~Story By
Nick Hangshing ~
1939 kum in khokhat aum in hiche kho achun inn 7-8 ham bou ana um in ahi, chuleh hiche kho ahin chapang kum 14 bep khat jonghi ana um in ahi, hichi chapang chu anun ana thisan tan apa toh genthei tah in hinkho ahinmang hon in ahi. Amani hin loii khat anei hun in chapang pan jong apa kithopi toh loi chin chu akop ji in ahi. Nikhat he apatoh na atong hun in, nisa lhum masang hin apa chun “boi nang ana chetan loi chu anavah gamlha get inte, chenlang inlang in anakai pheitan” tin ahin soltan ahi. Hichun chapang pa jong loi chu gakai ding tin loi um nalang chu ajontan ahileh loi chu alhatna a um talouvin anavah vahmang tan ahi. Hichun chapang pajong alung gim lheh jeng tan ahi. Alang khat a nisa la lhumdi kigota, aloii la mutalou, hiphat chun aloii vana akeng khonung hochu ajuitan ahi, ajui² jeng in ahileh komsung khat ahin aga juilut tan ahi, chuleh hichi kom sung lah chu si lah ngen tobang ahin ahi.
Hichi pet chun amajong a æh ahung soh in chapang ngol thet thut nalai ahijeh chun ima helouvin hilai si lah mun achun a eh athatan ahi, ahin thah jouchun ama jong aloii hol ding in aki pat doh kit tan ahi, amajong ache che jengin ahileh amajong ahung gam mangtan, mun agaphah naho chu achi khah namun ahilou jeh chun amajong, aban chibe num talou in a innlang kile di ati tan ahi, kile ding ati laitah in ama jong aki gel2 leh a loihol na a hichen gam hin kipha ta a! Atin innlang kile talou in aloii hol chun akipat doh kit in ahinlah amudeh tapon ahi, nisa la lhumta ngengchal tejong ham panta,ju le va jeng jong thip gam ta, ahin amajong ahung phei² in ahile munkhat nahin lampi 2 amun jetlang lampi chu akhulbet in veilang lampi chu anom in lampi ning chin² achun pahcha lingnei ho khu akigol pheipeh in ahi. Amanjong veilang lampi lang achun achephei pehtan ahileh lamkim don aphah hin injoa a æh thah nalang akon chun mi khat he alhangpi kithing leovin ahung kisen in ahileh amajong chomkhat ading den in “koi hija e p dia kisen ahidi o? atin alungdong lheh tan ahi.
Hichun kho la a jing ta, ahivang a lha avah jeh chun amajong olmo lou in a loii chu ahin holpan kit tan ahileh, hichi pet tah chun aman jong mi husa ahinjan amanjong gamleng ho ahisah in emagel lou olmo tah in aum kit in ahi, achi2 in ahileh ache na lampi chu ana kiting in lampi chu akhul toh chenadi aum tapon ahi, (lhavah akon achun aum naho chu avet le2 leh thingphung len jong atam lheh in chuleh joumao jong atam lheh in ahi)
hichi phat chun amajong ahung lunggim lheh jengtan ahi, alangkhat a aloii muloutoh, agil kil toh, adang chahtoh ahileh amajong atha jong um talou in ngui chet in toulhah d atileh, akom achun song ahung kisep in amajong lung dongtah achun adah lele in ahile, hichi pet tah chun song ahung kisep phakit in ahileh hichi song chun anah akhahpih in athi tang louvin alongtan ahi, hichun amajong na asah val jehin “Koi chapagap ham,,,?” tin ahung kisen jah jeng tan ahileh soung kise chu amasa a sang in ahung khohse cheh tan ahi.
Hichi phat chun amanjong hiche he adih thei tapoi atin amun chu dalhah loichel ding atin ahung jam tho tan ahile thingchung a konchun minui gin ajan hinlah donse louvin ahung thijam tan ahileh anunglang a kon chun mol khat ahung kipei kitnin ahileh amajong akichat valbehset phatchun ama jong akithing leo tan ahi. Akichat wal jeh chun ama jong jam d ati a ahung lhai le lhaibut talou in aum na achun adingden tan ahileh anung lang a pat chun mi husa le mi hung lhai gin ajah phat chun amajong lel le chol, gilkil dangchah hochu haimil leovin ahung jamthei chan in ahung jam tan ahi, amajong ahung jam² le mukhat ahin alel valbehset jeh in alhu den in athi mil leo jengtan ahi, chomkhat jou in ahung kingkhang in chiphat chun amajong lelsa sa chun atou in gilkel dangchah, le nat thoh lel ho jeh chun ana imu lhutan ahi, a jaan mangchun tehse khat adehpang a amit ahtui tep khat a aum khat he akom in ahung in “Tunia i p dia nang hin ka bubel chunga a æh nathah ham katha lih d nahe?”atin hichi tehse thilha nuchun ahin pet gon ahileh ㅡ ahung king khang in hichun amajong aki gel gel in kabol khel aumtai atin ahi.
Hichun amang jong inlang thi del in ahin deltan ahileh lampi mukhat lai ahin ipi hamkhat in thil ana nepoh lah² gin ajan ama jong kichasa san guhthim in aga velhin in ahileh athilmu chu avom let lut jeng in ahi, ahin athilmu chu amu chentheipon (lha avah vang chun hiche vom letlut, chu asal vahjoupon ahi), hiche a chat² kom veljeng jong chu athim jeng in ahi hichun ama jong amit amal thethu jeng in hita chun mit phelouvin lungdong tah achun aveven ahileh hichu gancha keng 4 nei ahi ahin mudoh in amanjong ol ol in anai in agaven ahile hichu a loi u chu anahin, amajong kipana lounlhi chu thonguo bang in ajutan ahi, hichun amajong kipahtah in loi chu hinki kaidi atin anah khao chu agah tuh in ahin kaigo in ahile loichu anompon, agah kiheiya agah vetleh loi chun mit tol letlut chun ahin ven amanjong
“Napu nahet lou ham loi ngol ?” tin anah khao chun namphu chun ahin kaitan ahi hichun mun saopi ahin phah jouhon in loichu amit asan cheh²in ahatu ahung sao cheh² in akeng achun tin saotah ahung dondoh in jaan ma asot cheh² jeh chun chomkhat jou hinloichu mukhat ahin ahung dingden in ahileh chapang pa jong “ti-ti-re” atin agah kinung heiyin ahileh loichun aw pi deu khun ahung ham in amit san toh, tol let lut chun ahin ngih tan hichi phat chun chapang pa chu akam ka liuvin, chat louvin
athimil in alhudentan ahi, jingpi matah ahin akhomite le apa chun ahung mudoh uvin
(aumdan chu apa le akhomi pasal aum sunsun mi 7 velbep hin jaan nui a patna chu ana holpan u hidan ahe
jingkah lang a agamudoh u ahin chule a loi u atah pa chu insah te loi to kivop a nilhah lang a aneipan aloi agakai le khonah lang a uma ahin kaitha pih ahe)
Hichun chapang pa chu ahin pouvin, amaho kho gal jep a chu khokhat um ahin hiche a chun doithem tah khat aum in hiche pa chu akou uvin avetsah uvin ahileh apakom a chun tuni lhah jaan khang kim leh ahchal khat ponlang hilai lhumlam mol nuilang akhun chesuh suh lechun si lah khat um intin hilai a chu hiche ahchal nachoi chu alol hintan inlang hiche athi tol a um chu leitoh themkhat hinchoi than atin
chapang pa apa jong jaan in akigo in doithempu seima bang chun ahinbol in ahcha thi le alei themkhat ahinchoiyin doithempu chu apen ahile hita chun chapang pa chu ahung king khang tan hakap in akap in “hepa tukal loi kachin kit loudi te” ahiti hiche phat chun apanjong ajol in an le tui donlou ahijeh chun ahcha khat ma chu athat kitnin ahun nin aneh sah in ahileh chapang pa chun bu le me chubang a tam mi 5-6 in aneh khopset di pichu achang a akhet chai kei ahe kha³
(Hichen chu ahe, kenjong khut kham liuva hichen kahin type, nang ho jong muh kham liuva nasim u kakipah e)
.
~Beita~
.
Hichi story hi E member ho khat in ahin sun in, post ding ati leh 500 words kal kipost thei lou ahijeh a ama thalheng a kei eihin post sah ahi. Ahin sunpan jong ngaitah a eihin sut p thei jeh in kipa p aum e.
