Home Advertisement Kuki Writers Club (KWC) KSO Ccpur noija affiliate hita

Kuki Writers Club (KWC) KSO Ccpur noija affiliate hita

66
0
Kuki Students Organisation
Kuki Students Organisation

Kipa thuphon

January 25, 2021 (Monday)

Tuni chun Kuki Students Organisation Churachandpur le Kuki Writers Club ho kihouna ana umin kihou naleh kiphatsah dungjui in KWC hi KSO Ccpur affiliated noija umsah din phatsahna ana kineitai. Hiche thu ho achesa January nisim 23rd 2021 (Sat) nia KSO Ccpur Cabinet toukhomna a kiphatsah dungjui a affiliated hisahdia kiphagsah dungjui a tunia chu joint meeting ananei uva phatsahna chu phondohna ana um ahitai.

Kuki Writers Club hi 2019 kuma ana kiphutdoh ahin hiche Club a hi Kuki namsunga lelhasun them phabep in namsunga lekhajih lampang semphat nadingleh adihlama lekhasut khantou sahna dinga pan laho ahiuve. Hiche club a hi koi hileh namsunga lekha sunthem ho (writers) koi hile kilemjing ahi. Tu maban a ajong Club in tohgon tampi kinei ahijeh in club a lunglutna nei jousen pan ihinlah theiju ahi tijong temna hung kinei ahi. Tunung tuban teng tohding le boldinga kilom het theija hung kimachal jouse KSO Ccpur hetpehna a hung kimachalpi jing ding ahitai tia hung kilhongdoh ahi.

Hiche website hi KWC kiti Kuki Writers Club tia kimin vo club neokhat tichu namsung a thusim jih a social media ho a nitin a hin post ho kigop khom nanoiya hung kibol ahi. KWC in adoi le atup pen tah chu namsung a khangthah khanglui internet mangthei jousen a-phone u hihen computer hijong le thusim ho nomsel a akisim theiyuva kipa le lungmon na aneithei diu kidei najal a hung kibol ahi,
Thusim kiti hi namsung a ding a gou khat a inei thei diu jong akideiyin, asun hon phat le lungthim lut tah a ajih u ahitoh lhon a kholkhom a manchah jing ding. Thusim khanglui hihen khangthah a hijong le asang aja in akikoi diu hi akitup pipen tah khat ahi toh lhon a mipin jong thusim sun ho igel khoh diu ti hi angaicha tah khat ahi.

THUSIMBU WEBSITE AHUNG KISEMDOH DAN LE KUKI WRITER’S CLUB (KWC) HUNG KIPHUDOH DAN CHOMKIM

Namsunga khangdong thusim sun tampi aum tan ahi. Ahin thusim sunho hi atamjon amin mei mei, ti chu doi le tup neilouva sim ding mei meiya sun tampi aum tan ahi. Hiche ho chun thusim asun un, Social Media a aso chaiyuleh abei ji tan khonung khomaa ama dingleh namsunga aphat chomna ding aumpon ahi. Khanglui thusim tampi ineihou jong hitobanga akoina kitup ineilou jeh un amang tampi aume. Chule eihon imil tah jeh uvin namdang hon ithusim hou phalna beiyin akilah un, amaho pohdoh dana seijong tampi aumin ahi.

Achesa Pakai kum November lha chun Crosby Haokip in athusim jih ho kholtup ding adeisah jalin WordPress site mang chan athusim ho upload abol jin hichu ama changval bou ahijehin amasanga thusim sun masa ho: M Lalcha Haokip, TangpaMinneo, Puldou Chon, Boimang, Ginneo chule adang dang hotoh ahung kihoutoh dung juiyin, website khat sem utin thusim ineihou akhang khanga mang talou dingin koikhom ute, tin kinoptona ahin neiyun, Website langa thepna nei TC Baite toh kitho khomin “Thusimbu” website chu nisim 20, July, Pakai kum 2019 chun Kuki Writer’s Club(KWC) in KIC Complex, DHQ Tuibong a CSO lamkai chom chom ho pannan thusimbu website hondohna kin aneiyun ahi.

Hiche kin’ah Guest a pangho chu ahile:
Chief Guest
: Pu James Hangshing, SDO Singghat
Guest of Honour: Pu Daniel Gangte, Prez KIC(Boina aneijeh a hung lhathei lou)
Functional President: Pu Paojangam, V. President KKL-GHQ
Kithempu: Rev. Dr. Paotinthang Chongloi, Pastor KBC C/C Tuibong ahiuve.
Hiche nikho ma ma chun CSO lamkai, KIC, KSO CCPur chule adang danghon KWC hi thusim jih ho kiloikhomna ahi, ti hetpehna aneiyun ahi.
KWC in WhatsApp le Facebook group akineiyin bailam tah a “THUSIMBU.COM” tia muthei ahi. Chule Admin se se “Staff” tin akikiloikhom in ahi.

Previous articleGENTHEI KAHIJEH HINTE NA???
Next articleMIN KIVO, MIN KISUT LEH MIN KIKOU DAN HO HI DEI UM NASAH U HINAM