Mi thil peh leh mi a kon a thil lah hi hoijo na lhen joh em ?
Asun:
N Lhungdim,
Thangting House,
Molnom West.
10th June 2020.
‘Lahsang in peh nopna jo ahi’
ACTS.20:35
Covid 19 ahung jeh a Lockdown lha 3 lhungding ahung hi phata hi masang a ina bolngai beh seh lou midang thilpeh hi hatah in ihin nei uvin ahi. Hiche midang thilpehhi adeh in thinglhang mi Christian hon iha hin bol uhi thilpha leh thilhoi Christian khat in Bible achung kiseibang itoh leh itahsan u midang muding ivetsah uhi Christian witness ahoilheh jeng in ahi.
MLA honjong nidang
sangin amiteho khohsah na ahin nei uva Govt a kon hileh amaho changval a kona thilpeh jatchom chom Anchang, Dal,Onion, Cooking oil, ahinehhi lungmon leh lhamon a um lhehin ahi.
Hiche midangthil peh iboluhi Christian hina ah imachal lo khat u ahi.
Christian tahsan tichu Jesu Christa hung pen a Kipana Thupha ihin mu uhi Pathen thusei kimkhat in Lhagao huhhingna dinga bou ahitia asei uhi ahetkheljeh u ahin Jesu Christa chu Lhagao huhingding boua hung hilou a mihem atahsan te tahsa leh lungthim jong huhhing dinga hungahi ti hi Missionary masa hon thinglhang mi mimol ihijeh uva Lhagao huhhing ding thuchan bou eiho level bep a ihettheinading bep a eina seipeh uchu kum 100 iphah jouuva jong Houbung lamkai hon W W II model *JAPAN GAL 1945 JOU MODEL a chu Pathen thu eihil uleh i Tahsan uleh inatoh u kihoumat thei loudoh ahitanahi.
Hou in a iumchanuleh Bazar a i umchan kitoh thei lou Hou in Sangkhol KANG Office leh jalhanga chephat leh sangkhol VOM*hi lhagao a imachal thei lou u ahi.Lungthim leh tahsa lam a imachal lheh naove ahinla Lhagao a hi ki pilhing theilou *Chapang tobang ihi jing u ahi. Hou in hoitah tah isah uva Choir ngaitah igondoh uhi lhagao a machalna ahi chompon ahi.Hiti ho hi eiho public convenience nading leh mental pleasure ding joh ahin Hou in a kaikhomding holeh Choir a lasa ho chu *PILHING matured Christian ihi lou uleh Jesu Christa dungchan hiding Solchah Paul in Ephesus 4: 13 leh 14 eihil uleh eiho Christa feet 10 ahileh amatahsan chate eiho feet 5 jong kipha lou chu khanglhin theilou Christian ihi jing u ah Physically and intellectualy reasonably *HIGH but spiritually still infant children .English Dwarf kiti bang mineo minem ihi ding u ahitai.
Tulai Covid 19 dounading in thilkipeh to Thinglhang miho anche apeh , Quarantine Centre a volunteer ho Sa chihpeh , meding peh ,tuidonding peh, sum a kithopi iha bol lheh un a hoilheh in ahi.
Akihatobehseh lou a kahet chu thinglhang kho hon meilhei ho an me peh tiho , Houbung Kiloikhom hon CM pa Relief Fund peh ho kho khat in C M pa meding garikhat aga peh tiho hi thil phamo chu ahipon pon Houbung kiloi khom hon a houbung pam a um hesoh genthei ho pejo leh kitoh joding in kagel e, hiche hi Bijang ECA Houbung hon ahoubung mi pamlam a um ho Rs 2000 cheh a peove ti akijan ahoi lheh in ahi.Hiche hi Tolsung Houbung hon abol ding a *MODEL ahi. Kakho kom a kho khat in N Biren Singh, C M pa meding aga pei ti kajan CM pa sang a keiho Molnom kho joh neipeh u leh itam katin ka enghou in ahi.Ajehchh keiho thinglhang mi jong kahiivin ,Christian jong kahiovin chuleh thisan kinaipi kahiove CM pa me thah chu leiset chunga kajah khah lou leh kadet theilou khat ahi.
Ephesus 4:14,
Eiho chengse hi tahsan’ a pumkhat ihikahseu le Pathen chapa ihet kahseu , MI KIKHAN LHIT ihuva chule Christa pilhin *DUNG CHAN iphah kah seu a a boldiu ahi.
14: Hichu eiho chapang banga misuhmangna dinga doha thuh a kipodoh ho le milhem lungthim gilouva kon kihilna lhem h chu kiuichavaisah a huinung jousen amut ling leh alhohmang theibep tobang ihilouna diu ahi.
Christian ten midang thipehding hi 3 a um in ahi.
- Amasa pen a thil pehding chu INSUNGMI ahi.Hounung ding in a houbung mi ho chu a INSUNG MI ahi. Asopi ainsung mi ngailutna neiloi michu a *TAHSAN lou ho sang a phamo jo ahi tin ible in aseiyin ahi .Ka Houbung Committee houvin masang jep chun anchang kg 10 in khat ah ahin hom uvin tun Lockdown a um son son kit jeh in athah in bag 1 tichu 50 kg cheh hopkit ding tin akilolkit un ahi. Hoi kasa lheh in ahi.Tolsung Houbung hon hiche tobang hi abol masat pending dol ahi.
- Abana pehding chu Houlam natong ho Pastor ,Evangelist leh Houbung Upa ho hi akit in ahi. Pastor ho hih lhasumsang ahiovin Houbung Upa ho hi Grassroot church worker ahiovin peh thei anche louhing peh thei thei pehjing ding ahi.Amaho hi Houbung HINNA [life support] pemasa pen ahiove. Pastor hosang a Houbung mihon khohsah ding support neichehding ahi.Presbyterian Ho kipohdana Honorarium umlou a natong ahiovin ahi. Baptist lang ho hin lhalo asempeh uham vang kahe pon ahi.
- Athumna a pehding chu mivaicha ho POOR AND NEEDY hi hi Christian te thily pehding a gelkhoh ding ahi. Koima avaicha nom a um pon amaho jong vaicha hinom lou u ahi.
Mivai cha Govt in agelkhohjeh a Indira Gandhi phat lai a GARIBI HATAO kiti Vaichat Suhmang ding ti programme hung um a hia kona Congress Govt in BPL kiti Below Poverty Line ho muding tam tah ahin gon u ahi.
Tulaiya hi Card eiho jong BPL ho muding jong akimu uchu thuchom hitaleh.
BPL kitiho hi atil a chu,
- A in chung kikhulou plastic polythene kikhu a cheng ho
, - Nikhat a bu 2 vei ne joulou ho,
3.Govt free Medical facilities mu joulou ho ding a ana kigong ahi.Houbung sunga jong hi inchen hahsa um jui ahi.Tua inson in sum ahin muthei hi 2006 a Mahatma Gandhi National Employment Guarante Scheme Congress Govt in ahin semdoh uva kipan Inson a sum hunglutna hung um bep ahi.
Tualayin thil pen akiha bol in Chahsat kho in 150 kihal lhah chu Houbung kiloikhom, kho , Sepoy group,amuna muna Kuki Inpi,KSO, KWA, US lam a kisen in asang sang leh alakh in ahin pe un Mizoram Congress party kisen in ahin pen ahoilheh in ahi.
Hiti ho jouse hi thinglhang mi hijeh [thinglhang mi hivanga Khasi ho ] khat, Christian hijeh [Christian hi vang a Naga ho ] khat chuleh ajeh thupi pen chu thisen a kitimat pi leh ki nai pi [insungmi ] jat khat nam khat hijeh ahipen in ahi.
Pehding chu thil pha ahinai tivang a amasapen a eihon Punjab a Sikh ho ham Andra Pradesh a Telegu hoham thil peh chu PRIORITY kitichu hetkhen lou jeh leh Christian principles of GIVING chu ihet khel jeh u jih ahi.
Bible uvin AMASA in atichu koi koi ham ?
AMASA IN CHIEF MINISTER PA ME GATHAH UVIN AJEH CHU CM AHIN KIPA SAH DING CHULEH LUNGLHAI SAH DING AHI TI TOBANG AHI.
