Keidia lungjin um
Love Story)
Writer: S,Lien
Arrange: Naocy Haokip
Lhakhat lhani hitia chu kipah tah a kaum jing laiyun Nikhat hi number hetlou khat ah che message hi ahung lut tan ahi.
(Part-IV)
“Sopi, Hoineu khu toh na ki ngai lhon ham? 😡”
Chebou chu kijih khat ahung lut in,
gah donbut kit ding dan chu aboium lheh tan ahi, ajeh chu Hoineovin chalak a kalungthim avet na ahidem, ahilou leh Ka Pute chapa ati pachu ahidem kihe talou, ka number nei di chu Hoineo leh Chochoi bou hidi ahin, koi joh kom a alah doh ham jong gel jep ngaikit,
Chochoi ka call le anaute khat in ahin lan, Ka U Choi joulei lang a che intin network a umlou jeh a a phone a dalhah ahi ahin ti kit tai, Hoineu ka Msg. kit leh delever kit lou, aipi chu ahi hih e, katin Henge kaki ngai lhone, ipi ta ham Bro, tibou a kagah le kit leh, chomlou kah in a typing kamu ngal jeng in, asot thim phat chun thukhat vang chu kija di ahi katin ka ngah tan ahi.
Ahung lut phat in hiti hin ahung kijih in,
“Hoineu chu ka tunu ahi’n ka thu thu ahi, a khutmuh jong toilouva nomsa tah a navah jou di hinam, kigel in, nahin genthei sah pou pou leh nomtuol na chot loudi ahi kihet in, hoilang mi jummo, jalam helou jong nahi a, kaki ngai uve pou nahin tiham, kei koi kahim, ahin ti chu ka dip in tungtung ati jengtan ka lungchang chu asa doh leu jeng in, kin tah a Hoineo ka call leh, The number you have call is currently switch off, hung kiti nalai ,ash!! tilou seiding dang umtalou pasal cheh cheh chehi a na sim o, katin kenjong kahin jih tai😡
Nang koi nahi nakihet lou leh ken iti kahin het diham Sory !!
Hoineovin ka pu thu thu kahi ana tilou jeh in kilungset hinkho chu kana mang lhon tai akhoh lheh e,
Ken kagenthei leh eigenthei pi di nom kasah jongleh ei nopsahpi di kati ahi bouve, akhutmuh jong toi louva vah di pichu aman jong nom asah di hinam, umkhop val louding hamo tin chapou tah in kajih in kasend tai…..
Ka message chu ave’n hijong leh eidon but kit tapoi, ipi lung agel ahi dem, eikichat ham, ahilou leh guhthim a ei attack got ham ti ka lunggel’ah a um kitan a ipi chu hileh Hoineo toh kihou masat hung ngai tan ahi, Hiti a hapta khat lang lunggap nadi neilouva ka umjing laichun, nilhah khat hi Chochoi jin eihin call tai,
….A chena lang thu asei in…. Neina call e atiu aleh ipi thu ham U Lun, atin, ol-in sei nate, Hoineo phone iti ham switchoff in a um in kati leh, Oo aphone a ki mansah chu nahet loulai ham, ahin tin ,Ash!! chuti chuba hiveh ta, kahoupi nom e ajou leh Missed call eihin bol o namu phat leh kati leh Henge, henge, a hileh o, atin aphone athat tai, ka nga nga vang chun call ahung ta pon Tv vet kom chun ka ngah ngah tan, ka phone kagah vet leh 2 missed call ana um tan,(ka phone silent) ka mu mu chun ka lhai doh in inn maiyah ka call leh ahin la’n, Hoineo ka gah ti paijeng leh, O pienge2, hin Hoi, na bosspa atin apetai,
Kei
HOINEO THU KHAT KASEI NOM CHU O,
Hoineo
Ipi ham He-ULun, SEI THO LENG NA TAHSAN LOU MAI THEI AHIN, CHE MESSAGE HI ANA VE PHOT O katin a pu thusei ho chu ka forward in ahi,
Heo ka gingcha lel hihbeh e tulah khu ei khuti chinsal jeng intin ka nule pa toh kitho uva ama jong hangsan cheh cheh, na number jong chu Chochoi aga nokhum a alah ahi, kei kom a athum a kapeh lou phat a Jaan khat chu ka nu leh kapan eidoh uva kenjong imacha im louva kasei doh jeng ahi,……..
Henu leh Hepa thil dang ah na thu u ka nel khapoi Ka neo laija kon a na thu u juilou khah ding ka kichat pen ahin, jui jong ka jui thou nai, hijong leh na chanu u hi neilungset uleh tuchung a nathu seiju hi hin nel jongleng ei oimo dajeng uvin 🙏 ka lungset lou toh kichen divang ka gel thei him him poi Ken damsunga dinga kilungset pi kanei ahitan Chung Pathen leh chung chollha masang a kitep na jong kanei lhon ahitai, Hithei mong mong ponte na tiu levang chu nangni thu chu iti da jong leng kaman mai ngai di ahin, vangset na kanei jong leh nathoh them maiju ngai di ahi, ti a chu kap kom a kasei leh ka Nu’n, ama inko te ahi jeh chun (eideisah pau chu) nom mo asa thimin ima asei nom ta pon, Ka Pa pichu,Thainelou min ati uleh kana jada thimin che nilhah vang chun kenjong kiti leh kanom jeng e 😂 Ka Nu lunghol na chun Hithei hih veh ta Na pu Mang tilou koi madang toh na kichen theilou beh di hichu, nahin sei kit leh na ngeiphe kabeh di ahi, eihin tin, keijong ima sei talouvin chapang kaa in kakap lha jeng tan ahi, Heo, chuti dinmun chu ahitan pasal nei chu kanop nailou ahin hijong leh alou theilou ahitah jeh in jing nilhah mama leh eipui din hung kigo tan, nahung lou levang na chung a ka lhase val di ahi, chance dang jong umkit tapon tin, ikitep na jouse chu athon hidi ahitai, Ven Heo jing nilhah khu *LHALIH JAN* jong ahi ahin ti tai.
Kei
EISONG LEL HIH IN BOI KAHUNG TEI DI AHI, HOI LAIJA IKI SUHTO DIUHAM ? kagah ti laitah in Chochoi, (aphone neinu) chu a dongma pan a Sepai pan na akon a ahin call, network um na mun a chomcha hungdoh a, lhakhat lang kihou talou u ahidan ahin seijin, Chochoi pe phot hite U u…..Khoto ah o? atin call atan tai…….
_To be continue Next Episode_
