Thilha thusim chomcha kichatna theivang ahipoihinlah atah akato ahijeh akahin jih ahi.
story by: NINGTHEM
2003 kumma kathil to lah a khat thusim tah ahi.
Sumleh pai holna ding Lampi aumsun leh mijousen ahin ngaikhoh leh ngaisang jingchu Kani Lei bol hi ahin, Keiho gamsung leiset ahoijou lou jih chun migam leiset kani lei kabol in ahi.
2000 kumsung akonchun Kani ahoilheh ahin….vangphat in kani lei kabol chu kahalah lheh jengin ahi.
Hiche kalou to lang ahin tuikul kiti leh tui kivei na khat aum in hichi tui kivei chu chuhlai hihen lang phalbi lai hijong leh hiche tui kivei chu a kang theiji pon ahung londoh na jong kihe lou niseh in tui chu aki veina a kon chun alonglha jin kan tih aneiji pon ahi le keiho dingchun tuineh anom lheh jeng in ahi.
Hitichun kumni kahin bol taovin hiche kalou munchu kumkit in da lhah ding kati le kalou chu kani nai ahoijin tuineh ema anup jeh chun ka da lhah kit got vang chun aleiset ka it kit in kalou kani ma anai ahoijin mi lou lhou dangho sang in keija chu agop lha hah in anai aum jing jeh chun keiho jong kageh un inlang kamoh chisuh theipou vin ahi hapta (1week) ho ahung hi phat chun ka ni jong anai alhom tan kachang a kabuipi theikham ahi phat in kage pi jouse chu inlang a din kasol suh tan ahi hichun kachang in kahung geh tan hapta khat lhin di kon ahin……nikhat ka ni ka att chu suntou kaki chol lin cha (tea)kaki om in buh sung a kaki chol tan ahile kalal jih chun kagah emut leh kana emu lha pai2 ngallin khangphei kido na chung a chun kana emu lha tan ahile kalouto lang a kon ahin pasal pa cha nihi ponchun ahin kipoh lhon in kalou buh langchu ahin jottou lhon chu keijong kamu in hinlah kaki tho a vetding kati le kaki thou thei pon kalu seh2 chu ama ni hungtouna lng a chun kaluchu kahei lha in kave tan ahile ama ni jong laltah haija haipum in buh kom chan chu ahung lhung lhontan hichun mipa chu buhsung a ahung lut in keijong kakitho got le katha aum thei pon amapa umchan bouchu kave le2 thotan ahile kalup na komma chun atou in upa pa chun kajah in hiti hin ahin seitan tupa tunni a kipat kumkhat ta bang kholjin ding kahi tai atin chomkhat (20 Second) ho tabang atou nalai in hijou chun ama pa jong ahung kipat doh in tupa kachite ana damsel2 tan eiti in achapa jah in chita hite atin akipat doh lhon in achi lhon tan keijong kalup na a kon in achina lhon chu kagal vet tho in ama ni jong kalou alep lha lhon tan ahile hichun leijong kalup na chung a kon in kahung king khang in kamang ding a la atah2 bang a kamu kit in atah2 a ding a jong kahung kin khah tho ahi kit jeh in kichat toh lungdon nan kadim tan ahi.
Hiche hapta sung chu loubuh geh lhung ta lou in inlang kache suh tan ahile sunday nikho ahung lhungtan sun pate kaikhom kikhen a hin kakho sung uva ahan pen ateh penpa kamu in kenjong ngamsung tah in hepu thilkhat kasei nomme kasei thei dingham katile henge epi ham nalunggel chu seijin atiphat chun keijong kathil to jouse chu kasei pih tan ahi.
Aman jong hiti hin eihin donbut in chapa mihem a namu teni chu mihem limma nahung kimu sah pa lhon ahi amani chu nalou to a chengte ni pacha ahi lhonne amani chu mipha ahi lhonne apot lhon chu etih le hung lhung lhondi aki sei thei poi ahin ti tan keijong in kalhun in kaki gellin ahile kalou to a tui hung kondoh na kihe lou beitih kantih phat neilou chu ama ni pacha achen jih a kantih beitih aneilou ahi chu kahin he tan keijong kumkit in gamthah munchom kavat in ahi le hichi kalou chul chu kaloipa hin ken kibol tange ati jih in kapi in aman aki vat in ahinla louto a tui kivei vang chu akang tan tui nehna ahahsa lheh tan chuleh lou leiset jong kumdang bang in ahoijou ta pon ahi.
BEITA
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
