Home Lahkhom Naocy Haokip LHALAM CHOLLHANU-III

LHALAM CHOLLHANU-III

114
0
LHALAM CHOLLHANU
LHALAM CHOLLHANU

(Love Story)

Written By:- Writer: S.Lien
Arrange: Naocy Haokip

Nilhah ahi phat’in Sharon’in eihin call ding chu ka ngah-in, kinepna thahbeh khat chu kanei tan, ingaipen til’a en i call lebon pick nom ji behseh lou khat’in ka hin call di ahi ati nga chu anom thouve, call ngah chun inchung lang varanda a chun ka tou tan ahi, chom khat set ka-nga nunga jong, call mong mong ahunglou phat’in, ka lungdong thim tan ka Phone screen chu ka ve ve jengin Hijongleh Whatsapp group news tilou muding dang aumpoi,

Gah call masat hel ding chula hincall nange ati leh kanom jep kit pon, ama sangin aloinu Chongboi chu call a dohdi katin ka call leh a pick pon veithum ka call nan ahin pick in,

Keima : Ama hinsei jong ngah louvin, Hello Chongboi, kagah ti leh.

Cb: Pithu hita UMangboi, neihin call vanglah-in, kipa aume tidingham oleh akidange ti diham, ahin tin,

Mi mittam kahin, Chongboi jong kana dai dai jia eingai phat’a ka nungdon kit lou ahi chu ka geldoh chet’in,

Ehem !! Ki houkhah louna sot thim ta aleh …..

Cb: Oo, chomkhat gah kihou kitdi nati hamo.kihou thei hichula enla nang ho hin ki call ngamlouva, ati laitah chun, ka ngahlel mama Sharon in ei hin call tai,

Kei; Chongboi Kanun eihin call in gah pick tadinge o, kati leh.

Nuija thim tobang khun, Oo, Nanun na? ahinti leh ama aw hilou a kom a mi um hileh kilom khat’in chiiit ati dandeu kagah jan, koi hamo nakoma umchu kagah tileh,

Cb. Na lungthima um chu seihih-o, Nanu chu kihoupi loiyin atin call acut tai.

Kagah pick leh a ring chechai toh kitoh chet kit, ka callback leh Busy ei hin call kit hinte tia kangah leh a hung tahbeh-in ka gah pick in,

Hello Sharon, Janpha, nang ngah na a twikang ngah kabah jeng ahitai, ken hin call di kati leh hin call inge nati jeh a chu…,

Sharon: Oh ! Kiphatlam sah a Umangboi kana boijeh a ka na geijep dan ahitai,.. Chiiit.. ahung kiti kit’in, Ipi hamo chiiit..?? kati leh

Oo haha najah hamo, koima koma naseidoh loudi kati got leh, chechu kana ti khah dan hi chu o

Umangboi, amasa a kahin senom chu lungset tah a ka thumna neisanpeh dinga ka hung tao masat ahi o.

Masanga kon chun kei imacha hilouva lhinglel pen hijongleng, ka koma, lungset nathu tamtah vei nana seiyin, kachan dinga lomlou hijongleh kakipah-in ka ngaisang lheh jengin ahi, hijongleh ka lunggel seidoh louvin tuchan hi kana um nungin jong ka chunga lunghang lou leh lunglha louvin na ume ti kahet’in, na chung’ah kiphatlam na seijoulou kaneiye,

Keima: Sharon imacha kiphatlam nading aumpoi, naseinom chu sei doh jengin, na chung’ah ima lung noplou na kaneipoi, numei chingin a lunggel aseidoh pai pai jipoi tichu ka haideh poi, Sharon,

Sharon; Umm, Inchen lama jong ana haojep hohi midang sangin a lunglen jep teiye atiuchu adih mong ahin kenjong kahin kisonpi e,

(Ka lunngel: Tuchunga hivang aseidoh got ahitai, ahiti ding hichu ka ginchat peh peh ahi)

Ahin seijomin… Lungsetna kiti hi chi chom chom aumin,
Chaga lungsetna, mi vangse lungset tiho aumin, hijongleh tua kahin seiding pen hi Numei leh Pasal kah a kilungsetna hi ahi, che hi ngainep thei ahipoi, ajeh chu Vannoiya michingpena kisei Leng Solomonin jong ahetdoh joulou Pathenin eipeh-uh ahijeh-in, hiche lungsetna chunga hin, khat lhaset na chu apap jong asangin adeh a Numei ho suh lhaset hi pasal hoa dinga tijat umpen khat ahi.

Kei: Hin sulhase hihbeh inge Sharon nasei sei chu OK ahi jenge,

Sharon: Umm kipa aume He-Umangboi, hinsei jeng tange,

Harmon daitwi theng, Zion mol chung khelha bangin, Nalungset na keichunga dinga khelha chu Chongboi chung joh a aga chutan ahi, hahaha
Nahet them-em ??

Kei; Ipi seiya kinei nahim ?

Sharon: Nahet themlou tohtai hahaha
Masanga Chongboi toh ikivop ji laiyu chun Keijoh nei ngai ahijeh-a Chongboi na houphat ji chu ahetthem jeplou hidi ahin ma joh ana kinemin chejeh chun hatah-in nahin lungset mantan, che kahetdoh phat chun nang koma ima kasei nom tapoi, ajeh chu Chongboi hi nangin jong na hetsa, Nuthahnei Naochaga ahijeh-in ama lung nopmo khahding chu ka kichat pen ahitan, che bang ma chun nangin jong Chongboi na chunga alhaset khah ding na ven ngai ahi, Chongboi su lhase da hite tina ahi,

Hitia ahin sei laitah chun mikhat’in atungtun ham khat abeh hileh kilomin a poh thut’in, mi aguh a kihou hileh kilom gin jong kagah ja thimin.

Kon nahinbeh hamo Sharon ? apot thut chu, katileh

Sharon : Thom jonghi naja theiye, thoukang kabeh ahi bouve, kasei chu nahet them namo? ahin tin,

Kei: Het chu kahethemin, thil hithei ahipoi, Iti ka ngailou ka lungset thei di hamo ?

Sharon : Henge Na ngai lou leh Na lungset thei louding ahin, Na ki-ngaipi ngaidi ahi, ahintin,

Ahipoi Sharon kaseinom khat aume gah kiti pan pan chu, ka Naonu Lamneo ahung hai tou thethu in, Heo Hepa toh mi akinah gouve ahungtin, ana khongaiyo Sharon ti toh call cut katho ngal’in, ka lhaisuh leh ,Thingnoi mi kahi tia Sum demand Pasal thum chutoh Kapa chu ana kinel boi thimu hidi ahin, kaga choplut thethu jeng leh ei ve gehguh uvin,

Khatpa chun Nang koina? Koiyin nahinkouva hung nahim? ahintin,

Keima; Kei kapa chapa kahi Nangho koi nahiuva ibol’a na hungu hamo?

Mikhatpa: Napan percent 2lakh a bat kahung seiyuleh alunghanga leh…,

Kei: Ima tih-in nangho kom’ah percent bat ala kha poi, apeh di jouse thingnoimi tah ho koma kikah chai hita chu, Koi party nahiuvem nangho? kati leh

Ama:Kanop nop party hitah taovang, nang neidoh ngailou pichu o Kei koi kahim? atin eihin koh sal’in.

Kei: Eraa!! Koi nahi jong kihelou na? Nei dong kha cheh-e! Thingnoimi ho min’a sumdong group nahiuve, nangho jeh a Kuki Thingnoi ho leh Nampi minse hilouhamo katia , ka licence 9mm pistol kalah doh phat’in a jammang taovin ahi.

To be continue Episode-4

NOTE:
Nasim chai jeh-in kakipah-e! Aban jingle simkhom kit taute.

(NB: Boina chom chom jeh a dei banga kijih jom theilou ahi, kihethem’ute)

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleNENGBOI RINAPAL-2(A)
Next articleLIONS CLUB INTERNATIONAL KITI HI NAJAH KHAH TAH UVEM?

LEAVE A REPLY

Please enter your comment!
Please enter your name here