Home N Lhungdim ENGLISH PHRASE MAN IS A SOCIAL ANIMAL KITI AKO THUHTAH AHI NAHET...

ENGLISH PHRASE MAN IS A SOCIAL ANIMAL KITI AKO THUHTAH AHI NAHET KHAH EM?

35
0

MAN IS A SOCIAL ANIMAL

Asun
N.Lhungdim
Thangting House
Molnom-West

n lhungdim
N-Lhungdim

22nd September 2022

Leiset a peng mihem hon achenpi ding ahinpi dingin mihem mama angaicha pen in ahi. Hiche jehchu hinte Pathen in ahu alhakhum a Adam ama tobang lim a ana semjou in akikoppi ding aki ang ngatpi ding numei Eve ana semin ahi. Achunga iseibang uvin mihem kitihi gancha toh achengbom theipon mihem mama toh ahinkhom ding angai in ahi. Hijeha chu achung a English phrase in Man is a social animal atichu a meaning thuhtah ahi. Pasal hileh numei hileh kingaicha to a kium a kidei kichen umkhom hinkhom piding kinei a umkhom leh hinkhompi dingma chanu chapa kingaicha kit a hijeha chu chapa achang a aum aphatlou jeha chu aji ding akivoppi ding kipuipeh a chanu jong keng kineisah a hitia chu mihem kipungtoupeh ahi. Hitia chu pasal hileh numei hileh kichen akibol phatleh alang alang a alhompen a mi 17 toh kitimatna kineibe ahi tin marriage lang expert hon aseikit uvin ahi. Hiche hin avetsah chu society chu kisulen a English a expanded family kitichu kisemdoh ahi. Hitia chu aban a Kuki te chondan dungjui a insung bebul, jol chuleh tucha hung um be a hiche jongchu aneolam a expanded family ma ahikit ij ahi.

Masangla in England gam ah mikhat in Human Institute khat aphutdoh in ama seidan in mihem khat in alhompen a midang 25 toh kihoumatna aneileh ama chu ahinkho hinsot naleh damsotna ahi atin ahi. William Cowper in English poem a The Solitude of Alexander Selkirk thusim achun kongtol mi sailor khat koima chenlouna tuikol kah khat ah kum 4 aum in ama chun amu na gam jouse chu ama letna leng hina gam hijongleh a umpi ding mi angaicha in ahi ti thusim akimun ahi. Hijeha chu kasei ahi mihem in mihem mama umpi ding chenkhompi ding kihoulimpi ding akah kah leh kinahpi ding lunghanna kipana ho seidoh nading mihem angaichan ahi.

Hiche jeha chu pasal in achenkhompi ding numei angaichat a kideina kichenna kitiho hung umjui ahi. Hiche pasal leh numei chenkhomna hin tahsa a ngaichat suhbulhit nading keo hipon adang dang mihem lou a mihem dang kihing theilou ahiti vetsahna joh ahibou in ahi.

Achunga isei bang uvin pasal in numei ji a akihol a aneileh anumei te lang numei tetoh kimat alhompen a mi 17 toh kihettona um tei tei ahi. Hiche bang ma achu ajinu numei nun jong pasal te lang pasal te inko ho abe ajol tucha ho jouse akigop leh alhompen a 17 toh kimel hettona um jui ahi. Hiche jeh hi ahi English phrase in Man is a social animal atichu. Mihem hi ganhing khat ahi in ganhing lah a society a chennom hingnom ganhing tichu mihem ahin ahi. Pasal hileh numei hileh mihem pou pou chu ama changa hingnom aumpon ahi. Mi theida mihem aumpon mitoh kitimat ding ngaicha leh hinom ahisoh kei in ahi.

Leiset chunga hou religion laha jong eiho thinglhang mihon Christian ihi naohi John Wesley Evangelist minthang pan Christianity is essentially a social Religion atichu dihma ma ahi. Leiset chunga houdang Hinduism, Budhhism, Taoism, Sikhism kiti ho jouse hi mitoh kivop lou a ama changa a Pathen akihouthei uh ahi. Ahinla Christianity hi Pathen leh mihem kikah chu achom ahi in ahinla Pathen houhi midang toh akihoulou leh hitheilou tobang ahi. Hijeha chu Houbung kiti ho hungdoh ahi. Christian te dinga Houbung kiti hi aphatdan ahoidan kidangtah ahi. Ajehchu hiche Houbung sunga hi kimelhetna leh kingailutna hung kisem a hesoh genthei hojong kivettona hung umdoh ahi. Chapang neo a kipat Pathen thu Sunday School a hung kihil a hitia chu Christian chondan dungjui a hung kipuitou peh a apha leh ase adih leh adihlou ho jouse hung kihil toupeh ahi.

Hindu hon Pathen alen dom 3 anei un amaho chu Brahma, Shiva leh Vishnu ahi. Pathen dang crore 33 aum e atiu hi hiche ho akona hung pengdoh ahi. Vetsahna dingin Mahabharat a Lord Rama, Lord Khrishna kitiho jongchu hiche ho akon a hung pengdoh ahi. Iseidoh nompen uchu Hindu khatin Pathen ahounom leh insunga indan neokhat a a Pathen chu ipi hita jongleh a Pathen chu a indan sunga alim chu akitah a jingkah seh leh taona anei a ahileh ama chu Pathen hou hijeng ahi. Hindu khat dingin temple a che sese angai khohpon ahi. Hindu ho temple a acheu hi temple a thempu pa in taona a asuhtheng sa nehthei ahinpeh uchu prashad atiuvin hiche chu aneh uleh amaho dinga lungmonna kipana ahijeha gache jiu ahi. Christian te banga Houin a gache sese angaipon ahi.

Tuni a iseinom khat uchu ahileh Christian hou hi privatise tichu ichanga kitum lah a in a houthei ahipon ahi. Akhohpen chu Christian houhi mitoh hinkhom mitoh chenkhom mitoh hinkhom chu athupi penjoh ahi. Hiche hi leiset chunga houdang dang Budhhism, Sikhism, Islam tihotoh akikhehna pen chu.

Achaina in tuni a ithupi uh Man is a social animal atiban a Christianity is essentially a social Religion ati hi mihem a peng Christian ten ihin sung uva ihaimil loudiu akul leh akhohpen tihi iseinompen uh ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleGOLPHA KITI HI LEISET HINKHO A INEI LEH MANLU TAH AHI
Next articleMI CHUNGCHON KITI HI NAJAHKHAH TAH UVEM?

LEAVE A REPLY

Please enter your comment!
Please enter your name here