Kuki sung semphat na ding a hetlou va khoh phabep
PS Haokip
Phat masa lai chun Lajang khopi ah housa pu chanu nungah melhoi tah VENGDIM ana peng in; ahoi dan chu a gal teu gollhang ho jeng in jong ana vet vet jeng jiu ahi, akitin ahi.
Ienu uh Vengdim hi mi melhoi tah chuleh miching tah La bol jong athem a them ahi. Vannoi ja Love story phabep ‘Romeo and Juliet’ ki ti ho, or ‘Helen of Troy’ kiti ho thusim iesim jeng bang uh va nu Vengdim hi ama phat laija chu ahoi ana kithang a galmi/enemy ten jong hoi asah jal uhva ahung guh uh, ama jeh a akhou cheh lo, ama jeh a Thadou thusim hung umlo hitia chu thusim ngeitah ana semdoh lou ahi tai. Hiche khang a nungah melhoi nu VENGDIM toh kichen ding Thanom jeh a or, Vengdim kichu na a hi galhat te Poi te chuleh Lajang tolpi a gollhang minthang ho chuleh iepau Thalhun ana kitet uh ajo na a iepau Pu Thalhun ana chang kha ahi.
Amasa hin, Nu Vengdim ahoi chuleh aphat aki than2 tah jeh chun; Darlon kho a ahousa pau Ngente kiti pa ji ding in Poi gollhang galhat cheh ahung kilhengdoh tau vin, Humpi bang a mangang tah in thagum in nu Vengdim nungah hoi kithang thang nu hi ama nop leh da umlou va amet chom uh va ana poh mang uh ahi tai.
Hichu lainet pi jalla pute Songkip/Pumtu Lajang pan khosung gollhang ho tha atep ma asopi nu aga huhdoh uh ahi. Asopi nuuh Vengdim aga lahpeh niu hin pasal hat cheh mi 3 jong kahin that un ahi atiu ve. Hitobang tah a thagum atiu leh thagum ma asopi nu uh ienu Vengdim aga chudoh uh ahi.
Iepau Thalhun hi ienu masau Kimlhing achapa Thadou masa phahnat /leprosy a thi pa toh anucha lhon na athi jou lhon phat chun lunghel a avale le leh pu Pumtu te kho masapen Lajang khopi a aga jin lut tan ahi. Lajang kho lunghel ban na ding a aga jin maim ai vang chun nu Vengdim melhoi tah chu aga mudoh in adei behset in akichenpi tan ahi. Phat chomkhat pi akichen jou lhon chun Twins ahin nei lhon tan Kipgen & Haokip ahing lhon tan ahi.
Khonung a ie paneo uh Chongloi in a upa Thalhun hin mi ji alahpeh dan a agel jeh chun akichan, galhat te Poi, Darlon te pasal thum ma ana thau chu phula lou va umlou diu vin aging mon khatve tei Nu Vengdim ahung nung vil nikho ding agel leh asopi pa chung a chu diu atha tei diu agin mon ahi. A upa leh aji acha Lhungjang lam ah lepui jongleh Poi galhat ten akhothing a atha gam diu ahet jeh chun lungthim thuh tah agong tan ahi. Hiche a lungthim gon chu iepau ding a Jithah ie nu neo pen nuh Neilhing pu Neiseal te chanu Thihbu khat in Aleipeh e kiti ahi. Or, Aman in Thihbu khat apute kom ah akhum me kiti ahi. Hijeh chun Thadou hi khonung peh a peng Naocha or Sanglhum ienu uh athum chen na nu Neilhing cha ahi.
Iepaneu uh Chongloi pa kichat na bang chun phat khat hin Darlon Poi te chu nu Vengdim vil in ahung tau vin ahi. Nu Vengdim ahung vet nu leh Nu Vengdim in nao ana nei ta Kipgen leh Haokip ana um ta. Ngente Darlon Housa pa toh alupkhom sung lhon a hisap uhleh ama ho a hithei mong mong talou. Koi toh nao anei ham ti a apa or iepau Thalhun ahol uhleh Lhungjang ah jithah anei tai ti peh tau. Hiche phat hin Lajang kho chu mei jin ahal un a kho lam uh vah aki nungle tauve akitin ahi.
Hiche chun aphotchet chu Haokip & Kipgen hi mi upa or Thadou pen na nu Neilhing toh iepau akichen masang a ana peng ahi tai. Ti gollui ho thuchin ahi.
September lha 2017 kum hin President Songkip/Pumtu Organisation Pu Thangkholam Pumtu in Phungpi in PS Haokip hindong in eitin ahi. PS Haokip in tuni nikho a nasei chet ding chu napu teu nahet nah um? Napu teu koi ham eiti tai. Keiman kahe behset ne lhakhat or lhani jou teng nikhat kakom ma ka pute Pumtu te/ Songkip te 50 or 60 beh nahung diu keiman Ankong kasem ding; hiteng chuleh Thu kidong leh kidonbut iebol diu ahi. Hikom ma dinmun chang a iepi iesei ja koi in ei jahpeh lhon ding ham? Katin Pa Pathen aphan 21 November 2017 nikho chun keima inmun nah Vohchal Tuh 8 kathat in hiche nikho chun Aisan te jong hung Haokip sung a Doungul te gei jin ahung in Pute Pumtu te jong Organisation leh mi jong 60 val ahung un Thu kasei khom un, La kasei khom un, La kasa khom un kalam khom un anom lheh in ahi. Hiche nikho a Nu Vengdim la achin jing uh thusim ma mangmo a achin nu ahin pohdoh uh hi Pu Songkip/Pumtu te a sang Pu Doungel te a alhing sel in ahi. upa Doungel te in aniu Vengdim la achin nu ahin podoh un anoi ja hi ahi.
Chung a iesei bang un Poite ahung un Vengdim in cha nei ta, chuleh amaho a ahilou ahet phat chun Lajang khopi chu mei jin ahal un akinung le tau ve. Lajang khopi a khomi te a inn kihal ho chu India lam ah ahung jam gam tauve, atiu ve. Nu Vengdim house pa chanu hin khosung mite chu alhou vin ‘jam hih un iema thu um taponte’ ati vang in adalhau vin Housa insung themkhat bou a khosa tau vin ahi, akitin ahi. Nu Vengdim alung na behset in khosung mi ajam ho chu asam se tan ahi. La asem na ah muthei ahi. Vamim bang kithe cheh un atin hibang chun tunin athang deh un amin nu Pu Songkip te hi tunin Pumtu/Lhanghal/ Hanghal/Lupho/Lupheng/Misao chuleh Paite lah a um loi/Vaiphei lah a umloi/Simte lah a um loi hiti chun Pallel kom a Thonglang Lamkang kho jong khu pute Songkip te ahiu ve.
Nu Vengdim la;
Singsung min vangkho jin bang lhatan,
Vangkho sulnung kalel le,
Khumkhan ve nang, jingju aham me sohmol ah,
Mangthang vangkho kadot leh,
Thilam lhan tindal aging jin jen ne ka singsum min,
Tol Vamim bang in setlei lhah tauvin,
Kol tuhei pan in vailou kakon le palam thudol a lhaipin ei uo e.
Kajet a jal, ka vei ja jal, lhonlhi a kalonpi, kavanchoi min kalosah Songkip Kipgen, Chonghou Haokip kasah e.
Chungtoni vaipin po hen maban son cheng sihtui bangchan hunglong hen.
Pute keima inmun na ahung nikhou 21 November 2017 nikho hin amang talou ding in la khat kabol in ahi.
PUTE SONGKIP PUMTU TE LACHOINA:
By -PS Haokip
Ka penna kabullunmang, Leikotpa le Chassadpa,
Leldang thimthun anasang lou jen lhon’no;
Pute thimthu lel lung ngei tongin kanadon tai,
Pen’a toi shanglhum hijeng tajong leng.
2. Mimbang kapenna Pute Pumtupa venlainu,
Kachunnu min ngai Pi Vengdim ahi me;
Milni umponte kapenna kachunnu nunnom nu,
Kalaijon upa Kipgen toh kapen na.
3. Chung Pathen le Pute vangboh jal in,
Hamjang phatthei kachang jinguve Pute;
Chung Pathen in limsolang nahinkhu jing tauhen,
Dam lai jang pi-go bangin hungmang taovo.
4. Kumkhosot chang ang kikhenpisa pute,
Hungjing jin nia pan Pu Thalhun venngei cheng;
Pu Kipgen, Pu Haokip le Pu Thadou te cheng ho,
Lhanggam Sihtwinu bang longkhom tau te.
Hiche banjom hin 23 July 2018 kum chun Haokip te HPC te mapui nan Teising ah jing an in Bong akithau vin hiche nikho ma ma hin; a SANGONG chu Pute Pumtu pa Pu Lamsat kom ah Dahpi khat toh SANGONG aga sep tau vin ahi.
Hiche jou hin pangah Chongloi leh Hangsing in jong Pute Songkip/Pumtu te insung a Haokip leh Kipgen pen na nung tuni chen na aupa Thalhun bou aki pui doh a Haokip leh Kipgen chuleh anu lhon Vengdim adalhah a anung vil lou beh jeh chun Insung suhtheng na Pute Songkip/ Pumtu te kom Pu Lamkhosat Songkip pa inmun nah 22 August 2018 nikho chun aga nei tau vin ahi.
Aban in pute Songkip/ Pumtu ten loupi tah in LHALHO na kin ahin gong un mihem simsenlou ahin khom un Saihenjang pu Henkholun Doungel khomun ah nisim 29 August 2018 nikho chun Seal athat un KIPGEN pa chuleh HAOKIP pa LHALHO na kin anei piu vin mihem simsenlou akikhom ho ankong asokhom piu vin ahi.
Aban Kipgen te in upate Doungel te in nei Lhalho diu ahi tin ahin ngeh tau vin ahi. Hiche phat chun mi upate Doungel(Thitou) ten 2 October 2018 nikhon BIJANG, Churachandpur khopi ah Lhalho na kin akimang in kikhen in Ankong sokhom na mipin aki nei jin ahi.
Kuki te hi kicheh tah khankho neite iehi na jeh un; 2 August 2010 nikho chun Kholmun nah SATING kipeh to na kin ana kimang in ahi. Hiche ni chun Guite pan mi upa hinan Doungel pa Selpang asun in Doungel (Aisan) ten jong Seal TING apeu ve. Pengui a chu Songthu a kon abah khat chu Guite aban THITOU leh TOUHIN bah ni iehiu ve. Doungel te hin Thitou sung a mi upa pen ahi jeh in Thitou apoh uh ahi. Touhin sung a upa pen chu Kipgen ahi.
Hiti chun TOUHIN sung a upapen Kipgen pan a upa THITOU sung a upa Doungel te Sating in Dahpi khap ko khat ahin peu ve; chujou chun Haokip ten Sating in Dahpi Khap ko khat Kipgen TOUHIN pa ahin peu ve; aban pangah Chongloi ten Kipgen TOUHIN te Sating khel in Dahpi khat ape kit un ahi. Thadou te or (Sitlhou ten) jong TOUHIN a Sating pe leu kichai jeng ding ahi. Thilhethem lou phabep in Kuki Custom thei lou tuni a Thadou support bol ho bang a Thadou2 ti a asap jeh uh va Sitlhou pan Upa Kipgen pa tuni chen na Sating penom lou; hijeh a Kuki Society semphat chai theiliu a um jing ahi.
Tu masang jep chun, RECONS ti a group khat jong paisa a lakh a sim sumang in Kuki sung kito na ding dei nan alhai un ahi.
Kuki sung damthei na ding a iebonchau va thuchin je iethep diu, ki tosot je iethep diu, kingailut je iekihil diu angai jin ahi.
Source FB
*Forwarded Message*
