Home N Lhungdim LEISET AHIN MIHEM IN AHINKHO SUNGA ATOHKHEL LEH ATOHKHAH TAMTAH UMTEI TEI...

LEISET AHIN MIHEM IN AHINKHO SUNGA ATOHKHEL LEH ATOHKHAH TAMTAH UMTEI TEI TEI AHI.

78
0

Nemesis

Asun
N.Lhungdim
Thangting House
Molnom-West

n lhungdim
N-Lhungdim

8th December, 2022

Tohkhel atam leh atohkhel pet in achungah thil phalou lhunghih jongleh khonungleh atoh khel nachu ama chungah ahung kilang tei tei in ahi. Hiche hi English a Nemesis akitin ahi. Hiche hi Kuki pao in atohkhel in ahung nung vetkit tina tobang ahi. Vetsahna dingin thusim khat sei ute. English novelist Thomas Hardy in The Mayor of Casterbridge Michael Henchad kitipa in ajinu leh achanu sum lhomcha khat in ana johdoh in ahi. Ahinla ama chu ahung kisempha in khonung in Caster Bridge kiti khopi ah Mayor in ahungpang in ahi. Tohkhel kiti hi tamtah umjongleh minor hochu akhoh behseh pon ahinla Mayor hohi anungjui um tei tei tina tobang ahi. Vetsah nading in tulai in masang a ana kipe se mi tamtah aum in ama hochu ahung kisempha in judu hojong judon ahung hai in hiti chun midang toh kibang in ahinkho ahin mangkit in ahi. Ahinla kum tamtah ju ana don hochu asung uh athin uh ana suhset tahjeh in chomkhat jouleh natna kidangtah ahin nei uvin nomtah in ahingthei tapouvin ahi. Hiche hi nahet nom uleh naveng sung uleh nakhosung uva mi kipese hung kisempha kitiho hinkho chu vele chun uh namu teidiu ahi.

Hiche hi achung a isei bang uvin English in Nemesis akitin ahin. Ethics bu a Right leh Wrong ahilouleh Good leh Bad akikhehna ipi ham tia kisun khu ivetleh Bad ahilou leh wrong tamtah bolho chu ahinkho asot ngaipon ahi. Hinkho sotna dingin Bible in nanu napa jabol in Ephesians 6:1-3 chu phate in sim lechun hitin akisun in ahi, “Chateho, Pakaiyah nanu napau thun nungun; hichu chondih ahi. 2 “Nanu napa jabolin, naphat theiya leiset chunga nahinkho sotna dingin,” 3 ti hiche hi thutep toh goma thupeh amasa ahi. Hiche Bible changa na phatthei a tihi nadamthei a tina tobang ahi. Mihem in neiho laha agun penchu damna ahi. Mi chu hao henlang building tamtah neihen lang bank a crore ija neijongleh phachomlou ahi. Amin kaseinom po in anu apa jabol lou anu apa engbol chapa tamtah hetman lou in amollem gamtan ahi. Mi khat in kapa kathun nanungpoi tin asei in ama chu apa thunung dinga hungpeng ahin apa chun achapa thunung dinga anei ahipon ahi. Hiche hohi hetthem ding angai in ahi. Ajehchu ipa chu leiset a ahing nalai Pathen tobang ahi. Apa jalou a apa athu a anunlou jeha apa engbol chu mihem chondan ahipon ahi.

Tulai in tulai Govt. po BJP hon India gam hi secular tichu hou achom a neilou Gov’t ahi akitin ahi. Ahinla BJP hohin Hindu houlou hochu achombol uvin chuleh athet bol uvin ahi. Ama ho geldan a India sunga mihem 80% hi Hindu ahin Hindu ho akibolphat pouleh vaihom nachu tantih neilou a kinei ding ahi ti atahsan uh ahi. Hiche jehchun Modi Govt. in CBI, National Investigation Agency, Enforcement Directorate holoi amangcha in amaho langa panglou jouse abulu uvin asugenthei uvin ahi. Kidangtah chu hiche kibulu ho laha ahin BJP party ho khatcha ajaopon ahi. BJP ihileh chonset nabei ho kiloikhom naham kahetapon ahi. Midang tohkhel chonsetna mukeo a ama ho chonsetna selgu hochu iti hinsot ding ham? Hiti ho jouse hi ivetleh BJP Govt. hi a support sangin atheida atamjo tan ahi. Party dangho akigontuplou jeha hichan gei a hi na atohthei uh ahi. Kikhel theilou tobang a um Congress party jong kum 1855 lai a English mihem A.O Hume in India te political party ana phudoh pehchu tua hi India party lah a the oldest political party hunghi ahi. Amaho jong Gandhi Family in ana pohchu demna leh deilou na atamjeh in President thah akilheng in Karnataka gama cheng Malikarjun Kharge in ahinpo in chuleh mipi toh kitimatna alhom e tijehin Rahul Gandhi in Kanyakumari akipat in niseh leh Km 24 lam ahinjot in tulaitah hin Rajasthan a aumlai tah ahi. Hiche Jatra kajah danin February lha leh kichai dingdan ahi. A programme masa chun Eastern India ho apangkha hih in hiche lang Eastern Bengal, Assam, Manipur, Tripura, Meghalaya leh Nagaland hojong Jatra ahinbol uleh March langleh hung kichai bep dingin kagingchan ahi.

Tuni a iseinom pen uchu BJP govt. luboh Prime Minister Narendra Modi hin hat jingkei nadinga na atoh hi akhehlhah nadinga a natong joh hiding in kagingchan ahi. Achung isei uh natoh phalou ho ama chung ah akilang kit e kiti Nemesis kiti chu BJP te chunga jong hungchu dingin katahsan in ahi. Delhi khopi a kivaihomna Delhi Municipal Corporation ah BJP ahatjou tapon AAP hon vai ahomdiu ahitai. Chukitleh Himachal Pradesh a BJP in vai ana homchu avangphat uleh Congress hon ahinlahpeh ding uh ginchat aum in ahi. Gujarat Assembly Election hi Prime Minister leh Home Minister in thi le thi hin le hin tia na ahintoh lhon ahi. Tun India pumpi a state ho hoi lai lai BJP in vai ahom em veu hite. South India a Karnataka abou aum in Central India ah Madhya Pradesh ah aum in North East a state lendom pen Assam ah BJP govt. aum in Manipur, Nagaland, Tripura ajong BJP Govt. aum in adangho Meghalaya, Nagaland, Manipur hohi hui in amut le le a amutna lang langa kihei banga Central a BJP ahat jeha um mai mai ahiuvin ahinla 2024 General Election phatleh Non-BJP Govt. ahung umding hi tahsan aum in chuche phatleh North East a BJP hojong alim uleh amel uh hung kikhel ding ahi.

Achaina kei in iphatlai ihatlai a katongthei e tia thilphalou moh bol bol hi agu um tei tei ahi. Achung a isei uh Nemesis chun nahin nungmat phatleh nahinkho chu kichaisa tobang hung hiding ahi.

gthei tah in ching uvin Houbung sumchin a akisuhlou jeha minse leh Houbung a kona kipampai jong umlou ahipon ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleNo deposit no deposit slots 2023 Cellular Ports
Next articleКак начать делать промокод Спин Сити ставки в интернет-казино

LEAVE A REPLY

Please enter your comment!
Please enter your name here