Home Joel Kipgen LAIYA ANA THANGSA VARCA ZIUS-III

LAIYA ANA THANGSA VARCA ZIUS-III

25
0

True story…

Fact base

A tradegies from:
DM. JoelKipgen
Editor, Ahsisomleng.

EPISODE-3
Episode-2 banjop
VERCA LHANKHUH/VUISAI CHUNGA HEMIN CHU…

➖➖➖➖➖➖➖
Chutia thivui ho inlama ache gam phat un, Petrol Max jong avah tapon, angaibang in mu athim in kho ajing kittai.

Hijongle Hemin chu lhanmol a achangseh in ading den in, muthim lhangkhal kiheh lah a koima la aum tapon, janna hamji gan hing ho le Lhumlheng ho tilou avellah ima aum tapoi.

Hijongle ama jong Verca lhan/Verca kivuina mun chu ajon tou tan’ avuisai chunga Cross a thil kijih beh gaveng ting, ka ngailutna jong phot chetna kei le keiman vetsahna gakibol tange tin ache tou tan ahi.

Mu athim’a kho ajin behseh jeh chun amasang jengjong kimu thei talou ahijeh chun, a smart-phone chu flash-light akidet in ahi.

Jan huisi/huilhi anung jenjunin muthim lhangkhal aki heh leu jeng tan, lhanmol dunga lhan ho lah hihen thingphung veldung hoa hijongle avetna jouse lhumlheng alom lom in akibom in
( iti ham khat ivet le mithi ho lha tojong abang uve e)

Gollhangpa chun Nungahnu lhan khuh aphah ding kon ahitan, chuchi lhanmol a chun husan jat chom chom agah jan ahi.

Molle lhang dunga Lhumpi aham in, komhom gammang lah hoa Sumbu aham e. Lhanmol le aveldung hoa ganhing ham ha ipi hitam (a Awgin tolla tholva bang in ..) gingjeju jeng khat jong chu aja kit in ahi. Mihem hi’na a kicha jong le kicha lou bang in ajon touvin Lhankhuh chu aphatan ahi.

A phone light a kon chun Verca Cross chu akho vah in thucheng kisun ho chu asim doh tan ahi.
Thu cheng chu hiti hin
akisun e

Mella lomlou nungah L. Verca Zius, tunin angailut insung mite le Houbung mite da lhan Pa heng jonin ana che masa tai tia kisun asim doh tah chun….Aw….!
Athi mong ahitai ti ahin tahsan bep in, athah tah in alaidip avot lhan, “Keihi hoija ka um ham” tijong hepha ta lou khop in Verca Cross chu akhut tenin atuh in…
“Hilai hi lhanmol lah ahi tijong hepha talou khop in, chule kichat, tijatna jeng jong sumil khop in Ha kan akap tan ahi.

Kacheng alah chu… ” Verca …! hitiding bep a hi neilungsietna neihin kou ham? Keima kahung tai, ibolla hilai mun pen tah a hi navuisai to joh neikimu sah hitam?

Tahmella kamu khah lou Aw lungsietnu..! Kahinkho hi janmang tobang bep bou ahitan, hinla thilsoh hohi janmang din jong kadei poi.

Kei hilai Lhanmol muthim lhangkhal noija hinkho mangding bep a lungsietna chu neigon peh joh hitam?
Nang kalungsietna hi keidia gentheina bep hiding hitam?

Tunin gollin kei neilungsietna vang Khangjing thoa jingmei bangbep bou ahitai.
Tun keima nangma mel kamu tah lou jeh in chunga lengle buhbei vacha kabang tan,

Neihin muthei le chun naselung ka-oi jou mong nadem.

Verca…! Jandap/janthim noija hi kei hoilam sudinga neihin kou hitam?

Min genthei puma thimthu alel ho kipana amuji me…hinla tuni nang kalungsiet jeh a kagimna le kagentheina ho cheng hoilam ba hitam?
Tun keiman hoilam sutang’em? Engbolna sangpen neipe tai Verca…!

Hijongle iba kalo ding ham? Nang ngaija kaplai naobang kilhem mai tangting …
Na lhan chunga hin na mel hetnan toibang thing in hung keh doh mai inlang, kaselung oina din hung loinem jing mai tange ati jou chun alhi akitheh hul in, across phung chu sottah aven iba kalo ding ham kachetai “Lunglaiya ana thangsa VERCA ZIUS tia asei jou chun
ahung dadoh le he kateijo
Jan thim noi Lhanmol chun mi ahop jenjun jeng in athah tah in kichat tijat nan ahinkho alodimset kittan ahi.

Hichun ama jong phone thaomei chu ahin kidet suh in achesuh tai.

Chumun chu anuse in New Keithelmanbi lam jonin akile kit tan ahi.

Jan asot thim tan lampia mihem him him husa akija tapoi. Ama jong chutia lam ajot jing lai tah chun kidang tah in van kinem keykoi chu chungkho’meipi ahung kihoh in jan lailengnu chungchollha ahung vah emselle.

Chupettah chun Light hin kidet a hung nungah khat toh akisu to chet lhon e.

Chuchi nungahnu chun gollhangpa amumu chun “Hekate Heu Hemin..! ikitepna lhon Bazar a chu ka na nga nga jeng hichula…! Nangla hung mong mong talou, chuphat a kahung kile ahitai.
Hilai munna ikimuto hi akidang same ahinti.

Chuphat chun gollhangpa ati akilip lahleu jeng tan…! Alungthimah koi hija mihing ha? lhadam khat ha …? itia hitia pi hi het houva eihin hou hita..!

Tutah chun Verca lhanna kon kahungdoh bep me atin, ahinla alim avet kit le Facebook a ana mu Verca lim chu ahi kit ngalle.

Nungahnu: Ahung kap in…. Heu neihet lou khat hitam? Keima nalungsiet Verca Zius chu kahi chu O…neive tange fb a kalim chu hilou ham? Tin gollhangpa chu ahi jonnaijin ahi.

Gollhangpa: agahnung chon chon in akicha e. Hinla nungahnun ahin nailut in chuin ahin kol jeng tan,
Hichun numei nu chun, Heo..! Neilungsiet lou hitam? Ibolla hitia chu nungchon chon nahim tin akap e.

Chuphat in golhangpan ” Verca Ziu thi a avui doh tah u chula…” Na tahsa chu adap jenjun e mihing to naki lo poi
Nang koi nahim..? nei lhan kalampi suboi tahih in LAIYA ANA THANGSA VERCA ZIUS
neilungsiet le neisuh boi datan eini hi thinan eikhen lhon ahitan, neida lhatan atileh
(nungahnun jong ana lungsiet tahbeh mong ana hi mai intin) apet pet in chuchi numei nu chu ama a konin amang del in avelmu kit ta poi.
(Adan chu alhan alhepdan hitante)

Gollhangpa akipat kit in aban ache kit tan ajonan New Keithelmanbi aga lhung in eimi cheng ho lah a Haosa te inn ajonlut tai.
Chuin kot akeuvin ahile ahonpeh tauve.

Haosa pun Gollhang..! tujannoi tah a hoija konna hungja, hoilaija um na him tin lungdong tah in ahou pin ahi.

Golhangpan thil umdan abon chan aseipeh tan ahile Haosa pun adatmo lheh jeng in chuin Haosapun Gollhangpa jah a asejin Boipu…! Kaseipeh nom aum e.

Tulai Whatsaap/ Fb chule Social media khang ahitan kichih thei angaije.

Mihem itobang mi ahi kichen tah a nahet lou ho chu lungsietna mohchan dan, ajeh chu lungsietna hop (Divide) kiti hi thupi tah ahi. Mihem nahet chenlou nalungsietna moh peh dan hichu eidia damna phatna ahipen e atipeh tan ahi.

Achaina: Ajing in a-inlam akilen chua kon chun lekha asimna Delhi alejot kittai.
Akichai tai.

Jih khel sut lhinglel aum le readers ho jousen ngaidam neichan tauvin.
Kakipah e.

Thusim hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleHEU, KAMITLHI ALONG JINGE
Next articleTULAI SOCIAL MEDIA THUSEI DOH ATAM JO HO KHU CYNICAL NGEN A HIO VIN AHI.

LEAVE A REPLY

Please enter your comment!
Please enter your name here