Thilha Thusim
Warning: KITEP NA LEH KAM NOM LHA LOU APHAI, AGUILHUN SAH THEI A UMME = GOLLUI TEHSE HO.
BY SAOMYNLUN SHINGHIL
Lou hon phat ahi tan, chung leng vacha ten jong lou laiya chang twi chip dingin ahon hon in a leng le uve. Langkhatna, loubol miho in jong a lou cheh u hon bit dingin lunggel anei uve. Thinglhang gam len tah ahi jeh in, khosunga inson cheh in chang-lei lentah abol un ahi.
Hichi khosung hi chang le mim a hao ahiuvin, agam le go jong anom in chule Haosa pu jong a chapa thum jeh a kisoung ahi. Ama pa hi aham len in, ” koima in eipha jou pon te” ati.
Achapa len pen pa hi thang-kam chule sa-kap them ahi. Amilai pa hi loubol, natong hat ahi. Alhum pen pa hin a u teni thilbol akithopi in, alhah kah le2 ji. A ucha thum un mihat chule hangsan ahiuve. Hijeh in haosapu chu aham nom lheh jin ahi.
Juneh khang ahijeh chun, jaan khat hi ju chep akitet un ahi. Haosapu in jong ahin chep tan, akhamtai. Hichun aman jong laa ahin oi pan tai. “” twipi sung le lhangvum chunga thanei keima, olmo lou,,…. Kason kachi lhah sim jou lou. Keidia PA CHUNNU KA MOU DING EINEM Ei ngap cha koi ham? Chung chollha vah in ei oi e”” tin akila choi tai. Hichun, hui le go ahung kithon in, agim nei lheh jengin ahi. Jukham ho chun ema ahepha poi.
Jing ahh khon masangin, thang ve dingin, achapa len pen pa chu apot tai. Amoul le lhang chu meijin atoum in, hui jong gimnei tah in atoumme. Ama pa jong achi jing ahi jeh in khoh asa poi. Thang akam na chu lhang vum moul chung ahin Ni 5 lang kisulut ahi. Chujouvin anao te ni jong chu nungah gollhang phabep toh, lou hong dingin akipat doh un, khosung chu ahin da lha taove.
Kho ahung vah lha tan, thempu pa jong haosa pa kom aga chi tai. “Haosapu,, jaan hi jaan na thil umchan adih thei tapoi, khosung suhtheng na bol utin, sahnit ni in mang tau te.”” ati… Haosapu jong anom tai.
(sahnit akiman teng leh koima in hem le thel kitham thei lou, khol chi phal hilou chule natoh phal hilou ahi)
Haosapu in vang acha te pot doh ho chu a imm in asei poh poi. Hichi nikho chun sahnit ni in amang uvin, thempu in khosung twinah, lounah asu theng tai. Haosapu in akham pet na akihah sel na le a laa choi chu ana gel pha tapoi.
Hichi jaan a pat chun, khosung um dan akikhel tai. “”HE U NEI HUNG KAI DOH O; NEI HUNG KAI DOH LOI IN“” ti kaa cheng le Awgin aja jengu ve…. Um na thei jong ahitapoi. Chom khat jou teng le khomoul a kon in awgin aja jiu uve.. Nilhah langa Lou a konna hung kile ho chun, khomoul aphah teng u leh, amaho chu ahin lhem lhung peh jiu vin ahi. Kichat le tijat na in khosung alo dim tai.
Hiti chun hapta khat jen hi nilhah a kipat chun khosung va doh na ngam ahitapoi. Jaan jong le nupi, upa, chuleh nungah gollhang, chapang, ageh khom g uve.hinlah,, kaa gin chu lhaset umval ahi jeh chun, angai jouse jong alung atong kha lheh jenge. Umna ngam vang ahi g tapoi, Haosapu jaan mangin, tehse khat hi ahtui achip 2 ahung pe in, haosapu ahtui achip lou khat akilah in ahi. Tehsepu jong achi masangin hitin asei e “” lha thi jaan leh nahung nung pih nange, kachanu in adei e”” ati. Haosapu jong ahung khah langin, alung anoh lha den tai. Achapa ho chu ahung lhun ding nikho alhing tan, abol ngai bang un, khomoul in khomite toh aga ngah tau ve. Ahung tapou ve. Hichi jaan hi lha thi jaan ahijeh in, haosapu in jong ajaan amang ahin geldoh tai. Ajo le aboi lou na dinga eihet sah masat ahe tin, khosung lang ahin del tho tauve.
Hichi jaan chun lha thi jaan ahitan, ema thilsoh gimnei a um tapoi. Miho chu alung adong lheh uve. Hinlah jaan pung 8 donnin, hahsa leh genthei pummin, lou hong a chi ho chu ahung lhun un kho lhang ahin sam uve. “”Khosung miho hung doh un,,,Hung doh loi un” asam uve. Hichun kho mite abon un alhai doh uleh…… Haosapu cha te 3 ho chu aloung ahin po un ahi. Abon u athi tauve. Thang ve a chipa chu, aloung lampi a ahin mu pa u ahi nalai e. Khosunga alha lang ho chu ama ho ahi ahe doh tauve. Haosapu jong sei d ahe tapoi. Akap lha thei tapoi. Akison pi chapa pasal 3 chu abon u athi uve. Veu hite…..
Achapa atah pen pa chu thang ve dinga achi a hin, haosapu in ju achep petna ala choi dungjui a, “”pathen chanu ka mou d,”” a t chu hichi jing kah a chu muthei lou thilha te chun agui lhun sah e , achapa lhagao chu achanu dia ana lah peh u ahitai…
Haosapa chapa 2 lou hong a chi teni chu, lou ahon chai lang ni 2 jouvin aloi ho toh ahung kile lang uvin, numei ho chun hitin asei uve “” He u,, li-lai (gulpi chenna) hu na jap gal kai jou dem”? T a adoh leu, aneo jopa chu achom lut pai in, ajap pan tai. Ajap gal kai ding konnin, lilai ngah te in akailut ule,,, ama jong apeng e “” he u nei kai doh in,, neihung kai doh loi in”” tin apen phat in,, a upa chu achop lut got leh, aloi hon akham uve,, hinla anaopa pen gin chu apo na val in achop lut leh ama pumma alah lut tauve. Hichun haosapu a laa kichoina a “”twipi sunga jong koiman eilo theipon te t chu aguilhung kittai.
Haosapu kila choina a chun,, chung chollhan ei oi ding ahi, t a asei chu, chollha jong alha se hin tin, achate loung ahin lhut ni jaan hi LHATHI JAAN AHI. Chule ajaan mang a ahtui achip 2 chu lilai a thi te ni chu ahin,, haosapu a kon akilah chu achapa lhagao thang ga ve pa chu ahi.
THE END
Thusimbu Machal jing thei na ding a pan lanom ho kipah tah in lem ahijing in ahi anoiya button “Click Here” khu meh utin details anasim ute.
