( Thilha hohi a phaloi jong umdan ahi)
Nui hiu heu in hiti hin ahin sei e….
Part 4 last episode
Heo ,nang injong nei lungset e ti ka he’n che kalval a kipa nadi kahe tapoi,ven solang molchung a chollha jongkhu eini unchan venom in ,thingna, jaan huithen nung heu heu in ahin mut ling vangkah ah em silsel a khume, ahin tiin ( hoilang thilha nungah kamthem ham😂)
Ahinla Heo, kalung noplou jep na khat kahin sei diham ahin ti’ n
Mangneu in, Ipi nalung nopmo na umham,keila ,vangam lhung kabang jeng in agah tin ,(dangoh thim in a seimo sasan🤭)
Ven,eini hi ,kibang jep lou ihi chu o,Nang chu na tahsa adam lai chan a na lhagau in na atoh theilou ahin ,nahinkho kichai phat leh na lhagao vangam a Pathen kom a chedi ahitan ,
Keiho kahiu leh,Leiset a kadam lai seuva kalhagao un anop nop a bol thei ding a power nei kahiuvin,leiset hi kei hogam ahi,leiset kichai phat leh keiho phat jong kichai di ahitai,
Kilungset ,kingai chu nang hobang bang a kanei thou u ahi,mihem leh lhagao kakop u ahi e,Pathien in keijong hi nangho bang a eina sem hileh ,kanomval e Heo 🙈 ,Na in a neipui thei di hihenlang na Nu na Pa leh na insung mite toh chengkhom thei hileng ,kanom in chechu keiho numei ho di a hitheilou ahi,nangho mi vangchu kakipui theiju,kaki chenpi theiju ahi,kakhou a jong nangho mi 1 le 2 a cheng a um tan,keiho mi akisoh taove,
Hiti a chu agah seileh Mangneo
(I mingol pauvin😄)
Kenjong kahinjui di ahi,nangtoh kikhen a Mihem hisang in ,nankom a um a Lhagao hii jong khoh kasa poi ,agahti laitah in Khomol langah Miho thom agah jatauvin Mangneo,mangneo…
ti a kikou thom toh dahpi gin toh a hung choh lha jeng tai,
Dahpi gin ajah phat in Nungah nu’ n anakol a sim in a umthei tapon ahi, akom uh ahin phat di phat uvin Nungah nun Mangneo mit chu agah jut in akhut in akai in ahileh,Bi Inn kom chakhat a um anahi tavin,in sung achun a lut un thip bep chan a um uvin ,inn mai lah dung a chun akhoteu ahung vah sao sao tauvin,hijong leh inn sung ah ahung lut pouvin ,kotphung ah ahung dah goh goh ivin a potkit pai ji taovin ahi, chomkhat jou in Mangneo nu ka thom ahinja tao in,”Mangboi hoi laija um nahim,hung doh o Boi na um na akon in ,nang na umlou leh iti hikho kaman ding uham ,nangbou chapa a hin kinei a, apuidoh na um u jongleh lungset tah in kachapa hi nei pekit uvo” ti a aka gin a jah phat un,Nungah nu chu amitlhi a va chut chut jeng tai,chephat chun Mangneo jah ah Henu kaa o ka thoh joupoi ,phat lemchang khat ah kimuto kit naite ,atiin Mangneo mit chu a gah jut in a dalha tai,khojong ana vah tan ,inn akon a chu ahung potdoh leh Khomol a Mongphung lentah jung pheng kah a um ana hi…
Chuphat in Heno Heno ti a mi kikou thom khat ahija tauvin ,adel tou uleh Mangneo anahitai,
Inn a apui uvin,khomipi ho munchom lang a Mangneo hol ho jong ahung lhung sao sao taovin ,
Amanjong a unchan ho jouse chu detail tah in mihokom a chun aseidoh tan ahileh ,kidang a sa thei lhehjeng uvin,midang thilha hon a puidoh hou khu a nam u se ham itileh ,ama pa chu anam a tui kit taget in,Nungah melhoitah khat in apuidoh thu asei toh anam jong perfume gim nam hit het chu a jah phat uvin kitoh asauvin , Pastor pan jong a lu asu dot dot jeng in ahi.
Mangneo chu akisil theng in Pastor pan Pathien komah ,tuban a chetobang a toh kit lou nading leh apui doh Nun jong Pathien lhagao a suhthien sa a ajabol nading in ataopeh in ,kho mipi hotoh vohcha khat a that uvin kipah tah in anekhom uve
Che a kon chun Mangneu injong amukha tapon gamleng a ache jong leh Nungah nujong a mutapon Sajong amoh kap thei tapoi,
Kum ni jouvin ,apute chanu Nungah melhoitah ,khat Boinu toh akicheng lhon taovin ,insung a nei le gou ,neh le chah lang leh nao lang avang a vangpha behseh pouvin ahi,
Kum 3 jou a nikhat loulang a amachang achena ah Nungah hoitahkhat Moupon,kichenna von a kivon khat akom ah kipah melpu tah in ahung ding in agah vet leh Nungah nu chu anahitan,seidi jong helouin kisonglel tah a umchu ahin muphatin, Nungah nun hiti hin ahin seitai,
” Heo, kisonglel hin in ,keijoh hi nangchung a kisonglel jo kahi,
Na jinei jong kana jan kakipah lhehjeng e, nakom a tuni a kahung hi a chaina ding ahitai,ven ,kavon hi ,keijong Pasal nei di kahitai,
Nachung ah lhaset na neocha jong kaneipoi ,nang jong kei chung ah lhase hih in o.
Phathien lhagau theng in asuh theng sa chu ei ni’ n iti isuhboh thei diham,
Chuleh Henu kaa o jong chu ka thoh joulou ahi
” Tu a kipat in Neile gou cha le nao ah hung vangpha taan o ”
Keijong vang eiboh in Heo,
Mangneu in jong mitlhi pum in
“Boi ,nangjong chale nao neile gou ah phattheiboh chang inlang hung dam selsel tan o…”
Ki lhalel tah in mitlhi long pum in kumsot a kimuto kit takou din aki lha taove….😭
Chejou a pat chun Mangneu te insung jong akhang hulhul jeng taovin ,Chanu Chapa melhoi tah tah jong a nei taovin ahi
Beita
—————-
Chethusim hi kahin phohkom ahin kijil na tobang a kahinjih mai mai ahi 😂 phat kaneilou jeh in kahin jih jom thei jipon ,asim jiuse chung ah ngaidam….
Kakipah e
S,Lien✍
