi pa chu ale kithuh lou na dingin akham in minlun in khat pa chu thikai leu in avo jenge. Kei jong kaki ahung chatan minlun chu kaga kham in ahile kei chungin ahung chu ki go in kaki cha valin kahung kap doh jeng tai. Kaka phat achun minlun chun ahin nga in minlun in avoh pa aloi pa chun aloi pa chu aga ki phoh dingin ache mang hon tai. Keijong kakap jeng nalai in minlun loi pa chun ei lhem in “sen kap tahih o school che tao hite” atin kei chu mitlhi long pumin school a dingin kahung tao ve.
Sun nilhum in kapao ngap tapon thip beh in kaum nilhum tai minlun vang ema sa lou beh in aum in aki khel najong kamu doh chom poi.
Nilhah in kei jong kaki gelin minlun in kaboi na a kona ei hung pan pi chu kipa thu beh sei ding kati tai. Ajing nikho in school mathim in kache in lampi in minlun kangah tai chomkhat jouin minlun le aloi pa cycle in ahung kit honin kei jong kipha lam pumin kakham in minlun koma chun “heomin jan hi nei hin kitho pi chu kaki pah e kasuh khel naho neihin ngaidammo” katin ahile minlun chun eidon but pon aloi pa chun “sen hiche ho chu kitho pi ding mong ahi eiho kikah a kiphat lam angai poi e mikhat gah kitho pi chu epi ngaidam thum angai poi e, hungin school nahung di le kilhon ute” atin kei jong “nang ni ana masa hon to kei ol hung nange” katin aloipa chun “min sennu kilhon pi hite” atin kengin kahung kilhon tao ve minlun vang kakomin apao poh ngam pon aloi pa to chun kahung kihou lhung kei hone.
Nikhat hi minlun school ahung pon school kikhenin minlun loipa ginsem to kahung kilhon kha honin ginsem in “sen minlun umchan khu napoh nat lou ham” atin kenjong “sem kapo na e ahin lah numei lungneo hina kal in nule pa thu kapel keh nom lou ahi e” katin ginsem…”sen minlun in nang to kaki ngai kaki lungced pou2 a ahi le kahinkho kikhel ding ahi kahinkho phat ding adei a ahile eihin lungced intin kaset ding adei a ahile ei lungced da jeng hen ati chu o, sen minlun in vang na lungced mong2 ahi e hitia aki sah vang akhun niseh in nalungced nathu bou asei jinge” keima…”sem ei lungced na jong kahe nai e ahin kaki lungced pi ngei2 a ahile kachunga thilse hung lhung dingin aum e kanu kapa jeh in ema jouse kahin bol khah ahi neingaidam hono” ginsem…”sen ahinai e hijong le tua minlun hinkho tahsem kit ding khu nang khut a um ahi e” atin kei jong sei ding kahe tapon thip beh in kain kalut tai.
Nilhah bu neh jou a lekha kasim gon ahi le kalung achun til khat aum2 jeng tan lekha jong kasim thei tapoi kaki ham bol nah2 vanga chun lekha a chun kalung alut thei mong2 tapon e mut ding kati tai kae mut got a ahi jong le kae mu thei kit pon khatvei a minlun in ei na huh doh chu kagel in keijeh a minlun in ahinkho aman chat vai kit chu pha mo kasa lheh jengin kalung achun mi hinkho khat phat na dingin kei hinkho aset le se tan te katin minlun chu kalungced na pe dingin kaki gel lha tai minlun chu kalung jong kalungced doh tai.
Minlun koma kalungced nathu gasei di jong chu ama sa langa kahou na ho kagel doh ji teng leh kiphat lam nalen tah kanei ji in kajah jong acha ji e. Nikhat hi ginsem koma “sem tuni le minlun kaki hou pi nome” katin ginsem injong “henge hin sei pih na inge” keima…”sem kikhen phat le kilhon hite ana ti ta o” ginsem…”henge kei nei jao sah hon lou di ong” tin eihin dai kit in kajah cha valin kajam mang2 tai. School kikhen in gate in kangah tan ahile minlun le ginsem jong ahung kilhon honin minlun in kei ei mu2 achun ajah acha thim in ahi keichu kaja chat naho kapai lha in kalungced nan ajo val jeh joh a jahcha helou a kana um khah ahi.
Ginsem…”sen hungo che tao te” atin kahung kilhon tao ve ginsem chun guhthim in eina da lha honin keijong kisonglel pumin “He minlun numei jahcha helou le jum mo in nei gel hih o tunin nakoma thukhat kasei nome” minlun…”epi ham nasei nom chu” keima…”heminlun nei lungced na jong kahe e hibang chun ken jong kahin lungced e ama sa a kahin hou na ho chu lunghang tahih o tuapat a nang a kahi ding ahi tai e” kati le minlun chu aki pah in aki chom leu jenge minlun…”kaki pah valle nang kalungced nahi etih jong le mang pon te sen kei a hijing ta o, sen I love you” atin apeng tai Keima… “Chuti lom2 a chu min angol nahi sah in te” minlun…”henge kangol doh tai e asei nom2 in sei hen” atin aloi pa akou in kaki lhon tao ve.
Hiche nia pat a chun kau minlun to guhthim lungced kahin mang hon tai. Minlun to kahung ki ngai apat in atah beh in ahinkho ahung kisem thah kit in school jong phate chan akai in alekha sim jong phate in ahin sim kitan ahi le exam in topper chu ahung pang kit tai. Chomkhat jou in kei ni kikah lah lungced chu sel guh jou lou ahi phat in kaloi kagol hon ahin he pan tan aban in kanu kapan jong ahin he hon tai.
Nilhah khat hi maicham kasem uvin kanu in ei phoh tan kikhen pi dingin asei tan ahi. Kei chula kauminlun chu kalungced cheh2 jo kit in jan jong emu thei lou in kaki gel khovah e.
Minlun koma jong ema kahet sah pon hiti chun thip beh in kana ume. Minlun koma kikhen na thu kahin sei ngei2 kit a ahile ahinkho lui chu ahin che pi kit ding ahi jeh chun ema kana sei pon ahi. Hah sa lheh jong le kaki lungced nahon kahin chepi jing hone aman jong eina lungced lheh jenge eina lungced dan2 chu kikhen nathu phah poh ngam ana hipoi.
Ni khat hi loi le gol phalou a konin kapa koma ei na hehse uvin nilhah kapa ahung vai lhunin lunghang tah in ahung lut in kei chunga ahung chutan kaneo a pat kachunga khut ana lha kha lou kapa chun mol khat ahin kilah in eijep tan ahi keijong na kasa valin kakap in kanu kakou vangin aja lou bang aki sa in ei na don poi. Keijong kakap2 jeng tan bu jong kane pon kanun jong jol ding jong eihung go pon ahi. Jan ahung dap langin kapan eijep na ho chu ahung dup doh tan ahung na cheh2 jeng tai katung tun ho chu ana jengin kei jong epi ti lom2 hija tin phatvet(mirror) in kanung lang chu kagah ven ahi le ana dup lha jengin kei jong kamu2 a chun kalha ase vallin kakap kit tai. Minlun kikhen pi ding chula kagel thei mong2 kit pon kanu kapan eiha engbol chan honin minlun kalungced na ana sang cheh2 jo e minlun kangai val jeh in kajan ka tai.
Ajingin kapan eijep na maha thoh lel pum2 in minlun mu nom jal chun school in kache in kapao jong kapao ngap pon katha jong aum pon ahi. Minlun school ahung lhunin nang deh duh a kana um amu2 a chun kakoma ahung pai in “sen ena ti ham nadam lou ham” atin kenjong “heo kadam mo ahin nang nahung phat in kadam tai e” katin kalhem lung mong kit in chomkhat set pi kakoma atou in ei ngai dan ei mu nom dan thu ho asei in lunguh in kipa nan kana dime.
Nilhah lam school kikhen in kahung kilhon honin ahile kapan kakhut eijep pih nlai tah ahin tong khan ahile nakasa valin kaeim jou pon “ade” katin kakhut chu kaki tuh den tan ahile minlun chun kakhut a avom thim khat ahin mu in “sen hoiche nakhut chu” atin kei jong kanom pon ahi le kada sasa in ka sweater ban chu ahin lip doh in a ve tan ahile mol a kijep na maha chu kihai lou ahijeh chun “sen kon najep ham kon epi nalo ham” atin keijong kalha ahung se in kakap tan ahile eilhem in ei dong2 tan kenjong “heo hepa in eini kingai hi ana jah nom lou ahi in hijong le nang kana lungced jeh a ema kana sei lou ahi e jan hi nilhah a chun kon epi ana sei pih hitam kachungin hiti hin khut alha jeng tai” katin ahile kauminlun jong kei ei lungced beh set jeh chun ei koi in ahung kap lha tai “sen keijeh nang in hichan a genthei nahin thoh hi kahin ve ngam poi e, hui mut dinga bon naki phal lou a” atin keisangin mitlhi along tam jon ahi. Keima…”heo kon epi hin sei jong le kei nang to kikhen jou po inge heo nei hin songlel hih beh o kei nang adinga hung pang jing ding kahi e” katin kalhem lung mong jo e. Hiche thu kajah sah chu aki sonlel dan le ei lungced dan a um chan injong kamu doh pai jenge keijong kalungced chom2 jenge.
Ka in kalhun phatin keijong kain a kalut tai.
Hiti chun kau minlun to genthei tah in kilungced hinkho kahin mang honin oija ho a konin jong jum na kana toh jing hone. Kei ni jong khat le khat kaki til khou to honin kaki lungced nahon adai lha chom poi.
Phat jong ahung chal2 jingin kumlhun kikhen ding kon ahi tan kalung ahel lheh jenge hinlah kum kit a kimu to ding kinem pumin in hah lheh jong le exam chai ni in kingai pum le mitlhi pumin kahung ki vai lhah hone. Christmas le Newyear jong ahung lhung tan kah lah2 in eihung vil ji in kaki pah lheh ji e. Hinlah mi mu dingin kaki mu to pi ji pon munthip khat a kana kimu to ji hone.
Aban kum ahin class 10 kahin sim tao vin kei ni jong kimu to ding kana ngah lel cheh hone. School kai pat ni in kaga kai khom honin kaki mu to hon a chun kum som kimu to lou kana bang hone.
Hiti chun kei ni kikah lah a thulam leng ana tam jong le kana kikhen deh hon pon hiche ho joh a chun kana kitil khou to jo ji hone. Kum khat lhung pi chu kahung kingai kum lhung kit hon tai.
Kum kit in metric exam kahin bol uvin Pathen lungced jalin kahung pachangin minlun jong manipur board exam top ten lah in ahung pachang kit in kana kipah lheh e chule achungin jong kinep na len tah kana nei tai.
Aban sim jom na dingin kei ni lungel a chu school khat a kai khom ding kana ti honin hinlah minlun anule apa phatsah najal in Bangalore a lekha ban sim jom dingin asei hon tan ahi. Kei jong minlun to kikhen ding chu lunghel nan kana dim in kana ngai lheh hijong le kalungced pen minlun in eina lhamon in lunglha dai lou dingin ei tem in chule kitep najong ana nei e.
Ache doh kah in ei hung vil jingin kanu kapan jong kaki lungced hon mong2 ahet hon phat achun eina phat sah honin minlun chu ahung ji teng leh kanu in acha bang2 in ana bol ji e.
Acheding nikho ahung hitan kau minlun kana ngai beh set jeh in kana ka leu jenge. Ei na lhamon nakhat chu kahung doh2 teng leh e lungtup hon e mol so ding ahitai ti a eina lhah doh ahi. Huikong sunga alut injong video call in kakihou honin “nikhat le eni hona etou hon ding ahie” atin kalung thim a chun kana kinem lheh jenge. Bangalore alhun in jong ei hin call kit in hiti chun phatche lam helou in kangai nathu ho kana sei2 jenge.
Phat ahung che2 tan kei jong aban sim jom dingin kanu kapan private school khat a eikai sah hon tai. Numei hin na jal achun eidei a ei jol a jong aki vat pon hinlah kalungced minlun jal a chun khat cha kana don se poi.
Jing kah nilhah in kalungced pen to kahung kihou jom jing honin kalung ana nom chom2 jeng ji e. Kaki hou hon phat minutes khat aki pel jong le kalung ana nom jitapoi.
August lha ahung hitan ahile hiche apat achun hou pi ahung hah tan ka call lou le kaki hou hon tapon message a kaki text hon jong le “umm” tikal val ahin sei tapon akoma kasei jong le kaboi e atin akilep jin khat vei2 egah call a ahijong le waiting in aum kit jin WhatsApp video call a ka call ji jong le another call in aum kit jin kalung anom jou ji tapon sun nilhun jan kho vah in apul chu kana dou2 jeng tai. August 15 ni a hin whatapp message khat ei hin thot in ken jong kagah sim in ahile mang a mat dinga jong kana dei lou khen na thu ahin sei tan kei jong nao ka in kakap jeng tai ema sei di jong kana he pon adon but dan jong kahe pon ka tai lou chu don but ding dan kana het lou ahi. Chujou in a status kagah ve tan ahile numei khat to ahung kilah khom nahom ahin numei nu alungced dan thu ho ahin sei chu kalungchang aki la doh abangin kaum lam cha jong kana ki het poi. Kaka nan katha achol lheh jenge hiche a pat a chun kana hou pi pon khen na thu ahin seu jong chu kadon but lou lai ahi. Eihin call ji in eihin call ji teng masang a banga kahi sah ji in ahi lou kahet kit phat teng leh mitlhi in ei na donbut ji tai message jong ei hin thot jin sim jong kana sim pih jipoi ajeh chu akidei pi nu alungced dan thu bou ahin sei ji ahi.
Kei jong apul kadou chim val tan kaka jong kachim val tan nikhat hi message kathot in hitin kathot tai “heo hinkho a dinga kana kinep pi nahi in hilah nalungdei bang kana hi jou lou phat in eba kalo di ham hung vang pha hon tan ti tai lou lhah na ding thil peh kahin nei jou poi e” katin kathot in kathot jou2 in ka block in phone no jong ka block in la delete pai2 jeng tai. Kapi2 jong leng akan na lou kati in hah lheh jong le kana kitim jou nah2 e. Tuni chanin india te independent day muni 15 August alhin nikho leh athah beh in ei gel soh sah ji nalai e.
Hethangboi kalungced masat pen a kahinkho man dan kahin sut hi kagenthei na ejat hamkhat jong kahinsun tha thei poi e. Heo lungced masat vang amil hah e na.
Tia message sao tah hung kisun a hung kithot kasim chai2 achun kei chan dinga kagah kingai to in ahile kapo na lheh jenge. Hinlah sennu joh kale lhamon nin.
Tunilhah adin hichan hin ana chai kit ute part 3 hin sim doh ho jouse chunga kipa thu kahin sei kit e. Typing mistake jong hung tam lheh jeng in te nei na ngaithem deh vin kahung tao kit e. Kaki pah e.
