Home Joel Kipgen LHOMI NUNGAHNU THUSIM

LHOMI NUNGAHNU THUSIM

11
0
LHOMI NUNGAHNU THUSIM
LHOMI NUNGAHNU THUSIM

GOLLUI THUSIM ATAH BEH

A tradegies from:
DM. JoelKipgen
Editor, Ahsisomleng.

Athusim akipatna chu Gollhang mi kidei tel tah khat hi ana umin ahi. Hiche lai chu LHOMI hat kisei khoh laitah ana hijeh chun, Gollhangpan ajiding mitheng ana hol jinge.
Aman adei chu Doi choite le kao chule Lhomite hilou ding, amavang mithengte hijo ding ti hi ana deijin, hijeh chun akho tin ana chon in nungah mitheng ana hol le len ahi.

Kho khat agavahluttan ahi le Nungah gol te lah a aga maljin khatai.

Maljin kahi bouve ti gel doh louvin mipa chutoh akihouvin kei nungah vea hung kahi’kin kadei hi tulai in Kaose/Lhomi ect ho atam tan, hijeh chun nungah mithengte kadeije atin ahi.

Apaovin adon but paijin Keiho mithengte kahiuve chanu nungah li ka neijin nadei pen pen nape nange atitai.

Gollhangpan jong nungah ho chu aven ahile alai lahnu chu adei tan, ahin kipui tan ahi.

Chutia nungahnu chutoh akichen lhon le Gollhangpa inna chun a-in’uva aneh tobang anneh chu ane kha tapoi. An neh tuidon akikheh behseh phat in nikhat hi numeinu akinat lhem sah tan,

An ne lou/twidon louvin nikho pha bep ahung chuti um tan ahile ajipa alung dong in Doctor, Thempu, themkao tampi akouvin ajensah in ahi. Hijongle adam deh pon akhohse cheh to abang e.

Chuphat chun numeinun kahitisot le kathi paiding ahitai hijeh chun kanu koma chen lang lou/damdoi gala tan tin ajing’jingkal lamah asol tan ahi.

Pasalpa jong numeite in lama achen ahile vaihamset lamin inn chu aga lhungtan ahi.

Numeinu – anu jah a achanu natdan thuho aseijin, ijakai akihoulim jou lhon chun anu chu ahung kipat doh jap in nahungvai gei deu tah hi’O hijongle neina ngahphot in tin nupinu chu lou lhang lam jonin alhai toutan ahi.

Vaihamset ahiphat chun mi louvai ana kon doh gam tan hijongle Nupi gai hamset khat chu adelphah nah nah in ahi.

Aman jong akhel tan in thingphung on khat chungah nupi gai nu chu ana ngah tan, hiche a chu atin, aha, ajem ajet le lho asoh tan ahi.

Nupi gainu ahung nai phat chun achomin atuhkhuh asam thigui apettan in vakom lama chun akai suh tan ahi.

Vachakom sungah agai akhe doh in ahile Naosen lha 6, chu akhedoh e. Chuphat in ama chu mihem ale sodoh kit tan ahi.
Gothei asemin chuchi theibong sunga chun naosen sandeldul chule thisan chutoh akhum than asinna asemin asin khumin, inlamah ahin choisuh tan ahi.

Inn aga lhun le gollhangpan nupinu chu aven ahi’ nupinu maidung chule ane, atahsa chung dunga chun thisan mat deldul chu amu pai jen e.
Alungthim sungah itia ….atin ahi.

Hijongle athipbeh kittai. Nupinu chun aseijin “Hiche lou hi choi in lang lampia vang nahon doh lou beh ding ahi, akhuti loule damlou ding ahi'” tin agah chah e.

Chujou chun Pasal pa chu theibonga thil chu ahin choijin inlam jonin ahungtai. Lampia aman jong “iti vetthei lou damdoi eikichoi sah ham?” tin ahong in ave tan ahile thilchu amutan ahi.

Akhasu nap nap in hey… ka ingap a kahi, ahiloubeh khat hi ta hila…. ati.
Hijongle akipat doh kit ngal in achoijin in alhun phat in ajinu chu apen “hijo na lou kahin polhung tai” ipi lou ki’sem ahijong kahin ve man poi atijou chun “keima lou langa gache inge” tin ajinu chu ada lhatan ahi.
Lou mol a aga tuhsan, gangtah in ahung kum suh loi in guhthim chan ajinu umchan chu ave tan ahi.

Numeinu chu nuiseuvin khangbel alan theibong chu ahong in khangbel sunga chu agahsun lhah le Naosen thisan, naisan, sandeldol chu ahung kitang lhan chuin mei akiti in ahin kang gepselsul jeng tan khulah lah in adomlhan ane jah jah in, ange jaljal jeng tan ahi.
Aman aseijin,
“ahin popa jong chu um hen lang kineh tha le tuilheh jeng ding hija hi me … atin adammo mel him him aputa pon ahi.

Chutia avetlhih jou chun ache doh in atuchapa, abepa le a-upa kom ajon tan ama ho chu thil umdan asei peh in ajing’jingkal lam le lou langa chedin aum tauve.

AJING’JINGKAH IN

Abepa, a-upa, atuchapa chutoh lou lamin ache tauvin pasalpan ajinu jah a “keihon kem kana do diu ahin vaile nang man bu nahin poh a na hung ding ahi” tin achetai.

Lou alhun phat un ama ho chun Lho tha na ding kem ado’uvin ahi.
Vaijin ajinu chu lou aga lhung tan, ajinu koma chun hiche kemdo kasem u hi lho in asoh phadem tin adong uve.

Amanun aseijin “Lho ahachop le aphahna laiding ahi atipeh uve”
Chuphat in asa phakit uvin adong kit tauve.
Numeinun, tuvang chu phatante aha chop le alenkhup ding a-olchop le aphahlel ding ahitai atile ama hon jong anga tauvin ahi.

Man chah thalpi, chemjam, tengcha aki choi doh un atou vun numeinu-lhominu chu achou pan tauve.

Numeinun, hunguvo an hung kineh un tin akou un ahile
Ama hon adon but un, “Hingne nu, selnenu an hon kaneh nom pouve atiuvin ahi, hinla numeinu chun Tot dehduh hihuvo hung kineh un tin kamdamsel in ahoupi e.

Hijongle ama hon asei kit un Lhominu An hon kaneh nom pouve hung in nahat le atitiuvin ahile ama jong alunghang tan atah natiu ham? ahintitan ahi.

Amahon henge ibol jou kisei ding ham? lhominu nahet em? hung tang atikit leuve.

Chuphat in Lhominu chun ajun ahin than tol ahin khot in ajem ahin je doh in, ahung ki tumlutlut jeng tan ahi.

Akitum gin chu vakom akithong lahlah jeng in, juleva ho akichauvin aleng lah lahlah jeng uvin ahi.

Khatvei pan san achomin ama ho chu amai pan tan ahile thalpia akap cheh tauve. Hinla khat chan akha pouve hiti chun lho jong chu ahang cheh cheh jeng tan ama ho chu attack abol non non jengtai.

Ajonan abe pa in athalpi aloi hamset in alhapil in ahile adip phenga achun akisai pol pol in athidoh tan ahi.

Chutia Lho chu athi phat chun inlamah ahung un khomi ho koma lho kakap uve atiu le khomite chu lho po ding ache tauvin ahi.

Pasalpa inna chun Lho chu alhut un kong (Cofin) pha tah in ato uvin alupsah un pon akhu den tauvin ahi.

Chuin numeinu inkote akou un ama ho jong ahung tauve.

Khomi hon jong a-op un ahi. Chutia anu le apa asopite ho ahung lhun uchun alupna kong chu atuh un akap un, apeng jeng tauvin ahi.

Pasal pa chun uichal chingtah khat anei ahin uichal meibul a khao akhit in khaomang lang khat chu Pon chutoh akhi than phatante ati phat in auichal chu agah kou doh le uichal chun pon chu ahin kaidoh tan, chutah chun Lho chu ana kijam dedu jeng tai.

Chutah chun, Anu le apa asopite chun kading le kalou ding asaimo hel jeng tauvin ajum u toh aja chat utoh vetna ding ahe ta pouve.

Chupettah chu Haosapu ahung kipat in ainsung mite jah a “na lho long uhi kiput doh un lang alona je khat in bol tauvin ati. Keiho nei peh doh uleh gamsa sa hang ahijeh in alol katan diu alu khomolla katah diu ahitai atipeh in ahi.
Akichaitai


Gollhangpan alungthimah ama le ama aki houlimin “Kaki dei tel behseh jeh a kachan dia lombep hi kachan ahitai ati.”

Moral: Mihem hi numei hile pasal hile koi hijongle mi kideitel hon dei’ang akoi thei poi.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleLEISET NOP MANG JONGLEH CHRISTA KANEIYE
Next articleKEIJONG NEI PUIYIN HE-U

LEAVE A REPLY

Please enter your comment!
Please enter your name here