Keidia Lungjin um
(Love Story)
Writer: S.Lien
Arrange: Naocy Haokip
(Part-I)
Thangcha Khongsai in Lhalihjan keidia kana jan, tila la asah chu kangai ji phatleh, ka khankho lui kagel doh ji in, hetmanlouvin lhonlhin eichup jitai,😠abang komleh kalunggel’ah, Lhalih jan hi mi tamtah in kipana jan a aman jiu ahin ipi dia ke’n lunghel, lungjin um jan a kaman ding a Chung Pathen in ei gonpeh ham tiho pou kagel ji in,
Oo!! Lhapi khu Niel Amstrong minthan nadia kisem ahi pon, Lhalih jan jong hi kei genthei nadia gotsa ahipoi, keijoh in kagenthei nading jan a kaki lhen ahijoi, ti kahin geldoh ta’n, Pathen kom’ah ngaidam kathum tan ahi.
2016 kum chun gollhang pilhing kum 26 kahi tai, kaloi hon ei jinei san gam tauvin, keijong kahung thomhau thim tan ahi,
Keihi nungah jol themlou aguh a mingai joh ka themin ahi😂
Kum lhunin December lha chun Kho khat’ah khoppi in ka cheuvin ka lhun na achun Lamka lang Nungah khat toh mi 5 kaga lhung khom uvin,
Che nungah nuchu amin Kimneo ahi amel put dan chu, amitcheng umlou mi ngou beh lou vom jong vom kitlou ahunbep 🤣 hokhu ahi asam asau thim in milen vang ahipoi, adin chu 5,2inches vel ahin anuileh abeng teni neucha gel akuoh in, amit jetlang noi ah thilha melchih kitiham avom neucha khat aum in a hatu bantah a a uiha khu akehtho in, chenu kahin mudoh chu ipi ti sei diham, ka thajung si hochu a kithing silsel jeng in, ka um chu anom selsul jeng tan khompi chu lhakhat beh kimang leh ka nom jeng tan ahi,
Ama loinu chu ka lhunna inn lhang uvah alhung in ka hetkhah mi ana hi kit in amin chu Chochoi ahi,
Ka bol theipen, imajong seidoh jeng ngam louva aguh a mingai chu kahin bol pan tai.
