Keidia lungjin um
Love Story
Writer: S.Lien
Arrange: Naocy Haokip
(Part-III)
Insung kaga lut leh naosen chu a ti ahasat thimin damdoi hol a kaki mai leh paracetamol chang ni ka maidoh in chang keh khat twi toh ka hal nang deh in ka don sah leh atisa ahung daiyin, anu cha lhonin a ihmu pangdel kit tauvin ahi,
Kanao tisat ahung phat leh kalungthim ahung nomdom tan 11pm ahitan keijong kalum tai,
Keichu ka ih-mu thei jeng pon lupna chung akon a window parda ongkah a Lhavah chu kavet leh ahoiyin lunghel hel a um in phatchesa kalunggel ho, ajouva inmaiya katouva kalung mit’a ka namu, ka na Lungset Hoineo toh kakhankho lui ho chu amang theipon Ka ji leh kacha ka koma lungmong sel a ih-muva, chete ni toh ka hung khosah didan hou gel tah sanga, ka chanjou lou khat jehchun ih-mu mo hel chun ka um kit tan ahi,
……..U Lun, milung theng nahi kahen kenjong, kasei nom dana seijo talouvin nang bangin frank tah in hinsei jo tange,
Keihi, ka Pu te khat toh kanu leh kapan ei deisah u ahin, ama jeh a chu kaki Ngaipi pa jong akisonglel ham eihin khen tai, eideisah pau chu (adihtah, nang kom ah seidoh jeng inge,) kham nathei juleh sa jong ne ahin, che jeh a chu kanop lou ahi, ka dongma pa kom a vang kaseidoh lou ahi, aman eihin khen phat in pona lheh jongleng, khohsa lou banga kaum ahi ajeh chu, mi ei deiya um mana lungneu jeng chu damsung a pasal a neidin vang kasong jou himhim pon, apet chun ka pona thim in, tunvang iman kagel tapoi, pasal hopi hi katahsan jong um talou hichu o ,, 🤣🤣 post vang chu a onpet tah hija,, ahintin eihin dai tit tet in, ahung nui leh abeng teni neucha gel a kuoh in a mit angat siuseu vin aha kehthop ahung doh chu akilom dan dan chu,,,
kipom henlang a beng chu kipet leh thanop nop a um jeng in ahi,
Seidi jong kihe jeng talou, imasei lou je la umkit lou amel hoi kisa val val, kamoh nervous jeng tan, chelaitah chun Chochoi dukan che chu ahung in,,, Nasei chai loulai uham ahinti leh, Hoineovin, nahungvah na e, ipi kisei chai mandi ham, ULunin bon ima seidoh loulaiya 🤣🤣 ahinti leh Chochoi in, moh seidoh jeng hih veh ta, keikom a aseileh seithem kei intin, angai tah kom a ima seingamlou di ahichu ka he mama e, ahin ti leh ka lung ahung mong dom in ahi, chephat chun keijong kahung ki sa pha’n ka lol kahin khong thengsel in, hitihin kahin sei tai,
A dih chet ahi, Chochoi seichu, Hoineu kahin lungset val jeh a kalung got bang kasei doh theilou ahi chu nang injong ka umchan akon in jong hetan nate, Neo kalungset na hi neisan peh levang, che kalval a kaki pa nadi chu masangin jong kana neikhapon tuban lejong umdeh tapon te, nei sanpeh thei loudi le vang chu mitlhi pumin kile kit ingting kadam lai se’n nang puldou nan hinkho mang maitange tichu nah nah in kahin seidoh in ahileh, moltah a kasei ahivang chun alungthim tongkha thou dan ahi, ka muh eihin sip peh in, hitin ahin seitai ,
ULun,hiti chun pasal in thu akisei ngaipoi 😂😂
Nal tah a thu tamtah kisei sangin molchakhat a lhomcha nasei chun ka lungsung a tongkha lheh e He U, Hichan a nakipa na di chu keiya kona namu thei di ahileh, ibola kahin thaset sah dihamo, ahin la mihem hi isei dan dan a ki umjing theilou ahi’n hiti a chu nei lungset tah tah ahi leh, na kinepna sang a sangjon kahin sanpeh e, ven *Lhalih jan a chollha khu* chung Pathen sem ahin asempa Pathen kom leh chollha khu eihet pi din na kitep ngam di hinam? ahin tin, keiman Ka kitep ngam ngei hih diham, katin Chochoi kagah vet leh itih kah a ana pot ham ka mupon,
chephat chun,hit’n ka hung kitem tauvin ahi
Kei Jangmlinlun leh kei Nengneihoi kilung set na hi thina louvin koiman eikhen dahen, keini jong damsung a Kilungset na khaogui in eikankhom jing ding in kaki tem lhone……tin kitep na dang jong kabol lhonin che a kon chun kilungset na hinkho chu kahin mang pan lhontan ahi,
Lhakhat lhani hiti a chu kipah tah a ka um jing laiyun, nilhah khat hi number hetlou khat ah hiche message hi ahung lut tan ahi……..
_To be continue Next Episode_
