Home Lahkhom Naocy Haokip LHALAM CHOLLHANU-II

LHALAM CHOLLHANU-II

26
0
LHALAM CHOLLHANU
LHALAM CHOLLHANU

(Love Story)

Written By:- Writer: S.Lien
Arrange: Naocy Haokip

Sharon jong call masa louvin ain’u kaga lhailut jeng leh Anu leh Apan mailhai sel’in eina welcome lhonin, sharon kamu lou phat’in kidang kasa thimin ahi.

Henu Sharon la-em, kati paijeng leh,,

Anu: Umangboi hungding ahin Chini leh Bongnoi ga lange atia Thangcha chutoh keiho Gari neova chu hung lhaidoh chol chol’uva nahung kimu louvu hamo ? a hin tin

Kei: Henge! ka mu lhon hih-e kagah ti leh Apaovin agah khape jot chu kamu chet’in, che joutah chun ahung ging lut del del’in Sharon bou ahitai.

Eihin mu mu chun
Ohh! He-Umangboi na nalhun man onk, nafel na e ahintin

Kei: Mailhai beh louva Kifel dehta, Na loipa chula kati leh,

Sharon : Koiham ka loipa,?
UThangcha chu hamo? Bazaar ah kahin dalha tai chanchum dehduh a, kei ka kino e min ei ngahlel khante, Auto ah hung jengo katia kahung lhai jel ahe ahin ti leh, kalung a nomdomin ahi.

Sharon in cha ahin om’in, Anu le Pa toh kahou lim limuvin, anu le pa masanga ipi ham nasei nom chu gah tijeng nom la um jeplou Sharon in apa chu potdoh phot’un ati hileh kilom khun a mit’in ahoupi jot jot ji in anu le apa chun la hephalou, ahoulimu nom cheh cheh kit nalai, Apa’n hitin ahin seijin,

Mangboi, nangni ki kou nachu thuchomin umleh kenjong kaseinom khat um chu o, adan tah chu na in’uva kahung sei ding chu ahi, na inuva chun jong hungsei thou nange, hijongleh nahung ngal leh, nangkom’ah gah kisei masa leh Sharon in Nurse traning abol hi tua hi select ahin bol diu hija Manipur chu ihetsau ahin, Minei leh neilou, Sum hat ahi hetsa ahin sum sun chula kijou louding ahin sum sunding chu hita nama jongleh alhomjep thei nadingin Napa MCS Officer khat ahi na jal’in Decoment eibolpeh theidem, ahin tileh, Sharon in Recoment ti tango Hepa ,…haha… ahin tileh,

Ipi ti seileng Na-Umangboiyin hemo ponte na Boi? ahin tin

Keiman; Henge Hepa ka henai, Henge lungdong hih-un ken apoimo ho jouse hin ngaito nange alut tei nadinga kahung kipei di ahi. Ka gah ti leh Sharon jong chu kipah lheh hidi ahin a Pa chu amit’in agah houpi jot kit in, Anuleh Apa jong chun ei chibai loi loi jengun ahi.

Che pet tah chun Sharon phone ah call ahungin, a gahven a cut’in ahileh, Apan gah la tangem mi call kithapeh ngaiyem!?ati leh Chochong ahi e ngaise ponte, nalung nopmo leh Message gahthot inge leh atin,

Apan, Kipa aum val val’e Mangboi, na Naonu toh thuchomin ana houlim taovo kei leh nanu ga vahdoh uvinge atin apot taove,

Ka lungthim chun ..Apao hichu aching thouve onk katin pot doh phat uchun,

Ipi thu hamo Sharon naseinom chu, kati leh

Sharon in, Ash He-Umang ka hinmu phat leh ka nervouse ji intin imacha ka sei ngam jilou chu o, nilhah ham leh phone joh a kasei di hitamo atin, jachat mel thim mit ngui jinjen a eihin vet chu, ka ti alumdoh henhun jengin ahi.

Among monga Dongma nanei ham Sharon, na luck lheh-in.

Sharon : Kahaove Nang pumin 10 beh lhinginte,

Kei: Atot nei hisah hamo ? tah tah a kasei ahi, Thangcha khutoh na ki-ngai lhon ham leh,.?

Ama: Kaki ngai taloujen uve, Activa a ka toukhom man’uva chu ka ki-ngaiyu na hisah jeng khat hai? ha ha ..dongma kanei poi

Kei, aleh ipi dia ken kahin jol leh na da bih beh ham leh,

Ama: Dongma ineilou eileh … .. Nilhah leh sei nange kati chu o, ahin tin, Ole ole katin chomkhat thuchom’ah ka houlim lhonin kei jong kahung kipandoh kit tai.

In ka galhun leh Ka-Upa jong ana umin ( Kanu toh a jinu kitoh mo jeh a inchoma cheng) Kanu chu ana phun nup nup in,
Na jinu na panpi behseh a, na la tohsah lou, bu ahon a kong le von a sop leh thildang la toh je helou hoilang numei thase khat kimaikha ham? Nang lolah kineppi a kamka sa a anga hikhume, avahdoh lela Hotel, ahi louleh a inkote in hijeng, ati leh Ka-U Lenpu chu mipha tah ahin, ima jong sei lou ngai gehguh intin

Kei hileng…..

Nang lungtoh ding vannoiyah Numei koima um ponte, Ka Naonu khula a chenna a na themkhat atoh leh, soh a amanu ahe, sum jong khu apeh khah louvu ham bujong khu va a nekhalou hivehta a gop setsot’in, in beh ahin hung mundom leh adu angai khat jong kinehsah thei di hija,,, koima jong nel ngam lou mi sol sol na’ah che intin, en nabon kitohsah louva nati hilouham? ka jinu Naotoh kisin’a, bu le me ahon’a von asop’a in asuhtheng leh ima tonglou, mi thase nati kit’in, na chuti jeh a ihitiu hija hime” Kiti leh kanom leovin ahi.

Seikhat gah kinei lela mit sal litlet ato kikang lip lip a anop nop eihin sei kit ding, Heiha Kanu vang, Pathenthu asei lela naldeh kit koimacha pha asah mong mong la umlou, Jinei ding jonghi kaki khoto e.

Kapa Office kai jong ahung lhungin,

Kapa, Lenpu Naosen te nucha la dam sel sel’u hinam ? Hung ji ji tauvangem, Naosen ki-ngai jia ,Sum le pai ima ma la naki lhinu hinamo?

Ka-U : Umm nao adam naiye Hepa! Kadam cheh nauve, Lolah phat leh kahin sah kit ding Sum neokhat kadei hija, Kanu koma chu gahsei ding kati leh thu chom choma ka houlim lhon leh kana sei manpon

Kanu: Kapa chu agah mitlhep dol dol’in,
Kahe ta hih-e Sum jong hi ipi pia aman’uham, ajinu la avahdoh leh Bazaar a adei dei achoh Hotel’a adu du aneh, akhat pan la hepha lou beh, ahin tin.

Kapa: Ha ha, Nanu hin sum a-it ji vala leh hi chu o.
Phachu… Nao vahlai hija adu du aneh chu pha ahi, ijat hamo nadei atin, a bag a 500 note chu Somni ahin sim doh in, hin sahkit ngailoupi chu Nao vondi jong ana chohpeh-un atin apeh leh, Ka-upan jong kipah tah-in akilah in me tit tet’in Kanu chu agah ven Kahinsah kit ngei hih diuham Kanu kipe navehta tin a pot doh tai.

To be continue episode-3

NOTE:
Nasim chai jeh-in kakipah-e! Aban jingle simkhom kit taute.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articlePu Lalkhohen Thangeo thi dan thusim
Next articleELECTION PHAT LEH CANDIDATE KOIPEN CHU VOTE PEHDING HAM?

LEAVE A REPLY

Please enter your comment!
Please enter your name here