Part-3
Luncyno HK
6909559560(WhatsApp only)
Anasim pan taote;
Steve in hung gang o na dongmanu jong a inkoten anga lel dite atin awthong liu in gal akon apengin Daplew chula anuijat toh ajachat toh Tabitha agah vet le alungdong in Kei u ipi asei ham Steve khun,ima atilou pi atile akhut tah ape pih in naseilou le ka lha lou ding atin, Daplew chula aki pasal sah lheh vangin amaisan jengtan kasei dite neilhan atiphat in alha tan, gaal a kon Steve in aumchan lhon chu ave in aha nui dan ipi tot na kisem sangin nuijat na um lhonne, hung gang lhon in che tau hite atin ahung doh taove
Daplew inn alhun leh anun leitol a molkhat toh ana ngah ( chapa Changkhat ahijeh a anu hetlou a achedoh jeh ahe ) in hoi a nache ham sei tang atin adel lele tan, room sung a Daplew ajam lut in Henu kaloipa komma kache ahi,anun in jong tukal keihet lou a na che doh thei lou dihe atin ahil toh lunghang akop e ( eila kiki gollhang sah pan ta i inkoten chapanga eigel nalai vang nup lou ahe) phat ong anei seh leh Daplew in Tabitha komma alungset na thu asei jin,ama bou alungset a jat le nam kibang hih jongle lunglha lou a lungset na atu det jing ding in asei peh jin,Tabitha in jong ama bou alungset dan asei jin, midang toh nei kop hih o Kei u atin aki hou lim lai lhon chun Tabitha nun ahet doh phat in achanu chu an hon dingin akou in ahileh ama ni nup le da um lou in aki hou thei lhon tapoi
Lungset hinkho kum 1 ahin mang lhon tan aki lungset hin dan jong mite kilungset nasangin asang jon, ahin jat le nam paokhat tho khom lou te ahi jeh uvin akilungset lhon dan hejousen alunggim pi lheh uve, kicheng dingin aki tem lhon tan, vangset um tah in amani aki lungset lheh hin vangin insungmin aphat sah peh tapou vin,Daplew nun achapa komma boi eimi nungah mi hijat um a idea ipao kibah pi lou khat toh kingai nahim, phaten kigel in napan hin hedoh hen lang hile nanu kin ipi kasei pih ding ham,atin langkhat a Tabitha inkoten joukhat leh achanu u Daplew toh hung kicheng khante atiuvin aji ding ahol peh taove ti thu Tabitha in ajah chun an jong ane tapon, a inkoten iti ahou lim pi vang uvin Daplew tilou koima dang toh kicheng ponge,koima jong ka lungset thei poi atin akap liuve, aupa hi mikhoh ahijeh in anaonu chu avoh lon,Tabitha adammo doh kit tan, an jong aneh louna ni 2 lang ahi phat in atha abei tan, apat pat in Hospital a apui uve, hiche thu Steve in ajah phat chun Daplew kisei peh hen atin, a inn u ahung le Daplew pan a inn u alut sah ta pon, ajeh chu Steve jeh a Daplew le Tabitha kingai doh a ana gel jeh chule aki vop lhon ding jong adei lou ahite
Hapta khat lang Daplew le Tabitha aki hou kha lhon tapon ( nikhat i dongma toh iki hou lou le bon kihi thei lou a ) ajeh chu a inkote uvin phone jong achoi sah tapou vin, inn jong akhel thei lhon lou jeh in amani kikah a kihoumat na aum thei tapon,
Steve in aloipa angailut jeh in jankhat guhthim chan aloipa kom achen room kot olchan akiu in, Daplew hi mimeisan ahi jeh chun aki chan phatsot pi hong lou in aum kit tan, langkhat a agol pa chula alunghang dan Steve in Kei kahi bouve kot hung hong in agah tile Daplew in aloipa ahi ahet phat chun kot ahong in, Tabitha inkoten Tabitha ama toh akilungset jeh a abol genthei dan ho phatechan Steve in asei peh tan, Pasal ahi vangin Daplew ahung kap doh tan vangse aki salheh e
Nikhat Tabitha inn a kon ahung jam doh tan a inkoten hol na ding athei ta pon, phone ahin kipoh doh jeh chun a lungset pen Daplew phone abol le switch off ahi kit tan ajeh chu Daplew Nule Pan jong Tabitha insungmi te banga aki cheng lhon ding aphat sah lou jeh uva, achapa phone achoi sah pou vin,inn jong akhal sah lou u ahe, call vel 100 lang abol vangin switch off aki ti thou thou in chuphat in inn lang kinung le ding jong adet thei pon,che na ding la ahe pon lamlen dunga mingol bang in avah le len, jan teng jong le dukan mai ho pou a a imu jin aki ngaito jile vangse aki sa lheh jin, KUKI CHANU ANA HILE hitin genthei ponge atin aki lhaset ji e, Tabitha inkoten achanu u aholmo dan u Sangai Express a ahin post taovin hiche news chu Daplew in amu doh chun alhisoh in a lungset pen hol dingin inn a kon akipat doh tai
Daplew inn a kon ahung jam doh a pat anule pa lunggim aki pan kit tan, hinlah holna ding ahe chom lhon pon Steve kom ache lhon jong le Steve in ama ana bol na bang uvin a inn u alut sah tapon, hijeh chun aki hou thei tapou vin, hitia alunggim lhon phat in EimiTimes ,Sangai Express ho a achapa aholmo dan u ahin post uvin hinlah koiman amu dih poi,
vangphat um tah in Daplew in Waiting shed a alungsetpen mingol banga ana kijam chu amun akap in, angongkoi in,keinao nagenthei na kave jou poi tunia kon nagenthei lou dite, na u kei komma na um ding atin akipanading asei peh in alhamon e,
Tabitha chun kei u hinkho a din na ji dingin nei kipui tan ka genthei valle atin akap tan, Daplew in keinao lungneo hih o Jat le Nam kibah lou jeh in singsung min khen ding go jeng jongle kin vang nang nakhen ponge, Keinao kalim kamel hi nei ven nang puldou nan ka tahsan adou lel lheh tai, ibol a hibanga kan lungset nahim keinao nikhat iki hou loule bon kimong joujilou a phatsot pi kihou lou a i um lhon chu ka genthei dan, kanu le kapa in la Phone eichoi sah ta pon, inn jong kakhal thei talou, Sangai Express a na inkoten na holmo dan u ahin post kamu jeh a inn a kon nang hol dinga ka hung jam doh ahe, phone kan bol le chilou chula kei u atin, chi jeh a na phone hin call jong switch off ahe,keinao nei hetthem pih tang o na atin ahileh kei u kan hetthem nai, tun munkhat a che tate um sot pote ka inkoten eimu doh ule mi dang toh eiki chengsah dihe atiphat in ahung ki jam lhon tan ahi,
Kijam na ding mun ahet hin lou jeh chun aloipa Steve kom ache lhon in, thil um dan asei lhon leh aloipa in bai chutia kicheng dinga um nahi tah lhonleh atin a pulse sunga sum anei sun sun chu ahin pi tan tunilhah le na inkoten kei komma nahung hol tete ding u ahin um sot lhon tahih in,Moreh langa che lhon tan keiman inn langa aphat phat nan na inkote komma ana sei pih tange, atin ahung ki vailhah taove, moreh lang che dinga sum anei lhom hin jeh in Phai a MST bus in atou lhon tai, Khundengthabi checkpost ahin phah u chun Police tampi aum tan, Tabitha pa hi IPS ahi jeh a Tengnoupal SP pa phone abolla gari ahung jouse check ana bol uvin, kachanu namu UVA le ana sol doh hih uvin, tia ana kihou man tah jeh uvin police hon Bus sung chu ahin check pan taovin, Daplew chula adip chah toh Tabitha in kei u tua hila eini hi aki khen lhon ding ihi tan, hijong le nang teilou koima dang toh kicheng ponge atin aki tem tai, keinao ibola hibanga genthei ihi lhon tam, kan lungset lheh vangin bol thei la kanei pon, hijong leh nang teilou koima dang toh kicheng ponge atin aki tem kit tai, hitia ahung kivai lhah chai hin leh police khat in nunganu kamu tai atin ahung pengin chuphat in akomma um police dang ho ahung uvin Daplew leh Tabitha chu Bus a kon ahin kai lha taove, Tabitha chu car sunga apo doh taovin Daplew chu voh tan avo uvin lamlen komma adalha uve,
Hichan hin part-3 ana chai ute aban teng
Tabitha thidan Thusim ina ngai diu ahe
Kaki pah e lunglut tah a hin sim jouse chunga
