Home Thilha Thusim KOUBRU LANU(2)

KOUBRU LANU(2)

508
0

Episode 2


(Thilha jong hi a phaloi um thou dan ahi)

Khomol alhun phat in anung a thom um jong ahe tapoi…

In a ga lhun leh a inko ten kidang asa lheh uvin, a Nu’n ” Neo iti dan a nahung ilekit hita” ahin ti paijeng leh ama jong a nervous thim in ,a thil toh jouse chu ahin sei doh jengtan,chephat chun a Nun Pastor pa aga kou in Taona/suhthengna anei sah tai,

Mangneo in a thiltoh ho agel leh avainung tijat tan , a imu vah thhitapoi,
1am lah in ahung imu thei tan, Nungah melhoi tah hidi a kilom amai kitom khat in, He U tuni a chu na kichat em,ken lhasoh louva kahin chin jing ahi ,Khomol na lhun phat a kahin dalhah bep ahi , ahin tin,Mangneo jong ahung khangdoh in,amanglam ahi ahet phat in a nung a thomging a jah toh kol lah a lei ana kido hochu ahin gel doh in, kidang a sah toh,kitoh asah na toh ,kipa diham kichat diham jong hetaou in a ki gel khovah hel tai

Nini nithum jou in Mangneo jong gamvah mi ahijeh in gamleng in akisadoh kit tai,

Gamlha tah ah aga che in,hijongleh sa kapding mulou in ahung kile kit tan ahjleh khomol a hunglhun phat in Ngalchang tuh 6 khat in lampi a hin jui in agah kapleh lamlhang ah akisep lhuntan..

Akhojang un asakap chu aga pouvin,ama jong a ga che kit in, a khohou loikhat in, “Chepa hi kithopi nei hidi ahi,nai cha chan sa akap jing in, agam neiho(thilhaho) in a peh hitei inte” ti a akihou u a gah ja tan, nommo asa lhehjeng in,ajah jong acha lheh in ,guhthim in a umdan ho chu a ngaito tan ahileh, Sa a kap ding phat leh , Nungah nuigin tobang khat a jah ji chu ahin geldoh tan,ima sei lou in mikihou chu akijah mo sah tan ahi

Mangneo in jong sa akap thei ji ho min a sei chu nommo a san, gamleng di kisan a ga pot in inkom ah khojin a ngahdoh ji’n ahung kinung le ji in ahileh akhohou injong apot seh leh sa akap teitei ji lou ahet phat uvin ,avangpha mongmong dan in a gel ki tauvin ahi.

Hapta 3 lang hiti a a umjou in,nilhah khat chu gamleng ding in ahung kisadoh tai,gamleng in gamlhatah ah a chen ,avah lele jong leh sa thom mong mong a ja tapon a majong thachol tah in inlang ahin jon tan ahileh anunglang ah numei khat in ahin del hileh kilom tah in thom khat a ja tan, agah kihei a anung lang avet leh Nungah meihoisel khat in ahin nuisan hiuheu in,aman jong ,Koi nahim Boinu agah ti leh Nungah nu’n ,Sot a pat a ahin ching jing Koubru Police Sap pa chanu kahi ahin ti tai….

Previous articleKOUBRU LANU(1)
Next articleKOUBRU LANU(3)